ماتخافوش حنا لعرب نحررو فلسطين أسمعو

[abidou 20081]

ماتلومش الي حابين يهربوا وما يعيشوش مع الضعاف هادو ....

​

تحية طيبة وعطرة أخي دودو

عندك الحق صحيح مايعيشوش معاهم
بصح دايما تبقى هذيك الصورة تمشي
معاهم وين يروحو يعني كاين حوايج
تمسني وتمسك وتمس كامل الناس لي ضد
هذ التفرقة والتباهدايل ربي يحفظك وربي يخليك ويعطيك ماتتمنى
دمت بألف خير وهناء إن شاء الله ​

 

[abidou 20081]

أففففففف نسبو في بعضانا و نتقاتلو بين بعاضانا
و اليهود راهو فرحان و يضحك علينا
مليييح زيييدو هادا واش راهو حاب

عيييييييييييييييب...!!!!!

مشكور على الطرح
بارك الله فيك ​

تحية عطرة وطيبة أختي العزيزة شهرزاد

وهذي مشكلتنا لي ماحبناش نفيقو منها هما ليهود لهاو في أمور أخرى
وخلاونا السب والشتائم في بعضنا غير حنا نهنوهم من هذ لحوايج ماعندهمش الوقت لينا
في هذ الأمور لكن شكون لي يفيق القدس رايحةتريب وحنا نسبو بعضانا
العديان تخرج على قلبهم وممكن يزيدو يدعموهم بكل الأموال والتحفيزات باش يواصلو
على هذ المنوال ربي يهدي ماخلق وربي يحفظك ويخليك ويعطيك ماتتمني والشكر لك على
المرور العطر نورتي الصفحة وربي ينورك دمتي بألف خير وهناء إن شاء الله ​

 

[abidou 20081]

السلام عليكم خويا عبيدو
هي هاذي الغنية كي جات فيهذا الوقت اللي هو الحرب الكروية بين مصر الجزائر راح يعجب بعض الجزائريين خصوصا كون ديتها لستار تايمز راح تلقاهم يشكروك ههههههه
بصح كيما قلت مادام العرف هاكذا نكرهو بعضانا والله مانديرو حاجة ويجي وقت وين اليهود يوصلو لينا
اللهم وحد صفوفنا
موضوعق في قمة الروعة خويا عبيدو​

وعليكم السلام ورحمة الله تعالى وبركاته خويا السعيد

والله ياخويا مانخبيش عليك ونقولهالك صراحة أنا تاني فاللول منين سمعت الغنية جات على قلبي
ومنين سمعتها مليح ولقيتها تجمل كلش يعني كي لمليح كي لقبيح ماعجبتنيش وكيما كاين الصالح كاين الطالح هذي مفروغ منها إذا كان الغنية خارجة على قضية سياسية يخلوها سياسية وإذا كانت رياضية يخلوها رياصية بصح باش تجمل الناس كامل وفيها ماشاء الله من العلماء والله غير عيب كبير كبير
ونقولك جبتها هنا فالمنتدى تاعنا خير من ستار تايمز مازال المنتدى تاعنا فيه ناس متفهمة ستار تايمز
تنوض حرب لتم وعلى بالي تزيد تشعل النار ويولي السب بين الأعضاء ماشي غير فالغنية
وكيما قلت إذا قعدنا هكذا ليهود مايحاربوناش ومايخسروش علينا رصاصة يخلونا ناكلو بعضنا برك
ونضم صوتي لصونك ونقول ياربي أمين وربي يوحد الصفوف ربي يخليك وربي يحفظك ويعطيك ماتتمنى خويا السعيد والموضوع رائع بكم أنتم خويا ربي يخليك دمت بألف خير وهناء إن شاء الله ​

 

[asmaa_h]

مصر لتي اخرجت الراقصات والخونة و اصحاب المجون كذلك انجبت يوسف القرضاوي و البنا و غيرهم من شموع الاسلام فدعونا لاننسى ذلك

 

[abidou 20081]

مصر لتي اخرجت الراقصات والخونة و اصحاب المجون كذلك انجبت يوسف القرضاوي و البنا و غيرهم من شموع الاسلام فدعونا لاننسى ذلك

تحية عطرة وطيبة أختي العزيزة أسما ء


وهذا لي رانا نهدرو عليه ولي لازم الواحد ماينساهش
ومهما كانت العباد لي ماشي مليحة ومهما كان فيها ناس حاقدة على الجزائر بصح
ماشي كامل كيف كيف وكاين ناس ماشاء الله وأرض أنجبت الكثير والكثير من العلماء الأفاضل
كما لاننسى أن دمائنا ودماء المصريين إمتزجت في شهر أكتوبر الأغر لكن اليهود لا تريد أن تعاد تلك
الصور التضامنية بين الشعبين وحتى بين كل الشعوب العربية فزرعت هته الأنواع من الفتن والتفرقة
ربي يحفظنا وخلاص وربي يحفظك وربي يخليك ويعطيك ماتتمني دمتي بألف خير وهناء إن شاء الله ​

 

[أميرة العيون]

اييييييييييييييييييه ادا كملنا هكذا راح تتحرر فلسطين اكييييييييييد واش نقولو خويا ربي يهدينا كامل رانا نتخلاو على اكبر القضايا باش نبقاو نسبو انجرحو انتاهمو في بعضنا البعض وهنا نقولو اتفق العرب على ان لا يتفقوا وهكذا رايحين نبقاو والغرب واليهود يتفرجو ويضحكوا... ايه عندهم الحق يضحكو ياخي وصلو لشيء لي حابين يوصلولو العرب متفككين و قضيتهم الكبرى ولات شكون لي يكون احسن واحد في نقد الاخر ونسينا بلي حنا اخوة وبلي نجاح واحد يعتبر نجاح للجميع منعرف الدنيا لي تبدلت خويا عبيدو ولا حنا لي تبدلنا؟؟؟؟؟؟

 

[abidou 20081]

تحية عطرة وطيبة أختي العزيزة أميرة العيون

وهذي لي تغيضك ختي وخاصة منين تعرفي مليح بلي هذي مكائد اليهود وهما لي راهم يجرو وينشرو فيها
باش يخلونا متفارقين وتلقاي ضعاف النفوس زعما من جهة يكرهو ليهود ومن جهة يطبقو واش ليهود تحوس
ويبقى كره ليهود مجرد هدرة برك والفعل عكس يعني بعبارة أخرى يقولون مالا يفعلون ليس من شيم العرب
والمسلمين أن تسب بعضها بعض وليس من شيمهم أن لاينصرو بعضهم بعض لكن هذا حالنا اليوم ومع العلم أنه مخطط له لكن بعدما كنا زمان لا تتجر وراء هته الفتن أصبحنا اليوم غير شكون يغلط يعسها لخوه البعض من الدول العربية تلومنا على نصرنا لفلسطين على حساب بلادهم والحق أولى أن يتبع ومعروف عنا أننا شعب ننصر المظلوم ونقف معه حتى على حساب بلدنا يعني لو مسؤولينا أنفسهم يخدلون الدول المظلومة نقف
ضدهم فما بالك إن كانت دول أخرى ولذلك سوف نبقى على مبدئنا ولن نحيد وسوف ننصر الحق ولا نخشى لومة لائم وكلنا نعرف التخطيطات الصهيونية من أجل تفريق الشعوب العربية فأصبحو بمجرد أن يجدو الفرصة لذلك يستغلونها بشتى الوسائل ومنها كرة القدم التي كانت مجرد لعبة تنافسية بين فريقين فتحولت إلى لعبة سياسية عند أصحاب المصالح الضيقة لتفريق بين الشعوب ربي يحفظك وربي يخليك وربي يعطيك ماتتمني
نورتي الصفحة وربي ينورك مرورك أسعدني حقا دمتي بألأف خير وهناء إن شاء الله ​

 

[abidou 20081]

اييييييييييييييييييه ادا كملنا هكذا راح تتحرر فلسطين اكييييييييييد واش نقولو خويا ربي يهدينا كامل رانا نتخلاو على اكبر القضايا باش نبقاو نسبو انجرحو انتاهمو في بعضنا البعض وهنا نقولو اتفق العرب على ان لا يتفقوا وهكذا رايحين نبقاو والغرب واليهود يتفرجو ويضحكوا... ايه عندهم الحق يضحكو ياخي وصلو لشيء لي حابين يوصلولو العرب متفككين و قضيتهم الكبرى ولات شكون لي يكون احسن واحد في نقد الاخر ونسينا بلي حنا اخوة وبلي نجاح واحد يعتبر نجاح للجميع منعرف الدنيا لي تبدلت خويا عبيدو ولا حنا لي تبدلنا؟؟؟؟؟؟

