الضيف التاسع في رمضان *9*

[آلاء هبة الرحمان]

راكي واجدة ولا مزال
​

لالا مزال ضك نروح نتفرج المسلسل و السهرة مانظنش ندخل عندنا ضياف منعرف الله أعلم
المهم صح فطوركم و صحوركم ​

 

[bouzanzan]

ههههههههههههههههه ايا ضحة افطورك وصحورك انا انمروح لدردشة الصوتية​

 

[ابو الفداء الجزائري]

السلام عليكم اختاه

اهلا وسهلا بيك

لي عودة بعد الافطار ان شاء الله
​

 

[** غزال الصحراء **]

يا هلى و مرحبا بأختنا العزيزة آلاء هبة الرحمان, ان شاء الل أقامة ممتعة و كثر الله من أمثالك تحياتي الخالصة إلى إجل قرب سلام .
​

 

[آلاء هبة الرحمان]

السلام عليكم اختاه


اهلا وسهلا بيك

لي عودة بعد الافطار ان شاء الله
​

و عليكم السلام و رحمة الله تعالى و بركاته

اهلا بيك

ان شاء الله ​

 

[آلاء هبة الرحمان]

يا هلى و مرحبا بأختنا العزيزة آلاء هبة الرحمان, ان شاء الل أقامة ممتعة و كثر الله من أمثالك تحياتي الخالصة إلى إجل قرب سلام .

​

تعيش اخي العزيز
جزاك الله ألف خير

​

 

[آلاء هبة الرحمان]

صـح فطوووركم يا الغاليين
صح رمضـــــانكم
سهـرة ممتعة
و الله خجلتوني بزاااااااف
كلمة شكر قليلة عليكم
صح صحوووركم
ليلة سعيدة
احلام سعيد
بالسلامة نتلاقاو غدا باذن الله

​

 

[silena samanta]

مرحبا بيك اختي الاء ونتمنالك سهرة ممتعة

 

[آلاء هبة الرحمان]

مرحبا بيك اختي الاء ونتمنالك سهرة ممتعة

تعيشي حنونتي

صح فطورك

​

 

[رفيف_ العلمة]

اسمحيلي بنت خالتي كان الأفضل انو انا اول من يرحب بيك بصح ماعليش

آلاء نتمنالك سهرة ممتعة مع الاعضاء الرائعين


تحياتي

​

 

[آلاء هبة الرحمان]

اسمحيلي بنت خالتي كان الأفضل انو انا اول من يرحب بيك بصح ماعليش​

آلاء نتمنالك سهرة ممتعة مع الاعضاء الرائعين​

تحياتي​

أهلا أهلا باغالية
ماعليش رفوفتي
المهم دخلتي و رحبتي بيا
تعيشي

​

 

[طيور الجنة21]

يــــــــــا الف أهلا وسهلا وسهلا بيك اختس العزسزة
انست وشرفت يا الغالية

ملاحظة صغيرة فقط ياريت يعدل الشريط
◄ كل يوم سهرة جديدة و ضيف جديد في ركن سهرة رمضانية , اليوم سهرتنا مع ضيفنا الثامن الأخ العزيز : bouzanzan

لان آلاء هبة الرحمن هي الضيف التاسع


نتمنالك آلاء سهرات ممتعة
وصح الفطور امبعد
​

تعيشي يا الغالية على هذا الترحيب الراااااااااائع
جزاك الله الف خير
و انت زادة حنونتي صح فطورك
نتلاقاو منبعد ان شاء الله

[/CENTER]

ان شاء الله لنا لقاء
​

راني جيتك اليوم ندير فيك حالة:yahoo::yahoo::yahoo:
ماتخافيش برك...هههههه
​

 

[طيور الجنة21]

آلاء حبيبتي قوليلي واش هي ألذ حاجة طبختيها ؟
​

 

[عازفة الاحزان]

سلام ألاء أنا حبيت كي تجي تقوليلي كيفاه كان أول يوم مدرسي
​

 

[marouane19]

السلام عليكم ورحمة الله وبركاته
اهلا وسهلا بيك اختي
صح رمضانك .. واش راكي لاباس ؟؟ ان شاء الله بخير
^^
واش عجبك قصاب ههه ؟
اسوء سنة دراسية في حياتك ؟
فريقك المفضل بعد البابية ؟
لاعبك المفضل ؟
لمادة ي تحبي تقرايها ؟
المادة لي تكرهيها؟؟
القسم المفضل عدك في اللمة ؟
تشاركي في المواضيع على اساس صاحب اموضوع ؟ او العنوان ؟ او حساب القوسطو ؟
عضو يلفت انتباهك ؟ يعني يشارك مليح
واش رايك في العضو مروان لي هو صاحب هده الاسئلة هه
ايا مانطولش عليك يا العلمية
ربي يوفقك في قرايتك ان شاء الله
اتهلاي في روحك وصح فطورك​

 

[آلاء هبة الرحمان]

آلاء حبيبتي قوليلي واش هي ألذ حاجة طبختيها ؟

​

أممممممممممم

ألذ حاجة طبختها هي البربوشة ~ الكسكس ~ مرة درتوا جاء يهببببل ماشي نشكر في روحي باه ماتقولوش حوحو يشكر في روحو ههههههههه​

 

[مغرورة بأنوثـتي]

صح رمضانك وصح فطورك ختي الاء كل عام ونتوما بخير
قوليلي غير كيفاش جاز عليك نهار اليوم { القراية .البرد.الصيام .....}
منبعد انشالله

 

[bouzanzan]

نتمنالك السعادة عارف البارح الاسئلة انتاوعي هربوك من اللمة نرجع نخدم شغلي ههههههههههه​

 

[آلاء هبة الرحمان]

سلام ألاء أنا حبيت كي تجي تقوليلي كيفاه كان أول يوم مدرسي

​

سلاااااااام
أهليييييييين
الصباح كان اول يوم ليا في الثانوية رحت على 9.00 تلاقيت مع كامل صحاباتي و حباباتي قعدنا نشايخوا راكي علاباليك وشراكي ؟؟ كيفاه عثبتي صيفك ؟؟ بحرت و لا ؟ شحال من عرس حضرتيه ؟؟ :001_tt2:
منبعد جاء مراقب يعيط على الاقسام مثال القسم الأول علمي يتفضلوا يروحوا التلاميذ حتى وصل للقسم نتاعي رحت منبعد طلعونا للأقسام خسارة انا في القسم نعرف غير واحدة برك صحبتي:blushing: قعدنا شوية تعرفنا على بعضانا في القسم منبعد جاء مراقب عين رئيس القسم و النائبين و عطانا التوزيع كتبناه و خرجنا من هاذيك و حنا في الساحة ندوروا و نشايخوا حتى 12 روحت
منبعد رجعت على 1.30 قالولنا روحو تروحوا و ماتزيدوش ترجعوا حتى وراء العيد :yahoo:
جيت روحت بدلت حوايجي و صليت الظهر و ضك جيت قعدت معاااكم:001_rolleyes:

​

 

[آلاء هبة الرحمان]

السلام عليكم ورحمة الله وبركاته ​

و عليكم السلام ورحمة الله تعالى و بركاته​

اهلا وسهلا بيك اختي
و اهلا بيك نورتنا
صح رمضانك .. واش راكي لاباس ؟؟ ان شاء الله بخير
^^
ايه الحمد لله و انت ؟؟
واش عجبك قصاب ههه ؟
ايه عجبتني بزاف لاخاطر قالولنا ماترجعوش تقراو حتى وراء العيد ههههه
اسوء سنة دراسية في حياتك ؟
السنة السادسة - السيزيام - لاخاطر بدلت المدرسة و بعدت على صحاباتي
فريقك المفضل بعد البابية ؟
اكيد البابية هي الاولى و الفريق الذي يليها الفريق الوطني
لاعبك المفضل ؟
زيـاني و كريسيانو رونالدو
لمادة ي تحبي تقرايها ؟
نحب المواد كامل نكره غير الفرنسية
المادة لي تكرهيها؟؟
الفرنسية:cursing:
القسم المفضل عدك في اللمة ؟
كامل يعجبوني خاطيني السياسة برك
تشاركي في المواضيع على اساس صاحب اموضوع ؟ او العنوان ؟ او حساب القوسطو ؟
كل مرة كيفاه بصح عادة العنوان اللي يجذبني
عضو يلفت انتباهك ؟ يعني يشارك مليح
كااااامل ماشاء الله عليكم
واش رايك في العضو مروان لي هو صاحب هده الاسئلة هه
عضو مميز عندو قيمة عزيز عليا لاخاطر هو خويا الغالي مواضيعه تحفة ردوده اروع
ايا مانطولش عليك يا العلمية
ربي يوفقك في قرايتك ان شاء الله
ان شاء الله أجمعين​

اتهلاي في روحك وصح فطورك
تعيش و انت زادة​

​