الجامعات ... اماكن لطلب الجنس وليس طلب العلم ....

[Fethi.dz]

موضوع مهم جدا جدا جدا ... لانها ينطبق على كل الجامعات الجزائرية

و لكن ليس بشرط كل فرد فيها ينطبق عليه الكلام

فهنــا المستقيم و المستقيمة و هنــا من اضلهم الشيطان و وقعوا حتى في اكبر الكبائر ..


اتمنى من الكتب لاعضاء الذين ردو على الموضوع ان نتريث في الرد و علينــا تنسيق ما نكتب جيدا ..

 

[karim073]

السلام عليكم

اخي انا موافقاتك في بعض الامور التي تطرقتلها لكن ليس لذالك الحد كله ليس كل واحد فينا راه يروح للجامعة تنطبق عليه هذي القاعدة
موافقاتك ميا بميا في التبرج الحاصل والماكيج حتى انك ما تعرفها لا رايحة للعرس ولا للجامعة الله يستر يا رب
اما بالنسبة للاختلاط رانا نشوفوه في كل مكان حتى اثناء الحج وانا ما نشوفوش هو السبب الوحيد في الفساد بل يوجد عدة اسباب اخرى ممكن تصدر من البنت ولا من الولد

صحيح اختي عندك الحق

بصح بارك الله فيك يا ريت نعرفوا الاسباب الاخرى التي ذكرتها

 

[الظل الطويل]

أخي موضوع هدا يستاهل أكثر من رد
علينا منروحوش للعنوان دون التطرق للمضمون والهدف الراقي الدي يسعاه الموضوع
شيء مؤسف فعلا اخي انك تبعث اختك او بنت للجامعة بهدف الدراسة
فتجده مبعوثة لرؤية أشيء لا علاقة لها بالعلم و التربية
أصبحت الجامعة نقمة وليست نعمة للسف

نحييك مرة أخرى اخيـ
موضوع جد راقيــــــــــــــــ...
​

 

[karim073]

تحية طيبة أخي الكريم ​

بارك الله فيك على الموضوع القيم والهادف ​

شوف خويا لعزيز نقولك مرات الواحد يتجنب الهدرة على هذ الأمور على خاطرش ولات تجيب غير صدع الراس
ونقولك خويا رانا في وقت الناس كامل تقولك دير كيما دار جارك ولا بدل باب دارك وهذي راهي مشهورة
وكل واحد تاني عندوقناعة تاعو مارايحش أنت تنحيهالو من راسو ومنها نفهم بلي الشيء هذا كاين منو
ماشي كامل بصح كيما نقولو البعض فسد على البعض ورجعنا نمشو بالمقلوب يعني لي تخلط هي راهي متحضرة ومتقدمة ولي جابدة روحها هذيك راهي معقدة وعقليتها مغلوقة وافريها أنت والمشكلة حتى لي
عندها واحد برك وماسلكتش يعني لازم يكونو عندها مجموعة باش كي يطلعو للغرفة يتحاسبو هي تقولها شفت قدور وعمر وفت على سيدعلي وكلمني عيسى وهي تقولها اليوم أنا حصلت ماعرفت نتلاقا مع سفيان ولا مراد وأرواحي منين عيطلي فريد وأنا كنت واقفة مع علال وهي ماشية لاموضة هذي وماتعمرش راسكبها
رايح تقولي لا للإختلاط نقولك معاك خويا والجميع راهم معاك في هذ النقطة بصح شكون من المسؤولين لي راهم معاك وتاني والله غير على بالهم بكامل واش راه يصرى وكاين حتى من المسؤولين لي راهم يجبو الطونوبيلات تاعهم ويستناو باش تخرجلو بنت الجامعة يرفدها وهذي نظن كامل قريتوها في الجريدة
المشكلة درك أعمق من هذ الشي ماجاتش غير في الإختلاط وعلى بالنا سيدناعلي واش قال لو كان الفقر رجل لقتلته وكل ماتنخفظ العدالة الإجتماعية كل مايزيد لفساد هذي معلومة يعرفها العام والخاص
كاين أمور بزاف ساهمت في تعفن الوضع إذاعالجت حاجا تبقالك بزاف حوايج وعلى هذي العلاج تاع هذ الظاهرة تحتاج وتحتاج والحل في الإضرابات نظن على حساب ماراني نشوف مارايح يجيب حتى حاجا مع هذ المسؤولين والمقاطعة نظن أحسن لكن شكون لي يقاطع هذي هي المشكلة يقاطعو بنات وولاد الفاميليا ولخرين يقراو يبانو أقلية يتهموهم بالتشويش ومن هذاك النهار مساكن راحو فيها يعني لاقرايا ولاهم يحزنون
وعلى هذي نقولك بلي الحل بعيد على الإضرابات وبعيد على الجامعة في حذ ذاتها يعني العلاج يبدى قبل من هذ الشي والحل صعيب شوية ويحتاج لثورة فكرية ويحتاج تاني الرجوع للدين تاعنا ونقولك هذي هي نتيجة غلاء المهور ونتيجة الزواج لي صعيب وتراكمت هذ الأمور على بعضها وزادها النمو الديموغرافي لي رجعنا في وقت وين تلقى 7 فتيات مقابل فتى واحد وأحسب الفرق والرسول صل الله عليه وسلم وربي سبحانو ماغلطوش منين أكدو على الزواج وماغلطوش مني أكدو على أن المغالات في المهور مافيهاش بركة
موضوع خويا قيم ويحتاج إلى أبعد من الحديث عن الجامعة لأن الفساد عم الجميع من جامعات إلى ثانويات وحتى المتوسطات وهاهو ينتقل إلى اللإبتدائيات وين ولات طفيلات صغار يحسبو رواحهم نور ويجيبو طفل صغير ويديروه مهند وأفهم يالفاهم بالنسبة لبعض الردود والله أتمنى وأدعو دائما خاصة من هم جامعيات أن يتبثو مستواهم من خلال نقاش بناء وطرح حلول بدل من الإتسياق وراء ماتعممش وماراناش كيف كيف وحنا الجزائريين فينا طبيعة نهدرو بزاف بصيغة الجمع والقصد يكون على فئة معينة

