غيرة الصديق.......وغيرة الحبيب......الى أين؟

الحالة
مغلق ولا يسمح بالمزيد من الردود.

سماح4

:: عضو بارز ::
أحباب اللمة
إنضم
16 أوت 2009
المشاركات
3,189
نقاط التفاعل
108
النقاط
164
العمر
41
محل الإقامة
الجلفة.
الجنس
أنثى
السلام عليكم :
اليوم حبيت نهدر على موضوع كامل تعرفوه ،وهو الغيرة ....نعرفوا انوا الغيرة انواع كاين غيرة مرضية وكاين غيرة عادية نورمال....وهي أنواع ثان كاين غيرة من طرف ناس تعرفهم أو من صديق نعم ماتتخلعوش كاين غيرة بين اعز الاصدقاء ....وهذي عن تجربة شخصية يكون هذا الانسان تعرفو من 8 سنين ولا10 سنين تقول تفرقكم غير الموت وبمجرد انو تتغير حياة واحد منهم اي انو ينجح في حاجة في دراستوا ولا تزيد عليه حاجة يتبدل عليه صديقوا هذاك الي كان ما يفرقهم والوا ويولي يجبد منو وما يحبوش ولا حتى يبدا يتحول لعدو ليه ويولي يكرهوا ...ايه يكرهوا....
اما الغيرة الثانية هي غيرة انتاع لحبيب ، هذي غيرة شابة الكل يحس روحو محبوب عند حبيبوا كي يبدا يغير عليه وهذا من الجنسين ...لكن اذا تعدات هذي الاخيرة الحدود....وولات غيرة انتاع شك تولي غيرة مرضية ومدمرة ......فالمرأة كي تغير يقلك تكره الراجل وهو اذا غار عليها يكره نفسو ويحس بقيمتو طاحت ... والفرق بين الحب والغيرة هو انو الحب يولد الغيرة والغيرة الزايدة تقتل الحب...
والشك يدمر العلاقة كاملة...........
أنا هدرت بزاف على الغيرة ودوختكم على بالي كاين الي قرا سطر وراه خرج من الصفحة.... بصح الي بالوا طويل مع سموحة يحكيلي ويقلي رأيوا في الغيرة ما بين الحبيب وحبيبتوا اذا كان واحد منهم ناجح في حياتوا..........بعبارة اخرى غيرة الرجل من المرأة الناجحة والي هي حبيبتوا أو الزوجة انتاعو.........واش رايكم فيها.
أنتظر ردودكم وتفاعلكم مع موضوعي
 
ادا كان يغير من حبيبتو يسما ما يحبهاش خاطر جامي تلقاي واحد يحب وحدة يغير منها خاطر ناجحة ادا كان يحبها صح ما يغرش منها بلعكس يتمنالها يزيد النجاح تعها صح الغيرة ادا كان يخاف عليها ما يحبش واحد يدورلو بيها هادي غيرة صح ومقبولو وتسما غيرة حب بصح الغيرة لخرى ما هيش مقبولة خلاص
 
عندك الحق بصح كاين منها انو تشفيه تقول يقتل روحو على جالها ويحبها بصح كي توصل لحكاية العمل ولا المنصب تلقايه يتبدل ويولي واحداخر...............شكرا ليك رأيك واضح ومنطقي ..بارك الله فيك.
 
كاين فرق بين واحد يغير على حبيبتو وواحد يغير من حبيبتو اذا كان يغير عليها هذي مليحة لكن في حدود اما اذا يغير منها.....هذي غيرة سلبية تسبب غير المشاكل والكره بين الطرفين...شكرا على الموضوع
 
كاين فرق بين واحد يغير على حبيبتو وواحد يغير من حبيبتو اذا كان يغير عليها هذي مليحة لكن في حدود اما اذا يغير منها.....هذي غيرة سلبية تسبب غير المشاكل والكره بين الطرفين...شكرا على الموضوع

بارك الله فيك ...أختي شكرا...
 
