ارواحو تسمعو........ انا راجل وفحل

[Manar19]

احلى ســـــلااام
انا ليوم حبيت نهدر على حاجة شفتها بعيني ليوم والله يعجز اللسان....... جماعة تاع لولاد مريحين واحد فيهم هاز بورطابل ويحكي مع وحدة .... ومداير hmy:parleur
سافوديغ لجماعة اكل تسمع وهو فرحان ومفتخر بروحو شوفوني انا مخ وفحل؟؟ على بالي بزاف منكم يقولو لبنات يستهلو علاه يوصلو رواحهم...... مي اي وحدة قادرة تريبوندي وتحكي عادي....بوغ موا هدي خدمة تاع واحد معندو حتى علاقة بالرجولة..... كون كل واحد يحاسب روحو ويخمم شوية ويقول كون هدي الطفلة هي ختي..... كون والله منلحقو لدرجة هدي..... هدي المخلوقة هي بنت راجل واخت راجل وغدوى توللي مرت راجل..... نستنى تعليقاتكم .......الف تحية من اختكم منــــــــار


​

 

[asma2090]

ولله موضوع فور كيما انتي حنونة سي فري ختي هدي راها بارتو لجان نتاع دوكا ولاو تقريبا قع يعملو هكدا ما نعرف حاسبينها رجولية ولا واش بصح في ختو ولله يدبح اللي يقيسها بصح هو نورمال يقيس بنات الناس وسعات تلقاي بعض لجان يقلك الطفلة هي اللي خلات روحها هكدا معليناش هي غلطة وانت من حقك تسترها باش ربي مرة اخرى يسترلك خياتك ولا بناتك
مرسي حنونة موضوع رائع
سمسومة​

 

[mimi17]

والله هادي الظاهرة ولات شائعة بزاف في مجتمعنا وكي يديرو هكداك يحسبوها رجلة ولا معلاباليش المهم هوما والصفر كيف كيف حاشا الي ما يستهلهاش والبنات كاين الي هي تتبلى في عمرها وعندكي الحق واش ذنبها الي تكون تهدر نورمال لكن الله غالب وكون جات في اختو يخا يقلب الدنيا وينوض دبزة على جالها وهو ناسي روحو الله يهدي ما خلق واش تحبي
مشكور اختي منار تقبلي مروري

 

[chiva.]

شاف فار وعمى هههههههههههه مسكين مشكور على الموضوع

 

[كلي امال]

السلام عليكم و رحمة الله تعالى و بركاته
هاد الظاهرة شفتها العام اللي فات في الطريق قعدت غير نستغفر و ندعي ربي يهدسنا و يسترنا
سلام​

 

[Elif DZ]

و الله معك حق أخي
يظن بفعله ذاك أنه رجل و أنه سيقلد وسام الشرف و الشجاعة
ربي يسترنا جميع و يستر بنات المؤمنين

 

[الفراشة الزهرية]

والله يا ختي لعزيزة غير عندك الحق هذي ماهيش رجولة مي حتا الطفلة لي حكا معاها كانت تفيق بلي راهو مداير البارلور وترخسو قدام الغاشي باه يتبهدل وماايزيدش يعاود.....
شكرااااا على الموضوع

 

[رورو الجزائرية]

انا مع bilal 22عندق الحق خويا في زوج غالطين و ماعندي غير انقول الله يهدي​

 

[أمـــل المستقبل]

اولا مشكوووورة على الموضوع الرائع و يستاهل النقاش

هذي الظاهرة انتشرت في مجتمعنا واحد يحكي هكذا و هو مفتخر ما رانيش عارفة كيفاش تفكيره و المشكلة ما يرضاش هذا الشيء لاخته و من رأيي المشكلة تع البنات ما نحطوش كامل الغلطة على الولد اذا البنت كانت فحلة و متربية و عاملة حدود لهذا الشيء أنبوسيبل تدير هذي الحاجة هي اذن نستنتج ان الغلط يبدأ ببناتنا و ربنا يهديهم و جزاكم الله خيراا

