واش رايح يتبدل الـ programme تاعكم مع الدخلة تاع لقرايا ؟

الحالة
مغلق ولا يسمح بالمزيد من الردود.

Moha le sage

:: عضو بارز ::
أحباب اللمة
إنضم
15 مارس 2009
المشاركات
8,136
نقاط التفاعل
3,556
النقاط
356
اهلا بيكم ... راني غايب عليكم ما تلوموش .. الميتيي الجديد


اولا مبروك علينا كامل كي ربحت ليكيب ناسيونال و ان شاء اللهى نتكاليفاو لللاكوب دي موند


جات الدخلة تاع القراية و خلاصة العطلة ..وسير الكثير منكم راح يتبدل الوقت تاعو .. و يتبدل البروقرام


الكثير فيكم اللي رايحين يختفيو بلا ما يفيقو بيهم بزاف من الناس .. و شحال من واحد راح و ولا بلاما تفيقو بيه ..شحال من عضو كي يكون في اللمة عندو 2000 صديق و كي يروح واحد ما يبعثلو ولا يتحير .. انا مثلا وقيل عندي 500 ولا اكثر صديق ..بصح كي نغيب كاينين وحد العشرين لي يتحيرو صح و يبعثو رسائل و يديرو مواضيع عليا وراهم يعرفو رواحهم

انا كون صبت نبعثلكم كامل ونتحير عليكم بصح الله غالب كل واحد وعقليتو ..

قبل ما تغيبو وفبل ما يتبدل البروقرام تاعكم قولولنا شكون لي رايح يتبدل الوقت تاع القعاد تاعو معانا في اللمة .. شكون لي مش رايح يزيد يكونيكتي ...شكون لي مناش راح نولو نشوفوه بزاف ... اوموان نتفكروه ونعرفو علاش غايب ووكتاه يولي


رانا خاوة .. واللي ما يسالش على خوه .. هوانسان اناني يدور يدور و تطيحو ليام و يعود يحوس على واحد يقولو صباح الخير .




saadane44.jpg






.
 
آخر تعديل:
slm mouh .
madou3 kima ..ih 3andek lhak dorka bezef li yetghaybou keyen li khadem w keyen li yakra ..........ana ani ghayba bezef hedou liyemet .......nchalah nhawel n3awedhom
ana nchalah baaac ya rabi nchalah
 
مشكور خويا نتايا صح راح تتحير علينا .بالنسبة ليا راح يتبدل الوقت نتاعي و بلاك منزيدش نكونيكتي خاطر انا راني السنة 2 ثانوي لازم نزير روحي شوية .مبصح ماتخممش خو راح نكونيكتي ولو مرة في الاسبوع باش برك نطمئن على حبابي في اللمة و سيرتو نتايا.
 
صح كيما قلت راح يتبدل الوقت كاامل و تتبدل صوالح بزاف في حياتنا
بالنسبة ليا راح نغيب لأنو القرايا راح تاخذ وقت كبير من وقتي
مي راح ندخل بالتأكيد ولكن منظنش كل يوم
يعطيك الصحة محمد
ربي يخليكــ
و ياريت انت ثانيك لوكان تحكيلنا واش راح ادير شويا
تقبل مرروي ...
 
اهلا خويا محمد ومبروك عليك الكوستيما الحمرة ومبروك علينا الكاليفيكاسيون ان شاء الله

ديما متفكرنا وحنا ثاني نتفكروك وعلابالك مليح بلي ديما نبعثلك نعرفك راجل واللي زيك مقطوعين

انا راني غايب ديجا خدام نطل ونروح توجور و راني طليت علة موضوعك و نقلك صح فطورك

وراني درتلو تقييم كيما تقول نتا خطراك موضوع يستاهل

خوك سمير

 
انا ملي كنت متواجدة دوما رايحة نولي نادرا ما اتواجد

العام هادا باك وراني رايحة ومانوليش حتى نكمل بصح مازال
 
اولا شكرا ولد بلادي على موضوعك ومرسي كي تحيرت علينا....ايه وكي متتحيرش علينا انت شكون رايح يتحير؟؟؟
نقلك انا عندي اصدقاء 25 ولا اكثر بقليل لكن اذا شفت واحد طالت غيبتو نرسل رسالة خاصة وراهم علابالهم بلي نتحير عليهم...انا رايح يتبدل البروقرام تاعي صح لكن ندخل للمة يوميا فالليل او المساء بصح مش كيما ضرك ...ضرك راني كبرت قدام الميكرو يا خويا...ايا يعطيك الصحة وصح فطورك
 
مرسي خويا محمد
مكانش واحد كيفك عقلية و تربية و ناس ملاح
انا الحق راني باك العام الجاي
و sur راني نولي مندخلش للمة ياسر
في العطل برك نجي نطل عليكم
و الله راهوا الاك البروبلام تاعي
 
علابالك انا راني نحوس على poli
ملي دخل رمضان و هي مكانش
توحشت الضحكة تاعها " ههههههههه"
 
السلام عليكم

مبروك عليك الميتيي الجديدة :001_cool:
و مبروك علينا.. البارح تقلبت.. ليكيب ناسيونال فرحونا :thumbup:

و بيانسور يتبدل البروقرام مع الدخلة تاع القرايا
المنوض تاع الصباح :blink:و الروطار و الطريق مغلوقة و الهم :cursing:

ان شاء الله نبقى ندخل يوميا في اللمة.. بصح في الليل برك :001_cool:

شكرا لك على موضوعك
و صحا فطورك.. و تقبل الله



 
كان هنا وراح
اي الصحة و الستيرة برك
 
اهلا بيك يا محمد.............غير انت يا ولد بلادي الي تتحير علينا
واش نقلك...أنا يتبدل التوقيت برك بصح الوقت هو هو
ما يتبدل فيه والو............ان شاء الله كل يوم نكوناكتي
وكل يوم ندخل للمة...........و نقلكم حاجة ماتخلعكمش لقراية بزاف
صح فطورك خويا
 
انا و الله حابة ندخل tjr للمة
بصح شوف وش قالولنا
القراية من 8 سا الى 12 سا
و من 13.30 الى 17.30 تاع العشية
وينوا الوقت ؟
زيد العبد يروح على 17.30 يحل الواجبات تاعوا
ربي يعيننا برك
 
سلام موح
انا تعودو تشوفوني غير في ويكاند جمعة وسبت نقرا في دوزيام جامعي ونظام داخلي
 
واش رايح نقولك اموح
خوك وحداني واحد مايسال عليه وراك عمبالك
:blushing:
فيما يخص اوقات القراية
ماشكيتش نزيد نضربها طلة هنا
القراية هي الصح
وكي العبد يهنا من الجانب هاداك يدخل يرتاح هنا ويسقسي على خاوتو و و و
لأنك لادخلتي لقراية رايح تتلاقا بأصدقاء جدد
ودير علاقات جديدة
ولكن هادا مايمنعكش انك تسنا ليامات لي عقتيها لهنا
مرسي خو
وادعي ربي يكملنا في قرايتنا ان شاء الله
 
واش رايح نقولك اموح


خوك وحداني واحد مايسال عليه وراك عمبالك
:blushing:
فيما يخص اوقات القراية
ماشكيتش نزيد نضربها طلة هنا
القراية هي الصح
وكي العبد يهنا من الجانب هاداك يدخل يرتاح هنا ويسقسي على خاوتو و و و
لأنك لادخلتي لقراية رايح تتلاقا بأصدقاء جدد
ودير علاقات جديدة
ولكن هادا مايمنعكش انك تسنا ليامات لي عقتيها لهنا
مرسي خو
وادعي ربي يكملنا في قرايتنا ان شاء الله


رانا عمبالنا لي يحب يقرى ميزيدش يضربها طلة هنا
مي مرة على مرة نطل عليهم في ال week end
ان شاء الله
 
slm mouh .
madou3 kima ..ih 3andek lhak dorka bezef li yetghaybou keyen li khadem w keyen li yakra ..........ana ani ghayba bezef hedou liyemet .......nchalah nhawel n3awedhom
ana nchalah baaac ya rabi nchalah


ahla ines chui ravi de ton passage ..3labali beli rah tghibi 3 la djal el bac .. ned3ilek rabi tjibih inchallah w tdirilna 3ers .. w rani metfakrek ma tkhafiche

salam

 
مشكور خويا نتايا صح راح تتحير علينا .بالنسبة ليا راح يتبدل الوقت نتاعي و بلاك منزيدش نكونيكتي خاطر انا راني السنة 2 ثانوي لازم نزير روحي شوية .مبصح ماتخممش خو راح نكونيكتي ولو مرة في الاسبوع باش برك نطمئن على حبابي في اللمة و سيرتو نتايا.

ربي يعاونك يا ندوش في قرايتك هذيك هي الصح .. و كي تقعدي اضربي طلة علينا رانا هنا في الميكرو ههههه انا طلي مليح ذرك تلقايني داخل لينيتي نسركل :laugh:

ربي يخليك ان شاء الله و كي تكونو بخير كامل هذيك هي
 
انا هذا العام عندي البكالوريا
ممنوع استعمال الكمبيوتر
 
بيانسور الوقت تاعي رايح يتبدل
تجي القراية تصمطلنا القعدة في اللمة هههه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top