نعم أتزوج فتاة لها ماضي

[Bob Marley]

لي ماغناتش شطحت ولي ما شطحتش صرفقت ولي ما صرفقت قلال منهم

مع الجيل تع ذرك لي حشى البعض
وربي اطيحني انشاء الله في واحد بنت حلال وفحل وصريح
باسكو الصراحة عندها دور كبير تصرحني بالباسي تعه ومعليهش مقبول
انخاف لكون نلقاها ............ ومبعد انعشي قاتلها لا به تنسى الباسي لازم الصراحة برك هي الاساس

 

[قَطٌر❀ الٌنَـدَى]

:confused1::confused1::confused1:

ياحصراه كن نبداو نهدرو علي هاذ الموضوع متفراااش باسكو كل واحد وعندو راي انتاعوا
انا متلاا نشوف بلي صح اغلبية لبنات عندها passé باسكو هذى هي عقلية هاذ الجيل عقلية 2010 للي مايمشيش ولا مايديرش علاقات تسما يعتبروه واحد مفريني في العقلية ومعقد
sa veut dire بلي كن كل واحد قبل ميتزوج يحاسب لاخر ويشوف في لباسي نتاعو متفراااش واحد ميزوج الا القليل
MAIS كن جا الpassé برك نتاع تيليفونات وخرجات عادية هذا قع بالاك نقولو نورمال مي راه كاين passé الله يحفظنا منو وراكم علابالكم بيه بلا منحكي عليه
وزيد حاجة LOVE :confused1:في هذا الوقت حب ميككي نتاع تبلعيط برك وانا حسب راي mission impossible تلقي ك للي يحب من قلبوا في هاذ الزمااااان ولا حب نتاع مشي وعقب الوقت si tout واش نقولو رربي يهدي ما خلق
اسمحولي طولت عليكم بجقجيق حتى وراني مزال مقلت والووو:001_wub: ههه

سلااااااام​

 

[mimou1940]

اسمحيلى اختى مى راكى غالطة

ماشى كامل لبنات عندهم ماضى
انا مثلا ما نقبلش بواحد عندو ماضى مادام انا ما عندى حتى ماضى و لا قصة و لا حكاية و اللى راح نتزوجو هو اللى راح يكون لول و لخر فى حياتى و اللى راح نرتبط معاه فى لحلال يعنى ماشى خرجات و .........الخ

لمليح ربى يطيحوا مع مليحة ​

noooo اختي اسمحلي ماكانش ضرك الي ماعندهاش ماضي روحي شوفيهم فالمسيد تلقايها مولات 13سنة و12 سنة بالاك تعرف شي صواح انت الي راكي كبيرة ماتعرفيهمش وين لا ختى
تع 23و22 ماعندهمش باسي راكي غالطة وكيما لبنات كيما ليجان

 

[didin91]

لكن المشكلة راهي فالرجل لانو مهما كان لوكان يجيبولو وحدة هاذا وين زادت ويربيها على يدو بصح عينو تبقى لبرا
بصح ماتنساش هاديك الي رمات كامل الباسي في جالك رفدت ولادك تجي انتا في دقيقة ترميها موراك

شكرا للمرور الطويل حنا نفرحو باهتمامكم
رمات كامل الباسي في جالك هذي هي بيت القصيد

 

[sami19280]

ااااااااااو ضك قالك لازملك السكاانار معااااااااااااااك ويااااااااااااربي

 

[didin91]

على حساب الشوفة راهي قاع روينة

الله يستر برك
شكرا للمرور اخي

 

[didin91]

ااااااااااو ضك قالك لازملك السكاانار معااااااااااااااك ويااااااااااااربي

لازمك كبسولة الزمن هههههههههه

مشكور
​

 

[didin91]

مازال هاذ الموضوع يدور

مستحيـــــــــــــــــــــــــل

قول الله يبارك خويا
​

 

[didin91]

السلام عليكم إخواني

حاب نقول في الاول للأخ الشهبندر ماشي كاين حاجة لكن قال الله تعالى ( الطيبون للطيبات والخبيثون للخبيثات)
عمر ماتقيس الانسان بماضيه ولا من حقك تحاسبو عليه بصح سمعت تاع الانسان ممكن تكون مقياس
وللاسف البني ادم في العلاقات ونقول الحب بصفة عامة عمى, وإدا كنت تدير في حاجة مشي مليحة متقارنش الناس لخرين بيها باريإكزامبل تخون في حبيبك ولا مرتك ولا لي كانت مع إحترامي ليكم تقول هيا تاني أو هوا يديؤ في الشي هدا , كما تدين تدان والديان حي لا يموت

ويعطيكم الصحة ع الموضوع

يعطيك الصحة كي صححتلنا خو ومشكور للتفاعل الجاد
​

 

[David6]

اسمحلي خوتي . نحكو منطقي مكنش شخص معندوش مضي صح ?ومكنش خص مايغلطش

طيب . الرجل مهما كان ماضيه نضن ميهمش خطرشي الرجل مفهش العيب . وكما يقلو عيب الرجل هو جيبو ..
ودرك رني نشوف ضاهر اخر ..لما يكون الشاب نوي بش يتزوج مع بنت يقعد يتبع فيها و يسها وين تروح ومعلبليش ..وش هذا تخير الزمان .....

الان نعطكم طريق سهل و مليح و نجح لي كل شاب حب يتزوج .. ونوي تع الصح ..

الاول . صلي ركعتين استخار وطلب من ربي يسهلك في هذي البنت اذ كان ربي شيف فيها الخير ..

الثني .قبل ما تسقسي الناس . سقسي عن اخولها . وقل الني محمد عليه الصلت وسلم و خولو لي اولدكم
فائن العرق دساس .....شفو لخول يا خوتي ...

 

[largo19]

للأسف... هاذ الموضوع تكرر بزاف و طال الحديث عليه بزاف.... إتقوا الله يا جماعة .. ما تعمموش الكلام على الجميع .. كل واحد يتزوج بلي بغاها .. هذا حقوا ... و هي من حقها تقبل و لا ترفض...المهم ما لازمش يكون زواج في إطار الشك و التهم المتبادلة ... كلش بالرضى.....

 

[didin91]

السلام عليكم
شكراخيي على الموضوع
يقولك الرجل يحب ان يكون اول رجل في حياة المراة التي يريد ان يتزوجها و المراة تريد ان تكون اخر امراة فيحياة الرجل الدي تريد ان تتزوجه انت تقول بان يتزوج الرجل المراة التي فعل معها ما فعل و خرج معها اي الصاحب يتزوج صحبته اي كي يتفادى اي فتاة اخرى لا يعرف عنها شيئا و لا كيف كان ماضيها هربا من صحبته و ماضيها اي يطبق القاعدة التي تقول احبها نعم اتزوجها لا نحن نرى في هدا الزمان ان هناك من يقيم علاقة مع فتاة و يتزوجها اي تنجح العلاقة و هناك من يتزوج بمن يقيم معها علاقة و بعد فترة من الزمن يتطلقان حتى و لو كان السبب تافه و هناك من يتزوج فتاة اخرى و رغم دلك يبقى على اتصال بصديقته السابقة فعلا و هدا هو الواقع يا اخي انا من رايك يعني ان يتزوج الشاب من الفتاة التي يقول انه يحبها بما انه لن يبقى وفيا لزوجته
اه ليس لكل الفتيات علاقات و نفس الشيء بالنسبة للشباب
و كل حر في رايه خيي و بارك الله فيك
تقبل مروري​

يعطيك الصحه اختي والله نفرح من نلقى واحد فهم الموضوع تاعي عالصح شكرا للمرور

 

[didin91]

لي ماغناتش شطحت ولي ما شطحتش صرفقت ولي ما صرفقت قلال منهم

مع الجيل تع ذرك لي حشى البعض
وربي اطيحني انشاء الله في واحد بنت حلال وفحل وصريح
باسكو الصراحة عندها دور كبير تصرحني بالباسي تعه ومعليهش مقبول
انخاف لكون نلقاها ............ ومبعد انعشي قاتلها لا به تنسى الباسي لازم الصراحة برك هي الاساس

لينا وليك خويا
شكرا للمرور
​

 

[didin91]

:confused1::confused1::confused1:

ياحصراه كن نبداو نهدرو علي هاذ الموضوع متفراااش باسكو كل واحد وعندو راي انتاعوا
انا متلاا نشوف بلي صح اغلبية لبنات عندها passé باسكو هذى هي عقلية هاذ الجيل عقلية 2010 للي مايمشيش ولا مايديرش علاقات تسما يعتبروه واحد مفريني في العقلية ومعقد
sa veut dire بلي كن كل واحد قبل ميتزوج يحاسب لاخر ويشوف في لباسي نتاعو متفراااش واحد ميزوج الا القليل
mais كن جا الpassé برك نتاع تيليفونات وخرجات عادية هذا قع بالاك نقولو نورمال مي راه كاين passé الله يحفظنا منو وراكم علابالكم بيه بلا منحكي عليه
وزيد حاجة love :confused1:في هذا الوقت حب ميككي نتاع تبلعيط برك وانا حسب راي mission impossible تلقي ك للي يحب من قلبوا في هاذ الزمااااان ولا حب نتاع مشي وعقب الوقت si tout واش نقولو رربي يهدي ما خلق
اسمحولي طولت عليكم بجقجيق حتى وراني مزال مقلت والووو:001_wub: ههه

سلااااااام​

ماعليش المهم راكي معانا في الراي شكرا للمساندة
​

 

[didin91]

noooo اختي اسمحلي ماكانش ضرك الي ماعندهاش ماضي روحي شوفيهم فالمسيد تلقايها مولات 13سنة و12 سنة بالاك تعرف شي صواح انت الي راكي كبيرة ماتعرفيهمش وين لا ختى
تع 23و22 ماعندهمش باسي راكي غالطة وكيما لبنات كيما ليجان

قولياها قولياها​

 

[يسرى 2008]

هادي اول مشاركة ليا في موضوعك في القسم هدا
انا بالنسبة ليا منحبش نتزوج في المستقبل بطفل عندو ماضي باسكو الشيطان حي ويرجع لعوايدو
ومن جهة تانية منخممش في الزواج مازلت صغيرة
مشكور خويا

 

[S_saly]

يا خويا فى كل بلاصة كاين وكاين كاين اللى مليحة وكاين اللى عندها ماضي ماشي كل كيف كيف والدليل:
الطيبون للطيبات والخبيثون للخبيثات

 

[chamse121919]

موضوع معقد اطرافه متشعبة و تكثر الآراء فيه وو جهات النظر و لكن انا عن نفسي ارى انه (milenium . mobilis . ........(abonnements)هما لي داروا الفساد في هاد البلاد و كي تساهلوا الاباء و عادت وحدة عمرها 12.13.14 سنة تكسب بورتابل و ش تتوقع من هاد الجيل الا من رحم ربي بالنسبة لتجارب الحب قبل الزواج نقولك كلش بالمكتوب و قادر انت تكون معندكش ماضي و تدي وحدة تقولك بلي معندهاش ماضي و هي الله يعلم يا اخي كثرت المعارف و العلاقات و لي معندهاش تيليفون تلقاها مدايرة connaissance par internet .................................و لي ماشي مداير ة معارف تلقاها تحب في قلبها و مخبية على الطرف الاخر و شفت بلي مع عصر العولمة مابقاش لي مايتفرجش ميرنا و خليل و لميس و مهند و ما يحبش التقليد الدراما التركية راهي بهدلتنا و جرات لولادنا و خواتنا و حنا راقدين ربي تسترنا و عن نفسي راني مرتبطة بانسان عندو ماضي و انا كيفو يعني حبيت قبلو و هادي هي الدنيا و عمر ي مل ترددت في حاجة درتها و الحمدلله عمري ما غلط في حياتي ......

 

[lyrics]

اسمحلي يا اخي برك
لازم تحترمو وتتقبلو تدخلات وآراء قاع الاعضاء
ماشي الي تقول ولا يقول ماعنديش باسي راه كداب...وجي
وحدة تقول لالا كامل خاربينها
واحد يقول قااع لبنات عندهم باسي
....امالا ختك تان راهي خاربتها وعندها باسي ؟؟؟!!
***
عيينا وحنا نقولوصباعتين يدك ماشي قاع كيفكيف و لبنات ماشي كيف كيف
نورمالمو قاع علابالنا بهاد الهدرة
و الي يحوس يشوف بغير هاك
نقولو .........
عجبتني بزاااف واحد الجملة قالوها
الي عايش فالظلام يشوف الدنيا قاع ظلمة
مع احتراماتي ليكم كامل
مرسي :angel_not:​

عندك الحق يا اختي ....
شي ناس كي تشوفيهم يهدرو تحسبي الدنيا خلات

 

[dana1993]

السلام عليكم
والله اخي كلامك جد منطقي معندي منزيد نقول غير ربي يهنيهم
يعطيك الصحة و ربي يعاونك