- الأوسمة
- 11
اليوم كنت كاره وحدي في البيرو، مجا حتى واحد يكسرلي راسي كيما العادة
وقلقت كيفاش يفوت نص نهار بلا عراك ؟؟
أيا واش ندير هذا واش كتبلنا ربي اليوم ......
رفدت بطاقة التعريف نتاعي وبقيت نشوف فيها مليح
لقيتها ناقصة حاجة وحاجة خطيرة ، و نورمالمون يحطوها في الباسبور حتى ينبهو الناس نتاع الخرج مع شكون راهم يتعاملو ........
الحاجة هذي هي زوج علامات نتاع تنبيه وهوما :
سريع الاشتعال
قابل للإنفجار
نظن راكم فهمتوني ، أحنا الجزائريين الله غالب دمنا حامي بزاف وعلى كلمة خفيفة نشعلو وندوروها عنف وشتيمة وسب وفي الأخير السخانة تعمل انفجار وتخلاص بجرائم يترما واحد في سبيطار ولاخر في الحبس.
مكانش جزائري مهوش منرفي، حتى البيبي كيولد ينوض يعيط، قالك أطفال العالم لكل علاما يولدو لازم يضربوهم خفيف باش يفطنو ويعيطو أما نتاوعنا خاطيك منين يخرج يعطيها بصيحة تزلزل سبيطار، مام في الغرف نتاعهم في كل العالم تلقاهم هاديين ونايمين لكن عندنا بلاك تمشي قدام غرفة الأطفال الجدد راسك يتكسر.
في المدارس من الابتدائي للثانوي ونزيدو معاهم الجامعة كل يوم نسجلو حالات عنف وضرب وجرح.
شوفو الجرائد وشوفو كيفاش تصرى الجرائم :
يقلك : صديقان تشاجرا فنجم عنه تشابك بالأيدي واستعمال السلاح الأبيض، يا دين محمد صديقان شوفو معنى الكلمة هذي عند ناس أخرين غيرنا.
حتى الأغاني نتاعنا والرومنسية زعمة نتاع الحب :
يقلك نديها ونروح وإلا يطيح روح
ووحدة تقلك وإلي يقرب من حبيب نقطعو
و حتى في قصص الحب عند لبنات
في الخارج تقلك نحبه رومنسي وناعم وحنون و ....
وعندنا تقلك : نحبه راجل ويموت على النيف ومنقبلش واحد تنقصوا الرجلة
وآخرها الحجاج نتاعنا في الخارج الحاج يرجع منور وهادئ وعندنا واش نهدر وواش نخلي
وهذي حكاية صح :
أنا حضرت لواحد الشيخ كبير جاء من الحج وفي المطار عطلوه الجمارك، عمي الحاج تقلق وفتح القاموس نتاعه وبدا يخرج في كل ما يدل على أنه جزائري أصيل من سب وشتم.
وعلى هذا لازم الدولة تزيد هاذو العلامتين في الباسبور على الأقل تنبه الناس الغير جزائريين راهم مع شكون رايحين يتعاملو.
وقلقت كيفاش يفوت نص نهار بلا عراك ؟؟
أيا واش ندير هذا واش كتبلنا ربي اليوم ......
رفدت بطاقة التعريف نتاعي وبقيت نشوف فيها مليح
لقيتها ناقصة حاجة وحاجة خطيرة ، و نورمالمون يحطوها في الباسبور حتى ينبهو الناس نتاع الخرج مع شكون راهم يتعاملو ........
الحاجة هذي هي زوج علامات نتاع تنبيه وهوما :
سريع الاشتعال
قابل للإنفجار
نظن راكم فهمتوني ، أحنا الجزائريين الله غالب دمنا حامي بزاف وعلى كلمة خفيفة نشعلو وندوروها عنف وشتيمة وسب وفي الأخير السخانة تعمل انفجار وتخلاص بجرائم يترما واحد في سبيطار ولاخر في الحبس.
مكانش جزائري مهوش منرفي، حتى البيبي كيولد ينوض يعيط، قالك أطفال العالم لكل علاما يولدو لازم يضربوهم خفيف باش يفطنو ويعيطو أما نتاوعنا خاطيك منين يخرج يعطيها بصيحة تزلزل سبيطار، مام في الغرف نتاعهم في كل العالم تلقاهم هاديين ونايمين لكن عندنا بلاك تمشي قدام غرفة الأطفال الجدد راسك يتكسر.
في المدارس من الابتدائي للثانوي ونزيدو معاهم الجامعة كل يوم نسجلو حالات عنف وضرب وجرح.
شوفو الجرائد وشوفو كيفاش تصرى الجرائم :
يقلك : صديقان تشاجرا فنجم عنه تشابك بالأيدي واستعمال السلاح الأبيض، يا دين محمد صديقان شوفو معنى الكلمة هذي عند ناس أخرين غيرنا.
حتى الأغاني نتاعنا والرومنسية زعمة نتاع الحب :
يقلك نديها ونروح وإلا يطيح روح
ووحدة تقلك وإلي يقرب من حبيب نقطعو
و حتى في قصص الحب عند لبنات
في الخارج تقلك نحبه رومنسي وناعم وحنون و ....
وعندنا تقلك : نحبه راجل ويموت على النيف ومنقبلش واحد تنقصوا الرجلة
وآخرها الحجاج نتاعنا في الخارج الحاج يرجع منور وهادئ وعندنا واش نهدر وواش نخلي
وهذي حكاية صح :
أنا حضرت لواحد الشيخ كبير جاء من الحج وفي المطار عطلوه الجمارك، عمي الحاج تقلق وفتح القاموس نتاعه وبدا يخرج في كل ما يدل على أنه جزائري أصيل من سب وشتم.
وعلى هذا لازم الدولة تزيد هاذو العلامتين في الباسبور على الأقل تنبه الناس الغير جزائريين راهم مع شكون رايحين يتعاملو.
آخر تعديل:
