أسوء أسبوع . وش يريح العبد من مشاكلو .ماكانش حلول

[Adel Adel1]

مرات امور بسيطة تكبر
مرات امور كبيرة ماعندها وين تزيد توصل
تشوفها تزيد و توزيد و علابالك راي في طريق و يجي نهار وين تخلص و تحبس
نحاول و تحاول تعدل الأمور
بصح على اللخر قلبك يتحرق

أسبوع ؟؟؟ مافهمتش كيفاه جا .

مشاكل عائلية و لازم انا لي نحلها حاولت و حاولت الحمد لله قدرت . مرض و ماعنديش مشكل فيه

كان عندي كناري تاعي ربيتو 10 سنين مات و قلنا معليش

ليوم.. لي كنت رايح نخطبها و نكمل حياتي معاها حبستها لؤمور مانقدرش نهدر فيها

بلوكيت جامي حسيت كيما دركة

فهموني لجماعة لي مالفين يهدرو على الحب و ماإلى ذالك

كنت دايما ضد مواضيع الحب و مشاكلها

لكن في الحب العفيف و الأمور النفسية الجدية الواقعية ليمايش كتابات فقط
تقدروو تعاونو ؟
تقدرو تنفسو عن قلب العبد تقدرو تنقصو عليه همو ؟؟
ولا راكم جديرين بالكتابة بلا ماتفهموها؟


مجرد كلام كيما مالقيتش وين نفرغ جيت هنايا
​

 

[sayco]

واش رايح دير خونا عادل نقولو المكتوب تاع ربي و هذي عقبات في حياتنا بلا بيها يروح معنى الحياة . و كامل رانا نعيشوا في مشاكل كيما هذي . ... ربي يعاونا و يعاونك ...

 

[Parfum floral]

في حياتنا كلش ممكن
رانا نتلقاو بناس و نودعو ناس و تكمل الحياة بينا و لا بلا بينا و بيهم و لا بلا بيهم
اذا انت عشت في الحزن رايح تعيش فيه وحدك و الناس ماشية في حياتها و اذا كملت حياتك رايحة تكمل تاني
اذا انت اللي تخير واش دير تعيش تحاسب في روحك و تخمم في الماضي و لا تنسى او تحاول تنسى و تكمل و دايما خمم بلي رايح تتلاقى مع ناس و ناس ...
حنا ما نعرفوش المشكلة بصح احساسي يقول عاصفة و تروح و كلش يتسقم من بعد انشاء الله و ترجع الامور كيما كانت و افضل​

 

[Adel Adel1]

واش رايح دير خونا عادل نقولو المكتوب تاع ربي و هذي عقبات في حياتنا بلا بيها يروح معنى الحياة . و كامل رانا نعيشوا في مشاكل كيما هذي . ... ربي يعاونا و يعاونك ...

آمين أخي بارك الله فيك على إهتمامك

 

[Adel Adel1]

في حياتنا كلش ممكن
رانا نتلقاو بناس و نودعو ناس و تكمل الحياة بينا و لا بلا بينا و بيهم و لا بلا بيهم
اذا انت عشت في الحزن رايح تعيش فيه وحدك و الناس ماشية في حياتها و اذا كملت حياتك رايحة تكمل تاني
اذا انت اللي تخير واش دير تعيش تحاسب في روحك و تخمم في الماضي و لا تنسى او تحاول تنسى و تكمل و دايما خمم بلي رايح تتلاقى مع ناس و ناس ...
حنا ما نعرفوش المشكلة بصح احساسي يقول عاصفة و تروح و كلش يتسقم من بعد انشاء الله و ترجع الامور كيما كانت و افضل

نعم الكلام كلامك
لكن أخي
مش مليح الإنسان ينسا مشاكلو
لازم يخمم فيها قبل مليح
على خاطر الحيات طويلة و الأعمار بيد الله و يوم لي يعاود يصادف مشكل كيف مشاكلو السابقة لازم يعرف يتعامل معاه
كون ينسىمشاكلو و مايخممش فيها نهار تعاود تصرالو مايقدرش يحلها
​

 

[Parfum floral]