ربي يجيب الخير وربي يحفظك خويا ويفتخح في وجهك بيبان الخير دمت متألق ​

دائما بردودك المميزة ورأيك الصائب

دعنا لا ندخل في مشكلة الاعضاء وكيفية تفكيرهم ولنركز على هدف الموضوع

ممكن أخي وانا متأكد انك تستطيع ان تلخص لنا ماهي الاسباب التي أدت بنا الى

الوصول الى هذه الكارثة

أنتظر ردك

 

[A*m*I*n*A]

هذه وجهة نظر أستاذ في كلية الطب في مادة الديونتولوجي(الأخلاقيات الطبية)
la medecine est trop déficile est lourd si bien que chaque étudiante doit avoir un copain a la faculté pour le soutien morale
lol... si non vous allez fatigué
انا كي سمعت هاد الكلام حسبت روحي نقرا في فرنسا
أعتقد ان السبب الرئيسي في هذه الظاهرة المنتشرة هو التقليد للغرب والاعجاب بكل تفاصيل حياتهم وشعور الفتيات بالتحرر خاصة تاع الاقامات بعد سنين من الكبت
و كذلك نجاح مشاريع العولمة في طمس شخصيتنا الاسلامية وهذا الانحلال الاخلاقي ليس في الجزائر فقط ..
انا هاذا اول عام ليا في الجامعة وكل ما ذكرته في الموضوع هو واقع 100 بالمئة ربي يسترنا من هاد الوباء

 

[حفيد هواري بومدين]

والله يا يختي كي سمعتها من عند البروف ورا البارح مخي حبس
قولت راهم يشجعو فينا على البغي
قالنا باش تعقبو ايامات ملاح وماتقلقوش لازم عندك وحدة حيرني
​

هذه وجهة نظر أستاذ في كلية الطب في مادة الديونتولوجي(الأخلاقيات الطبية)
la medecine est trop déficile est lourd si bien que chaque étudiante doit avoir un copain a la faculté pour le soutien morale
lol... Si non vous allez fatigué
انا كي سمعت هاد الكلام حسبت روحي نقرا في فرنسا
أ

 

[mouna1993]

ربي يهدي ما خلق وربي يخفر للجميع

 

[nabil2048]

معلا باليييييش

 

[karim073]

هذه وجهة نظر أستاذ في كلية الطب في مادة الديونتولوجي(الأخلاقيات الطبية)
la medecine est trop déficile est lourd si bien que chaque étudiante doit avoir un copain a la faculté pour le soutien morale
lol... Si non vous allez fatigué
انا كي سمعت هاد الكلام حسبت روحي نقرا في فرنسا
أعتقد ان السبب الرئيسي في هذه الظاهرة المنتشرة هو التقليد للغرب والاعجاب بكل تفاصيل حياتهم وشعور الفتيات بالتحرر خاصة تاع الاقامات بعد سنين من الكبت
و كذلك نجاح مشاريع العولمة في طمس شخصيتنا الاسلامية وهذا الانحلال الاخلاقي ليس في الجزائر فقط ..
انا هاذا اول عام ليا في الجامعة وكل ما ذكرته في الموضوع هو واقع 100 بالمئة ربي يسترنا من هاد الوباء

بكل المقاييس كارثة . . . .

يعني كون قلتوا ورديتوا عليه :

احنا مسلمين و خاطينا الشي هذا

يا ربي اهدينا ..... يا ربي اهدينا واغفرلنا

 

[karim073]

أخي موضوع هدا يستاهل أكثر من رد

علينا منروحوش للعنوان دون التطرق للمضمون والهدف الراقي الدي يسعاه الموضوع
شيء مؤسف فعلا اخي انك تبعث اختك او بنت للجامعة بهدف الدراسة
فتجده مبعوثة لرؤية أشيء لا علاقة لها بالعلم و التربية
أصبحت الجامعة نقمة وليست نعمة للسف​

نحييك مرة أخرى اخيـ
موضوع جد راقيــــــــــــــــ...​

​

بارك الله فيك . . .

