درت هاد الحليوات كنتمنى يعجبوكم وتعطيوني الاراء ديالكم
نبداو بكعب غزال هي الاولى
المقادير
العجين
1/2كيلو دقيق + شوية الزعفران + 2 معالق ك سنيدة + 2 معالق ك زبدة +نصف كاس ماء الزهر
الحشوة
كيلو لوز+ نصف ك سنيدة + شوية القرفة + معلقة كونفيتير + 3 معالق ك ماء الزهر + 3 معالق ك زبدة
الطريقة
من بعد ناخدو اللوز للصلقناه ونطحنوه مزيان مع السنيدة حتى يتعلك لينا مزيان ونزيدو عليه المقادير لعندنا وخلطوه مزيان
منبعد كديروه اصابع على هاد الشكل
اوا منبعد كنسرحو العجين تكون رقيقة بزاف انشكلها حال هكدا
هدا الشكل ديالها ملي كملتها
كنخليوها تقريبا واحد 12 ساعة انا كنديرها بالليل وكنخليها حتى لصباح عاد كنتقبها بالبرة
هنا كندهنها بالزبدة وندخلها الفران
وهنا كندهنها بالابيض البيض وندخلها الفران غيرشوية بينما كتاخد للون الذهبي
هيا راه فيها شوية دالخدمة ولكن راه كتجي غزالة وهدا الشكل النهائي
يتبع ...................
حلوة بالشكلاط واللوز
المقادير
كيلو دقيق + رابعة زبدة + كاس زيت + كاس ونصف السنيدة + كاس دالكوك + خمارة + فاني + الشكلاط + اللوز + بيضة + العسل
الطريقة
كناخدو الزبدة والزيت السنيدة و الفاني والبيضة والكوك واخمارة كنخلطوهم من بعد كنضيفو الدقيق بشوية حتى نجمعو العجينة كنسرحوها بالدلاك انطبعها على شكل دوائر وندخلوها الفران
ملي طيب كنلصقها بالكنفتير ونغطس نصف فالشكلاط حتى يبرد عاد نغطسنف الاخر فالعسل ايكون طايب مزيان انفندو فاللوز مقطع ومحمر فالفران على هاد الشكل
وهاهيا موجودة
المقاديرحلوة بالكورن فليكس والشكلاط
250 كورن فليكس + 1/ 2شكلاط + كاس بيستاش + كاس زبيب
الطريقة
ندوبو الشكلاط كنزيد وعليه باقي القادير ونعملهم فالكويغطات حتى يبردو ونقدموهم
يتبع...............
المقادير: حلوة الرخامة
المقادير
كيلو لوز + كيلو شكلاط + 2كيسان لعسل
الطريقة
كنصلقو اللوز ونفسخوه ونقليوه فالزيت ونهرمشوه غير شوية نديرو لعسل حتى يطيب ونخلطوه مع اللوز ونفرشو ورق الزبدة ونسرحوها فوقها نخليوها حتى تشد ونخويو فوقها الشكلاط دايب ملي تكرم نقلبوها ونعود نخويو فوقها الشكلاط ونديرو خطوط بالشكلاط الابيض ونشرطوها بالموس مرة الفوق مرة لتحت
آخر تعديل:
