ارواحو تسمعو وتشوفو على اعضاء اللمة اللخر ميلحقش

[الزهرة الحمراء]

رد: ارواحو تسمعو وتشوفو على اعضاء اللمة اللخر ميلحقش

السلام عليكم غاليتي نجمة البحر
راني حكمتك بالجرم المشهود تمنشري طلعي يديك خخخخخ
واقيلا خونا مالك عداكم وزعما انا قلت راني عاقلة ومانيش نخلط بزاف باه ما يمنشروش فيا مبصح ارواحلي يا بلاء ونجيييك نيهاهاهاهاها
تحوسي تشوفي اطباقي علاه عليك تشوفيهم هاذوك تع المطبخ يخلوك تشوفيهم مي بلا ماتذوقيهم
مبصح انا نعرضك تذوقيهم احم احم
وزيد مانيش حابة نصور اطباقي خفت يعينوني ويتعوجو يديا والراجل مازال ماجاش خليني على الاقل كي يجي الراجل ويذوق ماكلة يدي مبعدة تحبو تعينوا عينوا عادي على الاقل كي يتفكرني يتفكرني بالماكلة البنينة خخخخخخ
خليني كي نفري واش راهو لاصق فيا ونتهنى من كامل شغالاتي وندخل للكوزينة ونوريلك الفحلة ولي هي انا خخخخخ كيفاه طيب
ملاحظة ،،ماحبيتش نحط صور اطباقي خفت لا نطيرها لسيدات المطبخ نيهاهاهاهاه
بالمناسبة خونا هشام يكتب بالاخضر ماشي بالازرق واقيلا بروبلام تع الفستان لي يبدل اللون تاعو ههههه
يطيك الصحة على الموضوع
وماطوليش الغيبة علينا في قسم واش راك تقرعج
تحياتي مع اطباقي هههه ​

 

[Hakan]

رد: ارواحو تسمعو وتشوفو على اعضاء اللمة اللخر ميلحقش

وبلاما ننساو خونا حكيم حكاية
ياودي نخاف منو مرات ومن ردودو هههه
مي نقولو الله يبارك عليك ماتخلي حتى موضوع ومتردلوش ولا عضو متوقفش معاه ومواضيعك top
نتخيلك خونا في المنتدى جميعا

ربي يعطيك قد نيتك

السلام عليكم اولا ربي يفتح عليك ختي نجمة البحر على هذا الاعتراف اللي فرحني ربي يهنيك دنيا وآخرة
خاصة لما قلتي نتخيلك خونا في المنتدى والله فريمون صح صح تاثرت
اما نرجعو للاعضاء والله كامل الاعضاء الي ذكرتيهم راهم يقدمو البوسيبل للمنتدى هذا
وانا شخصيا يشرفني اني عرفتهم وااحد وااحد مالغري بيناتنا غير المواضيع لكن الحمد لله
عرفنا فيهم ريحة الخير والرجلة بالنسبة للرجال والحياء والعفة بالنسبة للاخوات ولا ازكي على الله احد
شحال من مرة رقدت وفي منامي نتخيل ناس اللمة وااحد وااحد
نكون نقرى نتفكرهم نكون رايح نرقد نتفكرهم ياي حتى نهار نوض من رقاد نتفكرهم سكنو في دمي
وشحال نكره حياتي نهار ما نصيبش وااحد في دااخل ربيت عليهم الكبدة ههه
ولوكان نصيب نتلاقى بيهم وااحد وااحد اما الاعضاء القدامى وشحال تغيضني لما نشوف انو في يوم من الايام كانو هنا واغلبيتهم
ماراهمش متصلين اللي تزوج تزوج واللي مات الله يرحمو واللي راهم حي وشغلاتو الدنيا على الناس اللي هنا ربي يكون مع كل وااحد ان شااء الله والحاجة الوحيد اللي ان شااء الله واعد روحي نلتزم بيها انو ما نغادرش المنتدى لاحب يروحو كامل الاعضااء اللي نعرفهم
وان شااء الله يرجعو الناس اللي راهم غايبين على خير واكثر ربي يهنيك ختي ان شااء الله وشكرا على المشاعر الطيبة نتاعك تجاه كل عضو في هذي اللمة وديري في بالك راكي انضميتي لقائمة الاخوات اللي هنا في اللمة وان شااء الله نزيدو نتعرف عليك اكثر واكثر بالتوفيق خيتي ..​

