الي حاط روحو فاهم يدخل

[بنت الزيبان]

الي يقدر يجاوبني يدير فيا مزية ويقول
وش تعريف الحب
هل هو موجود فعلا
هل الحكايات والمشاعر الي يقولو فيها عن الحب صحيحة وكاين منها
هل صح كاين الي يسهر الليل يخمم في حبيبو
هل الي يحب صح يضحي بروحو لاجل الي يحب
هل الحب
والله يعييت كل منحط روحي فاهمة شوي نلقى روحي حابسة ومش مصدقة
نستني في ردودكم مي معليهش الي يرد يقنع بويسك الهدرة للناس كامل والاقناع الا للي فاهم صح

 

[loca]

لا خيتي انا ماشي حاسبة روحي نعرف mais حب مكاشو ولي حبو ماتو تضحية كانت زمان في تيتانيك يرحمه جاك راح ودا معاه حب .l'amour تاع دروك غير شكيل وماشي صح ومكاش لي يبغي من قلبه كامل يكدبو هكا في بالي ومنعرف خيتي وهاد دنيا رانا نتعلمو .

 

[بنت الزيبان]

لا خيتي انا ماشي حاسبة روحي نعرق mais حب مكاشو ولي حبو ماتو تضحية كانت زمان في تيتانيك يرحمه جاك في راح ودا معاه حب l'amour تاع دروك غير شكيل وماشي صح ومكاش لي يبغي من قلبه كامل يكدبو هكا في بالي ومنعرف خيتي وهاد دنيا رانا نتعلمو .

ربي يحفظك يعني انت راك معايا في رايي وان سقسيت خاطر كل الي نعرفهم يقولولي راك غالطة كاين منو قلت نقاشو مع اعضاء اللمة والحمد لله كاين الي معايا في الخط

 

[Elif DZ]

أختي
الحب شعور نبيل خلقهـ الله نعمة لنا لكي يعيش البشر في وفاق
لكن أطماع الانسان الدنيئة و خبثهـ و استغلالهـ لكل شيء
لوث معنى الحب في عيون الناس
فأضحى سكينا يطعن بهـ في الظهر
جزآآكـ الله خيرااا
​

 

[soufi1932]

معناه نتي ماكيش مستعدة باه تضحي من أجل حبك وحبيبك .
خسارة ........ صدقيني راني نعاني كي ما ضحيتش علاجال حبي ؟؟؟؟؟؟؟؟؟؟

 

[بنت الزيبان]

معناه نتي ماكيش مستعدة باه تضحي من أجل حبك وحبيبك .
خسارة ........ صدقيني راني نعاني كي ما ضحيتش علاجال حبي ؟؟؟؟؟؟؟؟؟؟

نقلك حاجة مي بيناتنا انا مانعرف ادا كنت صح حبيت في حياتي ولا لا مي اكيد كل الحكيات الي راني نسقسي عنها عمري محسيتها ولا شفتها وبيناتنا مكانش الي يتاهل تضي علاجالو من الرجال خاطر راهم هم ميعرفوش معنى التضحية وانا شخصيا منضحيش علا جالهم

 

[NOMmort]

شوف انا صراتلي ولاغير تولي متحسش بروحك تولي تتمنالو غير الخير حتا ادا كان هو يكرهك انت تبقي تفديه بروحك و التخمام نتع اليل صح كاين منو تولي مترقدش وتخمم غير فيه
وشبيك راهو سوق كبير

 

[مفآهيمـ الخجل]

مس ـــآء النــور

وش تعريف الحب : شعور متبادل بين طرفين .. يتشاركو نفس المشاعر و الاحاسيس و كل طرف مستعد باش يضحي بحوايج على جال الطرف الثاني
هل هو موجود فعلا : ممكـــن
هل الحكايات والمشاعر الي يقولو فيها عن الحب صحيحة وكاين منها : طبعا ماشي كامل كاين منها .. الا ادا كان حب صادق
هل صح كاين الي يسهر الليل يخمم في حبيبو : ايييه كاين منها ...بزااف
هل الي يحب صح يضحي بروحو لاجل الي يحب : كيما قلت ادا كان حب صادق و نقي اكيد راح يضحي بكلشي على جال حبيبو

و مـــآرسي عالموضوع خيتي

..
​

 

[بنت الزيبان]

