زعما نورمال....مي قلبي راه يتقطع

Z

zahra6

:: عضو منتسِب ::
:crying::crying::crying::crying::crying:سلام.....
اليوم حبيت نطرحلكم حكايتي..انا نحب واحد وهو تاني يحبني..المفيد انو ماراناش في نفس البلاد انا في حاسي وهوفي عنابة و شفتوا 1مرة...مي حبنا كبير بزززاااف.....راني خايفة ادا تكون المسافة سبة باش تفرقنا....plz help me زعما كي ما راناش مع بعض دايمن كاين اشكااال قصدي قادرين نتفارقوا....و صح يا لخاوا
 
كيفاش نساعدوك نعطوك فيزا لعنابة و لا ^^

راني نقصر في بالي كون يحبك صح ما يسمحش فيك على جال المسافة

و كاين لي جامي شافو بعضاهم و تلقاهم نورمال متحابين ..

و باش تضمنيه قوليلو يدخل من الباب و يخطبك و مبعد يسهل ربي .
​
 
صح بززاااف يا lé ami مي راني خايفة....
 
عندي مشكل كما نتي :crying:

من الاغواط ــــــــــ سكيكدة :blush:

منقدرش نفارقها
 
شفت الله غالب نصبرو وخلاص en fin لقيت واحد حاسس كيفي
 
اذا كاين يحبك صح يدير كلش على جالك
و لاتصدقي الرجال كثير مهما كان حبه
لاكن كلش بالمكتوب
اصبري
وربي ان يجمعكم​
 
كلشي بالمكتوب وادا كنتو تحبو بعضاكم صح ماتفرقكمش المسافات ربي يكملكم ​
 
نورمال حنونتي ماراهش hors الجزاير
ايلا vraiment يبغيك يدير الحلال
والله يكمل بيناتكم بالخير حنونة
 
اذا حابة تنحي الخوف من قلبك
قولو يخطبك
هكذا العلاقة تكون واقعية وتظمنيه
​
 
شوفي هذا هى السبة للي يبينلك اذا كان صح يحبك ولالا
اذا كان حابك راكى كون تكونى في لمريخ ميستغناش عليك اما اذا كان مش شاريك راه يفرط فيط بسبة تافهة
ربي يوفقكم ان شاءالله​
 
17 EN FIN الحب تاع سن المراهقة حب صافي كقطرة الندى لكنه للاسف لا يؤدي الى الزواج و سرعان مايكتشف كل طرف غباءه لانه كان يحب و يحلم بالزواج من الطرف الاخر . لان هذ الحب عبارة عن نزوة عابرة خصوصا اثناء التطور الفيزيلوجي لجسم المراهق .
 
عادي اختي اذا كان حب حقيقي ما تاثر عليه لا مسافة لا والو
انا كي عرفت خطيبي كنا انا في قسنطينة و هو في العاصمة و درك انا في الامارات و هو في العاصمة هههههه يعني زدنا بعدنا بصح الحب ما نقص ما والو بالعكس زاد
​
 
هههههههههه دوكا نعطيك فيزا للعنابة على حسابي ههههههههه
راني غير نزعق برك شوفي حنونة ادا صح يحبك ولله حتى وتكوني انتي في المريكان هو في المريخ يجيبك يجيبك ولوكان تكوني مكيش في بالو ولله ولله وتكوني جارتو ولله لا يقيمك وربي يوفقك​
 
لالا عادي يا حبيبتي
انا نعرف خرين من سطيف لوهرااان ومن سطيف لدزاير
ومن سطيف لعنابة و عادي
وكتبلهم ربي وزوجوووواا
وادا كان يحبك حاجة ماراح تنسيه فيك
وان شاء الله ما يكووون غير لي فيه صلاح
 
نورمال أنا عشقت وحدة والأشكال أنو هي من مكا ن بعيد لكن كنت نتلاقاها طول في العيد والبحر .... المهم بعد المسافة ماكانتش معيقة لينا ملاه راهي في قلبي قريبة ليا والمهم أني نحس بيها
 
