العزوبية والزواج

[stayfi]

السلام عليكم ورحمة الله وبركاتة ​

لبارح زوج صجبي نتمنالو زواج سعيد انشاء الله
وحنا ملمومين فى هذاك العرس بقينا نتناقشو فى موضوع
الزواج والعزوبية (Célibataire)
​

واجتمعنا على فكرة ان اغلبية المتزوجين يحبو يوليو لحياة العزوبية ويحنون الى الحرية حسب اقوالهم

واغلب العزاب حابين يطلقو حياة العزوبية.

فما السر بين هذا الاختلاف والتناقض العجيب ؟؟​

فى ريكم يا اعزائى هل الزواج او العزوبية فضل؟؟​

لو خيروك بين الاثنين واش رايح تخير؟؟​

 

[fahima m]

انا نخير الزواج لان مانحبش نعيش وحدي في هذي الدنيا لانو ما يدوملك حتى واحد الام ولاب يروحو ولافامي تزليك يقعدلك غير ولادك ومرتك
والي يقول حاب نرجع لحياة العزوبية خطراكش ما قدرش على المصاريف وانا نقلو ماكش قادر وش داك تتزوج

دك حصلت
ههههههههههههههههه

​

 

[stayfi]

انا نخير الزواج لان مانحبش نعيش وحدي في هذي الدنيا لانو ما يدوملك حتى واحد الام ولاب يروحو ولافامي تزليك يقعدلك غير ولادك ومرتك

والي يقول حاب نرجع لحياة العزوبية خطراكش ما قدرش على المصاريف وانا نقلو ماكش قادر وش داك تتزوج ​

دك حصلت
ههههههههههههههههه​

​

مشكورة على المرور اختى العزيزة
صح مكانش قد زواج ومكانش قد لحلال مى هموم الدنيا والمصاريف والمشاكل العائلية تخليك تهرب من الزواج
الحاجة الاولى كى تروح تخطب تلقا يسنا فيك الشرط من 10 ملاين وطلع وين رانا وصلين​

 

[fatima188]

أكيد الزواج..........
بالنسبة ليا مكانش خيرمن الزواج
خطراكش ما يخليكش تروح للحرام
وما تخافش الرزق على ربي ...
10 ملاين برك
وجاتك بزااااف
هههههههههه​

 

[Manar19]

سر هدا التناقض انهم قبل ما يتزوجو ماحسبوهاش , كاين للي زوج من اجل اغراض ومبعد وللاولو عادي , وكاين للي زوج من اجل يزوج برك , في حين الزواج هو استقرار وبناء اسرة وباه تبني اسرة لازمك تكون موجد روحك نفسيا وماديا وتكون مقتنع بالمراة للي رايحة تشاركك حياتك , مي في وقتنا هدا وللا من جا يقولك نتزوج وهو والله ماعلابالو واش كاين ومبعد يووللي لحياتو للي كانت من قبل ماعلابالوش بللي لحياة الزوجية هي التزامات. شكراا على لموضوع

 

[عيوني سبب غروري]

الطفلة منا رايحة رايحة للزراج لخطرش ميدوملها غير دارها و رجلها مهما طلعت بيها وهدي الهدرة ماشي غير للبنات الولاد تانيك وهدو المتزوجين سيسور مقدروش يتحملو المسؤولية هههههههههه

 

[عيوني سبب غروري]

معليش سؤال صغير انت واش هو ردكstayfi؟

 

[سماح4]

انا نضن الي يحوس يرجع عازب بعد ما يتزوج اما ما يحبش المسؤولية أما حاب يرجع للحرام والعلاقات تاع المراهقين والتمسخير اما الله غالب عليه مالقاش الانسانة لي توالمو وتكون انسانة صالحة ليه .
لكن الزواج بطبيعة الحال احسن فهو ستر للمراة والرجل وتحصين للنفس من الشهوات والمحرمات وفيه المودة والرحمة وتكوين اسرة يعني فوائد نتاعو اكثر بكثير من العزوبية اختصارا الزواج هو اتمام لنصف الدين.والانسان المسلم له أجر في ذلك.....

 

[ملاكي]

انا نفضل حياة العزوبية
لاخاطر لحد الآن ما شفتش في الزواج اكتر من
أنو مسؤوليات و مشاكل بزاف

 

[stayfi]

معليش سؤال صغير انت واش هو ردكstayfi؟

صح مكانش قد زواج ومكانش قد لحلال مى هموم الدنيا والمصاريف والمشاكل العائلية تخليك تهرب من الزواج
الحاجة الاولى كى تروح تخطب تلقا يسنا فيك الشرط من 10 ملاين وطلع وين رانا وصلين

 

[zahra09]

انا منقدرش نقول الزواج خير ولا العزوبية خير برسكو كل حاجة جي في وقتها الانسان مراهوش رايح يكمل حياتو وحدو او ماشي يتزوج قبل الوقت

علابالك علاش لي يكون مزوج يحب يرجع عازب ولي يكون عازب يحب يتزوج برسكو الانسان دائما ميقنعش بواش كتبلو ربي

مرسي

تقبل مروري

تحياتي​

 

[لؤلؤة وادي سوف]

ا

لسلام عليكم يا اخي هذا راه نصف الدين وعلاه راكم خايفين من الشرط ومن هذه الامور بسطوها تبساط خلاص ويكذب عليك الي يقلك العزوبية خير توصل الى وقت تحتاج ماتكونش وحدك كاين شخص يشاركك حياتك وافكارك ويحس بيك في ثقل الامور قبل ابسطها وربي يهني كل واحد ويرزقكم بنات حلال ​

 

[médéenne.girl]

ايه هدو هما الناس ما يقنعوا بحتى حاجة المتزوج يحوس يرجع عازب والعازب يحوس يتزوج القصير يحوس يطوال والطويل يحوس يقصار وهي رايحة ....... انا بالنسبة ليا مزلت صغيرة وصح نحلم نتزوج وبزاف حباباتي قدي تزوجوا في سن مبكر مي جامي فكرت ولا خممت نتزوج دركا وعلى بالي بلي الندامة فيها فيها انا حاليا تهمني قرايتي كي نحقق واش راني متمنية تماك تبان الطريق الزواج جاي جاي ..... ولا ماجاش ربي مكتبش وراه المشكل وبالنسبة للرجال لي يقلك معنديش سيي تخدم على روحك وامبعد خمم فالزواج .... انت واش داك باش تولي تشتكي والله العظيم ومتقليش لبنات يحوسوا على الدراهم باسكو اي طفلة تحب تعيش كيما ف دارهم ولا خير مكاش لي تحوس على التمرميد هادي حاجة باينة .

 

[أميرة العيون]

سلااااااااام انا رايي ان الزواج احسن حل لكن لما يكون الشخصين متأكدين انهم قد المسؤولية وقادرين على مواجهة المشاكل واكيد لي خلق مايضيع........ فالزواج دائما هو الحل الافضل لتجنب الوقوع في الحرام......... وأنا نقبل نتزوج بيك بلا شرط نتاع 10 ملاين:wink: