ارواحو تسمعو وتشوفو على اعضاء اللمة اللخر ميلحقش

[أم الأولاد]

السلام عليكم ورحمة الله وبركاته

رحبو بيا مع أول موضوع في واش راك تهدر

كيما سمعت بلي الناس تيجي هنا وتهدر جيت نعاند

ومتردوليش راني مخطوووووووووووووبة لاأقبل الصدقات والردود

في خاطر خونا حكيم حكاية :p
مقلت والو متشكوش بيا لخونا سكر قصدي( مالك ) واختنا كوكياجة 'مريم' :p
وتحياتي ليا أنا قرش البحر على قولة لي سموني

بلاما ننسى الأخت الغايبة علينا
زهرة الزئبق لي كل مانشوف اسمها نتفكر درس دراسة الوسط نتاع الزئبق

عبالي كثرت عليكم بالاهداءات
ندخل في الموضوع


من خلال تسجيلي في اللمة زمان وغبت ورجعت مؤخرا
لقيت اللمة في احسن حال
فرحت اني عرفت اخوات واخوة وتشرفت بيهم

هيا خلونا نعلقو عليهم

الاستنتاج لي استنتجتو انو اعضاء اللمة كل واحد ودومانو وكاين لي تلقاهم في لي دومان كامل
وكاين لي معروف بالتقرعيج برك مايحطش الردود وكاين لي يرد برك
وكاين لي يناقش برك وكاين لي يحب واش راك تهدر وكاين لي مغروم بالتصاور وكاين لي معروف بالتصميم تلقاه غير تما

نروحو لكوزينة اللمة مباشرة
الله غالب كرشي قبل كلشي

كاين حراير ديما تما بأالاطباق ديالهم الشهية كيما :
ملكة زماني/ام عثمان/ام لقمان /رزيقة / ام زين الدين/سكون الفجر/روز لي اسمها بالفرونسي /اشواق19/سماح
ونلقاو مواضيعهم تما بزاف

وكاين حبيبتنا ام منير صراحة انا نشوف اطباقها ريوقي تسيييييييييل
وكاين طبيبتنا رقية الله يبارك ويزيد
قراية وفحالة

وكاين لي ميدخلوش الكوزينة كيما حالتي
الله غالب معنديش حب في الطبخ

متبهدلونيش برك قدام العديان وقدام السي خطيبي

ولي جامي شفتلهم اطباقك تماتك كيما حبيباتنا :

أميرة رورو :tongue02:
ومريومة لؤلؤة
الزهرة الحمراء
أيا متعطونيش طريحة برك ههه مقلت والو
بصح عارفتكم عندكم قلم :thumb_up02::thumb_up02::thumb_up02::thumb_up02:
نرجعو للأعضاء لي عندهم موهيبة النقاش
كيما خونا محمد الأمين
والخالة ام منير الله يبارك طبخ ونقاش
صراحة انا هاذم يخوفوني هههه ونحشم نناقش قدامهم
بلاما ننسو اختنا زهرة الزئبق
مواضيعها طوال طوال لدرجة اني ماشي غير نحشم قدامها باه نرد ههه
خاصة النقاشية نخاف نبان منيش فاهمة حتى شي
وأعضاء يحكو بزاف كيما اختنا هبة الحبوبة ههه ردودها يامحاينك واعرة لي خلط فيها باصا
اختنا
zohor kfz وردودها نحب نقراها :thumb_up02:
واختنا مريم لؤلؤة ردودك يااختي مرات والله نحب غير نقراهم تالمون تردي بتركيز وبجدية :love01:

ولي لمحتو هاذ الايام الاخ لي سجل جديد
هشام لي يكتب بستيلو زرق ويكتب في واش راك تهدر ههه
والله ياخويا مواضيعك قمة وتخمامك top نحب نقرى مواضيعك

كاين عضوات عاقلات لدرجة نتخيلهم

بريئين بريئين

كيما اختنا

‏tistissa dj-tissou جيهان جوجو وياسمينو وdjaouida

وبلاما ننساو خونا حكيم حكاية
ياودي نخاف منو مرات ومن ردودو هههه
مي نقولو الله يبارك عليك ماتخلي حتى موضوع ومتردلوش ولا عضو متوقفش معاه ومواضيعك top
نتخيلك خونا في المنتدى جميعا

ربي يعطيك قد نيتك
كاين ناس نحترمهم ناس كبار وواعيين كيما :
عمنا رابح السكيكدي
الخليل
حكيك
الاخ فتحي
الاخ فريد
الاخ ابو ليث
الأخ نجيب

اعضاء جديون كيما :

rycerz
أميرته
ام امينة
master
ترياق المحبة
اعضاء يجمعو بين الجدية والمرح :


أم ياسمين dz
أم لينا المشرفة
sosobibicha


تحياتي للجميع

وواش رايكم في نوعية الاعضاء تاع اللمة تقدرو تقدمو عليهم رايكم
وتمنشرو فيهم

خونا مالك ناس ملاح الحق ممنشرتش فيه :tongue02:

اهدرو برك ميديرلكم والو


​

 

[Skor m@k]

رد: ارواحو تسمعو وتشوفو على اعضاء اللمة اللخر ميلحقش

السلام عليكم
اهلا بك معانا في حومتنا وبالاخص دارنا ههههه
راكي ماطلقتي حتى واحد مي كامل جبتي الاجابيات تاعهم
كل واحد وين يحب يبان الاختصاص تاعو وكل واحد عندو مجال لي يحب يشارك فيه
عليها المنتدى خير من الفايسبوك هنا تبين الشخصية تاعك
بصح ملحقتيش بيا نهاى كنت ساكن فاللمة
مكاش ركن هنا فالمنتدى مدخلتوش غير منتدى المرأة لي جامي كتبت فيه
ههههه مرة غلطت بىك دخل بعثولي ميساج عايروني فيه ههههه
مي هذو اليامات نقصت شويا مواضيع وردود مانيش نريح كيف زمان
تانيت نسيتي بزاف اعضاء نشيطين كانو متحكمهمش بالردود تاعهم
راهم ضرك في سبات مي ان شاء الله يعودو ويولي المنتدى باهي
نشكرك ختي قرش اللمة ههههه
ان شاء الله ميكونش الموضوع الاخير تاعك هنا
ياك رنا تهلينا فيك هههه​

 

[Msb security]

رد: ارواحو تسمعو وتشوفو على اعضاء اللمة اللخر ميلحقش

marhba bik okhti ...bsh harm 3lik nsitine hhhhh ngsro berk

 

[فيتامين سي]

رد: ارواحو تسمعو وتشوفو على اعضاء اللمة اللخر ميلحقش

ههههههههه جيت درك واش يسلكك مني ربي يخليك حبوبتي :p

مزية مدكرتيش اسمي معاك وين قلتي خطيك الطبخ انا نحب ناكل مي منحبش نطيب هع هع هع
ربي يحفضنا كاااامل و يحققلنا امانينا و لي يهدرو بزاف كيفي نقوللهم سكتو شويا بهدلتونا فهمتي هبة لا مزال
الله غالب والفو هبالي اليوم راني ساكتة شوية مع قلعت ضرس العقل و راني بلا عقل درك هع هع هع
مي داغنا قالولي توحشنا تهدري منجموش يعيشو بلا صوتي الجميل
انا نحب الاقسام العامة بزاف و قسم الاسرة الباقي مراة ندخللهم
و انا العضوة المعروفة لي نشكي بزاف من الهافت النقال :p
شفتي مهدرتش بزاف غير تظلموني....سلام

 

[الامين محمد]

رد: ارواحو تسمعو وتشوفو على اعضاء اللمة اللخر ميلحقش

نرجعو للأعضاء لي عندهم موهيبة النقاش
كيما خونا محمد الأمين :$:$:$:$ حشمتيني بزاااف
ههههههههههه شكرا على الاطرااء

​

 

[Päs de ism]

رد: ارواحو تسمعو وتشوفو على اعضاء اللمة اللخر ميلحقش

هههه منقدرش نقولك مرحبا بيك هنا باسكو مام انا راني ضيف
على كل الاحوال جيت هنا نقرا باسكو شميت ريحة الماكلة و انا فالملف الشخصي
يا جدهم الشيفات نتاع اللمة كل يوم توصلي برك الريحة ميقولوش كامل هاك دوق و لا .... تلقاهم غالقين التيقان ياكلو غير ما بيناتهم

