وعلاه عليك ؟؟؟

[أفراح الجزائر]

والله عندك الحق .....أنا نسكن قرب ليسي .......وعندنا ما نشوفوا..... صدقني كي نخرج مع بابا أنا نحشم من لي نشوفوه.......الله يهديهم​

 

[امورة المنتدى]

كل جيل وعوايدو امالا استنى عشرة سنين تشوف العجب كثرمن هاكا

 

[امينة لبرايجية]

السلام عليكم ​

وعليكم سلام اخي ​

وشراكم خاوتي لباااس؟؟؟؟
-انا اليوم جاني في راسي موضوع حبيت نطرحوا هنا
في المنتدى لعلى نلقى الاجابة لي تحير معضم الناس الامقلتش كااامل
وهدا بأراكم المختلفة ونتمنى انكم تفهموا عليا وش نقصد.
-ياخاوتي نروح نقرى في الجامعة نلقى لي كوبل معمرين
في كل بلاصة تقريبا حبيت نفهم حاجة برك بصح علابالي
منلقولهاش اجابة .
1-ضرك الطفلة نورمالموا باعثينها والديها باه تقرى حتى ولات دير ودير علاه؟؟؟ماشي حرام
هاد الشىء في حق والديك​

انت قلتها دير ودير (نحاو علينا الستر) وعلابالها حرام في حق والديها وحق ربي وماشي كل حاجة تبرق ذهب ولحديث قياس وبالخصوص في هادي النقطة ماشي حابة نحكي بزااااااف
2-علاه الطفلة تصاحب هل ممكن تضمن في راجل المستقبل ؟؟؟ ولا وش كاين؟؟؟
بلاك تضمن في هادا الراجل اذا كان جدي ومام ادا زوجت به ماتحلمش بزاف لاخاطر اكيد راح يمل منها لانوا عرف قاع نقاط الضعف وحوايج اخرى عليها
وانت قلت واش كاين الي كاين وهو هادي الطفلة حابة تتسلى ولا حابة تنقص من قيمتها واخلاقها واخلاق قاع لبنات
3-الحاجة لي نحير فيها تاني انهم ميخافوش لايشوفهم واحد يعرفهم
ماتحيرش لاخاطر راهم علابالهم ولاوا افاة من افات المجتمع ولي يشوفهم ماعندوا مايدير ههههههه وان شاء الله ربي يهديهم
الراجل عمروا ما يتعايب مهما دار قبل
بصح الطفلة لا العكس كااااامل يعني متخافش على روحها من هدرة الناس ؟؟؟؟
خافت من ربي تخاف من هدرة الناس والله حاجة تحير هي اصلا راهي مالفة وهدرةالناس عندها مادات ما قلبت
هنا ممكن هدرت على جانب واحد الي هو لبنات على خاطر الطفل ميقدر يدير والوا
لوكان متشجعوش الطفلة​

صح عندك الحق
وكاين بزاف اسئلة لكان عندكم قولوها نتناقشوا فيها بالنسبة للموضوع
راك كفيت ووفيت
​

واخير تقبلوا تحياتي الحارة اخوكم
مشكووووووووووووررررررر في انتظار المزيد من عندك اوك ​

 

[manal_39]

مشكور اخي حاتم على الموضوع الذي في قمة المناقشة في وقتنا الحالي

وهذه الحالة اصبحت منتشرة في جميع الايطارات سوى الجامعة ،الثانوي

حتى المتوسط

اصبحت ظاهرة عادية عند البعض نظرا لعدم حياءهم في وسط مجتمع

متخلق ومحافظ دينيا

والطفلة راهي شبيهة بالقماشة البيضاء حتى جاست اديره يبقى وسمة عار

على جبينها وعلى والديها

الي ماعدهم ذنب

وبالفعل في الاخير ايكون للشاب مجرد نزوة شعورية (رغبة)من قبل البنت

للعب بمشاعرها وعواطفها و

تضيع الوقت ......؟؟؟

بالحق مشكور اخي على الموضوع الرائع

:thumbup1::yahoo::yahoo::thumbup1:


​

 

[AnGeL*dZ]

تاع لبنات اللي يقراو في الجماعة ولات نورمال شغل لازم تكون عندها صاحبها ولا تكون كافية
mais اللي محيرني طفلة تقرى في سيام عندها صحبها مخك يحبس
ربي يهديهم ان شاء الله

 

[fufa22]

يا سي حاتم نقولو ربي يهدينا هاذا ما كان

 

[aMiNa-K]

السلام عليكم و رحمة الله و بركاته

للاسف هدي طبيعة خامجة منتشرة عندنا و اليوم برك نقرا في بيبيوتاك رفدت راسي من الطابلة قابلوني زوج بوحد الوضعية الله لا يشوفكم فيها.. زدت درت لجيهة وحدخرة لقيت وحدخرين تانيك.. وليت نقول راهي ماولاتش بيبيوتاك راهي ولات خرا حشاكم

و ماشي غير في الجامعات برك راهم par tout وين نروحو نصيبو الخماج

1-ضرك الطفلة نورمالموا باعثينها والديها باه تقرى حتى ولات دير ودير علاه؟؟؟ماشي حرام
هاد الشىء في حق والديك

البنات غير اللي تقول نعيش حياتي.. و صابت لا ليبارتي ديجا كاين اللي يخرجو من الدار يخرجو لابسين لبسة ماشي تاع قرايا او خدمة.. دارهم طالقينها سينورمال تزيد من عندها


​

​

​

2-علاه الطفلة تصاحب هل ممكن تضمن في راجل المستقبل ؟؟؟ ولا وش كاين؟؟؟
باينة وين تخلاص الحكاية
و كامل علابالهم وين رايحة تخلاص الحكاية.. بصح هاكداك و قاعدين يخلطو
3-الحاجة لي نحير فيها تاني انهم ميخافوش لايشوفهم واحد يعرفهم
الراجل عمروا ما يتعايب مهما دار قبل
بصح الطفلة لا العكس كااااامل يعني متخافش على روحها من هدرة الناس ؟؟؟؟
بكري صح كانو يخافو من الهدرة تخرج عليهم.. بصح درك يهدرو ولا يقعدو الطفلة ولات تدير وش كاين في راسها
-هنا ممكن هدرت على جانب واحد الي هو لبنات على خاطر الطفل ميقدر يدير والوا
لوكان متشجعوش الطفلة
عندك الحق يا خويا كي تقول بلي الطفلة هي اللي تنقاس.. بصح ادا البنات هوما بالدات ماتحرواوش في رواحتيهم.. متعمدين ماتعمرش راسك بيهم.. طريق السد اللي تديهم
​

الموضوع مازال طويل و مازال يحتاج نقاش

يعطيك الصحة خويا حاتم​

 

[salam2009]

و الله الموضوع مهم جدا
ذلرك رانا في وقت صعيب بزاف ماتعرف الصح وين اذا سقصيت معظم لبنات يقولولك لازم نمشي باش نتزوج و كاين يقولك سمعتي هي الاهم ماكنش نضرية باينة خاصو في وقتنا بنات في السيام و يخمو في الراجل و الزواج و فايقين على الجيل لقبلهم بصراحة و الله احنا لبنات ما نا فاهمين والو في الناس كيفاش راهي تمشي

 

[همسات الحنين]

ياختي كل واحد مصيل على حساب اصلوا كيما انتي مجاتكش في راسك كيفاه راهي تتصرف كيما هاك ....؟؟؟؟ على خاطر انتي اخلاقك ماتسمحلكش بهاد الشي ........ وهاد راجع لاصلك وبيئتك لتربيتي ونشئتي فيها
مي هيا تشوف فيها نورمال بالطبع هاذا راجع لسؤ تربيتها وقانعتها التامة بلي شي الي راهي دير فيه نورمال و حسباتلها بلي راهي تمشي مع التحضر
ربي ان شالله يهدينا ويهديهم ويصلح بنتنا وبنات المسلمين يارب
شكرا اختي على الطرح المميز

 

[H@teM]

ياختي كل واحد مصيل على حساب اصلوا كيما انتي مجاتكش في راسك كيفاه راهي تتصرف كيما هاك ....؟؟؟؟ على خاطر انتي اخلاقك ماتسمحلكش بهاد الشي ........ وهاد راجع لاصلك وبيئتك لتربيتي ونشئتي فيها
مي هيا تشوف فيها نورمال بالطبع هاذا راجع لسؤ تربيتها وقانعتها التامة بلي شي الي راهي دير فيه نورمال و حسباتلها بلي راهي تمشي مع التحضر
ربي ان شالله يهدينا ويهديهم ويصلح بنتنا وبنات المسلمين يارب
شكرا اختي على الطرح المميز

مشكورة اختي على المشاركة الرائعة بصح
راني اخ منيش اخت

​

 

[H@teM]

مشكووووورين جزيل الشكر على المشاركة ارائكم المختلفة والنطقية جداا
بصح انا خطرة نتناقش مع وحدة تقرى معايا على هاد الافة قاتلي كلمة حبستلي مخي
وزيد سمعتها ضرك لاني ممكن كنت نقول راهي الطفلة ضحية علاقة وخلاااص فسدت
يعني كااانت عارفة اخرة العلاقة هادي يعني مجرد تسلية وكلش وتبقى معاه؟؟
مشكورين جازيل الشكر كلكم وربي يهدينا
في انتضار اراء اخرى
​

 

[shahrazad]