تحية عطرة وطيبة أختي العزيزة أميرة العيون

وهذي لي تغيضك ختي وخاصة منين تعرفي مليح بلي هذي مكائد اليهود وهما لي راهم يجرو وينشرو فيها
باش يخلونا متفارقين وتلقاي ضعاف النفوس زعما من جهة يكرهو ليهود ومن جهة يطبقو واش ليهود تحوس
ويبقى كره ليهود مجرد هدرة برك والفعل عكس يعني بعبارة أخرى يقولون مالا يفعلون ليس من شيم العرب
والمسلمين أن تسب بعضها بعض وليس من شيمهم أن لاينصرو بعضهم بعض لكن هذا حالنا اليوم ومع العلم أنه مخطط له لكن بعدما كنا زمان لا تتجر وراء هته الفتن أصبحنا اليوم غير شكون يغلط يعسها لخوه البعض من الدول العربية تلومنا على نصرنا لفلسطين على حساب بلادهم والحق أولى أن يتبع ومعروف عنا أننا شعب ننصر المظلوم ونقف معه حتى على حساب بلدنا يعني لو مسؤولينا أنفسهم يخدلون الدول المظلومة نقف
ضدهم فما بالك إن كانت دول أخرى ولذلك سوف نبقى على مبدئنا ولن نحيد وسوف ننصر الحق ولا نخشى لومة لائم وكلنا نعرف التخطيطات الصهيونية من أجل تفريق الشعوب العربية فأصبحو بمجرد أن يجدو الفرصة لذلك يستغلونها بشتى الوسائل ومنها كرة القدم التي كانت مجرد لعبة تنافسية بين فريقين فتحولت إلى لعبة سياسية عند أصحاب المصالح الضيقة لتفريق بين الشعوب ربي يحفظك وربي يخليك وربي يعطيك ماتتمني
نورتي الصفحة وربي ينورك مرورك أسعدني حقا دمتي بألف خير وهناء إن شاء الله​

 

[منايا الجنة]

الله يهدي مع خلق ويا خويا عندك الحق فواش قلت واش تحب تديرلهم .
دمت في رعاية الله

 

[abidou 20081]

الله يهدي مع خلق ويا خويا عندك الحق فواش قلت واش تحب تديرلهم .
دمت في رعاية الله

تحية عطرة وطيبة أختي العزيزة نبع الحنان

أضم صوتي لصوتك وأقول أمين يارب هذ التصرفات خلاتنا ضحكة قدام العديان
وماعندي مانديرلهم غير نقولهم فيقو برواحكم راكم خليتونا تبهدايل قدام العديان
ليهود تضرب فينا وحنا نسبو في بعضنا معادلة أكبر عباقرة الرياضيات
ومالقاولهاش حل حبيتي عبيدو يلقالها حل ربي يخليك وربي يحفظك وربي يعطيك ماتتمني
دمتي بألف خير وهناء إن شاء الله ​

 

[الظل الطويل]

خويا هدي حاجة والله ماتفرح
هدو يحوسو يديرو الفتنة بين العرب
مهما يصرا مابيناتنا من نزاعات يبقاو عرب
و التعميم غلط في غلط
كاين مصريين يستاهلو هدي الهدرة بصح مشي كامل
نتمى يكون عندنا ترفع ورقي في افكارنا تخلي انحطاط بعضهم في الاسفل
و دائما الرياضة تجمع ما تفرقه السياسة
لكن راني نشوف في العكس اليوم

الحقيقة موضوع مميز كصاحبه

تقبل تحياتيـــ اخيـــــ
​

 

[abidou 20081]

خويا هدي حاجة والله ماتفرح
هدو يحوسو يديرو الفتنة بين العرب
مهما يصرا مابيناتنا من نزاعات يبقاو عرب
و التعميم غلط في غلط
كاين مصريين يستاهلو هدي الهدرة بصح مشي كامل
نتمى يكون عندنا ترفع ورقي في افكارنا تخلي انحطاط بعضهم في الاسفل
و دائما الرياضة تجمع ما تفرقه السياسة
لكن راني نشوف في العكس اليوم

