كى لقيتوهم بنات حقرتوهم ياخى حالة

[killua0555]

سلام كامل اعضاء اللمة و صح فطوركم وصحوركم و عيدكم و بربى نجوزوه بصحة و هنا


اليوم جيت نهدر على حكاية حكاوهالى بصح وجعتنى فى قلبى سورتو كى صرات اليوم مع العواشير ياخى رانا فى رمضان
حكاية للوحد الناس عايشيين نورمال غير البروبلام هوما غير بنات و عايشيين مع جدهم و بنت خوهم الى الله يرحمو هاد البنات كل وحدةبخدمتها و حامديين ربى حتى يجى نهار يفيض عليهم زيقو حشاكم تاع جيران
حاجة اللولة يروحو يقولو للجيران مرا تروح للمرا وتهدر معاها غير وصلت بدات طير فيها و خرجتلها راجلها يهدر معاها ايماجينو واش قاللها قالها بلى مكاش رجال يحكمو فيكم و غلبتو شيخ
( اوو جات تقول على حقها و نتا تسبها بزيادة راجل تحقر مرا :cursingو مرا مسكينة جبدت روحها و بعدت و اليامات تفوت و زيقو يزيد يفيض حتى غرق الدار الحال مابقا عليه صبر راحت ليهم قالها امشى مشى من عندنا
ايماجينو حقرةهادى الشيخ يبكى يقولها يابنتى اسمحولى مقدرتش نعاونكم وهوما بنات مقدرو يديرو والو وعلاش لخطر خوهم ربى يرحمو
مالا هكدا كى لقيتوهم بنات تحقرو ياخى حالة

 

[●¦[ الــفـــارس ]¦●]

ياك كاين ربي كل واحد يدي حقو

و لي حقر حقر روحو برك

شكرا لك على الموضوع​

 

[killua0555]

ياك كاين ربي كل واحد يدي حقو ​

و لي حقر حقر روحو برك ​

شكرا لك على الموضوع​

عندك الحق ....سبحانو ربى يكون معاهم ....بلا مزية الشكر ليك على المرور

 

[Dr.CrAzY]

الحقرة مش من الشهامة ولا الرجولية
بالكــــ كون جا قدام راجل يوليـــــ كي النعجة
شكرا على الموضوع
ربيـــــــــــــ هدينا
​

 

[Moha le sage]

متخفيش تسنيم

ان الله يمهل ولا يهمل ........

ربي يفرج عليهم ان شاء الله ... لازم الصبر في دنيتنا هاذي


صح فطورك

 

[killua0555]

الحقرة مش من الشهامة ولا الرجولية

بالكــــ كون جا قدام راجل يوليـــــ كي النعجة
شكرا على الموضوع
ربيـــــــــــــ هدينا​

عندك الحق مى عبد يشوف بلعوج ...و لبروبلام حقر وليات و شيخ كبير لوكانجا معاهم راجل يبلع فمو
اميين ياربى
يعطيك الصحة على مرور

 

[maya31]

شفتي يا تسنيم وين لحقنا

بصراحة هذا ما ينتقالش عليه راجل الي يحقر النساء
زعما يحبو يبينو بلي هوما واعرين غير كي يسجاو يزقيو و يحقرو في النساء

ربي عمرو ما امرنا بالظلم و ما يحبوش مي
هاكي تشوفي

ربي يجيب لمرتو كيما دار للهاديك البنت

ايا سالي تسنيم و صحا صحورك
​

 

[killua0555]

متخفيش تسنيم

ان الله يمهل ولا يهمل ........

ربي يفرج عليهم ان شاء الله ... لازم الصبر في دنيتنا هاذي


صح فطورك

سبحانو ربى يجيبلهم حقهم ...الله يسلمك يعطيك الصحة على المرور

 

[Ninja_09]

شحال يصدمني موقف كيما هذا ختي...يعني البنت والله نورمالموا متتقاسش بكلمة خاطر بنت ضعيفة ونبينا وصى على النساء بصفة عامة ...يجي واحد من هيه بقلة ادب يعاايب طفلة تجري باش تخدم خدمة رجالة محتومة وهي المشكل اللي روقاار.
تبالي موش راجل خاطر نورمالمو يقوم بجيرانوا كي عادو بنااات
ربي يسهلهم الناس الملاح اللي يقوم بيهم​

 

[[ايمآن]]

ربي يفرج وهذا اختبار ليهم في زوج يتوكلو على ربي برك والله غير غاظوني
شكرا على الالتفاتة كيلواااا

 

[killua0555]

شفتي يا تسنيم وين لحقنا ​

بصراحة هذا ما ينتقالش عليه راجل الي يحقر النساء
زعما يحبو يبينو بلي هوما واعرين غير كي يسجاو يزقيو و يحقرو في النساء ​

ربي عمرو ما امرنا بالظلم و ما يحبوش مي
هاكي تشوفي​

ربي يجيب لمرتو كيما دار للهاديك البنت​

ايا سالي تسنيم و صحا صحورك​

تما ال ى مخى حبس و بزيادة نيماجينى واش راهم مقاسين على جال هوما بنات برك ياخى حنا تانى بنات من غدوة تتحقرى على جال نتى طفلة يبين رجلة كى حقرهم بصح ربى كاين و كيما قلتى كما تدين تدان ربى يكون معاهم

 

[largo19]

لا حول و لا قوة إلا بالله .. قانون الغابة رجع عادي في الجزاير.... ربي يستر برك

 

[الأستاذ مصطفى]

واشنو هاذااااااااااااااااااااا ري يستر
هايليك هند و شروق و سارة بطابلية بيضة و هاوليك نبيل بالطابلية زرقة

 

[حجابى شرفى]

لى عندوا ربى قاع مايخافش وبعد الشدة ياتى الفرج ونهار لينا ونهارعلينا ولى خلق مايضيع وهدا الموقف كان مؤثر ياسررررررررررررررررررررررررر

 

[belgacem39]

كاين ربي اختي تنسيم وهادي ترجع عليهم هوما

ربي سبحانو اذا حب عبدو يبتليه وهوما لبنات

بلاك راه ربي حابهم يصبرو برك

ان بعد العسر يسر

ربي افرج عليهم قريبا ان شاء الله

ربي ينتقم من الضلام

تقبلي مروري

 

[hind*alg-]

ربي يعاونهم نشاء الله

 

[مريم خالد]

شعب الجزائر كله حقر
بنساء برجال ​

 

[الظل الطويل]

***و الله يا اختي مشي مجال كي ولوا بنات
الجار راهو قال عليه الرسول صلى الله عليه وسلم
ادا طحت بجار معيب والعياد بالله سوا كنت راجل ولا مرا راح يعييك ويدير نفس لي دارو مع هديك المرا
كي تلقي جار مليح غير احمدي ربي و عاوديها
الجار قبل الدار

******
تحياتي ليكـ..***
​

 

[** غزال الصحراء **]

و الله هذا ما فيهش ريحة الرجلة , الطفلة حتى تولي عندها الراجل لي يحميها و ما تحقرهاش و لا يا كي تكون ما عندهاش ,, و كيفاش الكارتي تاعهم ما فيهش الرجالة و لا ما يقدروش يشكو لابوليس ؟ ما فهمتش انا يعني سمحو في رواحهم هكا .
​

 

[D aucun]

هدا يسموه الرخص وربي يخلص و الله وجيت تم نننننننننن.......
حيوان