بسبب المعاكسات....نبطل قرايتي ولا كيندير؟؟؟

عادة اللباس يكون عندو تأثير مباشر
أظن أنو اذا كنتي لابسة لباس اسلامي وشرعي
مايلفتش الانتباه
واحد ماراح يوقف في طريقكــــ
ولا يقلقكــــ
أخيرا نقولكــــــ ماتجعليش ناس نشوف فيهم حثالة المجتمع يأثروا فيكـــــ
أقراي وماتقيميش
​
 
ديري حجاب ضرك تتهناي
​
 
و ضرك مشكل راهي الطفلة لي تجنب الطفل و تخلييه هو لي يشوف معاها و يهدر معاها


الله يحسن الخاتمة
​
 
قال rokho:
ديري حجاب ضرك تتهناي

​
إضغط للتوسيع...



ما نظنش يا ختي بلي الحجاب هو لي راح يبعدك على عاذو لحوايج، الحجاب جامي كان الدليلي بلي الطفلة راهي متربية، الدليل تاع الصح هو أفعالها حتى لو كانت الطفلة ماشي محجبة.

معظم بنات الجامعة محجبات، ما تكذبوش على رواحطم قداه من خطرة شفتو وحدة محجبة معوجــة
هذا هو الواقع، الحــجاب ماهوش دليل على أخلاق الطفلة.


~~~Change We Need~~~​
 
السلام عليكم
ظاهرة سلبية وللاسف راهي متنشرة ي الجزائر
السبب هو نقص الايمان وربما انعدامه ..
اولا يجب الفتاة الخروج بحرم .. لكن لتعدر الامور وغيرها
لازم يكون اللباس محترم ومستور
المشية تكون معتدلة .. الاخلاق لازم يكونوا ملاح وغيرها
لانو ماشي الفتيات كامل يتعضرو للمضايقات هادو ..
في رايي كملي قرايتك مي القاي حل بنفسك
بدلي طريقة تعاملك مع الناس مثلااا
ماتمشيش وحدك امشي مع جماعة تاع بنات محترمة
ادا ماكنتيش متحجبة انصحك بالحجاب اختي ان شاء الله ربي يوفقك
ربي يهدينا كامل ان شاء الله
وبالتوفيق
 
يا حنونة كامل رانا نعانو من هاذي المشكل بصح ماشيعلاجالهم تحبسي لقراية لالا لازم تتحداي وتكملي قرايتك
 
كي تجي لتعريف الحجاب تلقاه بالاضافة الى ستر الجسم اخلاق
يعني ادا دارات الحجاب ان شاء الله تديرو على الصح حجاب ملتزم وعلى سنة امهات المسلمين
ماتقرانش حجاب هدا الوقت الي يعتبر ك غطاء للراس وانتهى
ان شاء الله الاخت ادا عادت غير متحجبة ربي يهديها وتتحجب وتلتزم في دينها
وربي مافيه غير الخير ..
يا خويا نرضي ربي ونارضيش العباد والا واش قال
خلي ناس يقولوا واش يقولوا المهم ربي سبحانو يرضى علينا

قال chemssou007:
ما نظنش يا ختي بلي الحجاب هو لي راح يبعدك على عاذو لحوايج، الحجاب جامي كان الدليلي بلي الطفلة راهي متربية، الدليل تاع الصح هو أفعالها حتى لو كانت الطفلة ماشي محجبة.

معظم بنات الجامعة محجبات، ما تكذبوش على رواحطم قداه من خطرة شفتو وحدة محجبة معوجــة
هذا هو الواقع، الحــجاب ماهوش دليل على أخلاق الطفلة.


~~~change we need~~~ [/center]
إضغط للتوسيع...
 
