السلام وعليكم ورحمة الله تعالى وبركاته
خويا عبدو راك جبتلنا عضو عزيز بزاف بزاف فاللول نقدر نطلب الإعتدار قبل على خاطرش والله مانتبهت للموضوع غير من رسالة خاصة من عند عضو تاني هو عزيز عليا بزاف وهو لي نبهني على خاطرش مرات والله من كترت الردود على الأعضاء ماتصحليش دقيقة باش ندور فالأقسام نشوف كاش مواضيع جديدة وراه قالها خويا حمة عبيدو منين يكتب يعمر الصفحة ههههههههههههه
ماعليش خويا ربي يحفظك راني تبعت الحوار ملي بدى حتى لصفحة الأخيرة وقبل مانديرونجيك بسؤال ولا زوج نحب نقولك ربي يبارك فيك على الشهادة لي قلتها فيا ولي نعتبرها شرف لي قبل كل شيء
ندخلو فالموضوع ونقولك خويا حمة الله يبارك كامل الأعضاء يعزوك وهذا باين من خلال المشاركات تاع الأعضاء
ماهو إحساسك من هذا يعني من كسب قلوب الأعضاء إذا كان عليا أنا بلا مانقولك راك عارف
2 خويا حمة واش تقدر تقول فاللمة الجزائرية
3 دهبية راها قبلت ويقتاش نهار لكبير ههههههههههه
4 حمة تربى في باب الواد وراح لواد سوف هل تأقلمت بسرعة وكلنا نعرف بلي لواحد يتربى في مكان ويتحول لمكان أخر رايح أكيد تتغير عليه حوايج بزاف
مانكثرش عليك خويا حمة نكتفي بهذا على بالي مع رمضان والصيام وإذا كثرت رايح تضرب فيها طاس ماء ههههههههه ربي يحفظك وربي يخليك خويا تستاهل كل الخير وربي يفتح في وجهك كل بيبان الخير