السلام عليكم ورحمة الله وبراكاته
اختي حبيت انقولك حاجة انت قلتي باللي تلقيتي معاه مرة واحدة ومرة واحدة اظن انها غير كافية لتتعرفي عليه وعن صفاته وطباعه ونفس الحديث ينطبق عليه . وانا اوصيك بعدم الاستعجال في مثل هذه المواقف (الحب) ويجب على الانسان التريث وكبت مشاعره وعدم مطاوعتة قلبه حتى يتعرف كفاية على الطرف الاخر وكيما انقولو( يخرج عليا ولا لا). لانه في سن المراهقة الانسان جديد على مثل هذه العلاقات وبحكم جموحه وتعطشه لكل ماهو جديد وللبراءة التي يحملها من مرحلة الطفولة يصور له عقله صور خيالية عن طرفه الاخر ويعيشه في احلام وردية ... لكن اذا التقيا مرارا وتكرارا وتعرفا على بعضهما كفاية وظهرت الطباع دعينا نقول السلبية للحبيب وهذا طبيعي لان كل انسان لديه حسنات ولديه مساوء لكن وبحكم الصورة التي رسمها الانسان في خياله فان تكشف هذه الصفات يكون بمثابة الصدمة التي تمحو تلك الصورة الرائعة وتهدم تلك الاحلام ...
لهذا اوصيك بالتريث ياختي العزيزةلان نصيحتي نابعة من قلبي وعن تجربة عايشتها سابقا واقول لك ان الحب لاتحكمه مسافات او قيود او جدران فتاكدي لو كانا حبكما حتى لااقول حبك وحدك صادقاوطاهر ونابع من القلب و بعيد عن مايغضب الله فلن تتغلب عليه المسافات مهما طالت ...

تقبلي مروري اختي العزيزة اخوك moha39

ووفقك الله في حياتك والسلام عليكم ورحمة الله...
 
انما الاعمال بالنيات , البعيد عن العين بعيد عن القلب, الا من رحم ربك .
 
قال moha39:
السلام عليكم ورحمة الله وبراكاته
اختي حبيت انقولك حاجة انت قلتي باللي تلقيتي معاه مرة واحدة ومرة واحدة اظن انها غير كافية لتتعرفي عليه وعن صفاته وطباعه ونفس الحديث ينطبق عليه . وانا اوصيك بعدم الاستعجال في مثل هذه المواقف (الحب) ويجب على الانسان التريث وكبت مشاعره وعدم مطاوعتة قلبه حتى يتعرف كفاية على الطرف الاخر وكيما انقولو( يخرج عليا ولا لا). لانه في سن المراهقة الانسان جديد على مثل هذه العلاقات وبحكم جموحه وتعطشه لكل ماهو جديد وللبراءة التي يحملها من مرحلة الطفولة يصور له عقله صور خيالية عن طرفه الاخر ويعيشه في احلام وردية ... لكن اذا التقيا مرارا وتكرارا وتعرفا على بعضهما كفاية وظهرت الطباع دعينا نقول السلبية للحبيب وهذا طبيعي لان كل انسان لديه حسنات ولديه مساوء لكن وبحكم الصورة التي رسمها الانسان في خياله فان تكشف هذه الصفات يكون بمثابة الصدمة التي تمحو تلك الصورة الرائعة وتهدم تلك الاحلام ...
لهذا اوصيك بالتريث ياختي العزيزةلان نصيحتي نابعة من قلبي وعن تجربة عايشتها سابقا واقول لك ان الحب لاتحكمه مسافات او قيود او جدران فتاكدي لو كانا حبكما حتى لااقول حبك وحدك صادقاوطاهر ونابع من القلب و بعيد عن مايغضب الله فلن تتغلب عليه المسافات مهما طالت ...

تقبلي مروري اختي العزيزة اخوك moha39

ووفقك الله في حياتك والسلام عليكم ورحمة الله...
إضغط للتوسيع...
هذا واش حبيت نقول ميرسي .:angel_not:
 
اختي زهرة
كون جا يحبك صح كيما تقولي
قولو يجي يخطبك باه تتاكدي بلي ماراهوش يتمسخر بيك​
 
ان شاء الله يكون جدي معاك
ويجي يخطبك رسمي
كان فيه الخير والصلاح ليك
ربي يسهلك معاه ان شاء ​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom