الوداع للجميع

الحالة
مغلق ولا يسمح بالمزيد من الردود.

rania 3asla

:: عضو مُتميز ::
إنضم
8 أوت 2009
المشاركات
530
نقاط التفاعل
0
النقاط
16
العمر
29
نحب نودع كل اعضاء اللمة وكل اصدقائي وخاصة رنيم الصمت و winrar اعز صديق نقولهم تمنيت نتعرف عليكم كتر وكتر مي الله غالب كيما راكم تشوفو في البساكرة راهم واحد مو ورا واحد يتحذفو وانا ما نستناش نتحذف نحب نقول للاعضاء والمشرفين ان شا الله تتعدل اللمة كي يخرجو البساكرة منها و نقولهم حنا ما نسكتوش على الحق و ما نموتوش كي نخرجوا من اللمة ونحب نقول لسي عبدو ما نخلوش بسكري في اللمة لخاطر كل بسكري مشكوك فيه ههههههه المهم ادا حبيتو ما تنقطعش صداقتنا ولي يحب يحكي معايا هادا الايميل rania1871@hotmail.fr و في أمان الله للجميع و ربي يتقبل صيامكم و يكمل عليكم الايامات الباقية بخير
 
نحترم قرارك ..لكن تمنيت ان اللمة يزيد عددها لا ينقص واحدا بعد الآخر
واحد بالحذف والآخر بالانسحاب

 
لا اختي رانيا ما لازمش نخرجو لاخاطر اللمه تاع الدزيريين كامل مهيش تاع سي مولا الكوستيم صح هو قاسنا وبلمفروض ما يعممش وزيد رانا نشوفو وش راه يصرا ادا واحد هدر بصح تسمحلي الادارة لاخاطر رانا نهدرو بادب وما كان حتى واحد قلل ادبو حتان يديرولنا هك
 
لا اختي رانيا ما لازمش نخرجو لاخاطر اللمه تاع الدزيريين كامل مهيش تاع سي مولا الكوستيم صح هو قاسنا وبلمفروض ما يعممش وزيد رانا نشوفو وش راه يصرا ادا واحد هدر بصح تسمحلي الادارة لاخاطر رانا نهدرو بادب وما كان حتى واحد قلل ادبو حتان يديرولنا هك
شكرا اختي مي انا ما نكملش في بلاصة يهدد فيها واحد وللا يسبني وللا يحدفني بلا ما يناقشني وللا يgيس ولاد بلادي شكرا على مرورك اختي نورتي مي انت علاش حدفولك عضوية الطفلة البسكرية
 
هههههههه يا حي على الغيرة
يا أختي خلي واحد كبير عليك يقولك شوفي الواحد يجي مع الحق وسي كن مع اخيك ظالما او مظلوما ولكن هنا مانش في حرب يا أختي كل واحد غلط يعتذر وكل واحد يسمح من حقو شوية وكل واحد يعرف واش يدير وهي فرات هدا لا يعني انك تنسحبي شوفي يا أختي الصغيرة اهل مكة أدرى بشعابها ونتوما كيما هاك رايح تخلقو عنصرية في اللمة راكي تشوفي نورمالمو الواحد يصلح مايفسد ولكن هدا ماشي تصرف شباب انا نتمنى انكم ترجعو لرشدكم ونتمنى انكم ماتديكم تاع وليد بلادي وبنت بلادي لان كل هدا مجرد تفاهات باسكو حنا كامل ولاد الجزائر
 
شكرا اختي مي انا ما نكملش في بلاصة يهدد فيها واحد وللا يسبني وللا يحدفني بلا ما يناقشني وللا يgيس ولاد بلادي شكرا على مرورك اختي نورتي مي انت علاش حدفولك عضوية الطفلة البسكرية
ما حدفونيش مي اللمة gع صرالها بروبلام كاين ناس راحتلهم عضويتهوم وكاين ناس راحتلهم مشاركاتهم يعني المنتدى كل تأثر
 
هههههههه يا حي على الغيرة
يا أختي خلي واحد كبير عليك يقولك شوفي الواحد يجي مع الحق وسي كن مع اخيك ظالما او مظلوما ولكن هنا مانش في حرب يا أختي كل واحد غلط يعتذر وكل واحد يسمح من حقو شوية وكل واحد يعرف واش يدير وهي فرات هدا لا يعني انك تنسحبي شوفي يا أختي الصغيرة اهل مكة أدرى بشعابها ونتوما كيما هاك رايح تخلقو عنصرية في اللمة راكي تشوفي نورمالمو الواحد يصلح مايفسد ولكن هدا ماشي تصرف شباب انا نتمنى انكم ترجعو لرشدكم ونتمنى انكم ماتديكم تاع وليد بلادي وبنت بلادي لان كل هدا مجرد تفاهات باسكو حنا كامل ولاد الجزائر
لالا يا خويا عاش من عرف قدره هادا وين حذفو سفيان و dida007 و arm والسسب ماعلاباليش وشيه انا ما يهمنيش درك السبب لي يهمني كلامهم كلام لالا قالمية وسي فلان و .....وانا مش من اهل مكة درك ونتمنى البساكرة كامل يخرجو بش ما تفسدش اللمة و:confused1:.. المهم شكرا خويا على مرورك
 
السلام عليكم

يا اختي ما تعطيش المسالة اكثر من حجمها و الله القضية ما تستاهلش باش نخسروا اخت كيما انت
cry.gif


رانا 9اع بسكريين و دزيريين و .... يا اختي لي فات على كلمة فات على روح

و انا يا لالا راني نعتذر بالنيابة غير ما تحرموناش منكم راه كل واحد فيكم عزيز علينا

desole.jpg
 
لالا يا خويا عاش من عرف قدره هادا وين حذفو سفيان و dida007 و arm والسسب ماعلاباليش وشيه انا ما يهمنيش درك السبب لي يهمني كلامهم كلام لالا قالمية وسي فلان و .....وانا مش من اهل مكة درك ونتمنى البساكرة كامل يخرجو بش ما تفسدش اللمة و:confused1:.. المهم شكرا خويا على مرورك
سي فري القدر تصنعيه لروحك ما يصنعوهلك الناس مي حاجة وحخرة الواحد يستعرف بالغلطة اوكي يا أختي وماشي كيما هاك داكور ونت دروك مام راكي تحرضي على التمرد وهدا يعاقب عليه القانون العسكري :eek:hmy::eek:hmy: هاكي أختي لازم الواحد يحكم عقلو وكامل قلنا رانا ولاد الجزاير ماشي بسكري وقالمي وتيارتي ووهراني وبليدي و و و و و لالا ماشي هاك لانو اذا بقى كل واحد يحكي مع ولاد بلادو سي بون وعلاش نتلاقو هنا وأختي الكريمة نقولك يليق يكون عندك شخصية و موقف اوكي ونتمنى توجور تفكرو غايا ماشي بمنطق تاع جابني النيف
 
السلام عليكم

يا اختي ما تعطيش المسالة اكثر من حجمها و الله القضية ما تستاهلش باش نخسروا اخت كيما انت
cry.gif


رانا 9اع بسكريين و دزيريين و .... يا اختي لي فات على كلمة فات على روح

و انا يا لالا راني نعتذر بالنيابة غير ما تحرموناش منكم راه كل واحد فيكم عزيز علينا

desole.jpg
شكرا شرفني مرورك و خوياانا صح مش محظوظة نروح ونخلي عضو كيما انت والله يا خويا ما عرفتش واش نقلك ربي يحفضك
 
حنونتي البساكرة ناس ملاح بزااااااف
نعرف منهم بزااااااااف
رجال ونسا الله يبارك عليهم
و هذي الفكرة تاع الحذف غير نحيها من بالك
على خاطر الادارة جامي تظلم
تحذف اللي دار حاجه
اللي يبقا ترونكيل مايديرولو والووووووو
وانا تاخذي بايي مدامك كونتي اصدقاء
تبقاي احسن
و كيما يقولو ناس بكري
اللي مكان في كرشو تبن علاش يخاف من النار
نتي مادرتي والو علاش تروحي
بقاي احسن حبيبتي
 
شكرا شرفني مرورك و خوياانا صح مش محظوظة نروح ونخلي عضو كيما انت والله يا خويا ما عرفتش واش نقلك ربي يحفضك


عفوا اختي
ربي يحفظنا أجمعين و للاشارة فقط انا اختك "أسمــــاء " و ليس اخ
Smiley-IPB-418.gif



amour-amitie-lfdpn-013.gif

 
رانيا علاه تروحي ...وزيد شكون قال البساكرة مهمش ملاح خيار الناس وهدا مهوش حل تروحوا حنا نسحقوكم...حنونة ان شاء الله تبقاي معانا رانا منفرطوش فيكم خمي مليح
 
ياعسولو مسولة غير اقعدى .....مكان والو غدوة يدوب التلج و يبان المرج ,,,راهى مخلطة هنا واحدمافهم حتى حاجة وين صح ووين خروطو .العضويات راهم يتغلقو و يعاودو يتحلو كاش بروبلام منعرف ...كيما قالولك ناس بسكرة ناس ملاح لوكان ماشى راكو فى منتدى منعرفوش مالا اقعدى هادا واش نقولك ...ختيتو
 
H@teM، تم حظره "حظر دائم". السبب: مخالفة القوانين
لا مش حق عليك ها الهدرة الاخت رانيا
 
H@teM، تم حظره "حظر دائم". السبب: مخالفة القوانين
رانيا علاه تروحي ...وزيد شكون قال البساكرة مهمش ملاح خيار الناس وهدا مهوش حل تروحوا حنا نسحقوكم...حنونة ان شاء الله تبقاي معانا رانا منفرطوش فيكم خمي مليح
شوفي ياالاخت حنا نعزوك ونقادروك انت وكامل اعضاء اللمة
بصح نضن معزة فايزة ليك وحدها اخدي برايها
 
رانيا علاه تروحي ...وزيد شكون قال البساكرة مهمش ملاح خيار الناس وهدا مهوش حل تروحوا حنا نسحقوكم...حنونة ان شاء الله تبقاي معانا رانا منفرطوش فيكم خمي مليح
والله يا اختي اثرتو فيا مي انا كنت مقرر الخروج قبل لانها قربت القراية مي ما كنتش متوقعة نخرج زعفانة وهادا شرف ليا انك رديتي على موضوعي
 
ياعسولو مسولة غير اقعدى .....مكان والو غدوة يدوب التلج و يبان المرج ,,,راهى مخلطة هنا واحدمافهم حتى حاجة وين صح ووين خروطو .العضويات راهم يتغلقو و يعاودو يتحلو كاش بروبلام منعرف ...كيما قالولك ناس بسكرة ناس ملاح لوكان ماشى راكو فى منتدى منعرفوش مالا اقعدى هادا واش نقولك ...ختيتو
الله كي نشوفك فمواضيعي نفرح يا حنونتي ربي يخليك اختي العالية
 
شوفي ياالاخت حنا نعزوك ونقادروك انت وكامل اعضاء اللمة
بصح نضن معزة فايزة ليك وحدها اخدي برايها
خويا والله كل عزاز عليا وانا نتشرف بيها فايزة وللا فوفا خير ومعزتها
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top