و فالصح رانا كيف كيف منحبش ندخل في النقاشات الجادة سيرتو
نخاف من الجرانين جربت مرة و حسبت روحي قافز و بديت حتى تلاقيت روحي حاصل مفهمت والو صاريلهم كيما المقالات نتاع الفلسفة
و بلا مننسو كبارية حارة اللمة فالعين و فوق الراس


و تلقى واحد يصلح فالميكرويات و يخرج فالبرامج كي سي خونا msp و واحد غارقلك فالشعر العربي بالبحور نتاوعه مرات
نقرا و نقول بالاك راني غالط فالادريس نطلع الفوق نلقى منتدى اللمة يعني في دزاير راني
و وحدين كيما ختنا نجمة البحر فالصباح بكري تلقاهم مور لحيوط نتاع اللمة واش راهم يديروا تلقاهم يساندو فلكبيرة و الصغيرة و يجو هنا و يبدااو ميخلو لا مدح لا تمنشير ^_^ و زيدوني معاهم

،
،
مي كامل دو لحوايج و بلا بيهم اللمة والو و نقصوا لفوليم راكم دايرين الحس


سلام ""

 

[همس الوُرود]

رد: ارواحو تسمعو وتشوفو على اعضاء اللمة اللخر ميلحقش

السلآم عليكم~

هكذآ هي الحيآة كل شخص واهتماماتو والإهتمام ينعكس على شخصية الإنسآن بحد ذاته أو ربمآ إحسآسه~

ربي يحفظلنآ لمتنآ ونآسهآ

شكرآ أختي الكريمة ..موضوع جميل​

 

[الامين محمد]

رد: ارواحو تسمعو وتشوفو على اعضاء اللمة اللخر ميلحقش

هههه منقدرش نقولك مرحبا بيك هنا باسكو مام انا راني ضيف
على كل الاحوال جيت هنا نقرا باسكو شميت ريحة الماكلة و انا فالملف الشخصي
يا جدهم الشيفات نتاع اللمة كل يوم توصلي برك الريحة ميقولوش كامل هاك دوق و لا .... تلقاهم غالقين التيقان ياكلو غير ما بيناتهم

و فالصح رانا كيف كيف منحبش ندخل في النقاشات الجادة سيرتو
نخاف من الجرانين جربت مرة و حسبت روحي قافز و بديت حتى تلاقيت روحي حاصل مفهمت والو صاريلهم كيما المقالات نتاع الفلسفة
و بلا مننسو كبارية حارة اللمة فالعين و فوق الراس


و تلقى واحد يصلح فالميكرويات و يخرج فالبرامج كي سي خونا msp و واحد غارقلك فالشعر العربي بالبحور نتاوعه مرات
نقرا و نقول بالاك راني غالط فالادريس نطلع الفوق نلقى منتدى اللمة يعني في دزاير راني
و وحدين كيما ختنا نجمة البحر فالصباح بكري تلقاهم مور لحيوط نتاع اللمة واش راهم يديروا تلقاهم يساندو فلكبيرة و الصغيرة و يجو هنا و يبدااو ميخلو لا مدح لا تمنشير ^_^ و زيدوني معاهم

،
،
مي كامل دو لحوايج و بلا بيهم اللمة والو و نقصوا لفوليم راكم دايرين الحس


سلام ""

كلااامك دليل ان طيب و صاحب أخلاق عالية
شكرا ليك لك مني أسمى معاني الاحترااام

 

[sosobibicha]

رد: ارواحو تسمعو وتشوفو على اعضاء اللمة اللخر ميلحقش

سلام عليكم
اهلا بيك نورتي اختي
و الله موضوعك هايل و دخلتي بقوة ما شاء الله ههههه
عجبتني المقدمة رووووعة
علابالك ذوك نضربك بالعين هههه

اعضاء يجمعو بين الجدية والمرح :


أم ياسمين dz
أم لينا المشرفة
sosobibicha

انا قلت gاع ما تعرفينيش مي الحمد لله راني مشهورة ههههه
خجلتيني بوصفك خخخ:$
اما بالنسبة للاعضاء راكي وصفتيهم الوصف الدقيق :p و انا نخاف بزاف من مواضيع و ردود الخاوة المناقشين و كاين منهم الاخ الامين محمد و زهرة الزئبق (لي راهي طولت الغيبة ) و بلا ما ننساو الاخ حكيم و السيد سكر هههه
البريئين كيما قلتي هذوك ناس ملاح مساكين هههه :
نسيتي حاجة انا ثاني ما نحبش قسم الطبخ بزاف ههه ندخل نرد و ناكل بعينيا برك :-r
الله يعطيك الصحة على الموضوع الرائع
ان شاء الله نشوفوك بمواضيع اخرى ^^
تحية :regards01:​