مرحبا بنت ولايتي.....راني نشوف فيك حيرانة

نحكيلك حكايتي و قوليلي كاين الحب والالا؟
كاينة وحدا حبيتها من قلبي ......و تعلقنا ببعظانا...كنت نفخرها على روحي..نحي من لحمي و نعطيلها ....ندافع عليها و واقف معاها............كي نتدابزو تلقايني مش مليح ......تلقايني سرحان بعقلي وين معلاباليش.......ف الليل نتفكرها.......و فالاخير دارتلي ظربة مش مليحة عدوٌك مديرهالوش.....غلطت معايا و في نفس الوقت حصٌلت روحها في مشكل مع واحد......مالقري قاستني و لوكان جا واحد في بلاصتي يروح و يخليها حاصلة mais انا وقفت معاها و انا اللي سلكتها من مشكلتها الي كانت رايحة توصلها للطرد من دارهم.......شقيت و ظحيت باش نسلكها و هي خاينتني .....و ممباعد انسحبت في هدوء و خليتها تتعذب بواش دارتلي
تقدري تقوليلي كاين حب ظرك ولالا؟​

والله يعطيك الصحة مي هدا حب ولا رجلة بلاك راك انسان عندو نيف وتبالي توقف مع الناس كامل ومع اي وحدة في بلاصتها ولا لا انا شخصيا ثاني معنديش النتقام ولا الحقد مي مزالني منعرف ادا كان الحب الي يحكو عليه بالمواصفات الافلاطونية كاين منو ولا لا وبلاك الي معفسش على الجمرة ميحسش بيها

 

[Elif DZ]

:crying::crying::crying:

راني حابة نحس بالحب و لا نلقى واحد يحبني و نحبو
:crying:

مي في هالزمن عيب عليك تقول حب يثوروا يتمسخرو بيكـ

ربي يصبر الناس أجمعين و الله غالب هذا مكتوب ربي
​

 

[بنت الزيبان]

لكي ان تحكمي

ملاحظة:مش ساهلة توقفي م واحد جرحك منذ يومين​

الرجال معادن ويبانو وقت الصح يقولو الي يحب يسامح انت ياك تحب تقدر تسامح الي جرحاتك والي يحب ميقدرش يشوف الي يحبو يتعدب ولنت قلت خليتها تتعدب بلي داراتو فيا تبالي فهمت الدرس تقدر ترجعلها ياك تحب هدا وش يحكو على الحب

 

[soufi1932]

تعريف الحب: إثنان في واحد ( شخصية وحدة)
هل هو موجود فعلا: بطبيعة الحال وسيبقى موجود مهما ظهر من ذئاب
هل الحكايات والمشاعر الي يقولو فيها عن الحب صحيحة وكاين منها: منهاالصحيحة ومنها الغالطة
هل صح كاين الي يسهر الليل يخمم في حبيبو: كاين بزاف
هل الي يحب صح يضحي بروحو لاجل الي يحب: غلطة نادم عليها كي ما ضحيتش
كلمة الحب كلمة سامية لايمكن قياسها ، تتحقق في وجود نفوس صافية طاهرة

 

[قَطٌر❀ الٌنَـدَى]

الصراحة انا نسمع بيه الحب بصح مجربتوش خاصة وانو في وقتنا هذا ولا للي يجي يقولك راني نحب تهدري معاه يقولك راني نحبك
انا كاين للي حابوني بزااف مي الله غالب انا واحد مدخلي راسي باسكو علابالي حب انتاعهم حب انتاع تعقاب الوقت وخلاص
بصح الحب شعور جميل اذا كان صااادق واي انسان يتمني انو يعيشو بصح كل شيء في وقتو مليح
ونتمني من الاعضاء للي عاشوا قصص حب حقيقية يقولولنا عليها باش نعرفو الحب مزالو كاين ولا خلااااص راح​

 

[بنت الزيبان]

تعريف الحب: إثنان في واحد ( شخصية وحدة)
هل هو موجود فعلا: بطبيعة الحال وسيبقى موجود مهما ظهر من ذئاب
هل الحكايات والمشاعر الي يقولو فيها عن الحب صحيحة وكاين منها: منهاالصحيحة ومنها الغالطة
هل صح كاين الي يسهر الليل يخمم في حبيبو: كاين بزاف
هل الي يحب صح يضحي بروحو لاجل الي يحب: غلطة نادم عليها كي ما ضحيتش
كلمة الحب كلمة سامية لايمكن قياسها ، تتحقق في وجود نفوس صافية طاهرة

كلام جميل وحالم مي ميعكسش الواقع جامي شفت راجل حب لبنات نقلك شفت مي ديما نشوفهم متعدبين بسب او لاخر وانا كي نشوف وحدة تتعدب نقلها بزايد جاب بيك الوقت وتزيدي تتعدبي ابكي على جياحتك احسن ماتبكي عنو رانا كامل نقدرو نديرو قصائد على الحب ونغالطو رواحنا ونقولو كاين منو مي في الواقع كاين استغلال عاطفة . المراة عاطفية عندها شوية عواطف متعبتها حابا تفرغها والراجل قناص للفرص معادلة حسابية بسيطة هد وش هو حب هدا الوقت

 

[بنت الزيبان]

الصراحة انا نسمع بيه الحب بصح مجربتوش خاصة وانو في وقتنا هذا ولا للي يجي يقولك راني نحب تهدري معاه يقولك راني نحبك

انا كاين للي حابوني بزااف مي الله غالب انا واحد مدخلي راسي باسكو علابالي حب انتاعهم حب انتاع تعقاب الوقت وخلاص
بصح الحب شعور جميل اذا كان صااادق واي انسان يتمني انو يعيشو بصح كل شيء في وقتو مليح

ونتمني من الاعضاء للي عاشوا قصص حب حقيقية يقولولنا عليها باش نعرفو الحب مزالو كاين ولا خلااااص راح​

ربي يكملك بعقلك وكلمة الحب ولات تتقال على الفارغ والمليان كاين واحد مهبول عندنا في بسكرة كل مايشوف واحد يقلو ياحبي نحبك والكلام قياس ربي يحفظك

 

[M!ss_f@ti]

شوفي انآ مآنيش فآهمة خير من الاخرين
حبيت نقولكـ بلي الحب كآن وأجملـ شيء في الدنيآ هآذي ..... بصآح هآذ الحب عندو مقآييس والحآجة الاولى يكونـ في الحلآلـ ....
وش تعريف الحب الحب هو ذلك الشعور الصادق اللي يكون من القلب واللي يكون مولآه يتمنى السعآدة للي يحب
هل هو موجود فعلا طبعآ اختي لوكآن مكآنش حب لوكآن رآنا متقآتلين والانسآن عمرو لآ يعيش وحدو
هل الحكايات والمشاعر الي يقولو فيها عن الحب صحيحةو كاين منها كآين من كآين
هل صح كاين الي يسهر الليل يخمم في حبيبو oui كآين بزآآآآآف
هل الي يحب صح يضحي بروحو لاجل الي يحب اذآ كآن يستآهل التضحية

°° ان شآء الله تكوني اقتنعتي °°

 

[loca]

هههههههههه مكاش فاهم كامل والله تباتو تحوسو متلقو حب تاع صح على خاطر راح زمان دفنوه مع عنتر وقيس وجاك ورميو وانا ههههههه وحسني يرحمه مسكين والله مكان حب وضلو تحوسو .الله يجيب خير

 

[joujou1986]

وعلاش كاين حب حتى نعرفوه؟

 

[عبد الحق +213]

ما أريد قوله لك يابنت الزيبان:الحب موجود وهوأيضا أمر واقع حتى في زمننا الصعب
تجدينه عند أناس سليمي الفطر ،وسليم الفطرة هو من سلمت نفسه من السموم النفسية كالأنانية ،والاستغلال...
أحكي لك قصتي باختصار :أحب فتاة أيما حب ،لم تتجاوب معي صراحة ولامرة في حياتها ،لكن كان يبدو عليها دلك كم خيل لي والله أعلم ...
أحببتها فقط بعيني ما يقارب الأربع سنوات،حدث أن كلمتها مرة والله أحسست نفسي و:أني كنت أكلمها كل يوم لأنها عاشت معي في قلبي وعقلي ،لدرجة أنه عندما لم يتسنى لي إكرامها هي ،أصبحت أكرم صديقاتها اللاتي يدكرنني برائحتها ،أنهينا الدراسة ،لم أرها مند أشهر،ولازلت متمسكا بالله سبحانه أن يجمعني يوما ما بها ،حتى أضعها في عيني وقلبي وأضحي بما أملك لأجلها،أين هي فلتأت فقط والله على ما أقول شهيد

 

[lamilam88]

وش تعريف الحب هو تحبي واحد لأنو يكملك و تحسي روحك فور معاه
هل هو موجود فعلا ايه كاين بصح نادر
هل الحكايات والمشاعر الي يقولو فيها عن الحب صحيحة وكاين منها كاين منها لاخاطر كانت النية
هل صح كاين الي يسهر الليل يخمم في حبيبو كاين بصح حبيبو ماهش يخمم فيه
هل الي يحب صح يضحي بروحو لاجل الي يحب هادي بلا ماتسقسي bien sure
المشكل هو فالنية اللي ماعادتش كاينة
رانا كاللي فالغابة القوي يأكل الضعيف
و كل واحد يتبع في هواه كالطفلة كالطفل
ماعادش كاين فرق
ربي يهدينا كامل و يستر اللي جاي.