مساعدة عاجلة

[asma1986]

هل التشاراك توضع فيه السكر في المقادير راني قريت في كتب كاين الي يدير وكاين لا واي الطرق احسن والقلاساج اعطوني وصفة قلاساج طري ويجي مليح وبكميات دقيقة راني دخت يا اخوات

 

[alai]

سلام انا نستعمل هدا القلاساج
في صحن حضري سكر قلاسي زيدي شوي لفاني وشمخي بلحليب وخلطي حتى تحصلي على قلاساج

 

[بسمة شوق]

السلام عليكم
نعم اختي انا استعمل السكر في عجينة التشاراك حوالي كاس سكر قلاص
بالنسبة للقلاصاج ماء زهر+سكر قلاص, 2 مغارف ماء زهر نضيف السكر بالتدريج ونزيد كمية الماء زهر حسب الحاجة و في الخير اضيف عصير حبة ليمون, هذا هو القلاصاج لي نستعملو طري ومايبسش

 

[حورية الجزائر]

القلاساج

سكر ناعم +بياض البيض+عصير ليمون للتخلص من رائحة البيض+اوعطر+قطرات من الزيت للحصول على طلاء لامع +ملون اذا كنتي حابة يكون ملون

او

سكر ناعم+ماء زهر +قطرات من الزيت+ملون اذا كنتي بحاجة لملون


وكنصيحة

جربيه على حبة حلوى فقط
اذا شفتيه منزلش كملي
واذا شفتيه بدا ينزل زيدي السكر الناعم
​

 

[lina11]

هل التشاراك توضع فيه السكر في المقادير راني قريت في كتب كاين الي يدير وكاين لا واي الطرق احسن والقلاساج اعطوني وصفة قلاساج طري ويجي مليح وبكميات دقيقة راني دخت يا اخوات

تشارك لوكان حابة تدييه مسكر ماكان لاه تديري لو سكر خاطرش رايحة تسكريه ويجي حلو
ولوكان حابة تديري عريان يعني تديري الكاوكاو من الفوق برك هذا لازم تديري لو سكر باه يجي حلو

بالنسبة للقلاصاج: بياض البيض ضربيه مليح حتى يولي كي الثلج من بعد زيدي لو بشوية شوية سكر قلاص وماء الزهر وزيدي لو 02مغارف زيت باه يلمع وضلي زيدي سكر حتى تتحصلي على خليط ماشي سائل ماشي قاسح وخذي حبة جربي فيها وبعينيك تعرفي ولا لازم تزيدي سكر قلاص ولا مليح فالأخير زيدي ملون ولاحابة يجي ملون​

أنا هذي هي الطريقة تاعي

 

[asma1986]

مشكووووووووووووورة ربي يخليك وصح رمضانك

 

[الاخت دلال]

السللام عليكم شوفي اختي التشاراك ما فيهش السكر في لابات او نعطيلك واحد اللقلاصاج رائع شوفي ديري 2 بياض بيض و كاس شاي تع زيت و كاس شاي تع عصير الليمون و 2 كيس تع سكر قللاص تخلطي في قصعة بيدك اوكولما تنقصي السكر امليح او ما ديريش با لباتوروعن تجربةانشاله تنجحي فيها

 

[asma1986]

مشكوووووووووورة بصح حابة كمية صغيرة مش 2اكياس

 

[ام حبيب]

السلام عليكم اختي تشاراك ميجيش فيه السكر بصح قلصاج روعة دري حليب وسكر رطب تحصلي علي قلصاج جربيه وردلي الخبر صح عيدكم

 

[nissma34]

كاين نوعين من التشاراك لمسكر و العريان لمسكر ديري غير 2 مغارف كبار سكر اما العريان ديري مقدار كاس موش مليان لمقدار متوسط

 

[lina18258]

مساء الخير
هادوا المقادير لي نستعملهم للتشاراك وكيجي يشهي صدقيني
4 عبار فرينة 1 عبر ليدام 2 حبات بيض كاملين 1.5 خمارة 2 لفاني ماء الزهر + شوي ماء دافيء عبر سكر قلاصي انا دائما نعمل هاد الوصفة ويجي طري ولديد
انشاء الله تنجحي فيه

 

[raidraid]

لماذا لا نضع بياض البيض في الحشو بالنسبة للتشاراك

 

[عاشقةSINAN]

شوفي أختي نعطيك طريقة قلاساج روعة أنا مجربتها خذي 700غ سكر قلاسي حطيه في حاجة غامقة وزيديولو فني و 2 مغارف عصير القارص وبياض حبة بيض و أخدميه مليح بيدك كيما نخدمو للغربية و أذا عاقد زيدي عصير القارص صدقيني يجيك روعة جربي شوية وشوفي واذا صلحلك ادعيلنا