ما فهمتش الناس بأي نظرة راهيتغزرلي

[لاجيري مون امور]

السلام عليكم اخوتي , اليوم هدي اول مشاركة ليا في المنتدى حبيت نطرح المشكل التاعي معاكم انا طفلة مسلمة ومتحجبة بصح على بالي باللي راهو الحجاب التاعي ماهوش كامل ,لكن انا مانلبسش كيما يقولو الخطير ,وكي نخرج نلق قاع الناس تغزرلي ذكور وبنات وهدا بلا ما نهدر على المعاكسات كرهت الخرجة وكرهت حياتي على خاطر ما فهمتش باي نظرة راهم يغزرولي :confused1: كاني وحدة عاهرة ولا كاشي حاجة اقسم بالله ساعات نولي نبكي خاطر على بالي باللي راهو كل واحد يغزرلي كاني زنيت معاه (استغفر الله) قصدي زنا العينين
ارجو منكم التافعل
اختكم المهمومة​

 

[هبة الرحمان1517]

السلام عليكم​

اختي بداية اود ان اقول لك ماهي طبيعة اللباس الذي تلبسينه بالضبط من فضلك اجيبيني عن السؤال ربما استطيع المساعدة
انا انتظر الجواب ​

 

[لاجيري مون امور]

وعليكم السلام يا اختي البسة اللي راني لابستها هي ايكات وسروال بصح ماش هداك السروال المحزوق سروال عادي وايكات طويلة

 

[قَطٌر❀ الٌنَـدَى]

والله مام اهذا المشكل للي نعاني منو بصح لقيت بلي المشكل ش في اللبسة لانو مرات نلبش عباءة يعني قشابية مستورة وطويلة بصح المعاكسات تبقي هي هي يعني المشكل فيهم هم والفو البنت ليي تفوت عليهم لازم يلوحلوها الهدرة
مديريش عليهم وخلاص​

 

[لاجيري مون امور]

مرسي اختي راكي طلعتيلي شوية المورال

 

[الشامخة]

اختي الخطا ليس في لبسك مادام يسترك انا ايضا فتاة متحجبة ولما اخرج الى الشارع يحصل لي نفس الدي يحصل معك لانه هدا حال الجزائر وكل الشعوب ولا تضعي اي شيئا في رأسك مادام انك بنت متأدية
كوني فقط واثقة من نفسك وكوني دو شخصية قوية فلن يهزك كلام الناس ابدااا

 

[mohamed ali 1992]

السلام عليكم ورحمة الله تعالى وبركاته

خلي في نفسك ثقة مدام لباسك يرضي الله عـز وجـل
الناس ديما عندها نظرة مانعرف كيفاه ...
الأغلبية في وقتنا الحاضر لم يعطي للطريق حقه في غض النظر
ربي يكون معاك أختي وماتخليش مثل هذه الحوايج تشكلك عقدة
فترة وتمر باذن الله ...
بصح انا سوفي وماشفتكش هههههه
نقصر برك
ربي يكون معاك
​

 

[لاجيري مون امور]

بارك الله فيكم يا اخوتي

 

[odyssée]

انا نظن يااختي انو المشكل ماشي في الللبسة يممكن انت جميلة على هذا يخزرو فيك لانني والله غير راني نشوف بنات تلبس بصح عادي يمشو في الشارع ومايخزروش فيهم
انتي ماتعطيهمش اهمية لانو لو كلنو متربين مايخزروش حتى ولو مرت امامهم ملكة الجمال الواجب غض البصر
ويروحو يخدمو شوية بدل راهم يعسو شكون هذه وشكون هذيك

 

[هبة الرحمان1517]

اختي اود ان اقول لك بلي المظهر الخارجي له دور مهم في المعاكسات ونت كيما قلتي بلي راكي تلبسي المستور نتمنى انك تخلي ثقتك بنفسك كبيرة و قوية وماديريش حسابات للناس اللي راهم يدنغو ليك المهم نت راكي ساترة روحك وخليهم هوما يقولو واش يحبو

 

[لاجيري مون امور]

اعطيكم الصحة والله غير طلعتولي المورال

 

[انتصار*]

حتى لوكان تلبسي ملاية ما يخلوكش ...........ربي يهديهم هذا الفراغ لي دار فيهم هكذا لا خدمة لا زدمة ولا نوادي كيما المصريين هههههههههه​

 

[لاجيري مون امور]

شكرا على المرور

 

[baki madridi]

ماعندي واش راح نقلك اختي كبري قلبك وخلي الثقة في الله راح يسهلها عليك راهم ناس قاتلهم الشوماج ولا يخافوا ربي لا والو

 

[لاجيري مون امور]

شكرا ليك يا ولد مدينتي

 

[i.dreams]

bjr 7anouna .....elmou3akeset mich ra7 tkhalik meme w diri jelbeb c kifkif ...ana mich met7ajba w y3aksouni besa7 mendirelhomch kima.... met3amrich rassek 7anouna b 7eja ma3endhech mara7 dir

 

[سجل أنا جزائري]

انتي ديري وش عليك ألبسي لباس محترم
و ثاني تفادي تعقبي على الأماكن اللي يكثر فيها الشومارة كيما القهاوي هههه
و كيما قالو ذرك المعاكسة ولات طبيعة حتى و لو كونتي محجبة المهم انتي ما ترديش عليهم و ما تعبريهم
المشكل ثاني كاين بنات يعجبهم يجي واحد يعاكسهم هذو هوما اللي فسدوها على البنات لخرين
الشباب يسحبو البنات كامل كيما هادو
ربي يهديهم

 

[مفآهيمـ الخجل]

و عليكم السلام

شوفي ختي ماشي غير انت اللي راكي تعاني من هاد المشطل

كاين بزاف صاريلهم كيما هاك

ما عندك مادريلهم

مادام راكي متحجبة و مستورة و الحمد لله

ماديريش عليهم

تجاهليهم قدر المستطاع

و ان شاء الله تلقاي حل

تقبلي مروري
​

 

[سجل أنا جزائري]

bjr 7anouna .....elmou3akeset mich ra7 tkhalik meme w diri jelbeb c kifkif ...ana mich met7ajba w y3aksouni besa7 mendirelhomch kima.... met3amrich rassek 7anouna b 7eja ma3endhech mara7 dir

لا لا مش كيف كيف واحدة محجبة و وحدة لا لا

حجاب ينقص بزاف من هذي الظاهرة

 

[مفآهيمـ الخجل]

و عليكم السلام

شوفي ختي ماشي غير انت اللي راكي تعاني من هاد المشكل

كاين بزاف صاريلهم كيما هاك

ما عندك مادريلهم

مادام راكي متحجبة و مستورة و الحمد لله

ماديريش عليهم

تجاهليهم قدر المستطاع

و ان شاء الله تلقاي حل

تقبلي مروري
​