تسونامي في معدتي يوم العيد هذا ما حصل لي بعد هطول أول قطعة من اللحم

[zagane]

السلام عليكم

تسونامي في معدتي يوم العيد هذا ما حصل لي بعد هطول أول قطعة من اللحم

تسونامي في معدتي حالة استنفار قسوة لم تشهدها معدتي منذ ما يناهز السنة و هذا بعد تلبد السماء بدخان المشوي الكثيف.
. سحب كثيفة في بيتنا تبعها تهاطل قطع من اللحم بغزارة في معدتي
و اندهش كل أعضاء الجسم مما أدى إلى انزلاقات في جدران المعدة
لأنها لم تأليف إستقبال هذا إلكم الهائل من اللحم في يوم واحد
فهي معتادة فقط على الكونجلي مما أدى إلى حدوث تسونامي في معدتي استدعى تدخل قوات التدخل السريع

سؤالي :thumbdown::thumbdown::thumbdown:

هل في بيوتنا كامل العام نكلو اللحم
لماذا نأكل في العيد بشراسة
يقولو خلط المشوي بالبصل ما يضركش اللحم هل هذا صحيح

 

[bizzar]

عيدك مبروك...............................

يححححححححححححهههههههههههههههههههههههههههه...............متنساش تشرب الزعتر.............

 

[فريد43]

بصحتك خويا بصح امني انا والله ماكليتو الله غالب ضرس ماكانش
​

 

[1992meriem1]

شفت روحك فراجيل كنت تروح غير بالعقل
المهم صح عيدك

 

[im£ne]

ههههههههههههههههههههههههههههههه
غير بالهداوة عليك

 

[حياة سعيدة]

غير درجة درجة علاش هكدا درك يعمللها المشرق بلوك حداري
ههههههههههههه و الله بصحتك باكل تغلط برك تاكل كاش مغرف ولا فرشيطة بصحتك خويا و ربي يهنيك مقبولا منا ومنكم

 

[أفراح الجزائر]

واش نقولك..... بصاحتك بصاحتك ياخويا... لأولى للعيد والثانية لضربة العيد المهم سلامتك .

 

[aMiNa-K]

هههههههههههه
بلعقل على ليستومة ديالك.. ماتخلعهاش

مانعرف وش يعجبكم في المشوي هادا كامل.. الريحة وحدها تقتل البنادم

البنة تاع العيد وحدها.. و لحم العيد بنين بزاف بصح الواحد ياكل ومايكترش​

 

[parkour14]

نتا تكون عندك تسونامي ... انا لحم عاد كي يفوت قدامي يختفي عدت عبارت عن مثلث برمودة خخخخخخخ

سلام خو شكرا لك ههههههه
​

 

[H@teM]

انا نقولك بلعقل برك على الكبش
هههههههه
صحا عيدك وكل عام وانت بالف خير
​

 

[قَطٌر❀ الٌنَـدَى]

ههه رانا كامل هك تخيلوا حتي لقطوطة شبعو انا ليوم شفتهم يلوحو في لحم هه شبعة دير الضبعة

 

[azoudia]

صح عيدك خويا وكل عام وانت بخير
نرجو من الله ان الاضرار كانت خفيفة جراء هذا التسونامي واذا احتجت الى المساعدات من الشعب ما عليك سوى القيام بالنداء وان شاء الله خفيفة

 

[لحظة أمل]

مام توكل اللحم كل يوم
نهار العيد عندو طعمة اخرى خلاااااااااص
بصحتك​

 

[zagane]

https://www.4algeria.com/vb/newreply.php?do=newreply&noquote=1&p=1865991السلام عليكم
واقيلا خلاص ريحت

 

[دنيا ثانية]

انا احب البصل المشوي اكثر من اللحم نفسه (يمكن علشان انا وجه فقر) ههههه
​

 

[amira51]

هدا مكان
انا و الله معدتى ولات مقلبه من فوق لتحت
مانفعنى دواء هههههههههه
كليت حتى بغيت نتفجر​