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

موضوع يستحق التعليق

انا نقول ربي يدوم لمتنا و المزيد من الابداع

لان حنا بيكم نتعلموا و نستفيدوا

ان شاءالله دمتنا دايما للأمام
شكرا ياعاشقة الريال مدريد

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

هههههه فوور خويا بصح راك منشرة كتر منها


انا راني هنا جديد و راكي عرفتيني على الكل
ناس اللمة ناس ملاح ربي يخليهم

مرحبا بيك مع لاكليك تاع اللمة
دوك تعود تعرفهم
شكرا

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

السلام عليكم
بون معروف أني ما نحكيش بزاف وصراحة ما نعرفش الأعضاء هنا غير كي نتبع
من بعيد برك نشوف كلش مي ما نحكيش كلش خخخ مي لي تحوسو عليها جبتهالكم
حكمتها متلبسة في الكولوار تاع واش راك تهدر مي ما قدرتش نكاpثي واش من شومبر
قصدي واش من موضوع راهي فيه :p

المتواجدون الآن: 243 (5 عضو و 238 ضيف)
ألوان مزيفة, ‏أبو عبد السميع, ‏هشام هشام, ‏زهرة الزنبق, ‏شاعرة الأمل

حالياً الأعضاء النشيطين الذين يشاهدون هذا الموضوع: 12 (2 عضو و 10 ضيف)
‏ألوان مزيفة, ‏شاعرة الأمل

​

ايمالا راكي من جماعة القرعاجة من بعيد هههه
فقتلك
الف شكر اختي القرعاجة الصامتة :p

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

حالياً الأعضاء النشيطين الذين يشاهدون هذا الموضوع: 13 (2 عضو و 11 ضيف) ‏ЯέКîά Яồมkà, ‏شاعرة الأمل

شعب يحب التقرعيج :p

​

شعب كبير :p

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

السلآم عليكم ورحمة الله وبركآته
ولك من وين طلعتيلنا انت :d
كنت غاطسة نخربش في الكوزينة حتى وصلتني ريحة التمنشير :sport01:
والله بالرغم من انو خاطيني الهدرة هنا
لكن موضوعك من عنوانو خلاني ندخل ونقرعج :p
اهلا بيك دكتورا عندك تعطينا ايبرا بركا :p
يعطيك الصحة غلاتوو راكي مديتي وصف دقيق نوعا ما :bravo01:
واللمة ديما متالقة بناسها واحبابها
وديدكآس لجمآعة الكوزينة خصوصا :yahoo01:
وهادو ليك من عندي بآه ما تقوليش مشحآحة :p:p

ايآ بزآف عليك :p:p
ف مرسي حنونة :love01:
ايا راني كليتهم وعجبوني يعطيك الف صحة الحرة ربي يدومها لمة
​

:thumb_up02:الف شكر

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

assabri bark yji khay nakhwalo pc ta3o w narja3 ...
walla n9olki 7Aja nadba dorka w jspr tafahmi assam rani naktab
ya banti raki makhaliti 7ata wa7aaaaaad hhhhh
ana akid matkhafich mani m 7akim w Malak ya okhti allah y3iki 3lihom hado les 2 lsanathom TORCHI kima a3taraf Malek hhhhhh
rabi ykhaliki lina wallahi mnin choft bark asmi fra7t

اهلا بيك زهور
ههه تعجبني أسم تاع ناس تلمسان :p
مي واش تعني ؟

هههه حكيم ومالك لسانهم طرشي ههه يعني فلفل حار
ان شاءلله يرجع خوك وتعودي تكتبي بالعربية
الف شكر

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

اييه يا لالة جزرت واشبيكم مع التمنشير اليمات هذو انت وسكر افندي جاب ربي قلوبنا كبار
شكرا موضوع هايل عجبني وراني رديت على الجزء اللي يخصني وراح نرجع نمد رايي عليكم
شكرا

اهلا اختي راه رمضان قرب لازم نمنشرو دروك هههه أنتي واعرة هههه منزيدش نخرب فيك
ربي ينورك

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

السلام عليكم
صار يخرج منك هاد الشي كامل ههههههه وانا نقول زعما العاقلة هاديك اعطيها البحر وخليها هههههه
عجبتيني تاع الكوكياجة ههههه وكم أحب الأصداف :$
هههه اهلا منلي سماني مالك قرش البحر ناضولي قرون :pووليت سميتك كوكياجة
خصنا سبونج بوب هههه ونكونو كيما الكوميك هاذاك
شكرا على الموضوع الزينون كيفك وكيما قالها خونا مالك مرحبا بيك عندنا ومرحبا بيك عندكم ههههه خاطر الدار دارك
الله يسلمكم ان شاءلله نعود دايرة قيطون هنا هههه
اييه يا المطبخ اسكتي برك اخواتنا في المطبخ راهم مخرجيلي قلبي بأطباقهم، حبيت نجاريهم ونوضع كاش وصفات حتى انا
ساع عندي واحد التيليفون تصوري بيه الوصفة يبينها محروقة ولا كاش طعام تاع العصور الحجرية هههه
وليت حبست يزيدو يقولو تحرق الماكلة هههههه خليني في قسم واش راك تهدر نخربش أحسن ههه
ههههه كيما حالتي خلي البير بغطاه :pبصح انا ملياش نفس في الطبخ الله غالب ههه


ربي يحفظك حبيبتي وربي يخليك هادا من طيبة أخلاقك ويشرفني تقراي ردودي
نتي على الاقل شكرتيني ماشي كيما شي ناس قالو عليا نعاين ههههه
اvاك بليزير :love01:
وكيما قلتي على الاخوة والاخوات ربي يحفظهم ويهنيهم وكاين اخوة واخوات ربما ماش مذكورين خاطر غايبين
علينا بصح كن يوليو يرحلو اللمة ههههه منهم اسماء .. فيولا .. هدى .. ماجدة .. ذكرى والكثيييير من اعضاء وعضوات اللمة
ربي يوفقهم ويرجعهم على خير يارب
ربي يوفق الجميع لغايب والحاضر
شكرا غاليتي على الموضوع وربي يحفظك ونتمناو نشوفوك مرة اخرى هنا يا دولفينة البحر مكرا في خونا مالك كي سماك قرش هههه
تحياتي ليك
هههه هايل دولفينة البحر سخايلت روحي هاذي

ورسالة فقط لمريومة (زهرة الزنبق) هادي غيبة علينا ولا زعما باه نتوحشوك ههههه مكانتك وبلاصتك واضحة وواحد مايديها
​

ماتبعديش علينا بزاف وماتخليناش نتوحشوك وربي يشفيك ان شاء الله
الحمد لله كي راهي رجعت من جديد
[/COLOR][/SIZE][/FONT]​

الف شكر عزيزتي

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

صار هكا ياك ديما اسمي غائب عن العمل
معليش نشري منتدى واحدوخر وما ندخلكمش فيه راني زعفت منكم خلاص ​

هههه تهديد صريح يامحاينك الهربة تسلك

اسمحيلي اختي المرة الجاية ان شاءالله

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

السلام عليكم
والله يا ختي نجمة ضحكتيني طلعتي حتى نتي ماشي ساهلة هههه
وعندك موهبة خفية تع تمنشير وشن هوا المنشار تاعك ماشي مسنن بزاف يعني مليح ما يقتلش هههه
هههه خفت يقولو هاذي لسانها طويل بزاف قلت نلعبها عاقلة ههه
بالنسبة ليا انا والطبخ علاقة مليحة يعني بصح ماشي محبة كبيرة ههه
نطيب بالنفحات ولا للضرورة برك راكي تعرفي القراية تدي الوقت
وكي نطيب نطيب في الخفاء والماكلة يطيرو بيها الصحاح عليها ما توصلش باش نحطها هههه
:tongue02:هرابة هرابة
ايا مالا عندك في الدار لي ميخلوكش تستمتعي بلحظة التصوير هههه ويصمطوها كل مرة :sport01:
يعطيك الصحة ختيتو عالموضوع الحلو

الف شكر عزيزتي

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

ههههههههههههه
شكرا لك خرجت شوية من روتين المواضيع الحصرية والنصائح جدا رائع وفكرتك حلوة لا تمل موفقة ​

ههههه هذا تانيتك حصري ياو :p
مسرورة ان الموضوع كان خفيف وعجبك
نورتي اختي

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

سلام عليكم

هو المفروض موضوعك يخليني نبتسم ونضحك

مي مفهمتش علاه بكاني في نصاصات الليالي ؟!
اهلا اختي الشاوية
دموعك غالية

ضك ينوضو مالين الدار يقولو الاخت قريب تبور وراهي تبكي علا خاطر ماماها مهيش فالدار !
علاه غير الصغار يبكو حتى الكبار تانيتك :regards02:

