تحية طية وعطرة أختي العزيزة البسكرية
نقولك بالرغم من أني ماشي مسجل في الفايسبوك ونسمع بيه ومرات تجيني في الإميل تاعي حوايج كيما هاك
لكن مارحتلهاش وماحوستش نفهم واش فيها لكن على حساب مافهمت من عندك انه تم التعامل بسياسة الكيل بمكيالين وكلنا نعلم بلي رانا متعرضين لمثل هته الأمور ومن ناحية التكنولوجيا راهم هاربين علينا يعني حتى اللأنترنيت هما لي خترعوه وحنا لعرب مجرد مستهلكين وعلى هذي لكن النقطة المهمة في الموضوع هي على المقاطعة ولا عكسها نبهك ختي لعزيزة وننصك بحاجا وحدة أنه المنتديات هذي فيها لمليح وفيها لقبيح والدين تاعنا علمنا نقطة في هذا الجانب ويقولك منين تغيبلك أرجع للصح ومنه نقولك المقاطعة أحسن
على بالي أنت راكي تشوفيها من باب وعلاش يقعدو يستهزاو بالرسول ومانردوش ونقاطعوهم وأنا نقولك وعلاش الناس هذي جاهلة والهدف تاعها باين ماشي ناس حابة تفهم ولا تهدر من غير قصد ومنه التعامل مع هذ الناس تخليهم يزيدو في العناد تاعهم ويولو يسبو الرسول عيه الصلاة والسلام وأنت نيتك سليمة وهي الدفاع على الرسول عليه الصلاة والسلام ولكن جبتيلو السب ومكانش خير من كلمة وإذا خاطبكم الجاهلون قل سلاما *إقتداءا بالأية الكريمة لي تقول وَإِذَا خَاطَبَهُمُ الْجَاهِلُونَ قَالُوا سَلَامًا بزاف منا لي يغلط ويبقى في جدال مع قوم غضب الله أصلا عليهم ونقدر نحط منتديات ولا عدة طرق أخرى ونعرف بها سيرة الرسول عليه الصلاة والسلام والدين الإسلامي أحسن ماندخل في مواقع الهدف تاعها أصلا لهذ الشي هذا على حسب فهمي لموضوعك ربي يخليك وربي يعطيك ماتتمني
دمتي بألف خير وهناء إن شاء الله