ماشي ما تخممش فيه لكن الحياة لا تتوقف عند هذا المشكل هي تجربة مكتوبة عليك تمر بيها و راك مريت بيها
شخصيا اي مشكل نمر بيه نحاول نخرج منو اقوى و نحلل اسبابه و نستفيد منه باه ما نزيدش نتحط في نفس الموقف و حتى اذا تحطيت فيه مرة اخرى نعرف كيفاه نتصرف
انا قصدي فقط ان اي شخص عنده مشكل لازم يقويه ماشي يحطمو و ما يخليش هذا المشكل هو محور حياته صح تخمم يوم يومين ثلاثة..... بصح ماشي حياتك كاملة تدمر علاجالو..
تقبل مروري​

 

[Adel Adel1]

عندك الحق على خاطر كاينين ناس يستلذو بمشاكلهم و خليوها معاهم عمر بكل

 

[* تسنيم *]

السلام عليكم
و الله يا خويا كل وحد فينا عندو مشاكلو واش تحب هده هي الدنيا بصح بهموم الناس تنسى همك
وكل واحد يدي قسمتو في هاد الدنيا ....حط ربي في قلبك جامي يخيبك ربي يكون معاك ومعانا
وحنا في المنتدى رانا خوا و الله انا تاني كي نتعمر نحب نفرغلكم
ربي يجيب لي فيه الخير يقلك انس الهم ينساك

 

[aMiNa-K]

السلام عليكم

يا اخي اسبوع برك و راكي تشتكي
شوف للي راهم كثرمنك.. و الله يا همك تنساه

و ان شاء الله ازمة و تفوت.. و ان شاء الله تتعلم منها

ربي يخلف عليك.. و يفرج عليك​

 

[سماح4]

ربي يعاونك عادل والله كاين ايامات تفوت مع بعضها وكانها شهور ولا سنوات وتتراكم عليك الهموم من كل جهة ...لكن بشوية تفوت وحدها وتتحل المشاكل بالتدريج وما تلقاها الا فرجت ان شاء الله.

 

[sahouma]

خويا ملازمش تفقد الامل دايما كون متفائل

والحاجة لي تجرحك خليها تعلمك وتوقفك ماشي تطيحك

وحنا رانا نعرفو ناس ممكن يكونو ملاح وممكن لا

ممكن يحبونا ممكن لا

ممكن يجرحونا ممكن يفرحونا

المهم لازم دايما بسمة امل

ودايما للامام لا للخلف

 

[bessad]

السلام عليكم

 

[bessad]

قدر الله ما شاء فعل.
اتأكد اخي بلي اي حاجة تفوت ما رايحاش ترجع و ربي سبحانه ما يشوف غير الصلاح
لي مكتوبة في الجبين ما يمحوها يدين.
ان شاء الله بعد العسر يسر و ما تستاع حتي ديق و اتأكد انه بعد كل دمعة ابتسامة و بعد كل ليل نهار و هدا امر الله العزيز القدير
نتمني تريح في اقرب وقت الله يهدي سرك

 

[أم عبد الرحمان]

المشاكل في حياتنا ما هي إلّا دروس نتعلّم منها و في هاد الدنيا كلّ واحد و همّو ما كانش اللي راه مهنّي و كلّ واحد منين جايّاتو
أمّا مسألة تعلّق القلب فالأمر صعب و كلّ شيء بقدر و اللي كاتبهولك ربّي راح تدّيه مالا ما تكسّرش راسك و خلّيها على الله
ربي يفرّج عليك أخي و على كلّ مومن و يسهّل طريق الخير و الصلاح

 

[شاكيرا]

صدقني اخي الكريم كاين شيى ناس مشاكلهم اكبر من مشاكلنا يقولك لي يشوف مائب غيرو تهون عليه مصيبتو صعيب في هذي الدنيا يتحقق كلشي انا هذي الحياة مسميتها بلد المفارقات اي لي تكون تحوس عليها ما تكونش من نصيبك ولي تكون هارب منها تلصق فيك هذي هي الدنيا حلاوتها في مشاكلها وربي يكون معاك

 

[شهد .]

الانسان قوي بصح غير تتمس المشاعر تاعو يضعف

توشيلي كل شئ غير قلبي
(وعسا ان تكرهو شيأوهو خير لكم )
ربي مايدير حتى حاجة تضر عبدو