دالتنا تع الاضراب يا جمااعة...

[hadjer92]

انا نقرا في ليسي "قسنطينة" .. ملي كانة يقولونا بلي الامتحانات ام "بالاك" ورا العطلة... اليوم علا صباح ربي اصبحت علينا الاستاذة قالتنا بلي الامتحانات راهم فالسمانة اللولة تع العطلة.. مالا على 10.. هبط كامل الليسي ل لاكور وماحبيناش نطلعو.. واش رانا نسلكو واش كانو هوما مدايرين.. جيناهم علا قد يدييهم ؟؟
ونتوما كاش خبر ؟؟

 

[nassim007]

و الله غير كيفنا
حنا في تيكنيكوم تاعنا تفاهمنا كامل تاع الباك ماندخلوش ..مادخلاناش الساعة الأولى طووول مي كاينين لبنات لي دخلو العلميين بصح حنا قسمنا التقنيين واحد لا دخل خلاااااااص بنات أوو ذر
قعدنا في ل كور كي صونات 9 زادو خرجو تاع الأولى و الثانية وقعت خلااااااااااااااص ههههه المراقبين ضربو ضربو وااالو التيكنيكوم تقلب برنامج الإمتحان قطعناه زوج مرات واااالو....ههههه
من بعد عل 10 جاو المراقبين قالولنا سايي تدو 15 يوم و الإمتحان بعد العطلة ...و بداو يزيرو ويفورصيو ف رواحهم تاع عنف زعما.... كاينين لي تحاشاتلهم دخلو كيما تاع الأولى و الثانية و العلميين تاعنا شويا بقينا غير حنا و الأدبين وتاع التسيير واااااااااااالو لقر اية مكانش .....أووو مزال درك علا 13.30 راح تتقلب واحد لا راح يقرا....

و نتوما واش الحالة تاعكم كش ما درتو .............. نســــــــــــــــــــــــــــوم

 

[nabil 09]

نستعرف بيكم وحنا تاني راح نبداو غدوة بسكو نحن ادبين معطولناش حص الدعم اما العلمين الرجالة عدهم شهر وهما يقراو درووووس الدعم غدوة نخلوها مكاش الهدرة

 

[hadjer92]

و الله غير كيفنا
حنا في تيكنيكوم تاعنا تفاهمنا كامل تاع الباك ماندخلوش ..مادخلاناش الساعة الأولى طووول مي كاينين لبنات لي دخلو العلميين بصح حنا قسمنا التقنيين واحد لا دخل خلاااااااص بنات أوو ذر
قعدنا في ل كور كي صونات 9 زادو خرجو تاع الأولى و الثانية وقعت خلااااااااااااااص ههههه المراقبين ضربو ضربو وااالو التيكنيكوم تقلب برنامج الإمتحان قطعناه زوج مرات واااالو....ههههه
من بعد عل 10 جاو المراقبين قالولنا سايي تدو 15 يوم و الإمتحان بعد العطلة ...و بداو يزيرو ويفورصيو ف رواحهم تاع عنف زعما.... كاينين لي تحاشاتلهم دخلو كيما تاع الأولى و الثانية و العلميين تاعنا شويا بقينا غير حنا و الأدبين وتاع التسيير واااااااااااالو لقر اية مكانش .....أووو مزال درك علا 13.30 راح تتقلب واحد لا راح يقرا....

و نتوما واش الحالة تاعكم كش ما درتو .............. نســــــــــــــــــــــــــــوم

اييييه حنا ليسي كااامل واحد لا دخل.. بصح من الكلاسا تاعنا 'تالمو تع العلماء'' كاين لي دخلو.. الله لا ينحي عليهم غلبة وجوه الشر هادوك..
المهم حنا زدنا اليوم ماقريناش حتا عادت العشرة قالونا بلي الامتحانات ام اجلوهم ورا لعطلة .. وعلقو الورقة باه تهنينا.. روحنا على العشرة و لعشية جينا طاعين قالتنا الاستادة تع الرسم اني مانيش رايحة نقريكم دركة.. داونا للمدرج قعدنا و جابونا المجاهدين ..بمناسبة عيد النصر..والله راهم متهليين فيناا..
ونتوما كاش جديد ؟؟

 

[hadjer92]

نستعرف بيكم وحنا تاني راح نبداو غدوة بسكو نحن ادبين معطولناش حص الدعم اما العلمين الرجالة عدهم شهر وهما يقراو درووووس الدعم غدوة نخلوها مكاش الهدرة

ههههه راكم حابين حصص دعم منكم بصح ؟؟
ااوااه حنايا 'أونتي '' حصص دعم..
ربي يعييينكم ...

 

[nassim007]

ههههه راكم حابين حصص دعم منكم بصح ؟؟
ااوااه حنايا 'أونتي '' حصص دعم..
ربي يعييينكم ...

هههههه اييه حنا أونتي .....دائما العكس
حنا تاني راهم علقولنا ورقة قالك الإمتحانات بعد العطلة بصح حنا تفاهمنا بالنسبة لقسمنا برك الباقي منعرف فيه ....تفاهمنا مانعقبوش نروحو باه ما يكتبوناش غياب نهزو أوراق تاع الأسئلة و نجيو خارجين كامـــل ....هدي هي كلاستنا حاااااااااارة هههههههه .....
منعرف ترا نتوما ؟؟...ايا ربي يوفقنا كامل

 

[أمــ وليــد الجزائرية]

مافهمت حاجة في هذي لقراية

احنا درنا النص تاع الاختبارات و اليوم رانا عطلة و كي نرجعو رايحين نكملو النص الاخر الدروس تمشي عادي و مكاش دروس اضافية و العطلة رايحين نخذوها كامل يعني اسبوعين عادي وماني عارفة وين توصل راهي كل ولاية و كيفاه يحكي مافهنا فيها حاجة سرتو حنا تاع الباك حبو يهبلونا و يتهناو​

 

[nabil 09]

ههههه راكم حابين حصص دعم منكم بصح ؟؟
ااوااه حنايا 'أونتي '' حصص دعم..
ربي يعييينكم ...

ههههههههههههههههههههههههههههههههههه باين بلي انتي تعرفي واشنو دروس دعم
مراجعة لدروس الفصل الاول والثاني
ويفهمونا واش منش فااااااااااهمين
هدا مكان واش حبين اكثر
وحنا كملنا الامتحانات اليوم
و حنا ليوم خلينها فليسي كسرنا الزجاج حتان جاو لابوليس وبسيف باش فرات
وداك الزهر كي حنا قررنا باش ديرو اضراب جا الوالي يدش في الليسي ديالي بسكو هو جديد
واش قالولنا العطة 15 يوم وبعدها وسمنة دعم وخلاص العام
يتسمى حاشينها والفصل الثالث نقرو غير سمانة وديرو الباك بلوااااا
ورنا روطااااااااااااااااااااار بزاف في البروجرام

يتسمى لي مجابش الباك غير ................ .( *****)

​

 

[hadjer92]

هههههه اييه حنا أونتي .....دائما العكس
حنا تاني راهم علقولنا ورقة قالك الإمتحانات بعد العطلة بصح حنا تفاهمنا بالنسبة لقسمنا برك الباقي منعرف فيه ....تفاهمنا مانعقبوش نروحو باه ما يكتبوناش غياب نهزو أوراق تاع الأسئلة و نجيو خارجين كامـــل ....هدي هي كلاستنا حاااااااااارة هههههههه .....
منعرف ترا نتوما ؟؟...ايا ربي يوفقنا كامل

هههه والله هادي فكرة هية ...
و فينالمو جبتو الاسئلة؟؟
حنايا لكلاسا تاعنا فيها العلماء بزاااف.. يمكرو ومايخرجوش غير لا داو تصريح من عند الاستاذ.. يمرضو يعيفووو...

 

[hadjer92]

مافهمت حاجة في هذي لقراية​

احنا درنا النص تاع الاختبارات و اليوم رانا عطلة و كي نرجعو رايحين نكملو النص الاخر الدروس تمشي عادي و مكاش دروس اضافية و العطلة رايحين نخذوها كامل يعني اسبوعين عادي وماني عارفة وين توصل راهي كل ولاية و كيفاه يحكي مافهنا فيها حاجة سرتو حنا تاع الباك حبو يهبلونا و يتهناو​

والله مافهمنا والو صح.. و انا ليا ماتفهميش خيير بسكو كون تحبي تفهمي راكي تدووخيييي...
بصح ف اللخر اي طبت فينا حنا..ميش فيهم.. هوما كل واحد او سااالك..

 

[hadjer92]

ههههههههههههههههههههههههههههههههههه باين بلي انتي تعرفي واشنو دروس دعم ​

مراجعة لدروس الفصل الاول والثاني
ويفهمونا واش منش فااااااااااهمين
هدا مكان واش حبين اكثر
وحنا كملنا الامتحانات اليوم
و حنا ليوم خلينها فليسي كسرنا الزجاج حتان جاو لابوليس وبسيف باش فرات
وداك الزهر كي حنا قررنا باش ديرو اضراب جا الوالي يدش في الليسي ديالي بسكو هو جديد
واش قالولنا العطة 15 يوم وبعدها وسمنة دعم وخلاص العام
يتسمى حاشينها والفصل الثالث نقرو غير سمانة وديرو الباك بلوااااا
ورنا روطااااااااااااااااااااار بزاف في البروجرام ​

يتسمى لي مجابش الباك غير ................ .( *****)​

هههه راكم خربتو الليسي تاعكم وهو جديد ؟؟ ههه حرااام علييكم...
و بصح منعتو ودبرتوها كي خلصتو الامتحانات...
ربي يكون معانا ومعاكم..هادا ماكان..

 

[soussoubatna]

حتى حنا درنا الاضراب ومكانش امتحان حتى وراء العطلة وميهدروش معانا على خاطر عمبالهم بلي مباصيص

 

[hadjer92]

حتى حنا درنا الاضراب ومكانش امتحان حتى وراء العطلة وميهدروش معانا على خاطر عمبالهم بلي مباصيص

وش معناها مباصيص؟؟

 

[Sami Captive]

hna felycée tawa3na kima khti darou examin
w kamlouh w daw les moyen w rahom vaconce 3adi

 

[hadjer92]

hna felycée tawa3na kima khti darou examin
w kamlouh w daw les moyen w rahom vaconce 3adi

دبرتوها تهنيتوو...

 

[housseme1]

مشكور

 

[nassim007]

وش معناها مباصيص؟؟

جمع باص اوو هي مهابل........هههه

 

[housseme1]

ههههه راكم حابين حصص دعم منكم بصح