دائما منورة مواضيعي بتواجدك و عقليتك الكبيرة التي تميزك

تعيش وخويا وان شاء الله نقدروا نقدروا لعباد الي كيفك ونحاولوا نفهموهم ويفهمونا

 

[فؤاد الورقلي]

السلام عليكم

ماعندنا ما نقولو غير الله يهدي ويعافينا

شكرا اخي وفقك الله

 

[karim073]

السلام عليكم

ماعندنا ما نقولو غير الله يهدي ويعافينا

شكرا اخي وفقك الله

و فيك بارك الله . . .

 

[abidou 20081]

دائما بردودك المميزة ورأيك الصائب

دعنا لا ندخل في مشكلة الاعضاء وكيفية تفكيرهم ولنركز على هدف الموضوع

ممكن أخي وانا متأكد انك تستطيع ان تلخص لنا ماهي الاسباب التي أدت بنا الى

الوصول الى هذه الكارثة

أنتظر ردك

تحية مرة أخرى أخي كريم وربي يخليك ويحفظك والموضوع هو المميز وليس الرد

لم ولن أدخل في مشكلة الأعضاء ولكن وجهت نداء لكل الأعضاء لإعطاء مصداقية فقط للردود حتى لا تكن ردود جافة وأرجو أن يفهمو ما أعنيه فقط على كل حال تطلب مني الأسباب المؤدية إلى هذا وأقول لك الأسباب عديدةومتعددة لاتعد ولا تحصى والأسباب مشتركة يعني الذكر والأنثى وأصحاب القرار لهم النصيب الأكبر *
بداية من التربية السيئة يعني الوقت الحالي الأغلبية تاعنا تولد وترمي لزنقة تربي يعني ماكانش هذاك التواصل داخل العائلة ماكانش هذيك لحنانة لي يلقاها الطفل ولا الطفلة في وسط عائلتها
الكبت ودوره الكبير نقص الوزع الديني من بين الأسباب الأكبر يعني كل شيء ولا مباح وترفد الحياء لي كان بكري وذلك من زرع فكر غربي غير شرعي من خلال المساوات الذي لم يعرف الكثير أين بدايتها وأين حدودها إرجاع الرجل المناسب في المكان المناسب تسهيل الزواج لكل الراغبين فيه ولو وضعنا إحصائيات لوجدنا أغلبهم يريدون الزواج بدل كل هته الأمور لأن الأمر أصبح خطيرا لدرجة المقبل على الزواج حتى وإن كان يراوغ الكثير لكنه يفضل دائما كلمة الطفلى لي ماخلطتش وخاطيها ومنها نعرف بلي فاللول يبقى غير يجيب في وقتو نقطة أخرى كي الطفل كي الطفلة ماكانش الثقة بيناتهم يعني من اللول راهي تقول درك يرميني وهو يقول ماراهيش غير معايا ومنها في زوج على بالهم بلي راهم يبنو في وهم ونقص الثقة هذي كامل على بالنا من واش جات وموضوع كيما هذا لو لم يعرفو كيفية مناقشته يزرع كذلك نوع من قلة الثقة كذلك نروحو لأصحاب القرار الكبار بعد تحدتنا قليلا فقط على أصحاب القرار الصغار منهم الوالدين أصحاب القرار الكبار في البلاد كل قرارتهم وكل همهم كيفية التشجيع إلى هذا النوع من الإختلاط وكلنا نعرف الفائدة الذي يستفيدون منها ليس من الباب المادي كما يدهب الكثير للتفكير في ذلك لكن في صنع القرارات السياسية وعدم الإلتفان كثيرا إليها والسياسات هته مدروسة في معاهد و لا تحتاج إلى تفسير كبير للاسف ومنه نعرف بلي نفس بنادم الخبيثة إذا ماكنش حاجا تهدبها وتسيطر عليها تدير كل شي ونعرفو كامل الرغبة لي موجودة داخل أي شخص من كلا الجنسين والإنجداب الفطري لبعضهم سنة الله في خلقه إذا لقات منافد منين تخرج مارايح يشدها لا كلامي ولا كلامك ولا أي طريقة أخرى والأسباب لي كانت زمان تلزم الشخص سواء فتاة ولا فتى
بالسيطرة على هته الرغبة أصبح الأن لديها إغراءات وتشجيعات في كل المجالات وحتى لي قعد شاد روحو خويا أتاكد بلي راه شاد روحو فوق طاقتو يعني ممكن مرات يغلط ويرجع وكاين لي يكمل وهذا كل شيء تاني نعرفوه من خلال حديث الرسول عليه الصلاة والسلام الماسك على دينه كالماسك على الجمر بمعنى الحديث
ونقولك تحليلي هذا جد بسيط يعني مبسط لأقصى درجة ولي عودة إن شاء الله ربي يبارك فيك وربي يخليك ويعطيك ماتتمني وربي يهدي ماخلق دمت بألف خير وهناء إن شاء الله ​

 

[karim073]

تحية مرة أخرى أخي كريم وربي يخليك ويحفظك والموضوع هو المميز وليس الرد ​

لم ولن أدخل في مشكلة الأعضاء ولكن وجهت نداء لكل الأعضاء لإعطاء مصداقية فقط للردود حتى لا تكن ردود جافة وأرجو أن يفهمو ما أعنيه فقط على كل حال تطلب مني الأسباب المؤدية إلى هذا وأقول لك الأسباب عديدةومتعددة لاتعد ولا تحصى والأسباب مشتركة يعني الذكر والأنثى وأصحاب القرار لهم النصيب الأكبر *
بداية من التربية السيئة يعني الوقت الحالي الأغلبية تاعنا تولد وترمي لزنقة تربي يعني ماكانش هذاك التواصل داخل العائلة ماكانش هذيك لحنانة لي يلقاها الطفل ولا الطفلة في وسط عائلتها
الكبت ودوره الكبير نقص الوزع الديني من بين الأسباب الأكبر يعني كل شيء ولا مباح وترفد الحياء لي كان بكري وذلك من زرع فكر غربي غير شرعي من خلال المساوات الذي لم يعرف الكثير أين بدايتها وأين حدودها إرجاع الرجل المناسب في المكان المناسب تسهيل الزواج لكل الراغبين فيه ولو وضعنا إحصائيات لوجدنا أغلبهم يريدون الزواج بدل كل هته الأمور لأن الأمر أصبح خطيرا لدرجة المقبل على الزواج حتى وإن كان يراوغ الكثير لكنه يفضل دائما كلمة الطفلى لي ماخلطتش وخاطيها ومنها نعرف بلي فاللول يبقى غير يجيب في وقتو نقطة أخرى كي الطفل كي الطفلة ماكانش الثقة بيناتهم يعني من اللول راهي تقول درك يرميني وهو يقول ماراهيش غير معايا ومنها في زوج على بالهم بلي راهم يبنو في وهم ونقص الثقة هذي كامل على بالنا من واش جات وموضوع كيما هذا لو لم يعرفو كيفية مناقشته يزرع كذلك نوع من قلة الثقة كذلك نروحو لأصحاب القرار الكبار بعد تحدتنا قليلا فقط على أصحاب القرار الصغار منهم الوالدين أصحاب القرار الكبار في البلاد كل قرارتهم وكل همهم كيفية التشجيع إلى هذا النوع من الإختلاط وكلنا نعرف الفائدة الذي يستفيدون منها ليس من الباب المادي كما يدهب الكثير للتفكير في ذلك لكن في صنع القرارات السياسية وعدم الإلتفان كثيرا إليها والسياسات هته مدروسة في معاهد و لا تحتاج إلى تفسير كبير للاسف ومنه نعرف بلي نفس بنادم الخبيثة إذا ماكنش حاجا تهدبها وتسيطر عليها تدير كل شي ونعرفو كامل الرغبة لي موجودة داخل أي شخص من كلا الجنسين والإنجداب الفطري لبعضهم سنة الله في خلقه إذا لقات منافد منين تخرج مارايح يشدها لا كلامي ولا كلامك ولا أي طريقة أخرى والأسباب لي كانت زمان تلزم الشخص سواء فتاة ولا فتى
بالسيطرة على هته الرغبة أصبح الأن لديها إغراءات وتشجيعات في كل المجالات وحتى لي قعد شاد روحو خويا أتاكد بلي راه شاد روحو فوق طاقتو يعني ممكن مرات يغلط ويرجع وكاين لي يكمل وهذا كل شيء تاني نعرفوه من خلال حديث الرسول عليه الصلاة والسلام الماسك على دينه كالماسك على الجمر بمعنى الحديث

ونقولك تحليلي هذا جد بسيط يعني مبسط لأقصى درجة ولي عودة إن شاء الله ربي يبارك فيك وربي يخليك ويعطيك ماتتمني وربي يهدي ماخلق دمت بألف خير وهناء
إن شاء الله ​

بارك الله فيك يا غالي . . .

اذن لنتكلم فقط على نقطتين اساسيتين الا و هما تربية الوالدين بكل مراحلها و مفرداتها

و الوازع الديني

اذا كان على التربية نشوف بلي ما بقاش كاين تربية وسط الاسر والاسرة انحلت

و أصبحت في شتات عظيم حيث أنو مابقاش فيه تحكم في الابناء

طريقة غربية بحت

اما الوازع الديني فالاغلبية تارك للصلاة ويجري وراء قصص الحب و الافلام الخيالية

التي يخرجونها لبعضهم البعض

يعني في الوقت الي نسينا فيه كتاب الله وسنة رسوله صلى الله عليه وسلم

دخلنا في دوامة راح نخسروا فيها و راح ننساو احنا شكون

مسلمين ..... لكن يا حصرى أين هو الاسلام

بارك الله فيك حبيبي وصديقي و ربي يخليك دائما صاطع كالنجم

 

[أم عبد الرحمان]

