هذو هوما رجال الغد

amin2000

:: عضو مُشارك ::
إنضم
9 ماي 2008
المشاركات
344
نقاط التفاعل
0
النقاط
6
سلام
دخلت البارح للسيبار
لقيت 3 أولاد صغار في عمر الزهور حوالي 12 سنة فاتحين الميكرو مع بعض قعدت بجوارهم
كلامهم كان خافت جدا ممكن حتى ميسمعوش بعضاهم لكن بالطولة قدرت نعرف وش راهم يشوفو .

الحق استغربت ممكن لانو مدينتنا صغيرة . مفهمت والو ؟
صاحب السيبار قتلو لازم تراقب لولاد الصغار اللي يجيو راهم فاتحين حوايح ؟؟؟؟؟؟؟؟؟؟؟؟؟؟؟؟؟؟؟؟
تعرفو وش قالي : أرواح خلص معايا الفاتورة كي تجيني .
والله إندهشت ؟؟؟
ذرك العيب فيمن في لولاد الصغار ولا في مول السيبار ولا في والديهم ولا في هذي الحضارة الي معرفناش نستغلوها .

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ معارف
يانشئ أنت رجاءنا * وبك الصباح قد إقترب
رحمك الله ياشيخ بن باديس
 
عيش تشوف جيل مكشوف
انت بلغت هو حساب عند ربي
 
المراقبة امر ضروري . او الافضل استعمال برامج الحماية متل naomi لمن يريد حماية اولاده .
 
الله غالب ديفو من والديهم الي مايعرفوش يربو
 
المشكلة في الكل مش في الذراري برك ولا مولى السيبار
لازم كل ينتبهوا مليح
 
الله غالب ديفو من والديهم الي مايعرفوش يربو
لا لا ما تغلطيش با لاك والديه رباوه احسن تربية وين راهي تشوف فيه يماه ولا باباه واش راه يدير فالسيبار
بالصح الحق على المجتمع واصدقاء السوء .......و الحق الاكبر على صاحب السيبار اللي تغاضى على أمور كيما هادي
مافكرش انو في يوم من الايام يولي عندو اولاد وهو تاني يحتاج الناس في الشارع تربيلو ولادو وتنهاهم على فعل امور كيما هادي .......لكن معامن تهدر لا حياة لمن تنادي
 
والله العيب فينا كامل ..في الولدين اولا بانعدام المراقبه وفي صاحب مقهي الانترنت لانو انسان جشع مادي وانتهازي وفي الناس لانو ما عادوا ينهوا عن المنكر....من راي منكم منكرا فاليغيره
 
السلام عليكم

و الله مليحة هدي.. نورمو مول السيبار يحاوزهم و لا يشوف كيفاش يديرلهم
 
واش تحبي ختي ومولا السيبار يقول لواحد زوج
مش رايحه تفري
 
جيل يعلم بيه غير ربي
زيد ناس المم تجمل الصوارد حتى لو كان على
حساب اخلاق الي حث عليها دينا الحنيف
بصح واش الانسان ربي يهدي ما خلق
 
أمين يا رب
صح الى رانا نشوفو فيه والى رانا عايشينو قراف بزاف
كل واحد راهو مسؤل على هذو الأطفال
والديهم الى ماعلابالهمش وين راهم
و مول السيبار الى ربي يهديه
راهو مسؤال الأول
ربي يهدينا ويهدي جميع الأمة المسلمة​
 
دنيا العجب الوالدين سامحين في ولادهم من كثرت المشاكل ومطفرا في الضغار مساكن ومول السيبار المهم يدخل دراهم عيب وعار نشوفو الغلط ونسكتو عليه وين راه المشكل كون يراقبهم وينصحهم ويفهمهم بلي هذا الشيىء غلط ويقولهم نتوما صغار ولي قدكم لازمهم يقراو باش ينجحو مي واش دير حاميها حراميها ربي يجيب العواقب سليمة
 
1245707231.gif
 
الله يهديه ،لكن تبقى الرقابة الحقيقية من طرف الوالدين ..........للاسف المشكل كلو بدا من التلفاز والقنوات الفضائية.يعني المشكل راه كبير واحنا لم ننتبه لضياع الاجيال القادمة.
 
والله عندك الحق لكن الغلطة فيهم الثلاثة
الصغار صاروا جالسين في النت غير على الخبث والفساد
الوالدين من حقهم يراقبوا إبنهم في الدار على الأقل
ومول السيبار هو الغلطة الكبيرة لأن الصغارسواء مراقبين من طرف الوالدين أو غير مراقبين مايخفوش لوكان داير الحماية أحسن راهم صغار وماش عارفين مصلحتهم ربي يهدبهم
 
يخي حالة تشوف العجب
 
lahe ghaleb lahekna lehade jilenormalment terbya ta3 dar hiya li tekharje tefole metrabi wela la
 
حسبنا الله ونعم الوكيل الله يهدي لي مازال راقد انا راني الحمد لله
مشكور على الموضوع تحياتي
 
عيش تشوف انا اليوم برك كشفت ان الناس بالف وجه اذا كانت موصيبتك هاذي فانا واش اكتشفت كثر صدقني ماكنتش نحسب الدنيا هكذا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top