للصراحة.انا بكيت لانو كل اسم ذكرتيه فكرني بشخصية معينة عرفتها في احد الايام وانتي شخصيا تفكريني بواحد منهم (اللي هي انا ^^)...للأسف تمنيت نبقاو كيفكم ..لكنه الزمن وما يفعل !
نعم والظروف تتحكم في الشخص

انا عضوة نشارك اكثر ما نكتب ...اعتزلت الكتابة من شحال

وكيما قلتي كاينين مواضيع نقرعجو عليهم. .وكي منلقاوش رد يليق بتعب صاحبها نبدلو الوجهة .."كابتك ولايتك" ^^

النشعة تهبط كيما نشعة ماروكو

وكاينين مواضيع نحب نتفاعل معاهم كيما مواضيعك..باعتباري من جماعة لسان ذو 7 ميترات فما فوق..لول

وتقدري تعتبريني متطفلة هنا بما انو منعرف حتى واحد وواحد ميعرفني ومنقدرش نعلق على حتى واحد

انتي مثيرة للجدل هههه لسانك طويل ومتعلقيش بيه

تعليقي الوحيد : ربي يخليكم لبعض وميفرقكمش على بعض

اختك باتنية و نص مرت من هنا
امييييين يارب اروع دعاء وحفظك الرحمان اختا لنا في الله

تحياتي

الف شكر عزيزتي

 

[شاعرة الأمل]

رد: ارواحو تسمعو وتشوفو على اعضاء اللمة اللخر ميلحقش

هههه تهديد صريح يامحاينك الهربة تسلك

اسمحيلي اختي المرة الجاية ان شاءالله

هههههههههههه
راني سمحتلك هاد المرة وراه رضاني خويا مينو عندك الزهر
مي المرة الجاية راها ماتفراش ​

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

أن يذكر اسمي ضمن الحراير فهذا بحد ذاته مفخرة وعز
الله يعزك أختي الغالية ويسعد قلبك
صدقيني اختي وجدت هنا رابط الاخوة اكثر من ما هو موجود في المنتديات الاخرى
الله يجعلها اخوة مباركة ويجمعنا في الجنة اخوة متحابين فيه

بارك الله فيكِ عزيزتي وجزاكِ الله عني كل خير

حفظك الله عزيزتي انتم من تستحقون الشكر والدعاء في ظهر الغيب
مواضيعكم صدقة جارية
الله يدوم هذه المحبة ان شاءلله
الف شكر

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

المهم أنا جديدة وقديمة في آن
نسيت المود باس نتاعي عندي وحد وقت مدخلش كنت نشوفكم غير من بعيد
اهلا بيك اختي
مشكلة الباس هههه انا مرة نسيتو وقعدت عام مادخلت

وعلى كل حال راني مشتركة معكم في عدة منتديات كيما المنتدى الاول مريم الصابرة

التي أحييها من هذا المنبر وأكيد سبق وين تعارفنا وسأراسلها في الخاص

ان شاءالله

المهم ماعلينا رايي فيكم كلكم سكر وعسل وخفة دم كيما يقولها المصري

وأكيد مانحبش نشكركم كامل ، بما أنو تركتي لنا فرصة النقد )أي التمنشير)

راه كاين المنافق والكذاب و,,,,,, وكل واحد يعرف روحو

ولي يشك في روحو متلومناش هههههههه

اكيد كل واحد وواش فيه من صفات

ولي توسوس على حكاية النفاق والكذب راه تكون فيه ههه

نورتي اختي

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

مراحب بالاخت الطيوبة نحلة المنتدى . شكرا على وصفك لي جبتيها هههه ♥.
ناهيك على بقية الاعضاء جبتيها في الصواب . من أكثر الاعضاء لي نحب نقرا نقاشاتهم الاخت سكون الفجرو الاخت الغالية أم منير ردودهما كلها راقية .و كاين الاخ رابح و حكيم ابن اختي نقاشاتهما جد موضوعية .

اهلا اختي الفاضلة
هههه الحمد لله لي قست
حفظهم الله جميعا
الف شكر

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

وعليكم السلام ورحمة الله وبركاته


مالا ماخليتي حتى وحدة يالالة هههه

انا عاقلة وواعرة نعم وي :bravo01:


يعطيك الصحة
​

ههههه الصراحة راحة
شكرا اختي

 

[أم الأولاد]

رد: ارواحو تسمعو وتشوفو على اعضاء اللمة اللخر ميلحقش

السلام عليك
جبتيها نيشان هه
يعطيك الصحة

نيشان لي يعمل حصة في قناة ال cbc هههه

نورتي اختي