يا أخي موضوعك هدفه نبيل و الناس شدّت في كلمة مسمومة في العنوان و خلات صلب الموضوع و لوكان تجي تشوف في مواضيع أخرى تلقى العنوان عادي بصّح الموضوع كلّه سمّ مثل مواضيع الحب و الهيام و الغرام اللي يقتلو بيهم عقول الشباب المراهقين اللي في اللمة بصّح هاد المواضيع واحد ما يهدر عليهم و خلّو البير بغطاه!!
كلّ ما قلته صحيح يا أخي رغم أنّي لم أدرس بالجامعة و توقّفت عن الدراسة في نصف العام تاع الباك و الله ما قدرت نكمّل غير بسبب الإختلاط والله كنت نشوف البنات و الذكور يديرو عمايل في القسم و واحد ما يقدر يتكلّم ولّا لكلام الزين اللي كنت نسمعو من الكلام البذيء تاع الشوارع صبرت صبرت و من بعد حلفت ما نزيد نروح للثانوية و مع اليوم الأول تاع رمضان بطّلت رغم معارضة الأهل و الله غير كنت نحسّ روحي في مكان تاع شبهة ماشي ثانوية
أمّا الجامعة فكنت نروح لجامعة خرّوبة تاع الشريعة [زعما] و الإقتصاد باش نحضر لمحاضرة أحد المشايخ هناك و الله غير مخّي حبس و الله ما راني لاقيا كيفاش نوصف هاد الأمر تشوف لبنات المكشوف فيها كتر من المستور و تتكيّف عادي و تشوف غير معزة و عتروس لاصقين في بعضاهم و كأنّو راني نشوف في مسلسل مكسيكي ما خافو ربي ما حشمو من الناس و حشمو حتّى من المدرّيسين تاع الشريعة هناك!!و واحد ما ينطق نشوفو و نسكتو و إذا كانت الثانوية بالنسبة لي مكان شبهة فالجامعة مكان للرّذيلة أكيد و الفاسد خسّرها على الصالح بصّح اللي يصلح قليل بزاف و إلّا ما يطغاش هاذ الأمر بهذا الشكل المخيف
أنا بالنسبة لي شخصيا عرفت صلاحي من بكري و جبدت روحي من هاذ الأماكن و ما نحطش في بالي أبدا نخلّي ولادي يروحو لهاذ الأماكن المختلطة .
كي نهدر مع الناس هنا و نقوللهم لازم نخرجو من هاد لبلاد على جال التربية تاع ولادنا و الله غير يضحكو عليا يقولولي علاش واش فيها دزاير باش تولّيلها راهي كيما فرنسا في الفساد نولّي نسكت!!
و الله غير فرنسا يعني الكفار و عرفو بلّي الإختلاط خطر على الشباب في المدارس و الجامعات و هادي قالوها في الأخبار تاعهم في نتائج الباك 2009 قالو أنّو الإختلاط هو سبب تدهور النتائج و من الأحسن قلب النظام المدرسي إلى الغير مختلط !!
و الدولة تاعنا ربي يصلحها باش تنحي هاد الظواهر و تشجع الطلاب في التحصيل العلمي ولات تشجعهم في تحصيل الشهوات الحيوانية تاعهم و قالّك سيدي من بكري مليح زادلو لهوا و الريح و زادولهم إقامات مختلطة يا لطيف!!
أخيرا نقول ما غلطش واحد الإمام كي كان يهدر على هذه الظاهرة في خطبة الجمعة لتوعية الشباب و الوالدين و قال : {أصبح الآن الذي يبحث عن عاهرة يتسلّى بها يذهب إلى الجامعات و الإقامات الجامعية} و هادي عندها سبع سنين مالا دركا واش راه صاري
الله لا يشوّف ولادنا في هاذ الظواهر و ربي يعافينا و بارك الله فيك خويا على الموضوع بصّح الكلام كثير و كثير و الحلّ وين راه؟؟!!

 

[karim073]