 

[tistissa dj-tissou]

رد: ارواحو تسمعو وتشوفو على اعضاء اللمة اللخر ميلحقش

لوكان مالقيتش اسمي تشوفي كيفاه هههه الحمد لله اللي ثبتت براءتي هه
يعطيك الصحة والله الموضوع روعة كان في بالي بصح سبقتيني
جبتيها روعة هيا زيدي زهينا بمواضيع خلاف
جوتام حبيبتي
​

 

[زهرة اللمة]

رد: ارواحو تسمعو وتشوفو على اعضاء اللمة اللخر ميلحقش

موضوع يستحق التعليق

انا نقول ربي يدوم لمتنا و المزيد من الابداع

لان حنا بيكم نتعلموا و نستفيدوا

 

[Hadi med]

رد: ارواحو تسمعو وتشوفو على اعضاء اللمة اللخر ميلحقش

هههه منقدرش نقولك مرحبا بيك هنا باسكو مام انا راني ضيف
على كل الاحوال جيت هنا نقرا باسكو شميت ريحة الماكلة و انا فالملف الشخصي
يا جدهم الشيفات نتاع اللمة كل يوم توصلي برك الريحة ميقولوش كامل هاك دوق و لا .... تلقاهم غالقين التيقان ياكلو غير ما بيناتهم

و فالصح رانا كيف كيف منحبش ندخل في النقاشات الجادة سيرتو
نخاف من الجرانين جربت مرة و حسبت روحي قافز و بديت حتى تلاقيت روحي حاصل مفهمت والو صاريلهم كيما المقالات نتاع الفلسفة
و بلا مننسو كبارية حارة اللمة فالعين و فوق الراس


و تلقى واحد يصلح فالميكرويات و يخرج فالبرامج كي سي خونا msp و واحد غارقلك فالشعر العربي بالبحور نتاوعه مرات
نقرا و نقول بالاك راني غالط فالادريس نطلع الفوق نلقى منتدى اللمة يعني في دزاير راني
و وحدين كيما ختنا نجمة البحر فالصباح بكري تلقاهم مور لحيوط نتاع اللمة واش راهم يديروا تلقاهم يساندو فلكبيرة و الصغيرة و يجو هنا و يبدااو ميخلو لا مدح لا تمنشير ^_^ و زيدوني معاهم

،
،
مي كامل دو لحوايج و بلا بيهم اللمة والو و نقصوا لفوليم راكم دايرين الحس


سلام ""

هههههه فوور خويا بصح راك منشرة كتر منها

السلام عليكم ورحمة الله وبركاته

رحبو بيا مع أول موضوع في واش راك تهدر

كيما سمعت بلي الناس تيجي هنا وتهدر جيت نعاند

ومتردوليش راني مخطوووووووووووووبة لاأقبل الصدقات والردود

في خاطر خونا حكيم حكاية :p
مقلت والو متشكوش بيا لخونا سكر قصدي( مالك ) واختنا كوكياجة 'مريم' :p
وتحياتي ليا أنا قرش البحر على قولة لي سموني

بلاما ننسى الأخت الغايبة علينا
زهرة الزئبق لي كل مانشوف اسمها نتفكر درس دراسة الوسط نتاع الزئبق

عبالي كثرت عليكم بالاهداءات
ندخل في الموضوع


من خلال تسجيلي في اللمة زمان وغبت ورجعت مؤخرا
لقيت اللمة في احسن حال
فرحت اني عرفت اخوات واخوة وتشرفت بيهم

هيا خلونا نعلقو عليهم

الاستنتاج لي استنتجتو انو اعضاء اللمة كل واحد ودومانو وكاين لي تلقاهم في لي دومان كامل
وكاين لي معروف بالتقرعيج برك مايحطش الردود وكاين لي يرد برك
وكاين لي يناقش برك وكاين لي يحب واش راك تهدر وكاين لي مغروم بالتصاور وكاين لي معروف بالتصميم تلقاه غير تما

نروحو لكوزينة اللمة مباشرة
الله غالب كرشي قبل كلشي

كاين حراير ديما تما بأالاطباق ديالهم الشهية كيما :
ملكة زماني/ام عثمان/ام لقمان /رزيقة / ام زين الدين/سكون الفجر/روز لي اسمها بالفرونسي /اشواق19/سماح
ونلقاو مواضيعهم تما بزاف

وكاين حبيبتنا ام منير صراحة انا نشوف اطباقها ريوقي تسيييييييييل
وكاين طبيبتنا رقية الله يبارك ويزيد
قراية وفحالة

وكاين لي ميدخلوش الكوزينة كيما حالتي
الله غالب معنديش حب في الطبخ

متبهدلونيش برك قدام العديان وقدام السي خطيبي

ولي جامي شفتلهم اطباقك تماتك كيما حبيباتنا :

أميرة رورو :tongue02:
ومريومة لؤلؤة
الزهرة الحمراء
أيا متعطونيش طريحة برك ههه مقلت والو
بصح عارفتكم عندكم قلم :thumb_up02::thumb_up02::thumb_up02::thumb_up02:
نرجعو للأعضاء لي عندهم موهيبة النقاش
كيما خونا محمد الأمين
والخالة ام منير الله يبارك طبخ ونقاش
صراحة انا هاذم يخوفوني هههه ونحشم نناقش قدامهم
بلاما ننسو اختنا زهرة الزئبق
مواضيعها طوال طوال لدرجة اني ماشي غير نحشم قدامها باه نرد ههه
خاصة النقاشية نخاف نبان منيش فاهمة حتى شي
وأعضاء يحكو بزاف كيما اختنا هبة الحبوبة ههه ردودها يامحاينك واعرة لي خلط فيها باصا
اختنا
zohor kfz وردودها نحب نقراها :thumb_up02:
واختنا مريم لؤلؤة ردودك يااختي مرات والله نحب غير نقراهم تالمون تردي بتركيز وبجدية :love01:

ولي لمحتو هاذ الايام الاخ لي سجل جديد
هشام لي يكتب بستيلو زرق ويكتب في واش راك تهدر ههه
والله ياخويا مواضيعك قمة وتخمامك top نحب نقرى مواضيعك

كاين عضوات عاقلات لدرجة نتخيلهم

بريئين بريئين

كيما اختنا

‏tistissa dj-tissou جيهان جوجو وياسمينو وdjaouida

وبلاما ننساو خونا حكيم حكاية
ياودي نخاف منو مرات ومن ردودو هههه
مي نقولو الله يبارك عليك ماتخلي حتى موضوع ومتردلوش ولا عضو متوقفش معاه ومواضيعك top
نتخيلك خونا في المنتدى جميعا

ربي يعطيك قد نيتك
كاين ناس نحترمهم ناس كبار وواعيين كيما :
عمنا رابح السكيكدي
الخليل
حكيك
الاخ فتحي
الاخ فريد
الاخ ابو ليث
الأخ نجيب

اعضاء جديون كيما :

rycerz
أميرته
ام امينة
master
ترياق المحبة
اعضاء يجمعو بين الجدية والمرح :


أم ياسمين dz
أم لينا المشرفة
sosobibicha


تحياتي للجميع

وواش رايكم في نوعية الاعضاء تاع اللمة تقدرو تقدمو عليهم رايكم
وتمنشرو فيهم

خونا مالك ناس ملاح الحق ممنشرتش فيه :tongue02:

اهدرو برك ميديرلكم والو


​

انا راني هنا جديد و راكي عرفتيني على الكل
ناس اللمة ناس ملاح ربي يخليهم

 

[ألوان مزيفة]

رد: ارواحو تسمعو وتشوفو على اعضاء اللمة اللخر ميلحقش

السلام عليكم
بون معروف أني ما نحكيش بزاف وصراحة ما نعرفش الأعضاء هنا غير كي نتبع
من بعيد برك نشوف كلش مي ما نحكيش كلش خخخ مي لي تحوسو عليها جبتهالكم
حكمتها متلبسة في الكولوار تاع واش راك تهدر مي ما قدرتش نكاpثي واش من شومبر
قصدي واش من موضوع راهي فيه :p

المتواجدون الآن: 243 (5 عضو و 238 ضيف)
ألوان مزيفة, ‏أبو عبد السميع, ‏هشام هشام, ‏زهرة الزنبق, ‏شاعرة الأمل

حالياً الأعضاء النشيطين الذين يشاهدون هذا الموضوع: 12 (2 عضو و 10 ضيف)
‏ألوان مزيفة, ‏شاعرة الأمل

​

 

[نبض الحياة]

رد: ارواحو تسمعو وتشوفو على اعضاء اللمة اللخر ميلحقش

حالياً الأعضاء النشيطين الذين يشاهدون هذا الموضوع: 13 (2 عضو و 11 ضيف) ‏ЯέКîά Яồมkà, ‏شاعرة الأمل

شعب يحب التقرعيج :p

​

 

[نبض الحياة]

رد: ارواحو تسمعو وتشوفو على اعضاء اللمة اللخر ميلحقش

السلآم عليكم ورحمة الله وبركآته
ولك من وين طلعتيلنا انت :d
كنت غاطسة نخربش في الكوزينة حتى وصلتني ريحة التمنشير :sport01:
والله بالرغم من انو خاطيني الهدرة هنا
لكن موضوعك من عنوانو خلاني ندخل ونقرعج :p
يعطيك الصحة غلاتوو راكي مديتي وصف دقيق نوعا ما :bravo01:
واللمة ديما متالقة بناسها واحبابها
وديدكآس لجمآعة الكوزينة خصوصا :yahoo01:
وهادو ليك من عندي بآه ما تقوليش مشحآحة :p:p

ايآ بزآف عليك :p:p
مرسي حنونة :love01: ​

 

[zohor kfz]

رد: ارواحو تسمعو وتشوفو على اعضاء اللمة اللخر ميلحقش

assabri bark yji khay nakhwalo pc ta3o w narja3 ...
walla n9olki 7Aja nadba dorka w jspr tafahmi assam rani naktab
ya banti raki makhaliti 7ata wa7aaaaaad hhhhh
ana akid matkhafich mani m 7akim w Malak ya okhti allah y3iki 3lihom hado les 2 lsanathom TORCHI kima a3taraf Malek hhhhhh
rabi ykhaliki lina wallahi mnin choft bark asmi fra7t

 

[ليليا مرام]

رد: ارواحو تسمعو وتشوفو على اعضاء اللمة اللخر ميلحقش

السلام عليكم ورحمة الله وبركاته

رحبو بيا مع أول موضوع في واش راك تهدر

كيما سمعت بلي الناس تيجي هنا وتهدر جيت نعاند

ومتردوليش راني مخطوووووووووووووبة لاأقبل الصدقات والردود

زهرة الزئبق لي كل مانشوف اسمها نتفكر درس دراسة الوسط نتاع الزئبق

السلام عليكم
اييع مليحة هذي في عشنا وينشنا ايا وقالك رحبو بيا
اسمعي روكا نقولك هنا
انا واسمني زهرة الزنبق ياو الزنبق ياو غلطة من الدفاع واااااااااااااع شديتوهالي ومزيا يا ربي جات فدراسة الوسط وماجاتش فحاجة لخرى اممم باينة مبرونشيا مع القرايا

عبالي كثرت عليكم بالاهداءات

اييه مزية فهمت روحك فكرتيني فاهدي تحياتي لفكرون وليد خالي وعقون وليد عمتي ويمونة خالتي اختصري
ندخل في الموضوع
مازال غير ما دخلتيش يا حسراه علاه انت ترمواي



رجعو للأعضاء لي عندهم موهيبة النقاش
كيما خونا محمد الأمين
والخالة ام منير الله يبارك طبخ ونقاش
صراحة انا هاذم يخوفوني هههه ونحشم نناقش قدامهم
بلاما ننسو اختنا زهرة الزئبق
مواضيعها طوال طوال لدرجة اني ماشي غير نحشم قدامها باه نرد ههه

ويا ما حزميني نشطح انا مواضيعي طوال وهذا واش ترمواي او لموزين
واقيل صاحب الظل الطويل فاقو تهدري على موضوعي طويل وهذا وليد عمو :p
:p:p خاصة النقاشية نخاف نبان منيش فاهمة حتى شي