السلام عليكم
و الله مالقيت واش نقول حاتم انا طفلة و راني حايرة من هاد الشي الي راه يصرا
و الله ماتغيضني الطفلة هاديك قد مايغيضوني والديهااا ...
صعيبة بزااااف بزاااف
الله يهدينا كامل و نشالله يبعد علينا هاد لبلا و على قاع بنات و ولاد الفاميليا
و الصح قااااااع راهو فالدين كي بعدنا عليه رانا نشوفو لعجب
و مازال الخير القدام الله يحفظنا
الله يسترك على هاد الطرح الهام
تحياتي ليك ​

 

[همسات الحنين]

مشكورة اختي على المشاركة الرائعة بصح
راني اخ منيش اخت

​

اه :blushing:........ سمحلي خويا ماشوفتش بياناتك :001_rolleyes:

 

[Amira ~]

و الله غير عندك الحق و يعطيك الصحة الي طرحت هذ الموضوع
انا لما كنت في السنة الاولى تاعي في الجامعة و الثانية كنت نحاول كي نشوف وحدة نعرفها في هذ الموقف ننصحها نقولها فكري في والديك الي دارو فيك الثقة و بعثوك تقراي ... فكري في روحك ممبعاد كي تتزوجي و ديري دار و يجي واحد لراجلك و يقولو كانت معايا و ....و ... و مانيش عارفة واش يقولولو تاني .. خلي روحك نضيفة و الناس كامل يشهدولك و يقولو لوالدك خير ما ربيت يعطيك الصحة .. غير هذي وش تسوى
بصح ارواح جيبلي واحد يفهم ... كي نقول هذ الهدرة نولي انا المعقدة و هوما الاوفار و الفاهمين
واش نقولو غي ربي يهديهم

اسمحلي خويا طولت في الهدرة .... شكرا
​

 

[لحظة وداع2250]

ربي يهديهم

 

[H@teM]

و الله غير عندك الحق و يعطيك الصحة الي طرحت هذ الموضوع
انا لما كنت في السنة الاولى تاعي في الجامعة و الثانية كنت نحاول كي نشوف وحدة نعرفها في هذ الموقف ننصحها نقولها فكري في والديك الي دارو فيك الثقة و بعثوك تقراي ... فكري في روحك ممبعاد كي تتزوجي و ديري دار و يجي واحد لراجلك و يقولو كانت معايا و ....و ... و مانيش عارفة واش يقولولو تاني .. خلي روحك نضيفة و الناس كامل يشهدولك و يقولو لوالدك خير ما ربيت يعطيك الصحة .. غير هذي وش تسوى
بصح ارواح جيبلي واحد يفهم ... كي نقول هذ الهدرة نولي انا المعقدة و هوما الاوفار و الفاهمين
واش نقولو غي ربي يهديهم

اسمحلي خويا طولت في الهدرة .... شكرا
​

يااختي انا حاب نفهم برك هيا بعثينها اهلها باه تروح تقرى
ولا دير علاقات غرامية :scared:
كيما قلتي انتي تجي تفهميها تلقي روحك انتي لي معقدة ومتفهميش
كيما قلتي نطلبوا منهم الهداية برك
لالا نورمال مطولت موالوا الموضوع موضوعك
​

 

[H@teM]

ربي يهديهم

وش ديري هنا:thumbdown:
على كل حال امين
حنا تاني نفهموا في الاصول ونعرفوا نهدروا
مش كي حالت ناس لاعلاقة
​

 

[H@teM]

السلام عليكم
و الله مالقيت واش نقول حاتم انا طفلة و راني حايرة من هاد الشي الي راه يصرا
و الله ماتغيضني الطفلة هاديك قد مايغيضوني والديهااا ...
صعيبة بزااااف بزاااف
الله يهدينا كامل و نشالله يبعد علينا هاد لبلا و على قاع بنات و ولاد الفاميليا
و الصح قااااااع راهو فالدين كي بعدنا عليه رانا نشوفو لعجب
و مازال الخير القدام الله يحفظنا
الله يسترك على هاد الطرح الهام
تحياتي ليك ​

وعليكم السلام
يعيني الوالدين ينحوا من مصروف الدار بلعاني بنتهم باه
تلبس مليح ومتحسش بالنقص قدام صحاباتها
وهوما طالبين ايسط حاجة انهم ترجعلهم بشهادة برك
وهيا دايرة حالة يعني ايلا مغاضتهاش روحها تشوف لوالديها برك
مشكورة شهرة على المرور الرائع :biggrin:
​

 

[مجد الجزائر]

ربي يهدي

 

[ThE CrAzY DrEaMeR]

وعليكم السلامـ
أرواح فهمهم ياخويا حاتم
*
مخهم مايكسيبتيش الهدرة هادي
الشيطان يلعبلها بمخها بكل سهولة
*
عقلية ضحك ولعب وجد وحب
*
كل وحدة ولات بالدوسيات تعها
*
في الأخير هنا كلهم خاطيهمــ هههههه

​