نهاية الأزمة بين البنات و الذكور & اليوم نفريوها & فرصة البنات لرد الاعتبار

[mimi.dz]

و الله يا اختى راكى حطيتى يدك على أهم سؤال لحد الآن
أنا نقولك الصح العقلية هاذى راها شايعة بزاف
كيفاش أنا نقولك كيفاش:
الانسان هاذا تلقايه من الوهلة الأولى راها ناوى على الشر و قارى الحيلة
يا اما كان يدى مصلحة من عندها ما علاباليش أنا دراهم و لا كاش حاجة
يعنى هذا انسان راه خبيث و هذا راه كيما يقولو القبيح يفسد على المليح .
طبعا مع وضع الاحتمال الثانى بلى الانسان هذا راه مخصوص من الناحية المادية و لا نقص الامكانيات بصفة عامة ( منزل و دراهم ... الخ ) .





​

هاذ مليحة يسمى رجعت علاقة نتاع مصلحة
والله غير كل ما رايحين نتطورو رايح الجيل يتخلف

​

 

[بيكهام]

سؤال ليك يا حواء ؟؟؟
لماذا المراة لا تحفظ السر ؟
​

 

[SaRa MosTa]

علاش الولد لما يحب.............وفي الوقت نفسه ينسى انو يحب لو شاف واحدة اخرى..........؟؟

 

[AnGeL*dZ]

علاه الطفل كي تعجبو طفلة ويقوللها وهي ماتقبلش يهددها ؟

 

[سجل أنا جزائري]

شا شا شا نسقسي ؟

علاش الولد غداار
راه يحكي مع بنت و من بعده تلقاه يداسر في وحد اخرى
لا اقصد الاهانة ​

هذا راه يعقب بيهم في الوقت برك نهار حاب يتزوج ينساهم كامل

 

[mimi.dz]

قوليها و عاوديها...............غير التبياش و الحطات.................ولاتحوسونا نلبسو كومبيليزو و نجو نخطبو هههههههههه
​

هههههههههه بصحتكم يا سيدي

سؤال ليك يا حواء ؟؟؟
لماذا المراة لا تحفظ السر ؟
​

ليس كلّهن فمنهن الكثير من لا يظيعن سرا مهما كان الوضع واكيد هذا راجع لعقليتها​

​

 

[سجل أنا جزائري]

::: زيدو جاوبوهههههههه:::​

علاه الشباب الجزائري يحبو التبياش والحطة وهل انت منهم؟​

نورمال مليح واحد يلبس مليح بصح مش لدرجة يولي خير المرا في هذو الأمور
أنا كي تكون عندي حاجة مهم نستكي بصح الأحوال العادية نورمال برك

 

[AnGeL*dZ]

سؤال ليك يا حواء ؟؟؟
لماذا المراة لا تحفظ السر ؟
​

كاين وكاين يعني كاين نوع يحفظ السر ونوع لانو المراة شخصيتها ضعيفة ماتقدرش تخبي ومن اول موقف تبوح بالسر

 

[بيكهام]

وعلاه الدكرو يشوفو روحهم بزااااااف واي طفلة تهدر معاهم في ظنهم راهي تشتيه

والله يا اختي خواطر دز
1 علا حساب طفلة لتهدر معاه
2 ناس ماشي كيف كيف كاين ليفهم النقص ومغرور ومديها في روحو
3 برك الله فيك سؤالك ممتاز جدا
شكرا
​

 

[Jagwar]

شا شا شا نسقسي ؟

علاش الولد غداار
راه يحكي مع بنت و من بعده تلقاه يداسر في وحد اخرى
لا اقصد الاهانة ​

شا شا شا نجاوب ؟
ايه خلاص لقيتها

هاداك واش نقولو عليه اختى ؟
نقولو عليه تراتر
راه ينصب فى الفخة من و من و اللى تصيد مرحبا بيها
و بالزيادة تلقاي كلمة الحب فى القاموس تاعو ما كانش
و يستاهل القتل و الشنق و الذبح و ...ووو
نزيدوه و لا يزى فيه ؟
ههههههه
سؤالك حشمنا يا عاشقة كريم
راه يقولك مثل :
يعملها الفرطاس و تحصل فى بوشاشية

تحياتى و كاش سؤال رانى هنا .








​

 

[سجل أنا جزائري]

علاش الولد لما يحب.............وفي الوقت نفسه ينسى انو يحب لو شاف واحدة اخرى..........؟؟

يكون هذا كان معجب برك مش يحب

 

[mimi.dz]

نورمال مليح واحد يلبس مليح بصح مش لدرجة يولي خير المرا في هذو الأمور
أنا كي تكون عندي حاجة مهم نستكي بصح الأحوال العادية نورمال برك

وديما نعرفو بللي التبياش نتاع المرأة هههههه
نقصر برك
بصحتكم
​

 

[iméne09]

علاش يقعدو ليجون يستناو قدام الليسيات بطنوبيلات ؟؟​

 

[سجل أنا جزائري]

علاه الطفل كي تعجبو طفلة ويقوللها وهي ماتقبلش يهددها ؟

لأنو يحس بالأهانة و يحب يرد الأعتبار لنفسو بصح ما تحسينيش منهم هههههه

 

[Rosa2]

سؤال ليك يا حواء ؟؟؟
لماذا المراة لا تحفظ السر ؟
​

ماشي كامل
كاين و كاين
و اللي حب يحفظ السر يقولو للمرا
هههههه كي تكبر تعرف
​

 

[AnGeL*dZ]

لأنو يحس بالأهانة و يحب يرد الأعتبار لنفسو بصح ما تحسينيش منهم هههههه

ايه مش يقولو الحب بالكيف ماشي بالسيف هادي اكره صفة عندي في الطفل

 

[سجل أنا جزائري]

سؤلي

علاه جامي تتفاهم الزوجة مع عجوزتها الا نادرا ؟؟

 

[بيكهام]

علاش يقعدو ليجون يستناو قدام الليسيات بطنوبيلات ؟؟​

يستنا في اختو خوه صاحبتو
بلاك باباه استاذ ماماه استاذة الخ
هههههههههههههه
ممكن جاي يصيد كاش ميصيب
لكن كاين قاعدة نمشي بيها
المرأة كظلِّـك : إتبعها تهربْ منكَ , واهربْ منها تتبعْك
ويقلك لقيمنا نقيموه
والله أعلم بالصواب .
أسأل الله أن يوفقني وأن يوفق جميع الإخوة والأخوات في المنتدى ( بلا استثناء ) لما فيه خيرنا وسعادتنا في الدارين , آمين .​

 

[02asma02]

وعلاش الشباب يحبوا يحطوا مناقش في وذنيهم وسناسل ماشي كامل اكيد البعض
​

 

[Jagwar]

علاش يقعدو ليجون يستناو قدام الليسيات بطنوبيلات ؟؟​

راهم يقعدو يصيدو فى الحمام و الحجل بالفخة
و الطوموبيلة هي الفخة .
كاش نهار تترطق عليهم الفخة هاديك






​