*¤!||!¤*يخي حكومة يخي ..وتزيد تجي تهدر و تقولي ؟؟؟بففففف.*¤!||!¤*

[حفيد هواري بومدين]

تخيلي روحك طب الحفايظ والقراية سون أأأري
طيحي في شونبرا نتاع 7
لخرة فيهم معاودة عامين
انتي رايحة تقراي مايخليوك
لازم تشطحي وتقعدي ولتعبي معاهم
قولنا دينا الباك فرجت على لخر رجعنا كي ماديناش
---
مرسي على الرد يختي امال
ربي يبارك فيك

​

خويا والله ماتغيضك روحك والله الإقامات الجامعية كامل كيف كيف انا قريت في ورقلة زعما لاسيتي جديد وتاع بنات وحدهم والعام لول تاعي دوبليت تعرف شحال سكنا 13 طالبة في شوبرة وحدة على بالك اللي قعدتو في الدار اكثر من اللي قريتو والله غير تشوكيت قريب نحبس لقرلية وحد المرة قعدت شهرين مارحتش , الواحد يتعب باه يدي الباك يقول سايي هنا تفرجت ماعمبالوش واش راه يسنا فيه, انا في رايي الجامعة اكبر كذبة في الجزائر.
ربي يعينكم يا جماعة الجامعة وجماعة الباك.​

 

[حفيد هواري بومدين]

نورمال يا امينة او نجم نافيقي مي لي ماعندوش مايعيشش
اقراي الموضوع تشوفي الحالة لي حطمتني
الله غالب صوتي مايتسمعش سينو
نقلبوها
مرسي امينة على الرد

​

خويا ماتشكي ماتبكي
مارايحاش تتسقم الحالة.. راهي تتخلط و تزيد.. و تاوعنا مادارو والو يعني راهم عاجبهم الحال
غير اقفز على روحك و شوف معريفة..راح تقرا 10 سنين ماشي عام و لا زوج

ماعندك ماتدير الخاوة كامل تنافيقي.. زيد انت تانيك نافيقي على روحك​

 

[حفيد هواري بومدين]

رايحة للكري بربي ان شاء الله
خلي يندبو بيها
. . .
​

اصبر وخلاص بلاك منا على عام تطور الحالة ويديرولكم اقامة مليحة
وكاشما يفيقو المسؤولين تاعنا ويحسو بينا
ولاشوف انت وصاحبك وكريو

 

[السوفي حمة]

واش نحكيلك يا عبدو هذي البداية ومازال مازال
مازال تشوف وتشوف لوين تشبع
لكن الصبر وكلش يفوت خلي الهدف نتاعك هو التخرج في الاختصاص وميهمك في والو
الواحد كيجيب الباك يقلك الدنيا ضحكتلي ومن بعد يلعن النهار إلي جابها
​

 

[حفيد هواري بومدين]

قالمة حضارة في الاقامة
والله حضارة صح
الله غالب كي يوقع الغاشي في عنابة تتروى
مي احنا مصنفين مابين ال5اوائل اقامات في الجزائر من حيت النظافة
شكرا البونواز الزينة

​

اقفز على روحك برك
بصح هذي الحالة تجي في البنات مساكن
لا حول و لا قوة مساكن

انا بنت خالتي كانت تقرا حقوق بصح كانت تقرا عندكم في قالمة
جابتلي ليفوطوا ما شاء الله الاقامة عندكم مريحة خلاه

 

[حفيد هواري بومدين]

أأه أأه كيما قالو انا لي نسيت بلادي ولا بلادي لي نساتي
يجربو فينا تقول cobay
مي او كاين لي يجرب فيهم بربي
مرسي يختي على الرد والعودة الزينة
:biggrin:
​

ايه كنت حابة نقلك ما كاين والو باه نديروه ياك هما يقررو وحنل نطبقو ونسكتو
على بالي طب 7 سنين وزيد التخصص غير قول حياتك ثم بصح اصبر وكمل في خاطر ارادتك وعلى وجه والديك هاك باه تفرحهم وراه وقت ويفوت وش نقولو الله يهديهم هما ولادهم يبعثوهم لفرنسا وكندا يقراو وحنا يجو يتمسخرو بالناس وزيد ثاني يشرطو نحمدو ربي اللي ما قالوناش حنا الجامعيين الطابلية غوز وزرقةوربي يوفقك خويا عبدو...
​

 

[حفيد هواري بومدين]

أه يا اسما او كلي ماديتش انا تانا
يعني كي 3سنين تعبت وصلت مالقيت والو
تحطمت ماش تكسرت برك
. . .
عاودي كل عطلة فيها خير بربي

​

تباريك الله انا 4مرات وانا نعاود فالباك باه نجيب معدل مليح باه ندير طب ومكان حتى فائدة تقولشي 12 لصقت فيا بالباتاكسس

 

[حفيد هواري بومدين]