يا أخي موضوعك هدفه نبيل و الناس شدّت في كلمة مسمومة في العنوان و خلات صلب الموضوع و لوكان تجي تشوف في مواضيع أخرى تلقى العنوان عادي بصّح الموضوع كلّه سمّ مثل مواضيع الحب و الهيام و الغرام اللي يقتلو بيهم عقول الشباب المراهقين اللي في اللمة بصّح هاد المواضيع واحد ما يهدر عليهم و خلّو البير بغطاه!!
كلّ ما قلته صحيح يا أخي رغم أنّي لم أدرس بالجامعة و توقّفت عن الدراسة في نصف العام تاع الباك و الله ما قدرت نكمّل غير بسبب الإختلاط والله كنت نشوف البنات و الذكور يديرو عمايل في القسم و واحد ما يقدر يتكلّم ولّا لكلام الزين اللي كنت نسمعو من الكلام البذيء تاع الشوارع صبرت صبرت و من بعد حلفت ما نزيد نروح للثانوية و مع اليوم الأول تاع رمضان بطّلت رغم معارضة الأهل و الله غير كنت نحسّ روحي في مكان تاع شبهة ماشي ثانوية
أمّا الجامعة فكنت نروح لجامعة خرّوبة تاع الشريعة [زعما] و الإقتصاد باش نحضر لمحاضرة أحد المشايخ هناك و الله غير مخّي حبس و الله ما راني لاقيا كيفاش نوصف هاد الأمر تشوف لبنات المكشوف فيها كتر من المستور و تتكيّف عادي و تشوف غير معزة و عتروس لاصقين في بعضاهم و كأنّو راني نشوف في مسلسل مكسيكي ما خافو ربي ما حشمو من الناس و حشمو حتّى من المدرّيسين تاع الشريعة هناك!!و واحد ما ينطق نشوفو و نسكتو و إذا كانت الثانوية بالنسبة لي مكان شبهة فالجامعة مكان للرّذيلة أكيد و الفاسد خسّرها على الصالح بصّح اللي يصلح قليل بزاف و إلّا ما يطغاش هاذ الأمر بهذا الشكل المخيف
أنا بالنسبة لي شخصيا عرفت صلاحي من بكري و جبدت روحي من هاذ الأماكن و ما نحطش في بالي أبدا نخلّي ولادي يروحو لهاذ الأماكن المختلطة .
كي نهدر مع الناس هنا و نقوللهم لازم نخرجو من هاد لبلاد على جال التربية تاع ولادنا و الله غير يضحكو عليا يقولولي علاش واش فيها دزاير باش تولّيلها راهي كيما فرنسا في الفساد نولّي نسكت!!
و الله غير فرنسا يعني الكفار و عرفو بلّي الإختلاط خطر على الشباب في المدارس و الجامعات و هادي قالوها في الأخبار تاعهم في نتائج الباك 2009 قالو أنّو الإختلاط هو سبب تدهور النتائج و من الأحسن قلب النظام المدرسي إلى الغير مختلط !!
و الدولة تاعنا ربي يصلحها باش تنحي هاد الظواهر و تشجع الطلاب في التحصيل العلمي ولات تشجعهم في تحصيل الشهوات الحيوانية تاعهم و قالّك سيدي من بكري مليح زادلو لهوا و الريح و زادولهم إقامات مختلطة يا لطيف!!
أخيرا نقول ما غلطش واحد الإمام كي كان يهدر على هذه الظاهرة في خطبة الجمعة لتوعية الشباب و الوالدين و قال : {أصبح الآن الذي يبحث عن عاهرة يتسلّى بها يذهب إلى الجامعات و الإقامات الجامعية} و هادي عندها سبع سنين مالا دركا واش راه صاري
الله لا يشوّف ولادنا في هاذ الظواهر و ربي يعافينا و بارك الله فيك خويا على الموضوع بصّح الكلام كثير و كثير و الحلّ وين راه؟؟!!

أهلا بك أختي معنا . . .

و الله أنا ضد فكرة أنك تخرجي من لقراية باكرا لكني معاك نوعا ما

أنت حبيتي تتفاداي و تعملي الراي الصواب على البكري وما تخليش روحك توقعي في

شباك الشياطين و الفتن المنصوبة في أغلبية مؤسساتنا التربوية

حتى انو الواحد ماعادش يقدر يشوف واش راهو صاري

يا اختي واش راح نقلك كون الغرب يمنعوا الاختلاط احنا رايحين نديروا كيفهم

لاننا بدون شخصية وبكرامة منداسة ..... العرب ككل

في العوض نتمسكوا بديننا الحنيف ونأخذ من عندهم ما ينفعنا فقط

أصبحا صورة طبق الاصل على من يعارضون الاسلام و يقذفون فيه



بارك الله فيك . . .

 

[abidou 20081]

بارك الله فيك يا غالي . . .

اذن لنتكلم فقط على نقطتين اساسيتين الا و هما تربية الوالدين بكل مراحلها و مفرداتها