 

[سميحة1]

عمري ما تصورت واحد يعمل هكدا.
والله هادا ماشي راجل هادا واحد تافه.
والطفلة هادي تاني كيفو .هي تاني توصل في روحها لهادو الحوايج.
ربي يدي ما خلق
شكرا اختي على الموضوع

 

[Manar19]

ولله موضوع فور كيما انتي حنونة سي فري ختي هدي راها بارتو لجان نتاع دوكا ولاو تقريبا قع يعملو هكدا ما نعرف حاسبينها رجولية ولا واش بصح في ختو ولله يدبح اللي يقيسها بصح هو نورمال يقيس بنات الناس وسعات تلقاي بعض لجان يقلك الطفلة هي اللي خلات روحها هكدا معليناش هي غلطة وانت من حقك تسترها باش ربي مرة اخرى يسترلك خياتك ولا بناتك
مرسي حنونة موضوع رائع
سمسومة

ربي يخليك حنونة هدا من دوقك...... اكي تشوفي وين وصلنا.... حنا التكنولوجيا تاعنا نستعملوها غير فالشيء للي مشي مليح....... شكرا على مرورك ومشاركتك....تحياتي
​

 

[bessmounette]

يا ختى هذه الظاهرة شايعة يدير لباف لصحابو هذا انا نسميه ماهوش راجل و مايحشمش على اصلو و لى يدير هكذا كامل يديرها فى بالو بلى راهى تندار لختو غير مايكسرش راسو
ربى يهدي ما خلق
شكراااا حنونة موضوع فالقمة
​

 

[BOUSS]

تحياتي لكي منار الشئ الي شتيه والله مؤسف وين اوصلنا اليوم الحمد لله الي ماايمثلش قاع الشبيبة الله يهدي ما اخلق مع الف شكر\\\\بوووص\\

 

[ميسومة الدلوعة]

هدا ما نسميهش راجل ولا حتىعبد هدا حيوان بدون شخصية بصح ربي رايح يخرجها فيه يطلع ولا يهبط هدا جايح كون ما جاش جايح ما يديرش هكدا

 

[ميسومة الدلوعة]

موضوع اكتر من رائع

 

[samra106]

انا رايي من راي بلال هي لي وصلت روحها كون جا موضوع عادي ما نظنش كان يسمعو لصحابو ممكن هي حاطة رح يكمل بيها ربي يهدي من خلق

 

[Ranosa]

الخطأ من الطرفين على البنت ان تدرك وعلى الولد ان يحترم نفسه

 

[Jagwar]

واش نقولك ختي هاذي راهي شايعه بزاف هي تحكي من نيتها وهو يضحك مع صحابو
بصح ديري في بالك تلقايه كي هو كيهي كيف كيف
والدليل كي يدير الباف واشمن موضوع يحكو فيه راكي عارفه
يسمي هو يتباهي لانو يحكي علا ???? وهي عاجبها الحال
الظاهره هاذي مفروغ منها
لو كان يحبو ويحبها يحكو كلام عادي يسمي يدر الباف علا كلام عادي صحابو يحتقرو
النوعية نتاعهم كيف كيف غير متكسريش راسك
شكرا لك اختي موضوع فوووووووور
سلااااااااااام

راك هدرت واش كنت حاب نهدر خويا بلال يعطيك الصحة
أنا نقول عليهم " الجمل راه يضحك على كربة خوه و نسا كربتو "

و الله ما عندنا ما نزيدو نقولو غير ربى يهدى ما خلق

تحياتى ليك اختى Manar و ميرسى على الموضوع .








​

 

[Manar19]

شكراااااااا على مشاركتكم وتفاعلكم مع الموضوع.......... ندعيو ربي يهدينا برك........ تحياتي ليكم......

 

[azoudia]

اييييييه يا اختي شحال من راجل يدير حوايج يظن في روحوا يدير في حوايج نتاع رجال وهي حوابج نتاع جبناء وقليلين النخوة والمروءة

ربي هدينا الكل وشكرا على الموضوع
​