مرسي دلولة
واش رايح نقولك
انا قريت في 3جامعات وطنية
لمليحة فيهم قدام الدار
مع اني نورمالمون ليسونسيي دورك وراني سنة تالتة
الله غالب عاودت ونجحت
مي العقلية نتاع الشونبرا هادي اول مرة نطيح فيها غاضتني صح التعب ماكانش قد النتيجة يعني ملي كان الباك مشكل ولات الشونبرا مشكل بزااااااااااااااااااااااااااااف
مرسي على الرد يختي نورتينا صح
​

ربي يكون في العون خويا بصح ما تتقلقش ها دي هي حا لة الجا معة في بلادنا وين تروح كيفكيف رانا قاع عا يشين نفس الميزيرية او ما زال تشوف الخير لقدام انا والله ماحملت للا سيتي علا جا لها بدلت للابرونش الموهيم نقرا والجا ميعة قدام الدار او هكداك الما شا كيل دايما كاينين ونقوللك الف الف الف مبروك الباك ودخواك كلية الطب راااك راجل او تقدر اعلى شقاك

 

[n@tcho]

السلام عليكم و رحمة الله و بركاته
خويا الحمد لله كي قدرت توصل لواش كنت تحوس.....
و هاد ازما راهي صاريا في بلادنا بلا ماتخمم راهي ولات نورمال
و الحكومة تاعنا ماش حكومة
عدنا حكومة بالهدرة برك
انا كنت حبا نعاود الباك باه ندير طب
خاطرماكش مالحقتش معدل الطب هاد العام
راني نشوف فيها نبدل راي......
ربي يوفقك​

 

[حفيد هواري بومدين]

اللهم اامين اماني مرسي ماتنسايش برك تدعينا
:biggrin:
​

ايه الوقت هدا لازم لقريا ولعقل بزاف والصبر الصبر على واش ايديرو سي نو. تهبل وما تقدرش تكمل . ربي يكون في العون

 

[حفيد هواري بومدين]

بعتوني لعاشور يا رؤوف واش قولك؟؟؟
غير دهان تما القراية والو
عندي مانجبد البوندي
:biggrin:
ات نحكمك برك جيبنا براهيم

​

ههههه ..
علاش وين بعتوك ؟؟ نورمالمون pont blanc​

ايه مبروك عليك الميدسين ... نسيت باش نباركلك
يا لحكيم .... ربي يسهلك برك

عندك ماتجبد

 

[حفيد هواري بومدين]

هادي لاسفيقاس خو
:biggrin:
​

هدي شيكاغو
الحمد لله حنا في بشار

 

[حفيد هواري بومدين]

تسما راك تقولي قضية ولف
راني جاهز وبربي نشوفو العام لول
اني نتحمل ان شاء الل
---

يا الفرمسيانة سلمينا على دندونة:biggrin:
​

]ماتدير والو في بالك هذي هية الاقامة الجامعية ومش رايحة تتبدل:
علبالك صرالي واش تحكي بعد. كي كنت نقرا في قسنطينة وبعثوني للخروب . وتشوكيت وكرهت النهار اللي جيت فيه ونبكي و حالتي حالة :crying:ومن بعد والفت بالمشاكل وحاجة ما عادت تشوكيني. يعني العكس تحير في الحاجة المعدولة.hmy:
وكي كملت عدت نبكي على النهار اللي خليتها فيه:sad:
والله توحشتها وتوحشت صحاباتي و الايامات:001_wub:
احمد ربي كي عدت قريب على داركم ومن يضرك راسك تهز كابتك وتروح.
المهم تدي عوامك والباقي منك من الغاشي

 

[حفيد هواري بومدين]

واشمن بيداغوجيا عندنا متلا الجامعة تهز 2000
يقبلو 2500
ولباقي وين يطيشوه مام الحسابات نتاعهم غالطين
كلش مكشوف وكلش معريفة
مرسي لبنا :biggrin:
​

[QUOTE=loubna05;1626604]

قالك الجامعة الجزائرية محسوبة في الأواخر عالميااااااا
تظام بيداغوجيك في الاخير كيفاه تحوسهم يكونو في التنظيم هوما الاولين
في الاحلام وما تتريقلش بلادي بويسك هوما مايحبوهاش تتنظم باش ينكشفوا
المسؤولين المزيفين​

[/QUOTE]

 

[حفيد هواري بومدين]

وكي تجي تحكي تولي انت لي غالط
ويشكيو بيك
نورمال نشكيو لربي
مرسي تيتو خويا وباين فيك ميليتار
ونتاع كسكيطا تحقلها شريكي:biggrin:
يعطيك الصحة

​

:scared::scared:الوقت هدا يا خويا باغي تكون سيد الناس الباك نتاعك دخل بيه للبحرية ولا الطيران ولا حتى الطب العسكري :angry:
المهم حاجة نتاع الدولة باش مايغبنك حتى عربي
وبلادنا هادي ينفع فيها غير العرف كاين ناس يقعدو غير وحدهم في الشومبرة وكاين كيما قلت انت 7 في شومبرة مستفين كي السردين :scared:

 

[حفيد هواري بومدين]

واشمن زهر اأأأمينة
الزهر او في الدلاع
هههههههههههه نشيخ برك
مالا رايحين يدخللكم الشناوة للحرم الجامعي
اتونسيون يفورماتيوكم
هههههههههه
لازم انتم لي تفورماتيوهم
:biggrin:
---
والله مشكلة صح مي انتي عامك لخر جوبونس
ماش حتتقاسي بزاف ان شاء الله
ربي يوفقك الصحفية
:biggrin:
​

الجزاير هكا...وين تروح تلقى العوج

ليوم طلعت للجامعة لقيت اعلان...قالك حاشاك اعذرونا يالطلبة رح تتعطل المواصلات طول فترة إنجاز الطرامواي الذي سيمر داخل حرم الجامعة وخارجه

مش مصيبة...انت تقرا والتقربيع عند راسك وزيد الطرانسبور حابس

ياو خليها على ربي...وراهو عندك زهر كي لقيت شومبرا

ربي يوفقك لحاج الدكتور عبدو....

​

 

[حفيد هواري بومدين]

وعليكم السلام او ماحكيناش على الماكلة هاديك اي مايش بروبلام برك
هههههههههههه
رانا شومبرا مازلنا مافرزناهاش
:crying:
الماكلة ربي لي يعلم بلاك يدخلونا دجاج حي كاش نهار
:thumbdown:
هادا المكتوب ربي يصبرنا ومرسي كي طليتي علينا :biggrin:
​

السلام عليكم
اخي عبدو اولا مبروك عليك النجاح ووسع بالك برك لزام تتعب
وصح عندك الحق كان اقاما زي السجون تكون داخل للاقامة تقول حبس سيرتو كي يبرد الحال البرود والماء لمقلص ولماكلة الي توكل لحمة دجاج بالريش تاعها والكسكس بالخبرز
....................:thumbdown:
مي لازم تتحملو هاذا مكتوبكم

 

[حفيد هواري بومدين]

اهلا بناس 34
:001_wub:
مالا انتي تانا سوفريتي في بريزون بريك
ههههههههه
رانا صابرين حتان يقجفونا ضربة وحدة
ادعيونا يفوتو العوام سلامات برك
مرسي على الرد
ونسحقوك انتي تانا في قسم الطبخ
:biggrin:

​

ربي يوفقك خويا عبدو مي واش راح تدير باه تهز اسم طالب جزائري لازملك معاناة و ميزيرية...
مام أختي صرالها ثاني مشكل لقات روحها محطوطة في شومبرا معا ثلاث بنات سنة رابعة...و زيد كيما قلت مدسين لازملهم قراية ...مي هيا لمزية حطوها في باطيمات جدد....علا الأقل شومبرا نظيفة و واسعة ميش كيما أنت ربي يكون في العون برك...فكرتني في لاسيتي لي تحطينا فيها أول مرة..كانت كارثة صح لمزية ماطولناش فيها...شهرين و بدلونا...هذا بغير البعد كانت في آخر بلاصة و احنا نقراو في الدخلة تاع سطيف.......كي تروح لعشية ...معاناة كانت صح...ايلا بدينا نشكو مش رايحين نخلصوا...ههههههههه
الهدرة ميش راح تبّدل حتى حاجة...عنا غير ربي نشكيولوا.....لازم تصبر...و هذا ماكان...ربي يوفقك في قرايتك خويا عبدو....نسيت مبروك عليك النجاح يا الحكيم تاعنا...نسحقوك منا و جاي في قسم الصحّة...غير وجّد روحك..تحياتي​

 

[حفيد هواري بومدين]

خايف نندم على الطب كي خيرتها مي حلمي من بكري طبيب
ولا فرمسيان
الله غالب ملزوز طبيب :crying:
يا الادارة وكيلك ربي
مرسي نجاة على الرد
:001_wub:
​

راهي الدنيا كامل هك اعبدو والله اختي راحت فوتت الكونترول فالراتراباج وقاتلي ضامنة طلعو وصلت لقات روحها غايبة طاحت مسكينة كيفاه غايبة وهي فوتت وجرات من هاذا لهاذا غير لي يقوللها ماوش المشكل نتاعي وكل يوم طالعة هابطة قالتلي واش ندير رحتلهم كامل غير لي يقولي ماعندي مانديرلك وارواح افريها وذرك راهي بالاك تعاود العام في جرت غلطة خاطي نتاعها والله كرهت الميدسين والساعة لي دارتها فيها كانت راح تبطل لوكان ماش الوالدين ربي يحفظهم طاحلها المورال خلاص ربي يعاونها ويعاونك اعبدو خويا العوج راهو يجري فالدم نتاع الادارات​

 

[حفيد هواري بومدين]

ضحكتيني التيليكوم
:biggrin:
رانا كل حنان ونخافو عليهم
:biggrin:
​

هاااااااااااااااا الله غالب ماعندي كي نديرلكم أصبرو و صاي
ههههههههههههههههههه
والله لا قريب مابكيتني على البنات ال ما لقاوش وين يباتوووو
و انا حنين بزاااااااااااااااااااااااف هههههههههههههههههههههههه