يااختى حطى عينيك فى ارض ولبسى حجاب يعنى جلباب

وان شاء الله يكون الى خير​
 
هبلتي تحبسي قرايتك على جالتهم عندك تعاودي هاد الهدرة
خطرة اخرى كي تكبري راهم هوما لي يوقفوا معاك و يصرفوا عليك و الله تندمي عليها
و المعاكسات اذا كانت هدرة برك ساهلة ما تديريش عليهم يلقى روحو راهو يهدر وحدو كي البغل و مبعد يحشم و يروح
​
 
انا نشوف العكس هوما كل ما يشوفو طفلة عاقلة وتسمطهم.......... يحبو ينطقوها بسيف.......وكي تولي فقفاقة وكل مايجي واحد تهدر معاه يدسروها وعلابالك في لافين واش يصرا...........
يا لطيف استر...........................
​
 
هذا المشكل عندو اسباب متعددة والامثلة كثيرة

مانيش حابا نفصل مي بصح كامل نعانيو منو
 
حبيبتي ماتبطليش قرايتك ردي بالك ولكن قبل ماتحوسي على الناس يخترموك انت ثاني لازم تحترمي نفسك اوليس كذلك
اذن ديري فيها سروال جين سيقارات وبودي مشبوح خلاص وأكريبي شعرك ورديلي بالخبر...ههههههههههه
​
 
حاجة عادية كامل البنات هكذا

مي برك الوحدة تعرف كيفاش تعمل معاهم برك

اهاه مايلي راكي دايرة حالة في تيارت؟؟​
 
يا ختي واش يسوى هاداك لي راه يعاكس في البنات قدام قرايتك والو
 
كون تبعي les comentaires هادم c bon ما تعشيش و كيما قال شمسو الطفلة كي تكون محترمة ناس كامل يحترموها حتى لي يحكي معاك يهدر باحترام
و انا نشوف الا بطلتي لقرايا ضعف شخصية
 
هذا هو حال اغلب الفتيات ماشي غير انت عزيزتي مي كي متقيميهمش والله يعياو ويسكتو
وتاني كي تكوني سيريوز واحد ميحاول يخلط فيك والله غير يخافوك نحكيلك قصة صراتلي
خطرة وحد الجان عندو حانوت في الطريق لي نمشي فيها كل ما نفوت عليه يقلي صباح الخير و مساء الخير انا جامي قيمتو مالا عيا وكره وحد النهار كان معا صاحبو كي جزت عليهم صاحبو قاسلي كلمة مالا قلو هداك الجان قلو اسمع هذي مكانلاه تخرب فيها ولا تهدر معاها هذي سيريوز بزاف
هذي عليك يا ختي كي تلعبيها سيريوز متقيمي حتى واحد مكانش لي يخرب فيك وخليهم يقولو متكبرة معليش​
 
نقولك حاجة اختي

بزاف من الدراري يديرو هكذا مع البنات

مي الطفلة كي ما تقيمهمش وما تردش عليهم

وتحترم روحها قع ما يزيدوش يهدرولها

فوتي اختي وراني عارفة رامي

ناس ملاح

وان شاء الله ربي يحلها

وقع ما تفرطيش في قرايتك
​
 
قال chemssou007:
ختي ما نيش شيخ راني مازلت jeune​


عمري عشرين سنة برك​

jamais واحد عيطلي عمـــو​

ربي يخليك​


~~~change we need~~~​
إضغط للتوسيع...
عمو كيراك كبير عليا واجب عليا نقادرك ولا كيفاه؟ههههههههههه​
 
قال x123:
سلام

ممممممم هنا كاين اسباب متل اللباس و الاخلاق و و و مرات مين البنت يعرفوها بلي مش محترمة يهبلوها​

بصح انا نعرف مايلي فور و عالقلة
لهادا نقلك واش ديري
حل اكيد​



ماتقيميش​
إضغط للتوسيع...
انا صراحة البلسة نبغي نلبس ماعلاباليش بالغاشي مي لبستي محترومة يعني نلبس سروال مع ليكات.....ونلبس على حساب راي أبي...
المشكلة كي مانقيمهومش هاذاك وين يزيدو يتحرشو عليا تسما لوكان مانضربش ولا نسب مانرتاحش...
ميرسي عالمرور عمو اكس واحد زوج تلاثة...حافيظ اسمك شعال طويل...​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom