- الأوسمة
- 5
السلام عليكم ورحمة الله وبركاته
يا اهل اللمة يا ابناء الجزائر جاوبوني راني قريب نهبل نحكيلكم واش راهو صاير وكيفاش الدولة نتاعنا دخلتها السوسة وما استعملوش الانتيفيروس لازم يكون برنامج avg مضاد للفايروس المدمر فهموني راني من طبيب الى طبيب الحل الوحيد قالي الطبيب النفساني اجبد ايدك وانسى مي ماقدرتش كيفاش يا عباد الله كاين انسان نعرفو مليح كان مهنتو زبال حاشاكم وما عندو ولا مستوى ولا نيفو تسرب بالشويش لبس الكوستيم والكرافات ودار اخر موديل تاع بورتابل دون ان يعرف كيف يستعملو وكل يوم مكوديه حتان ولا يفهم وبما انو لابس احسن كوستيم واحسن كرافات دخل روحو في ما لا يعنيه وبما ان الوضع كان متدهور وغير مستقر لعب لعبتو وقام بالدور المنوط كما ينبغي واصبح يمشي "الزبال" حاشاكم مع رئيس الدائرة وفي يده علبة المارلبورو والولاعة نتاع 555 واصبح يحرك ايديه بزاف ويعدل النواظر ويعوج فمو علينا ويعيطلنا بصبعو الصغير وريحة العطر الملكي تفوح والهيبة بدات تطلع وكبرت الحالة اصبح يستعمل سيارات الدائرة للاستعمال الشخصي ويبوق علينا الدخان في عينينا ويمد الاوامر المزيفة نتاع الحقرة وبعدها تطور الموقف اصبح رئيس المصلحة للبلدية بصفة رسمية ! مما ادى باستقالة النزهاء واصبح تحت يدو كافة المسؤوليات وما احلى المسؤوليات لما تكون مخلبطة عشرات المدارس والمؤسسات بما فيها المؤسسات الحساسة جدا يقوم بتدبر امورها من الباب الخلفي ااححححح خاصكم البانتورة لازم تنظفو الجدران الحالة ما تعجبش ولعبت الحالة شاحنة تاع صابون ايزيس وشاحنة تاع جافيل وشاحنة تاع ادوات المدرسة ولا تنسوا المنظفات والمطهرات وصهاريج البنزين والمازوت ومواد الطلاء والاسمنت وتغيرت الامور بين ذا وذاك واصبح سي البومباردي يسكن بدل الكوخ في فلة الاحلام ويمتلك وكالة من تحت بيدجي الدائرة وطبعا اصبح يغير كل عشرة ايام نوع السيارة حتى انه مل من السيارات المعقدة توت ابسيون هو يقول هاك مانيش انا والسبب انه يريد امتلاك سيارة الهامر بمواصفات خاصة به والتي يتعدى سعرها المليار سنتيم يريد امتلاكها زكارة فينا وانتقام من ساشيات القمامة التي يراها كل يوم امامه تطارده تعالى نحن هنا
هاذي بلاد القفازة وربا سي مسيو دوارة وعاد يمشي مع الوالي رجل برجل اما الي يقراو ومتخرجين من الجامعات ما يقدروش يديرو هاك مستحيل صعب جدا عليهم لماذا صعب لان الي يفهم في البلاد ويقرا ويثير البلبلة والمحاسبة ويضبط الامور غير مرغوب فيه لازم يكون انسان صاحب نظرة بعيدة مايفوتش اكثر من كرشو اما الباقي مانتراسبا ولازم يعرف كما فهمتكم كلمات تاع حكومة سيطرو-جومونفو - الله غالب - ابريدومان -
هذا هو الي مهبلني ياناس
مانيش حاسدو مي ماشي هكذاك ماشي بلاصتو
راه خلبط كلش النهب السرقة ضيع مال الدولة فلس كلش
وزاد حتى قال كلمات لا داعي لذكرها ....
ايا تلاو في رواحكم وارجو نتلاقاو في ساعة افضل ان شاء الله
ردودكم وسام شرف لي
اخوكم المهموم والمندوب والمعذب
عبدو404
*
يا اهل اللمة يا ابناء الجزائر جاوبوني راني قريب نهبل نحكيلكم واش راهو صاير وكيفاش الدولة نتاعنا دخلتها السوسة وما استعملوش الانتيفيروس لازم يكون برنامج avg مضاد للفايروس المدمر فهموني راني من طبيب الى طبيب الحل الوحيد قالي الطبيب النفساني اجبد ايدك وانسى مي ماقدرتش كيفاش يا عباد الله كاين انسان نعرفو مليح كان مهنتو زبال حاشاكم وما عندو ولا مستوى ولا نيفو تسرب بالشويش لبس الكوستيم والكرافات ودار اخر موديل تاع بورتابل دون ان يعرف كيف يستعملو وكل يوم مكوديه حتان ولا يفهم وبما انو لابس احسن كوستيم واحسن كرافات دخل روحو في ما لا يعنيه وبما ان الوضع كان متدهور وغير مستقر لعب لعبتو وقام بالدور المنوط كما ينبغي واصبح يمشي "الزبال" حاشاكم مع رئيس الدائرة وفي يده علبة المارلبورو والولاعة نتاع 555 واصبح يحرك ايديه بزاف ويعدل النواظر ويعوج فمو علينا ويعيطلنا بصبعو الصغير وريحة العطر الملكي تفوح والهيبة بدات تطلع وكبرت الحالة اصبح يستعمل سيارات الدائرة للاستعمال الشخصي ويبوق علينا الدخان في عينينا ويمد الاوامر المزيفة نتاع الحقرة وبعدها تطور الموقف اصبح رئيس المصلحة للبلدية بصفة رسمية ! مما ادى باستقالة النزهاء واصبح تحت يدو كافة المسؤوليات وما احلى المسؤوليات لما تكون مخلبطة عشرات المدارس والمؤسسات بما فيها المؤسسات الحساسة جدا يقوم بتدبر امورها من الباب الخلفي ااححححح خاصكم البانتورة لازم تنظفو الجدران الحالة ما تعجبش ولعبت الحالة شاحنة تاع صابون ايزيس وشاحنة تاع جافيل وشاحنة تاع ادوات المدرسة ولا تنسوا المنظفات والمطهرات وصهاريج البنزين والمازوت ومواد الطلاء والاسمنت وتغيرت الامور بين ذا وذاك واصبح سي البومباردي يسكن بدل الكوخ في فلة الاحلام ويمتلك وكالة من تحت بيدجي الدائرة وطبعا اصبح يغير كل عشرة ايام نوع السيارة حتى انه مل من السيارات المعقدة توت ابسيون هو يقول هاك مانيش انا والسبب انه يريد امتلاك سيارة الهامر بمواصفات خاصة به والتي يتعدى سعرها المليار سنتيم يريد امتلاكها زكارة فينا وانتقام من ساشيات القمامة التي يراها كل يوم امامه تطارده تعالى نحن هنا
هاذي بلاد القفازة وربا سي مسيو دوارة وعاد يمشي مع الوالي رجل برجل اما الي يقراو ومتخرجين من الجامعات ما يقدروش يديرو هاك مستحيل صعب جدا عليهم لماذا صعب لان الي يفهم في البلاد ويقرا ويثير البلبلة والمحاسبة ويضبط الامور غير مرغوب فيه لازم يكون انسان صاحب نظرة بعيدة مايفوتش اكثر من كرشو اما الباقي مانتراسبا ولازم يعرف كما فهمتكم كلمات تاع حكومة سيطرو-جومونفو - الله غالب - ابريدومان -
هذا هو الي مهبلني ياناس
مانيش حاسدو مي ماشي هكذاك ماشي بلاصتو
راه خلبط كلش النهب السرقة ضيع مال الدولة فلس كلش
وزاد حتى قال كلمات لا داعي لذكرها ....
ايا تلاو في رواحكم وارجو نتلاقاو في ساعة افضل ان شاء الله
ردودكم وسام شرف لي
اخوكم المهموم والمندوب والمعذب
عبدو404
*
