مجهول الاب................

[سماح4]

السلام عليكم :
اليوم جيتكم بموضوع جديد وحساس ، نتمنى تتفاعلوا معاه ...
اليوم كنت نقرا في دوسيات -ملفات- تاع التلاميذ حتى حبست عند شهادة ميلاد لطفل أسم الام موجود واللقب موجود ....لكن تخيلوا الكارثة ...اسم الاب مجهول ....مكتوب: مجهول الأب ....
قعدت حايرة ؟؟؟؟؟؟؟؟؟
وكي سقسيت قالولي هذا الوالد والوالدة انتاعو كي تزوجو ماعقدوش في البلدية ...اي الزواج المدني...ومن بعد صارت خلافات بين الأبوين انتهت بالطلاق ...ولما وصل الطفل سن السادسة باش يدخل للمدرسة وجد أنو ماهوش مسجل فالبلدية اي ماعندوش شهادة ميلاد...وخرجوهالوا فقط بالشهود ...وبقي الامر معلق والطفل مكتوب على شهادته كلمة ...مجهول ألاب.
واش رايكم فهذا الزواج اي الشرعي دون العقد المدني ...
وواش رايكم في هذي العقليات الي موجودة فالمجتمع ،والضحية لي هو الطفل كيفاش رايح يتقبل هذا مستقبلا....اليكم الخط ....لازم تردوا ولو بكلمة.

 

[BarBi3]

صح و الله كاينة بزاف و المشكل ما بقاتش غير بكري ما زالت حتى لليوم يزوجو بالفاتحة و ...
و الله كارثة لاخاطر بهاذ الزواج يضيع حق الزوجة في حالة الخلافات و الكارثة هي حالة الاولاد كيفاش رايحة تكون و هذي اذا ماكانتش عندها تاثير عليهم الحاجة الاخرة انها تعقدهم و ماتعطيلهمش فرصة لشخصية احسن و مستقبل زاهر
و الله ربي يهدي الناس اللي يزوجو هكذا و الوالدين اللي يقبلو يزوجو بناتهم بهاذ الطريقة

مشكورة على الطرح المتميز موضوع رائع و يستحق النقاش
​

 

[حسان]

إذا كانت قصة صادقة فذنب ذنب والده الذي لم يسجله في البلدية فهو يتحمل المسؤولية أمام الله

لكن أين هي والدته ؟ تستطيع أن ترفع القضية في المحكمة و سيقوم بتسجيله إجباري تحت القانون

 

[سماح4]

صح و الله كاينة بزاف و المشكل ما بقاتش غير بكري ما زالت حتى لليوم يزوجو بالفاتحة و ...

و الله كارثة لاخاطر بهاذ الزواج يضيع حق الزوجة في حالة الخلافات و الكارثة هي حالة الاولاد كيفاش رايحة تكون و هذي اذا ماكانتش عندها تاثير عليهم الحاجة الاخرة انها تعقدهم و ماتعطيلهمش فرصة لشخصية احسن و مستقبل زاهر
و الله ربي يهدي الناس اللي يزوجو هكذا و الوالدين اللي يقبلو يزوجو بناتهم بهاذ الطريقة​

مشكورة على الطرح المتميز موضوع رائع و يستحق النقاش​

شكرا لردك اختي...صح للآن الزواج مزال بالعقد الشرعي فقط ،والعقد المدني مهمل وكاين بزاف ناس تصرا عندهم هذي وهما انهم مايعقدوش العقد المدني خوفا من اعطاء حقوق المراة وكاين بزاف الي مايسجلوش أطفالهم اصلا حتى بلوغ سن الدراسة وأكثر وممكن يسجلوا الزياد خطأ في العام والشهر واليوم ..
وهذي امور تضر بالطفل والمستقبل انتاعو شكرا ليك.

 

[Manar19]

هدا لمشكل متعلق بالتخلف والجهل والناس للي متخممش فالعواقب , من لجهل تاعم الطفل عندو باباه ومكتوب فالدفتر تاعو مجهول لاب وهدي كارتة . شكرا على لموضوع

 

[H@teM]

يعني منتشرة في المناطق النائية هاد الضاهرة
لازم العقد في البلدية باه يولي كلش في النور ولي تزوجوا الزواج
هادا الضحية هو الطفل يعني عايش بجسموا وكلش بصح ماشي عايش
عند الدولة ومراحش يهز حقوق تاعوا كي الناس كابسط ميثال شهادة ميلاد
او حق التعليم في المدارس
لكن يبقى المشكل الرئيسي هنا هو الجهل
يعطيك الصحة على الموضوع
​

 

[الظل الطويل]

اختي هدي الظاهرة نتاع الطلاق والزواج المدني او غيرو
متأثرش على الزوجين قد ما يكون تأثيرها كبير على الدراري
و الله قبل مايديرو تصرف او يوصلو للطلاق على الاقل يشفقوا على الدراري ويخموا بالحياة لي راح يكملها مهمشة
والله يغيضوك اولاد والديهم مشي متفاهمين وتلقاه ما يتمنى في هدي الدنيا غير انو يعيش بين احضان وتلديه وبين عائلة واحدة في دار تجمهم
الطلاق ولا لعبة
ومنساوش بلي هدي اللعبة هم اولادهم
لا حول ولا قوة الا بالله
لوكان نبقى نحكي منحبسش

شكرااا على الموضوعـــ الراقيــــ..
​

 

[nina bonoise]

هذي الغلطة تاع les parents

 

[سماح4]

إذا كانت قصة صادقة فذنب ذنب والده الذي لم يسجله في البلدية فهو يتحمل المسؤولية أمام الله

لكن أين هي والدته ؟ تستطيع أن ترفع القضية في المحكمة و سيقوم بتسجيله إجباري تحت القانون

فعلا هي قصة صادقة، والاب ماسجلش ابنو فالبلدية شحانة فالام ...كاين امهات لاحول ولاقوة لهن وكي تزيد تطلق تنكسر اكثر يعني بلاك ماعندهاش حتى لي يجيبلها حقها ولا يوعيها ...واش تحب.
رانا نحكيو على الضمير الميت.

 

[سماح4]

هدا لمشكل متعلق بالتخلف والجهل والناس للي متخممش فالعواقب , من لجهل تاعم الطفل عندو باباه ومكتوب فالدفتر تاعو مجهول لاب وهدي كارتة . شكرا على لموضوع

فعلا هذا سبب من اسباب الجهل والضحية الابناء.

 

[سماح4]

يعني منتشرة في المناطق النائية هاد الضاهرة

لازم العقد في البلدية باه يولي كلش في النور ولي تزوجوا الزواج
هادا الضحية هو الطفل يعني عايش بجسموا وكلش بصح ماشي عايش
عند الدولة ومراحش يهز حقوق تاعوا كي الناس كابسط ميثال شهادة ميلاد
او حق التعليم في المدارس
لكن يبقى المشكل الرئيسي هنا هو الجهل
يعطيك الصحة على الموضوع​

لا مش مشكل المناطق النائية فقط حتى وهي موجودة فعلا فيها،هذا مشكل ناس ماعندهاش ضمير .الله يهدي وخلاص ..شكرا ليك.

 

[سماح4]

اختي هدي الظاهرة نتاع الطلاق والزواج المدني او غيرو

متأثرش على الزوجين قد ما يكون تأثيرها كبير على الدراري
و الله قبل مايديرو تصرف او يوصلو للطلاق على الاقل يشفقوا على الدراري ويخموا بالحياة لي راح يكملها مهمشة
والله يغيضوك اولاد والديهم مشي متفاهمين وتلقاه ما يتمنى في هدي الدنيا غير انو يعيش بين احضان وتلديه وبين عائلة واحدة في دار تجمهم
الطلاق ولا لعبة
ومنساوش بلي هدي اللعبة هم اولادهم
لا حول ولا قوة الا بالله
لوكان نبقى نحكي منحبسش​

شكرااا على الموضوعـــ الراقيــــ..​

فعلا ناس ما تخممش للقدام والضحية لكبيرة الاطفال.

 

[سماح4]

هذي الغلطة تاع les parents

شكرا ليك وعندك الحق.

 

[sayco]

امر مؤسف جدااااااااااااااا .

 

[winrar]

شكرا سماح الضحية الاولي هي الزوجة حقوقها كامل تروح خصوصا اذا كان الزوج ميخافش ربي والضحية اللي بعدها هم الاولاد لابد على المرأة ان تعقد العقد المدني باش تضمن حقوقها

 

[سماح4]

امر مؤسف جدااااااااااااااا .

فعلا امر مؤسف.............شكرا ليك.

 

[سماح4]

شكرا سماح الضحية الاولي هي الزوجة حقوقها كامل تروح خصوصا اذا كان الزوج ميخافش ربي والضحية اللي بعدها هم الاولاد لابد على المرأة ان تعقد العقد المدني باش تضمن حقوقها

كاين بزاف بنات مقبلة على الزواج ما تهتمش بهذا الامر ، ويخلو الامر معلق الى ما بعد الزواج وممكن ينساو يعقدو بعد الزواج لمدة طويلة فاذا حدثت المشاكل كانت الكارثة بضياع حق الزوجة والاطفال وخصوصا اذا كان الزوج هو المتسبب في المشاكل ....
بارك الله فيك.

 

[سحر سورية]

مشكورة حبيبتي على طرح الموضوع .
واش نقولك و الله غير الطفل اللي يخلص مسكين و المراة تاني يروحولها بزاف حقوق صاح مليح الزواج كي يبدا يالعقد الشرعي ميبصح لازم يكملوا العقد المدني هو الاهم عندنا ربي يهديهم و يهدينا احنا تاني .
يعطيك الصحة على الموضوع و الله غير موضوع الساعة.​

 

[ام عبد الهادي]

salam
sister samah
so sister i can not send you a special letter becaue i don t have the number participations
so if you have an other method to comunication i will be happy
thank you sister for your respect
salam

 

[KimoB]

كاين بزاف الي يتزوجو هكا و اللي تواجه المشاكل هي الزوجة والي روح ضحية الولد أوالبنت .... لازم عقد مدني أولا قبل الفاتحة .... لأن حتى ولو ترفع عليه قضية القانون ما يرحمهاش و يتعامل بالوثائق القانونية والعقد المدني وثيقة مهمة للمرأة و سلاح قانوني تقدر اتشارع بيه وتجيب حقها.... أما الفاتحة فقط تعتبر في إطار الزواج العرفي و هي وزهرها واللي خاف اسلم واللي سلم سعدت أيامه.
شكرا سماح موضوع جد مؤثر والطفل ايغيض بلبزاف.​