جات العطلة مش راح نشوف حبي ...حبيبتي... نكره حياتي مع لفامي

[فؤاد الورقلي]

السلام عليكم

واش راكم يا احباب اللمة ان شاء الله كامل لاباس وعطلة سعيدة وان شاء الله تقضوها في احسن الاحوال والاستمتاع مع الاهل.

موضوعي هذا يصب في مجال كل من يدرس سواء اكمالي ..ثانوي ...جامعي .... حتى الابتدائي ممكن ههه

الايام الاخيرة هذي نسمع في واحد الهدرة سواء من بنات او اولاد

واحد يقول راح تجي العطلة نكره حياتي وعندنا خخدمة في الدار بزاف يعني مستخصر يعاون باباه
وكذلك البنت تقول اه نرجعوا للنظافة وغسيل الماعن والعياط يعني مقيدة
وزيد ثاني هدرة كيما يقول واحد
انا راح نتوحش حبيبتي والاخرة تقول والله خسارة مش راح نشوفك 15 جور بزاف عليا غادي نهبل .....هههه
والحديث طويل بـــــــــــــــــــــــــــــــــزاف يعني وصلت الحالة ولينا نكروه ديارنا على جال الخدمة او على جال حبيبتي كيما يقولو


وانا مش نعمم لانه كان ناس ماشاء الله عليهم

وربي يهدينا جميعا

ولكم الكلمة يا ناس اللمة كل واحد يعطينا رايه في هذا الموضوع


وان شاء الله منكونش طولت عليكم


وشكـــــــــــــــــــــــــــــــــــــٍرا

 

[بنـ MaPa ـت]

allah allah ya salaaaam toyour el houb esber hadou liamate ou rabi yfaredj 3lik wachbik had el3outla rana nessenaw fiha b10 3aynin wenta marahche 3adjbek elhale..bel3akse ana ki tdji l3otla li nertah ou zid ma3andnache elchka bezzaf ya3ni makallah naghsel el ma3en........salaaaaam

 

[أمــ وليــد الجزائرية]

انا يااخي فعلا العطلة نفرح كي توصل لاني اخيرا نكون في الدار و نرتاح من الخرجات كل الصباح و في كل الوقت في اليسي و عندنا غير العطلة نريحو فيها و نتلاقا مع الاهل ديالي تعرف واحد في الجامعة و والوالدين في الخدمة منشبعوش كامل منهم و غير خوتاتي الي تزوجو مكانش مكتاه نجتامعو غير في منسابات كي هذو و غير هدا الشيء الدار تفرح كي تشوفنا دخلناها ههههه مع الميناج و الغسيل ولحالة لازم نتهلاو شويا فيها ومعندناش الوقت حنا الي نقراو غير في الويكاند و ماتعرف

ولهذا نقولك انا عكس هذي الفكرة بل نحب بزاااف العطلة و نبقى غير نستنا مكتاه توصل

شكرا ليك على الموضوع​

 

[Oxygene2]

الخدمة تع الدار ومشي الفواقر تع الشيوخة :glare:

 

[Oxygene2]

wenta marahche 3adjbek elhale

مشي هوا اللي ماراهش عاجبو الحال راه يهدر على الناس اللي ماهوش عاجبهم الحال

 

[مفآهيمـ الخجل]

هههههههه

و الله لا يغيضو

ربي يهديهم

الحمد لله كي ما نحاوش العطلة
​

 

[الظل الطويل]

هههههههههه
ياخويا وش نقلكـ هم يضحك وهم يبكيــــ
يسما هادو في العطلة نتاع الصيف يعطلو متعدبين بعاد على احبابهم

تحياتيــــــــ​

 

[روعة الأخلاق]

السلام عليكم
بالنسبة ليا نقرى مام في العطلة نقراو الاسبوع1
و الثاني ايضا للدراسة مبقاش للشهادة
الله ينجحنا كآمل
و الله يهدي اصحاب التفكير المحدود​

 

[أمــ وليــد الجزائرية]

هههههههههه

ياخويا وش نقلكـ هم يضحك وهم يبكيــــ
يسما هادو في العطلة نتاع الصيف يعطلو متعدبين بعاد على احبابهم​

تحياتيــــــــ​

هادو سوووور يسويسيديو

ربي يكون معاهم

وفي العائلة ديالهم لانو اكيد رايحين يفرغو الغضب ديالهم في اهلهم
:001_wub::001_wub::001_wub:​

 

[فؤاد الورقلي]

allah allah ya salaaaam toyour el houb esber hadou liamate ou rabi yfaredj 3lik wachbik had el3outla rana nessenaw fiha b10 3aynin wenta marahche 3adjbek elhale..bel3akse ana ki tdji l3otla li nertah ou zid ma3andnache elchka bezzaf ya3ni makallah naghsel el ma3en........salaaaaam

السلام عليكم

انا مش نهدر على روحي مي انت فهمتي واش قلت في العنوان
وكيما قال واحد هم يبكي وهم يضحك
شكرا على المرور

 

[فؤاد الورقلي]

انا يااخي فعلا العطلة نفرح كي توصل لاني اخيرا نكون في الدار و نرتاح من الخرجات كل الصباح و في كل الوقت في اليسي و عندنا غير العطلة نريحو فيها و نتلاقا مع الاهل ديالي تعرف واحد في الجامعة و والوالدين في الخدمة منشبعوش كامل منهم و غير خوتاتي الي تزوجو مكانش مكتاه نجتامعو غير في منسابات كي هذو و غير هدا الشيء الدار تفرح كي تشوفنا دخلناها ههههه مع الميناج و الغسيل ولحالة لازم نتهلاو شويا فيها ومعندناش الوقت حنا الي نقراو غير في الويكاند و ماتعرف ​

ولهذا نقولك انا عكس هذي الفكرة بل نحب بزاااف العطلة و نبقى غير نستنا مكتاه توصل​

شكرا ليك على الموضوع​

السلام عليكم

ونتمنى كل الغاشي يولي هكذا ويغير نظرته لاهله وربي يهديهم ويهدينا

شكرا ميلينا على المرور والنقاش ربي يوفقك

 

[الظل الطويل]

هادو سوووور يسويسيديو ​

ربي يكون معاهم​

وفي العائلة ديالهم لانو اكيد رايحين يفرغو الغضب ديالهم في اهلهم

:001_wub::001_wub::001_wub:​

ربيـ يقدر الخير اختيــــ
راكي خلعتينيـ​

 

[فؤاد الورقلي]

الخدمة تع الدار ومشي الفواقر تع الشيوخة :glare:

السلام عليكم
هههه عند الحق
شكرا على مرورك

 

[معاك يا الخضراء]

هههههههههههه حبابي كامل راح نتوحشهم:crying:
هاد الهدرة اخي يقولوها الي يخرجو غير كي يعودو يقراو
كون جات عندهم حرية فالخروج ما يقولوش هاكا
وكي عاد دايريين القراية سبة هام يتوحشو
انا الحمد لله كي تجي العطلة نفرح نقول الحمد لله حنقعد شوي فالدار خاطر توحشت الميكرو هههههه​

 

[الملاك المميز]

والله غير عندك الحق هاد الظاهرة راهي منتشرة بزاف ... واش نقولو...الله يهدي ماخلق
بالعكس انا هادي شحال وانا نستنى فهاد النهااار واخييييييييييرا جا الحمد لله هههه
نتمنالكم عطلة سعيدة
تحياتي...
​

 

[فؤاد الورقلي]

هههههههه ​

و الله لا يغيضو ​

ربي يهديهم ​

الحمد لله كي ما نحاوش العطلة ​

السلام عليكم
راكي تشوفي مي نقولهم مساكين وربي يهديهم كيما قلت
شكرا اختي بارك الله فيك

 

[فؤاد الورقلي]

هههههههههه

ياخويا وش نقلكـ هم يضحك وهم يبكيــــ
يسما هادو في العطلة نتاع الصيف يعطلو متعدبين بعاد على احبابهم​

تحياتيــــــــ​

السلام عليكم

اذا جاءت عطلة الصيف الاخير فيهم يخرج سلامات ويبات ليلة في سيبطار المهابل اما الاخرين نخلوها مغطية افضل
وشكرا على النقاش والمرور جزاك الله خيرا

 

[Mr mino]

ياو كاين التيليفون السكايب الامسان الكام كاين وسائل الكومينيكاسيو خويا فوفو مايحيروش خلاص

ههههههههه

هذيك بكري ضروكا تطورت الحالة تشوفوا نورمال في العطلة ولا في القراية ولا في العيد




​

 

[02asma02]

الله يستر
...................................................................................
​

 

[نورالدين 100]

عندك صح خويا حتى انا وغادي نهبل على حبيبتي مي الله غالب هاذو غير 15 قرن وفايتين هههههههه بصح ماتخممش كاين ملينيوم نقعدو سهرانين15 يوم مانرقدوش
شكرا خويا على موضوع ​