و الوازع الديني

اذا كان على التربية نشوف بلي ما بقاش كاين تربية وسط الاسر والاسرة انحلت

و أصبحت في شتات عظيم حيث أنو مابقاش فيه تحكم في الابناء

طريقة غربية بحت

اما الوازع الديني فالاغلبية تارك للصلاة ويجري وراء قصص الحب و الافلام الخيالية

التي يخرجونها لبعضهم البعض

يعني في الوقت الي نسينا فيه كتاب الله وسنة رسوله صلى الله عليه وسلم

دخلنا في دوامة راح نخسروا فيها و راح ننساو احنا شكون

مسلمين ..... لكن يا حصرى أين هو الاسلام

بارك الله فيك حبيبي وصديقي و ربي يخليك دائما صاطع كالنجم

ربي يخليك خويا وربي يحفظك

شوف خويا إذا تحدتنا عن جانمب التربية ومفهومها الحقيقي مانلقاو حتى حاجة لأن أغلب الأسر الجزائرية معتمدة على أسلوب فات وقتو مع جيل راه طاير يعني كيلي تجيب كاركاس مرسيداس وتحط فيه موتور 403 وهذي ماتجيش الأسر أو أغلبهم عندهم عقلية وحدة بالنسبة لطفلة وين رحتي ولا وين كنتي
والطفل شوف سيادك واش راهم دايرين هذه هي التربية ماكانش منها النقطة لي مشهورة عندنا حنا الجزائريين وفي أغلب الديار لعياط بين الراجل ولمرى وحتى قدام الدراري ومع العلم أن الطفل الصغير ماشي مليحة كامل يحضر دواس بين والديه لحنانة غائبة في أغلب الأسر يعني كل واحد ولا لاهي في همو وهذي نقطة أساسية تقافة الحوار في المنزل غائبة تماما الطفلة عليها السيطرة والطفل ليه الحرية ولوكان نبداو في طرح المشاكل العائلية ونزيدوها شوية قلة الشي ومع واش راه متوفر برا نقولك خويا رانا مازال شوية مستورين واش من طفلة تعلمت في دارها بلي راهي رافدة أسم عائلتها وراهي مكلفة بالمحافظة عليه لوكان تتعلم تتحمل غير هذ المسؤولية برك رايحة ترفد راسها فالسما شوف خويا مفهوم التربية عندنا غائب تماما ماشي عيط على الطفلة وزيرها معنتها راهي تتربى لالا
الطفلة كيما الطفل محتاجين لرعاية محتاجين لحنان الأبوة محتاجين لجو عائلي مميز يخليها تكون متشبعة من هذا الأمور وماتحوسش عليهم برا عند شخص غريب ولا عند عدة أشخاص مازال هذيك لي عندها شخص واحد تقول راهي تبني في حياتها معاه وحتى السيطرة لي مطبقينها فالدار ساعدت الذئاب البشرية مليح مليح يعني نحطو مثال خاوتي ونتناقشو عليه وإذا كنت غالط قولولي راك غالط
نجيبو طفلة والطفلة تاني بشر وعندها قلب وإحساس عجبها شخص تبعها وأوهمها بلي هذاك هو حبيبها وهذاك هو راجلها فالمستقبل لوكان نحو شوية من النيف الزائد وتخلو الطفلة تكون عندها القدرة باش تجيب الطفل هذا وتقدمو لدارها ولاتقول عليه لدارها على الأقل ويكون التفاهم ماشي لعياط يروح واحد من العائلة ويستدعيه لدارو تفضل خويا راك جاي مع الباب ولا مع التاقة لتم الشاب هذا ماعندو مايزغد يعني يتحط فالأمر الواقع وماعندو مايكذب على الطفلة نروحو درك لعقليتنا وتصرف أغلب الناس الطفلة ياويلها يسمعو بها دارهم هذي أول فرصة للشاب يستغلها يعني المشية تكون بتخبية ولي تزيد تساعد الشاب من الخوف تاع الطفلة هي تولي تطلب في أماكن بعاد عن الأنظار باش دارهم مايفيقوش وهذي زادت كملت على لحساب وهو يبدى يتفنن فالأسباب منين تقولو أتقدم لدارنا مرة يقولها راني نوجد في روحي ومرة يقولها أصبري شوية يما راها حاطة عينها على وحدة من لافامي غير نليكيديها نجيك وكل مرة سبة الطفلة المخلوقة ماعليها غير تصبر وتقول خير ملي نضيع حبي نصبر معاه وأغلب الفتيات ولاو يلجؤو لعقسة وحدة ولات مارقة عند الشباب كامل ولي هي لازم تتقدملي راه واحدجاي يخطب فيا وراني خايفة دارنا لا يوافقو هذ العفسة كامل الشباب ولاو يعرفوها ولوكان كان باب الحوار مفتوح رايحين نقصو إستغلال هذ الذئاب البشرية يعني من مفهومي للتربية مع الجيل الحالي لازم تتبدل شوية العقلية ومن مفهومي الوالدين والأخ والأخت كامل مساهمين ونعاونو في هذ لفساد
والكلام في هذ الجانب مايخلاصش هنا ودائما راني نحوس نبسط الأمور باش تكون مفهومة مليح

نروحو لنقطة مهمة ولي هي الهوية حنا ظاهريا إسلاميين عقليا أوروبية وعلاش هذ النقطة بالذات لأانه ببساطة عند أغلب الشباب أن الإسلام دين تخلف وهذي صورة ترسمت عندو من عدة أسباب لان
حتى الطوائف هذي لي كثرت ساهمت في تعفن الأوضاع الشاب ولا الشابة متأثرين بالتفتح الأوروبي والحرية لي عاطينهالهم وماقدروش يعرفو بلي هومجرد إنحلال خلقي وحتى لوكان نقانوالإنحلال الخلقي الغربي بالإنحلال تاعنا حنا رانا وصلنا لمرتبة خطيرة ونقدر نمد مثال على ذلك نعرفو بلي في أوروبا تقدر تشوف شاب ولا شابة في مقتبل العمر له مسكن خاص به لكن هذ المنزل ماشي غير لي جا ولا لي جات تدخلو وتخيل لو أنه لدينا الإمكانيات كيما أوروبا والشاب ولا الشابة عندهم مساكن خاصة بهم واش يصرى كارثة يختفي فيها حاجا يسموها الزواج ياخويا رانا وصلنا لمرحلة فاقت حتى التقليد الغربي الغرب إذا لبسو المفضوح أسلوبهم ولا معتقداتهم تخليهم يديرو هكذا بصح تحبس فالبسة برك لكن حنا إذا لبسنا المفضوح لازم نزيدولو شوية توابل تاع لخلاط مارانيش نركز هلى الدين علىخاطرش
قبل مانهدر على الدين لازمنا نهدرو على الطرق لي تساعد الناس باش يرجعو لهذ الدين وحتى من المفهوم تاع الدين الإسلامي عند أغلب الشباب ناقص بزاف بزاف يحسبوه دين يحرم كل شي ومايعرفوش بلي الدين ينظم كل شيء ويعطي لكل واحد حقو ويحفظ كرامة كل شخص ويعطي صورة حسنة لهذ الشخص أمور كثيرة غائبة على العقلية تاع الشباب الدين ينقي فيه ويهرب فيه من الأمراض وهو يحسبو راه يجيف فيه الدين نظم الأمور ودارلها قواعد صحيحة ونظام ينفع دنيا وأخرة لكن للاسف يحسبو ولا يشوف فيه الدين غير تاع الأخرة والأغلب يقولك ماعليش نزهى شوية وبعدها نتوب وغيرها من المفاهيم الخاطئة لي راها غير تزيد في حجم الفساد موضوعك خويا كبير ويحتاج بزاف وأنا راني طولت عليك ربي يخليك وربي يحفظك وربي يعطيك ماتتمنى دمت بألف خير وهناء إن شاء الله ​

