حياة العزوبيه متعه ام عذاب

[ياريس]

السلام عليكم ورحمة الله وبركاتة

هناك بعض من الشباب والفتيات يحنون الى حياة العزوبيه بعد الزواج
يحنون الى الحريه .. يحنون الى اشياء كثيره لاحصر لها ... ولربما جعلو يبكون على تلك الايام ويتحسرون على ارتباطهم ... ولربما ايضا" اثنو غيرهم عن الاستعجال بالزواج ..


وفي المقابل نرى هناك الكثير منهم من يتمنى ان ينضم لعداد المتزوجين في اقرب فرصه
تسمح له ,,


فما السر بين هذا التناقض العجيب ؟؟

هل حياة العزوبيه افضل من الزواج ام الزواج افضل؟؟

لو خيروك بين الاثنين ايهما ستختار ؟؟

هل حياة العزوبيه متعه ام عذاب ؟؟


موضوع شد انتباهى واحببت ان نتناقش فيه
اريد رأيكم بكل صراحة 0​

 

[وردة غرداية]

يعطيك الصحة خويا على sujet...............


انا واحد الوقت كنت هابلة على الزواج...............بصح عندي بنات خالاتي انتاجي و كامل اتزوجو.............بصح دايما يقولولي اخطيك من الزواج كملي قرايتك......و اتمتعي بحياتك الزواج يجي يجي.............. و كسي نشوفهم ميزرين.و بسيف لا يخرجو من الدار...........نبدل راي...............انا نظن باللي حياة العزابية خير.............هذا راي انا........

 

[H@teM]

كي نجرب الزواج نردلك لخبر
​

 

[سماح4]

كل واحد وكيفاش كاين يكون عازب ومش عايش حياتو ما يحوس ما يتمتع بحياتو كي يتزوج يعوض هذا الشيء مع مرتو واما البنات كاين يكون باباها مزير عليها دافنها وكي تتزوج راجلها يحوس بيها ويخرجها ويهنيها وكاين العكس هذوك لي ماعندهمش الزهر في الزواج كاين تكون تقرا وحرة لباس بيها وكي يجي الراجل يدفنها حتى تكره حياتها وتعود تتمنى ترجع عازبة واما الرجال كاين لي يكون هواوي انتاع تحواس وعلاقات وغيرو كي يتزوج يحس بالضغط ويعود يتمنى يرجع حر يملا مش كامل كيفكيف........

 

[Moha le sage]

اهلا خويا ياريس ..ديما مواضيعك قصار و واقعيين ..خليهم كيما راهم ما تبدلش العقلية

يقلك الزواج اللي مش متزوج ما يعرف عليه والو .. واللي متزوج ما يقدر يقول عليه والو

الزواج يقدر يكون نعمة لا نقمة ...

الحرية مليحة صح تنقص بعد الزواج لان كاين شريك في هاذ لحياة ولا زم الشاب يولي راجل والطفلة تولي مرا بعدو ..

كاين لي حياتو كامل داها سوفرونص و عذاب ووحدانية .. و بعد الزواج يلقى مرا تقوم بيه وتحبو وتديرلو الجنة في طبسي .. راح هاذ الزواج يخليه يعيش في جنة بعدما كان يعيش في نار .. وكاين لي كان يعقب الوقت في الخرجات و يدراgي في بنات الناس وعايش صايع .. اكيد بعد الزواج راح يتخنق وراح يحس روحو مربوب مع هاذ المرا لي جابها

كاين اللي تكون عايشة حياة مرة في دارهم كل يوم الميناج والخدمة على خاوتها وزيد يماها ولا والديها متعبينها وما يخلوهاش تخرج ولا ضروفها مش ملاح ولا البلاصة اللي ساكنين فيهم عيانة ومن ورا الزواج تطيح في راجل يعيشها كبما الملكة ويعطيها الحب لي تحتاجو ..انا منقلكش يكون غني و يعيشها في قصر ولكن يمون على الاقل قدو قد روحو ويكون راجل معاها و يعيشها حياة ما شافتهاش و يعطيها حرية ما ضاقتهاتش وتكون هي مولاة الدار هاذ الخطرة و تعيش كيما تحب وتشتي

وكاينة لي تكون عايشة معززة مكرمة في دار ابويها ومن بعد الزواج راجلها يرجعها femme de ménage و ينسى حقوقها .. و تتمرمد مع الدار وبالاك مع الاولاد وهو مطيح عليها المسؤولية .. وهي ما تصيب تشكي ولا تبكي .. وتلوم زهرها لعوج اللي طيحها في راجل اظلم

الزواج واعر .. الواعر فيه انك متلقاش الانسان ربما لي يطيح على عقليتك .. ربي يصلح الامور

الارتباط مسؤولية صح بصح فيها حوايج بزاف ملاح .. بصح الوقت تاع ذرك واعر مفيهش لهنا ..

نطلبو من ربي حاجة وحدة الهناء و تبقية الستر نهار نتزوجو ...

خوك محمد

 

[صمت الذكريات]

اكيد لكن اظن ان الزواج بالنسبة للفتاة
هو سترة لها رغم كل ما ستصادفه في المستقبل