لالا ماكانش منها انت فنيانة ناقشي عادي وعلاه شكون فاهم فينا مي عندنا وجهات نظر وكل واحد يناقش على قدر تفكيرو مارانش علماء هنا عاديين شاركي واخطيك من التفنيين وتخيطلي الحوايج لمواضيعي حتى ما قدرتيش تخيطي لوطولهم بزاف







تحياتي للجميع

وواش رايكم في نوعية الاعضاء تاع اللمة تقدرو تقدمو عليهم رايكم
وتمنشرو فيهم

خونا مالك ناس ملاح الحق ممنشرتش فيه :tongue02:

اهدرو برك ميديرلكم والو


​

اييه يا لالة جزرت واشبيكم مع التمنشير اليمات هذو انت وسكر افندي جاب ربي قلوبنا كبار
شكرا موضوع هايل عجبني وراني رديت على الجزء اللي يخصني وراح نرجع نمد رايي عليكم
شكرا

 

[لؤلؤة قسنطينة]

رد: ارواحو تسمعو وتشوفو على اعضاء اللمة اللخر ميلحقش

السلام عليكم
صار يخرج منك هاد الشي كامل ههههههه وانا نقول زعما العاقلة هاديك اعطيها البحر وخليها هههههه
عجبتيني تاع الكوكياجة ههههه وكم أحب الأصداف :$
شكرا على الموضوع الزينون كيفك وكيما قالها خونا مالك مرحبا بيك عندنا ومرحبا بيك عندكم ههههه خاطر الدار دارك
اييه يا المطبخ اسكتي برك اخواتنا في المطبخ راهم مخرجيلي قلبي بأطباقهم، حبيت نجاريهم ونوضع كاش وصفات حتى انا
ساع عندي واحد التيليفون تصوري بيه الوصفة يبينها محروقة ولا كاش طعام تاع العصور الحجرية هههه
وليت حبست يزيدو يقولو تحرق الماكلة هههههه خليني في قسم واش راك تهدر نخربش أحسن ههه

واختنا مريم لؤلؤة ردودك يااختي مرات والله نحب غير نقراهم تالمون تردي بتركيز وبجدية :love01:

ربي يحفظك حبيبتي وربي يخليك هادا من طيبة أخلاقك ويشرفني تقراي ردودي
نتي على الاقل شكرتيني ماشي كيما شي ناس قالو عليا نعاين ههههه
وكيما قلتي على الاخوة والاخوات ربي يحفظهم ويهنيهم وكاين اخوة واخوات ربما ماش مذكورين خاطر غايبين
علينا بصح كن يوليو يرحلو اللمة ههههه منهم اسماء .. فيولا .. هدى .. ماجدة .. ذكرى والكثيييير من اعضاء وعضوات اللمة
ربي يوفقهم ويرجعهم على خير يارب
شكرا غاليتي على الموضوع وربي يحفظك ونتمناو نشوفوك مرة اخرى هنا يا دولفينة البحر مكرا في خونا مالك كي سماك قرش هههه
تحياتي ليك
ورسالة فقط لمريومة (زهرة الزنبق) هادي غيبة علينا ولا زعما باه نتوحشوك ههههه مكانتك وبلاصتك واضحة وواحد مايديها
ماتبعديش علينا بزاف وماتخليناش نتوحشوك وربي يشفيك ان شاء الله
​

 

[شاعرة الأمل]

رد: ارواحو تسمعو وتشوفو على اعضاء اللمة اللخر ميلحقش

صار هكا ياك ديما اسمي غائب عن العمل
معليش نشري منتدى واحدوخر وما ندخلكمش فيه راني زعفت منكم خلاص ​

 

[الامين محمد]

رد: ارواحو تسمعو وتشوفو على اعضاء اللمة اللخر ميلحقش

صار هكا ياك ديما اسمي غائب عن العمل
معليش نشري منتدى واحدوخر وما ندخلكمش فيه راني زعفت منكم خلاص ​

ههههههههههه
أنت أمل المنتدى اذا راح الأمل ما تبقاش منتديات و لا حياااة
خلاص اختي وعد مني رايح نكتب موضوع عليك
و نعطيك حقك
و لا نقولك كتبتي قصيدة و ما تسميش فيها اللي زعفوك هههههه
واش راايك