وفيكي بركة اختي العفو واجبي
 
*** هههههههه وش نقلك اختي دوختيني
انتي تقصدي ان نغير من حبيبتي؟؟؟؟
ادا كنت نحبها جامي والى نغير منها
و من ناحية نغير عليها فأنا غيور و منحبش نشوفها تحكي حتى مع خيالها هههه

و عجبتني زوج كلمات قلتيهم :

الحب يولد الغيرة والغيرة الزايدة تقتل الحب
كلش في الحدود نتاعو ادا زايد الشيء عن حده انقلب الى ضده يعني الغيرة قاتلة في بعض الاحيان..

تحياتي ليك وتقبلي مروريـ..***

 
*** هههههههه وش نقلك اختي دوختيني

انتي تقصدي ان نغير من حبيبتي؟؟؟؟
ادا كنت نحبها جامي والى نغير منها
و من ناحية نغير عليها فأنا غيور و منحبش نشوفها تحكي حتى مع خيالها هههه

و عجبتني زوج كلمات قلتيهم :

الحب يولد الغيرة والغيرة الزايدة تقتل الحب
كلش في الحدود نتاعو ادا زايد الشيء عن حده انقلب الى ضده يعني الغيرة قاتلة في بعض الاحيان..

تحياتي ليك وتقبلي مروريـ..***

شكرا ليك اخي والله مشاركتك أسعدتني عندك الحق....لكن الموضوع الي طرحتو من الواقع مش خيال .......
 
انا نعرف الراجل كي يغير من حبيبتو يتمنلها غير الخير ويفرح كي يشوفها تفرح

اما يغير منها خطراك ناجحة مشكيتش كان يحبها صح

شكرا على الموضوع واتمنى ان تتقبلي مروري
 
اهلا سموحة ..هذا موضوع يعانو من الشباب بالخصوص لانو مرحلة مهمة تحتاج اثباتات النجاح في الحياة واللي فاشل ديمة ينقص و يخفض من مستوى الناجح اذا كان مقدرش يعرقلوااا. وهذا كامل بسبب الغيرة.
الغيرة على الحبيب مليحة و قلتي كاينة امثلة في الواقع رح نقلك لازم تكون كاينة خاطر الناس ميش كيف كيف و اللي يبين روحوا حاجة قدام خطيبتوا سيرتوا اذا كانت ناجحة وخدامة و يبان على الحقيقة بعد الزواج تأكدي رح يحاول يفشلها بكل الوسائل. طبعا لانو غااير منها.
والعكس الفتات اذا لقات الشاب محبو ب لانو متوفرة فيه الصفات اللي عليها الناس تحبو رح تغير ويدخلها الوسواس اذا كانت تزوجت بيه.
يعني غيرة مرضية كيما قلتي.

باش تصفي الامور والغيرة تكون في حدود هي الكونفيونس في المرأة اللي تخيرها لانو الثقة في الحبيب رح تقتلنا الغيرة والسلام
 
غيرة الصديق انانية
وغيرة الحبيب حب اكبر

والغيرة مش دايما سلبية يعني ممكن يغير منها
في الخدمة الراجل ديما يحب يكون خير من مرتو
باش تبقى ديما هي لي تحتاجلو وتعوّل عليعذه في كلش
ةوعلاهادي يقولو ادا احب الرجل مراة اقل مستوى منه
رفعها اي مستواه وادا احبت المراة رجل اقل مستوى منها
نزلت هي الى مستواه لانه جزء من رجولتو انه بكون اقوى
في كلش
والكلمة كلمتو
 
انا نعرف الراجل كي يغير من حبيبتو يتمنلها غير الخير ويفرح كي يشوفها تفرح

اما يغير منها خطراك ناجحة مشكيتش كان يحبها صح

شكرا على الموضوع واتمنى ان تتقبلي مروري

شكرا ليك اعتدال وشكرا على رايك الجميل
 
اهلا سموحة ..هذا موضوع يعانو من الشباب بالخصوص لانو مرحلة مهمة تحتاج اثباتات النجاح في الحياة واللي فاشل ديمة ينقص و يخفض من مستوى الناجح اذا كان مقدرش يعرقلوااا. وهذا كامل بسبب الغيرة.

الغيرة على الحبيب مليحة و قلتي كاينة امثلة في الواقع رح نقلك لازم تكون كاينة خاطر الناس ميش كيف كيف و اللي يبين روحوا حاجة قدام خطيبتوا سيرتوا اذا كانت ناجحة وخدامة و يبان على الحقيقة بعد الزواج تأكدي رح يحاول يفشلها بكل الوسائل. طبعا لانو غااير منها.
والعكس الفتات اذا لقات الشاب محبو ب لانو متوفرة فيه الصفات اللي عليها الناس تحبو رح تغير ويدخلها الوسواس اذا كانت تزوجت بيه.
يعني غيرة مرضية كيما قلتي.


باش تصفي الامور والغيرة تكون في حدود هي الكونفيونس في المرأة اللي تخيرها لانو الثقة في الحبيب رح تقتلنا الغيرة والسلام


راك دخلت ...راني روطار....والله يامالك غير راك فهمت موضوعي مليح يعطيك الصحة.
 
السلام عليكم

حبيت نقولك أختي انو طرحك مليح بزاف و اعطيك الصحة عليه

اما بالنسبة للقضية التي طرحتها اي ان الرجل يغار من المرأة لا يغار منها فأظن أنها مرض نفسي انا نعرف انو المرأة تغار من المرأة والراجل يغار من نتاجو ماشي العكس

والله اعلم

وانا شخصيا اؤمن بهذه العبارة لا غير
19%5B1%5D.jpg



http://www.***********/up/uploads/061a03fa71.gif
 
غيرة الصديق انانية

وغيرة الحبيب حب اكبر

والغيرة مش دايما سلبية يعني ممكن يغير منها
في الخدمة الراجل ديما يحب يكون خير من مرتو
باش تبقى ديما هي لي تحتاجلو وتعوّل عليعذه في كلش
ةوعلاهادي يقولو ادا احب الرجل مراة اقل مستوى منه
رفعها اي مستواه وادا احبت المراة رجل اقل مستوى منها
نزلت هي الى مستواه لانه جزء من رجولتو انه بكون اقوى
في كلش والكلمة كلمتو

شكرا ليك أختي والله عندك الحق كلامك معقول ...ويبقى موضوع فيه أراء مختلفة.
 
السلام عليكم


حبيت نقولك أختي انو طرحك مليح بزاف و اعطيك الصحة عليه

اما بالنسبة للقضية التي طرحتها اي ان الرجل يغار من المرأة لا يغار منها فأظن أنها مرض نفسي انا نعرف انو المرأة تغار من المرأة والراجل يغار من نتاجو ماشي العكس

والله اعلم

وانا شخصيا اؤمن بهذه العبارة لا غير



http://www.***********/up/uploads/061a03fa71.gif
شكرا ليك اختي على رايك .... و تيبقى الأراء كثيرة ومتنوعة
 
بالطبع اكيد كل على حسب رايه ولكل تفكيره الخاص

لكن سماح السؤال الآن موجه اليك ياك ماعطيتيناش رايك

مارايك انت في هذه القضية؟؟؟
 
بالطبع اكيد كل على حسب رايه ولكل تفكيره الخاص


لكن سماح السؤال الآن موجه اليك ياك ماعطيتيناش رايك

مارايك انت في هذه القضية؟؟؟

اختي أنا كتبت الموضوع يعني هذا جزء من رايي الشخصي...غيرة الصداقة جربتها شخصيا كنت نعرف وحدة ونحبو بعض ما يفرقنا والوا والحمد لله لحد الساعة ماغلطتش معاها بكلمة صدقيني بمجرد انو تغيرت حياتي للافضل تبدلت عليا كامل وقاطعتني...ومافرحتليش....................
أما غيرة الحبيب او الزوج من نجاح زوجتو هذا راي شفتو فالواقع ما جربتوش لكن انا مؤمنة بيه .
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top