تقلقت من القراية وش ندير ؟

امورة المنتدى

امورة المنتدى

:: أستاذة ::
أحباب اللمة
السلام عليكم خاوتي جيت نفرغ قلبي بالاك تلقاولي حل

انا تلميذة في الثالث متوسط كرهت القراية لحد ماتتصوروهش كرهت كرهت كرهت

راني نخمم نحبسها ديفوا ندور في رايي

بصح انا ما نقولكمش حمارة فالقراية العكس

نتمنى تنصحوووووووووووووووووني
 
غير انساي و نحيها من بالك هاذي .ختي خمي لبعيد وين راح تروح كي تبطلي
وزيدي راكي صغيرة بصغرك وجاية للدنيا مازال الخير للقدام
 
صحيت خويا على النصيحة بصح حتى لونكمل قرايتي تخلاص عليا بالبيدون والنشاف صحيت خويا
 
على الاقل كي تكملي قرايتك قال عندها ديبلوم ولا جابت الباك وما كملتش
mais كون تبطلي يفوت لعوام يقولولك وشمن نيفو تحشمd باش تقوليلهم سنة ثالثةصح ولا لالا..
 يمالا نحي الفكرة هاذي psq مارايح ينفعك غير قرايتك
​
 
اموورة حوجي مالكي خيتي هبلتي ولا ؟؟؟ لاااااااا حنونة غي قلعي من راسك هاد الفكرة انتاع تبطلي ولا ماتشوفيش غي عند كرعيك حنونة خميلها بعيد خيتي وزيد تان دوك في بلادنا لي راهم قاريين وراهم حاكمين الحيطان وانتي كي باغية تبطلي القراية كي غادي يصرالك كي ولا لي قرا حكم الحيط انتي مش قارية روحي موتي خير نقولك حاجة والله تبطلي قرايتك غادي تندمي عليها حتى لتم يمالا غي اقراي على وحك وتهناي
 
يااااااااااااااااختي تدوري تدوري وماتنفعك غير قرايتك والله
 
آخر تعديل بواسطة المشرف:
سؤال برك كيما تحبسي من القريا واش راح ديري ؟؟؟؟؟؟؟؟؟؟؟؟؟؟؟؟
 
ما تقرايـــــــــــــــــــــــــــــــــــــــــــــــــــــــــــــــــش
 
لختي لعزيزة كي تحبسي و تقعدي فا الدار تعود الخرجة والدخلة بلحساب وزيد اللي يجي الاول يخطب يعطولو مالا كملي واش شوفتي فا الدنيا صح اكل تضيق بنا ونكرهو بصح وش ها نديرووووووووو
 
قال عاشق الجنون:
سؤال برك كيما تحبسي من القريا واش راح ديري ؟؟؟؟؟؟؟؟؟؟؟؟؟؟؟؟
إضغط للتوسيع...
هاذي باينة خويا
تقعد في الدار بين 4 حيوط
كل يوم النشافة و البالي و هي رايحة
والله ياختي كي تبطلي القراية راكي تندمي عليها من بعد ، كاين بزاف بطلو و كي لقاو رواحهم بين 4 حيوط و القلقة تقتل في الدار ندمو
و زيد كي تقراي خير و يكون عندك ديبلوم تكوني افضل من ناس بزااااااف ماقراوش
و القرار يرجع ليك ختي
​
 
ما تنفعك غير قرايتك حبيبة..
واش جاب وحدة قارية بوحدة قاعدة في الدار..
اخطيك من هذا الراي نتاع التبطال
مازال قدامك
 
ةما قالوا لك غير نحي هذ الهدرة من بالك ماكانش كما القراية
 
يا اختي نحي هذي الفكرة من راسك متنفعك غير قرايتك مبقاش بزاف و تدي العطلة و تزهي و تنسي لقراي و ترجعي انفورم لقرايا وتفوتي البيام و تفرحينا ان شاء الله
 
نسقسيك كي تحبسي القراية تقابلي ماما فالدار اذا تخدميلها الشغل أوكي ولا تريحي برك والله نوريلك
وحبيتي تبهدلينا خاوتك كامل قراو تولي انتي المبهدلة فينا؟نحيها من راسك حنونة هاطيري ضرك
 
ختي انا مريت بهاذ المرحلة ومازلني نمر بها تع نكره من القراية مي دكا تتعبي وامبعد في حياتك الجاية تريحي على طول ...........ولي ميقراش راهو مريح دك مي حياتو امبعد كامل تعب الور ما تنفع غير قرايتك وسيي تقسمي وقتك مترهقيش روحك بزااااااااف ....والله يقدر
 
اختي حبيت نسقسيك اذا تحبي المودة؟ جاوبي بكل صراحة
 
تروازيام آني وكرهتي...حنا واش نقولو؟ هههههههههههه
ماتفكرينيش يا اختي مابقاش بزاف ودرك نرجعوا للهم تاع القرايا..مام انا راني كيفك كرهت القرايا...مي الله غالب لااازم تقراي..راكي عارفة بيان الانسان اللي ماقراش كيفاه راه يعاملوا فيه مجتمعنا
ماراكيش حابة تكملي قرايتك و تولي تخدمي و منبعد ان شاء الله تخرجيلنا دكتورة؟
اصبري شوي وادعي ربي يكون معاك​
 
واش بيك مابقاش دكا لقراية هي كل شيء

حلي عينيك تلعبي بيها
 
الي قرا قرا بكري قبل ما يجي بن بوزيد للوزارة
ذرك ما بقاتش قراية
​
 
وعلآه تحبسي قرآية باش تعدي حيآتك تخدمي في الدآر\عآدي كي تسآعدي امك
بصح مش تبطلي لقرآية المهم سلآح في يدك ودوآم الحآل أمر محآل
قادرة تندمي كي تحبسي لقرآية وقت لاينفع الندم

​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom