يقولو الفرق بينا و بينهم نقطة.. قولولي قد منها النقطة هادي!!!!

[aMiNa-K]

مرحبا خويا عبيدو

ربي يخليك ختي أمينة وربي ينورك ​

والله غير عندك الحق رانا وصلنا لمرحلة وين تقدري تقولي رانا طفيليات فوق الأرض
ولا ولينا كارثة على الكرةالأرضية عايشين كي الدبان بلا كراء كيما يقولو
لفهامة بزاف والخدمة ربي يجيب

ايعيشك خويا عبيدو

قد ماراه يزيد بينا الحال رانا نزيدو اكثر و اكثر..الله يصلح احوالنا برك

يتسمى أنت بالسوكسي ومازال راكي تتشرطي مليحة هذي
وزيد دعوة الشر معاها واش تساليني يابن عمي هههههه

ههههههههه
نسالك الورقة هاديك مازال ماسلكتهاش :glare:.. ماتخافش غير تسلكني في هديك الورقة تولي ماتعرفني مانعرفك :angel_not:.. هدا ادا وليت ماتgزستيش كامل ههههههه
و راح يلحقك الخبر بالدعاوي هههههههه


ربي يخليك وربي ينورك ويعطيك ماتتمني

ايعيشك
و ربي يخليك و يعطيك ماتتمنى
ميرسي خويا ​

​

 

[H@teM]

الفرق بينا وبينهم
بعد الثرى عن الثريا
للاسف ننتمي للبلدان المستهلكة ...والخاملة
يعني معندك حتى مجال تقارني بينا وبينهم تلقيهم غالبينا في كلش
كل شىء يعطيوه حقه وهنا العكس تماما
ابسطها هو التغيير في نضام التعليمي ( النضام الجديد) يعني مراعوا ضروف حتى واحد
للتلاميد ولا للاولياء وللاساتدة يعني جا قرار في عقله طبقه
وخلي .....كون يبدى الواحد يحكي ميحبسش
عطيتك مثال على الوزراء تاعينا
راح نعطيك مثال على المجتمع تاعنا كيفاه راه ماشي باه تعرفي العقلية
شوفي شوارع الدول المتقدمة وشوارعنا فرق شاسع في النضافة .
اسمحيلي على الاطالة امينة
بصح الموضوع اعجبني وحبيت نقول وش كاين
يعطيك الصحة
تقبلي تحياتي الحارة
​

 

[aMiNa-K]

يا اختي الفرق الي ما بيننا هو النية والعمل تحياتي لكي

اهلا خويا البوص

الفرق في كلش.. النية بيناتهم برك.. و سورتو الخدمة..يخدمو سيريوزمو.. و عندهم دقة في المواعيد.. ماشي كما تاوعنا
الله يصلح احوالنا برك

ميرسي خويا ​

 

[aMiNa-K]

الفرق بينا وبينهم

بعد الثرى عن الثريا
للاسف ننتمي للبلدان المستهلكة ...والخاملة
يعني معندك حتى مجال تقارني بينا وبينهم تلقيهم غالبينا في كلش
كل شىء يعطيوه حقه وهنا العكس تماما
ابسطها هو التغيير في نضام التعليمي ( النضام الجديد) يعني مراعوا ضروف حتى واحد
للتلاميد ولا للاولياء وللاساتدة يعني جا قرار في عقله طبقه
وخلي .....كون يبدى الواحد يحكي ميحبسش
عطيتك مثال على الوزراء تاعينا
راح نعطيك مثال على المجتمع تاعنا كيفاه راه ماشي باه تعرفي العقلية
شوفي شوارع الدول المتقدمة وشوارعنا فرق شاسع في النضافة .
اسمحيلي على الاطالة امينة
بصح الموضوع اعجبني وحبيت نقول وش كاين
يعطيك الصحة
تقبلي تحياتي الحارة ​

اهلا خويا حاتم

في كل حاجة راهم l'opposé تاعنا للاسف

* و مليح المثال اللي مديتو عالتعليم.. الله غالب شحال من سنة و هو راقد و كي فطن جاتو في راسو يبدل كامل النظام.. بصح مادارش في بالو بلي الدزاير اكثرمن النص من المساحة صحرا و هاد النظام مايساعدش الاغلبية

* و زيد تانيك شوف الرؤسا عندهم.. رئيس يقعد في الكرسي يجوز العهدة و يروح يخلي الكرسي للي موراه.. بصح تاوعنا اللي يحكم الكورسي مايطلقوش.. يدير العروق فيه

* و ياحصراه عالشوارع تاوعنا.. مكانش اللي يستحفظ.. و زيد فمهم خامج.. اللي يرفدلهم الزبل تاعهم يعايروه يقولولو زبال..:thumbdown:
الله يهديهم

* ومكانش على واش تطلب السماح خويا حاتم.. الموضوع موضوعك

مشكور على المرور

​

 

[abidou 20081]

مرحبا خويا عبيدو

​

مرحبا بك ختي أمينة وربي يخليك ​

ايعيشك خويا عبيدو

قد ماراه يزيد بينا الحال رانا نزيدو اكثر و اكثر..الله يصلح احوالنا برك

تعيشي وتزيدي أمينة ونقولك قد مايزيد الحال قد ماتزيد النقطة هذي تكبر وتكبر والفرق يولي أكثر
مارانيش عارف مرات نجي نخمم دولة كيما دزاير والله غير تسير وحدها برك من الخيرات لي فيها
ماتحتاجش مخ كبير يعني الواجد برك رانا نخدمو بيه جينا للبترول للغاز للفوسفات للحديد للاراضي الشاسعة للذهب والله من كل خيرات لوكان نجي نحسبهم ماتكفيش هذ الصفحة لكن للأسف الشعب عايش ميزيرية الغاز يخلصو غالي على دول تستورد من عندنا مانهدرش على أمور أخرى إذا دخلنا فالتسير ماتفراش خليها على ربي برك بصح ندعو لربي كيما رانا الله يخرجها في لي راه ياكل في خيرات الدزاير وحارم الشعب منها سواء من أبسط موظف لأكبرهم بزاف وين رانا رايحين

ههههههههه
نسالك الورقة هاديك مازال ماسلكتهاش .. ماتخافش غير تسلكني في هديك الورقة تولي ماتعرفني مانعرفك .. هدا ادا وليت ماتgزستيش كامل ههههههه
و راح يلحقك الخبر بالدعاوي هههههههه


راني مانgزيستيش من درك ماعليش غير الورقة لي بيك
راهي واجدة الورقة أفرحي والدعاوي ماعليش
كاين بزاف لي يدعيلي بالخير ماتخافيش ههههه

ايعيشك
و ربي يخليك و يعطيك ماتتمنى
ميرسي خويا

أجمعين ليا وليك وربي ينورك ويحفظك ​