التعديل في القرار هو الحل

[visiteur]

السلام عليكم موضوع جديد يجب التكلم فيه لقد اضحي مشكل المازر حديث الكبير و الصغير و و صل بابنائنا الي الطرد من المؤسسة بسسبب الكم او الون او حتي عدم وجود هدا المئزر الدي هو ليس ب المشكل العويص الدي يسببه يترك ابنائنا الدراسة و ليكن اهتمامنا و تفكيرتا اكير من هدا لا ادري ان كان المئزر بطاقة التعريف الوطنية ام شهادة في التعليم العالي و هناك مشكل التوقيت حدث و لا حرج

 

[لحظة أمل]

فعلا حنا في عنابة وصل ثمن المآزر الى
150 الف يعني راه هباااااال نتاع الصح
يصح قالو مايش الزامية في الليسي نتاع خويا
وممكن مئزر ابيض حتى يتوفر المآزر الكحل
للاولاد والوردي للبنات والله اعلم
ماعرف منين خرجولنا بالحكاية هادي
​

 

[نجمة رجاص]

واش نقولك انا ماما سهرت مع الطابلية تاعي وما رقدتش باه تخيطهالي في ليلة الاحد
وسقامت 300 دج
بصح فالليسي تاعنا راهم مسهلين الامور اللي ما وجدتلوش او ماشراش دخلو بلي دون اكمام وكاينين اللي دخلو بلا بيهم مع انو الليسي تاعنا مشبوح بزاف بصح زعما مراعاة

 

[السوفي حمة]

فكرة توحيد اللباس واللون فكرة مليحة لكن المشكل انها فكرة فقط ، مكانش وراها فعل، لأن الوزارة كان لازم تنسق مع وزارات ومؤسسات أخرى لتوفير هذه المآزر
وعلى فكرة المنشور لم يحدد أن يكون المئزر بأكمام أو بدونه أو أي مواصفات أخرى، يعني حدد اللون برك.
حاجة أخرى وهي الوزير قال مسموح للتلاميذ والطلبة استعمال ألوان أخرة لغاية بعد العيد، وحسب ما نشوف ممكن يتراجعو على القرار ولو هذه السنة فقط لأنه سيخلق أزمة بين الأولياء والمؤسسات
​

 

[خالد دوح]

احنا هنا عندنا حاوزا تقريب نصف التلاميذ على كل المدارس طابلية وردي او زرقاء والا الدخول ممنوع

 

[السوفي حمة]

التعليمة الوزارية واضحة ممنوع طرد التلاميذ
وقبول أي لون إلى غاية ما بعد العيد
لكن الله غالب الشعب ياكل في بعضاه
​

 

[largo19]

هذه هي هستيريا بن بوزيد.. معروفة عليه الإرتجالية في القرارات .. و إصدار القوانين و إلغائها في و قت قياسي.. و كل هاذا لكي يغطي على الأزمة التي يعيشها التعليم في الجزائر.

 

[السوفي حمة]

كارثة التعليم في الجزائر
لها اسم واحد بن بوزيد
منذ السنة الدراسية 2003/2004 إلى اليوم والجزائر تشهد إصلاح في المنظومة التربوية وللأسف الحقيقة أن المنظومة دخلت للإنعاش
​

 

[largo19]

و نحن نرى الآن ما هي نتائج سياسات بن بوزيد على التعليم في الجزائر.. مستوى تحت الصفر بامتياز
بل و انعكس هذا حتى على مستوى التعليم العالي في الجزائر حيث تشير آخر دراسة إلى تقهقر الجامعات الجزائرية إلى المراتب الأخيرة في العالم من حيث المستوى و النتائج...
بل إن الشهادات الجزائرية أصبحت غير معترف بها لدى أغلب الشركات و المعاهد و الجامعات الأجنبية .. و هم يكذبون علينا بتضخيم النتائج تارة أو بتحديد نسبة الناجحين تارة أخرى . كما حدث في شهادة الباكالوريا أكثر من مرة ... و الله ..إن الوضع لفي درجة متقدمة من التعفن ...
ربي يستر

 

[BellojojO]

في بلادنا
لي يدير القرار ماعندوش علاقة بلي ينفد
الووور يا بن بوزيد كن جات عينك قرارك يتنفد كنتي سنيتي دي كونترا مع les usines

وبالنسبة ليتحساات زعمة يزيرو
يحبو القانون وش بيك

مي حناا ماطلبوش علينا في الليسي باسكو ماكنش

والزوالي مايعيشش في بلادناا 150طابلي ويييييييين رانا هادااا وين
​

 

[طيور الجنة21]