الحقيقة موضوع مميز كصاحبه

تقبل تحياتيـــ اخيـــــ
​

تحية طيبة وعطرة أخي العزيز الظل الطويل

والله غير عندك الحق ربي يجيب عقل كي عقلك خويا
رانا نشوفو البعض داخلين عليها فتنة والبعض يأخذ في رأي
مايخمم ما يقول على واش كل هذ الشيء حنا ولينا عرب وأشقاء
غير في لورق والشعارات والحقيقة ولينا شعوب متفرقة وراهي
ماشية وتزيد وسبتها هذ الأمور لي رانا نشوفو فيها صح عندك الحق
البعض يستاهلو من المصريين ولازم الرد عليهم بقوة حتى نحطوهمك في بلاصتهم
لكن التعميمي ماشي مليح كيفاش واحد يحترمك ويقدرك وحنا نجملوه مع واح أخر
مايحترمكش عندو الحق تغيضو عمرو هكذا لكن لاحظت شيء مايشرفش المصريين مؤخرا
ماشي كامل المصريين لكن لي راهم شادين الإعلام والبعض لي إنزلقو معهم ولي هو
في مقابلة الذهاب كانو يتغنون بالأخوة وأشقائنا الجزائريين وغيرها من الكلمات لمزوقة
وبمجرد بداية لقاء العودة أصبحنا نسمع الضغط و شوف نورولكم ونديرولكم ومانيش عارف واش وهذو
مجرد جبناء يعرفو الأخوة غير كي يجي خارج من بلادو ويرجع فرعون كي يولي في بلادو زنساو بلي
الجزائري يضرب برا والداخل ومايخوفو حتى واحد ونقولها راهم ينفخو فالريح برك ويتبتو فالرخس
والجبن تاعهم برك إستقبلناهم أحسن إستقبال لكن درك نشوفو الإستقبال تاعهم كيفاش يكون
ماكانش بلاد حطت طائرات تمشي مع فريق المنافس ودرناهالهم يعني الدبان ومايمسهمش
ونشوفو الإستقبال تاعهم لكن أقولها لك لو يحدث أي شيء وإنجرو وراء المخططات الإسرائيلية سوف تسقط مصر من عيني إلى الأبد ولن أحترم أي أحد وأقولها صراحة وذلك ليس أخي لما تأتي عندي وعدوي لما أكون عندك وهذي لي ماكانش منهاولن أقبل أي إعتدار وأي إعتدار كان من الواجب أن
يقومو به الأن قبل أن يحدث ماشي حتى يديروها وبعدها يجي يقولي راني معتذر رانا ملينا من هذ العفسة صراحة للأسف إستطعت كرة القدم عند الأوروبيين توحيد شعوب ودول وإستطاعت كرة القدم عندنا تفريق شعوب ودول لكن الفرق بيننا وبينهم أنهم لديهم عقول
ولكن لدينا الكارطون في مخنا ربي يهدي ماخلق وخلاص ربي يحفظك خويا وربي يعطيك ماتتمنى
دمت بألف خير وهناء إن شاء الله​

 

[سماح4]

رغم كلشي وما نطعنوش في اهل السعودية كامل ....هذون الشباب الله يهديهم واش هذي الكلمات والله غير غاضني الحال واش بيهم الفلاحين والفقراء..الفلاحين ناس يخدموا بشرفهم.
لكن يبقى هذا مؤشر خطير يمس الدول العربية المسلمة اذا كان هذا تفكير شبابها الي نتكلو عليهم يوصل لهذا المستوى المنحط ...وعلاش نلومو اليهود وغيرهم ....فالعقدة نحن من ربطناها.ومازلنا نعقدها .
نسال الله ان يثبتنا ويثبت شبابنا على الدين والحق وان يجمع شمل المسلمين على كلمة لا اله الا الله محمد رسول الله.
شكرا ليك على الموضوع.

 

[abidou 20081]

رغم كلشي وما نطعنوش في اهل السعودية كامل ....هذون الشباب الله يهديهم واش هذي الكلمات والله غير غاضني الحال واش بيهم الفلاحين والفقراء..الفلاحين ناس يخدموا بشرفهم.
لكن يبقى هذا مؤشر خطير يمس الدول العربية المسلمة اذا كان هذا تفكير شبابها الي نتكلو عليهم يوصل لهذا المستوى المنحط ...وعلاش نلومو اليهود وغيرهم ....فالعقدة نحن من ربطناها.ومازلنا نعقدها .
نسال الله ان يثبتنا ويثبت شبابنا على الدين والحق وان يجمع شمل المسلمين على كلمة لا اله الا الله محمد رسول الله.
شكرا ليك على الموضوع.

تحية طيبة وعطرة أختي العزيزة سماح

تاع الصح مالازمش نجمعو أهل السعودية كيما راهم ماشي يديروها مجموعة من الناس نحصلو فالناس كامل وهذ العقلية جديدة رجعت عندنا حنا تاني تاع معايرة الفلاح ومعايرة الراعي وغيرها من الأعمال الشريفة والطاهرة لي ولات محل سخرية ومنين ينقص الوزع الديني يصرى كل شيء والمشكلة لي راها تمشي درك هي تبادل الشتم والسب بين الشباب العربي وهذي مشكلة شبابنا لي نقصت فيه الروح الأخوة والتضامن بين الشعوب وحت أصبحنا نرى التفرقة حتى بين الولايات فما بالك بين الشعوب وربي يجيب الخير ربي يحفظك وربي ينورك كيما نورتي الصفحة ويعطيك ماتتمني دمتي بألف خير وهناء إن شاء الله ​