*

 

[ابو رحيل المهاجر]

ويحكم يا ويلكم من عقاب الله إن الله يمهل ولا يهمل ايها المسؤولون والمشرفون على الجامعات والاقامات .
استغرب في أب يشتري لابنته هاتفا نقالا وهي في الابتدائي والمتوسط والغريب انها تسكن قريبا من المدرسة؟
لم يبقى علم لم يبقى حياء لم تبقى اخلاق هدا كله ناتج عن الاختلاط ، الاختلاط جريمة حسبنا الله ونعم الوكيل في كل مسؤول كان سببا فيه

 

[fati_zou]

ربي يخليك خويا وربي يحفظك ​

*

ردك اخي كان جد مميز ويدل انك انسان مشاء الله عليك
المهم اخي الكريم نتوقف انا عند نقطة الي انت قولت لازم البنت تحكي لدارهم اوكي انا في واحد المرة جاني واحد حاب يحكي انا ماحكيتش معاه اول حاجة استشرت الدار وكي روحت للبنت الي بعثهالي باش تقولي قولت ليها لا مانحكيش دارنا قالولي ماتحكيش تخيل ضحكت عليا وبعد مدة جات تقرى مهمومة تشف راحت دارت الاسلوب انتاعي ناضت حكات لدارهم على امورها تنوض اختها حرشت امها ولحقت باباها ووصلت مشكلة لقلب السما شوف هاذي الطفلة تحسها معدنها طيب لكن للأسف ضايعة مدايرة كراعها المهم انا وحدت ناس كنت نشوفها بغير احترام لكن كي فهمت انو سببها عائلتها مازدتش لومت عليها
(اكبر سبب هم العااااااااااااااااااااااااااااااااااااااااااائلات ثم العاااااااااااااااااااائلات )
واش رايك في وحدة تقول ليها امها مانستعرفش بيك تخرجي من الجامعة من غير راجل
واش دير وحدة كيما هكا رايحة تدير رايها باشتتزوج المهم تلقى زبلة تجملها
(ربي يهدي العائلات)

 

[fati_zou]

اخي كاتب الموضوع موضوعك مميز
لكن العنوان اخي غيرو من فضلك قول مثلا فئة تطلب العلم وفئة تطلب الفساد لأنك يوم القيامة تحاسب عن البنات الي هما يطلبو في العلم وخاطيهم الهم والخماج
اخي نقولك حاجة الاسف ثم الاسف على الجامعات نقول ليك حاجة الي نشوف فيه اكبر فساد هم بنات الاقامات حاشة القليييييييييييييييييييييييييييل الي راهم يقراو صح وخاطيهم ، خماج تقولي كلاب كانو في غرفة ظلمة وطلقوهم في الضو ماهم فاهمين والو وداخلين في الدنيا برجليهم علاش نقولك هكا روح لجامعة وشوف الي تروح مع واحد على جال عشا في مطعم والي تبات البرة والشراب والمخدرات وووو الخ ماكلاه ندخل في التفاصيل
نقولك مام بنات البلاد مدايرين رايهم حاشى الي ناس ملاح ورايحين يقراو صح وخاطيهم مي انتاع القرى مدايرنو في الثقيل وانتاعنا جامي وحدة تروح تبات البرة مع واحد الا اذا كانت ماهيش بنت فاميليا مي بنات الاقامة تلقاهم والديهم ناس ملاح وهما كي يبعدو على عينيهم ويشوفو الدنيا يديرو رايهم يباتو ويروحو يسافرو قداش من يوم نورمال لامن شاف ولا من دري وصرات قداش من قصة من هذا القبيل لكن ان شاء الله نحط موضوع نحكي عليهم.
مي راح كامل المحرم في المجرم والي تقرى في الجامعة تتسب نهار الي تتخرج تدي ديبلوم ومعاه كلمة بلي ماهيش ناس ملاح
والله كرهت الواحد يهرب من التلفزيون باش مايشوفش مناضر ماهناش نروح للجامعة نشوفهم على العلن لا حولة ولا قوة الا بالله
(اذا فسدت الاديان استحفظ على دينك الدنيا مابقا فيها والو )