بن بوزيد يقدر غير على الشعب مسكين كي تعود الطابلية تاع الطابشير ب120 ألف الكسوة شحال تدير وزيد رمضان والعيد وخلي الباقي
​

 

[angel_fly]

حنا مازالو ما زيروناش على الطابليات قالولنا حتى ورا العيد

 

[angel_fly]

نقولك برك الله يسهل الامور على الزوالية برك

 

[N@riM@N]

ماعندي مانقول غيردارها بوزيد بينا انتاع الصح هاد لمره وخلااص
ربي يهديه​

 

[أبو عاتكة]

هي دائما عملية تزيين الواقع من الخارج وترك الحقيقة زوالواقع كما هو عليه

انا اقول كل ما يحصل هو تزييف وتغطية امام الدول والعالم على اننا شعب متحظر وتعليمنا متطور ومنظم مثل مئازرنا لا ادري كيف تكتب المهم وزير التعليم ارجو ان ينتهي به الحال في غرفة في مستشفى الامراض العقلية مثلما يعمل بالشعب واولياء التلاميذ والطلبة

ابن اخي يدرس في الثانية طلبو منه تسع كراريس مي هاذو مهابل 9 كراريس ! !!!

والمصيبة انهم يحملونها جميعا اربع مرات في اليوم لطفل لا يستطيع حتى جر سباطو .....

راه يطور في التعليم بالعكس جاي من الفوق وهابط ماشي من القاعدة وطالع على بيها متستغربوش تصرفات هاذا المهبول ربي يشفيه ولا يديه .​

 

[السوفي حمة]

هي دائما عملية تزيين الواقع من الخارج وترك الحقيقة زوالواقع كما هو عليه

انا اقول كل ما يحصل هو تزييف وتغطية امام الدول والعالم على اننا شعب متحظر وتعليمنا متطور ومنظم مثل مئازرنا لا ادري كيف تكتب المهم وزير التعليم ارجو ان ينتهي به الحال في غرفة في مستشفى الامراض العقلية مثلما يعمل بالشعب واولياء التلاميذ والطلبة

ابن اخي يدرس في الثانية طلبو منه تسع كراريس مي هاذو مهابل 9 كراريس ! !!!

والمصيبة انهم يحملونها جميعا اربع مرات في اليوم لطفل لا يستطيع حتى جر سباطو .....

راه يطور في التعليم بالعكس جاي من الفوق وهابط ماشي من القاعدة وطالع على بيها متستغربوش تصرفات هاذا المهبول ربي يشفيه ولا يديه .​

يا فريد متروحش للثانوي
أنا شفت تلميذ 4 ابتدائي
شرى 7 كراريس 64ص
كراس أعمال تطبيقية
كراس رسم
و 10 كتب
خمم معايا واش من صحة وقوة عند هذا الطفل باش يرفد هذا الكل ؟؟؟


​

 

[أبو عاتكة]

يا فريد متروحش للثانوي
أنا شفت تلميذ 4 ابتدائي
شرى 7 كراريس 64ص
كراس أعمال تطبيقية
كراس رسم
و 10 كتب
خمم معايا واش من صحة وقوة عند هذا الطفل باش يرفد هذا الكل ؟؟؟


​

ماشي الثناوي الثانية ابتدائي يا حما :blink:

 

[أبو عاتكة]

وفكرتني في الكتب حمل الاثقال من صغرو باه كيدوه للخدمة الوطنية يقدر يحمل الساكودو ومن بعد اللارمي يخرج يحمل قرع الغاز والحجر والبالا والبيوش​

 

[السوفي حمة]

وفكرتني في الكتب حمل الاثقال من صغرو باه كيدوه للخدمة الوطنية يقدر يحمل الساكودو ومن بعد اللارمي يخرج يحمل قرع الغاز والحجر والبالا والبيوش​

يعني الجزائري يعيش عمرو كامل في شقاء
من يوم يولد ويعاني واش يعاني في المستشفى من القابلات
إلى يوم الممات واستخراج الوثائق للدفن
​

 

[killua0555]

بلا منهدرو على اللون الى داروه مافيه مايتفسر ...نجوزو للحاجة كتر و حاجة الى تبين بلى راهم غير يديرو قرارات كى تلحق سومة تاع طابلية 80 رخيصة و 150 الى نورمال و معلاباليش قداش الغالية و زيد الادوات و الكتوب وين توصل منعرف و الى معندوش مسكين يرفد يدو ...فى الحق معرفولهاش هاد العام و منشكش يطبق بالاك حتى العام جاى بصح يبقى حاجة اللخرة الى تتصلح فى خربة التعليم تاع دوك صح صحوركم