وعلاش الطفلة دايما تسكت عن المكنر الي صرالها

[mo-om]

وعلاش ؟!!​

طفلة في سن الزهور سنها لم يتعدى 15 سنة
يجيها راجل للزواج في سن جدها
والطفلة تسكت والسكوت علامة الرضى؟؟​

فتـــــــاة تحـــــرش جنسيا بهــــا كاش واحد سواء في المواصلات او في الطريق او في المدرسة او او او....... وما حبتش تحكي لاهلها..!!

.

.
ولخرى تجيها مكــــالمــــــات ورســـائــل مــن واحد ما تعـــــرفـــوش .. وما تخبر حتى واحد.
ولا التيليفون ديالها ستوندار وتسكت​

.
فتــاة في يوم ٍ ما حـين كانــت على عــلاقة بشــخــص ٍ ما ..
وعندما قطــعت عــلاقتها به .. صار يتبعها ويهدد هــا باي حاجة بين يديه ..والمسكينة تسكت..؟؟
.
.
.
وطفلة نورمال تشاتي في النت يجيها تهديد بلي وبلي.....
وهي خاطيها المسكينة
وهي خايفة وساكتة وما تخبر حتى واحد
وتسكت​

.

.
فتــــــاة تعــــرضـــــت لـ إغتصـــــــاب .. وما خبرت حتى وأحـــــد .. فـضــــــاع مستقبلهــــــــا.. وضـــاعــــــت حيـــــاتهـــــــا
فحاولــت الانتحــــــــار .. أو لجـــأت إلـــيه كآخــر الحلـــول ..!!
طبعا بعد الصمت الطويل
يعني تسكت
ومن بعد يجي واحد مكرفص يقولي السكوت علامة الرضى؟؟؟
واش من رضى؟؟
رضا بالمنكر؟
رضى بالاهانة
رضى بالخوف؟؟​

​

.
.
ســـــؤالــــــي هنـــــــــا
..
.
وعلاش الطفلة تسكت
كي يقيسها مشكل كبير ولا مشكل من المشاكل الي ذكرتها..؟!!!
.
..
هـــــل هـــــو :​

الخـــــــوف..؟!!
أم
الضعــــــف..؟!!
أم
مــــــــــاذا ..؟!!
.
.
هذه حقيقه كاينة ومكاش الي يقدر ينكرها
بصح زعما هذا هو الحل . ؟؟!
وتكون هي الضحية والملامة ؟؟
ضحية ومشي حق عليها؟
وين صرات في اي شرع ولا قانون ولا دين يسمح بهاد الشي؟​

.
.
أطرح المـــوضـــوع وبكل شــفافيــة
للنقــاش الجــــاد​

---شاوي وفحل---​

 

[messikimo]

شكرا على الموضوووووووووووووووووووووووع

البنات يسكتو على خاطر يخافو على الي ضايقهم​

 

[احلى لمة]

يا اخى انا تبلى خوف والله اعلم ؟؟


بارك الله فيك على الموضوع

 

[bob16]

كلها وعقلو وكل تفكيرو​

 

[mo-om]

شكرا على الموضوووووووووووووووووووووووع​

البنات يسكتو على خاطر يخافو على الي ضايقهم​

يعني نفهم من كلامك بلي محقورة وقابلة؟؟

 

[mo-om]

يا اخى انا تبلى خوف والله اعلم ؟؟


بارك الله فيك على الموضوع

وفيك بارك الله
مي خوف من واشنو؟؟
خوف من روحها من الناس
ويلا هي صح تخاف على روحها تواجه باش تنحي الشبهات الي عليها ولا تنحي المشكل الي عليها مشي تسكت وتحمل الذل
هكذا تولي طحانة وفرحانة

 

[mo-om]

كلها وعقلو وكل تفكيرو​

يعني البنات كامل مهابل؟؟
وريلي طفلة صرالها مشكل من هاذو وما سكتتش على حقها.....يخي كامل يسكتو

 

[بلبلة شمس]

تسكت لأنها المتهم الأول
والأخير وقليل الي راح اكون في صفها الكل ينهش في لحمها بدافع انها هي الي تسمح بهذاك الشي
تسكت الانها ضعيفة بطبعها وربيخلقها تكت لأنها كزجاج ان كسرت ضاعت
تسكت لأنها لاتملك القوة للمقاومة
تسكت لأنها راح تدفع ثمن كلشي وحدها ظالمة أو مظلومة
وأكيد ماشي الكل البنات​

 

[RaNiA]

كاينين وحايد ما يهدروش على خاطر يخافو سورتو كي يكونو على بالهم بلي كانو ماشيين في الطريق الغالطة وحايد يتهددو و ما يقولوش على خاطر ضعاف
مي كاينين لي ما يسكتوش على حقهم
وفي رايي غير ضعيف الشخصية لي يسكت على المنكر ولي يسكت على حقو

 

[mo-om]

تسكت لأنها المتهم الأول

والأخير وقليل الي راح اكون في صفها الكل ينهش في لحمها بدافع انها هي الي تسمح بهذاك الشي
تسكت الانها ضعيفة بطبعها وربيخلقها تكت لأنها كزجاج ان كسرت ضاعت
تسكت لأنها لاتملك القوة للمقاومة
تسكت لأنها راح تدفع ثمن كلشي وحدها ظالمة أو مظلومة

وأكيد ماشي الكل البنات​

على الاقل ما تسكتش على الحق ديالها مهما كان ولا تولي طحانة وفرحانة

 

[مروة MARWA]

بالنسبة ليا انا والله مانسكت على حقي برسكو ثقتي بنفسي الحمد لله وراني على بالي واش راني ندير
وبالنسبة للبنات لي يخافو ننصحهم انهم ينحيو هاد الخوف ويحاولو يواجهو الامر
مرسي
​

 

[sahiko hamza]

اواه كاين لي ينوض أليرت على الشي لي قلتو وكاينلي يروحو فالخط وكاين وكاين
الدنيا مزالها بخير ماتتشائمش
​

 

[هــــيلدا]

علا خاطر المجتمع هو للي خلاها تسكت

أذا وحدة تقدملها عجوز وباباها أجبرها...واش راح تدير،،

إدا وحدة تحرش بيها واحد في المواصلات وحكات لأهلاها..وين راح يلقاوه،،

اما للي يجوهو مكالمات وهي ساكتة وللي كانت مع علاقة بواحد وهددها ووو
هاذو هي للي جابتهم لروحا...وأسمحلي نقولك تستاهل//
راني مهدرتش بزاف...قادرة نرجع للموضوع كي نركح،،
ربي يخليك خيو
ورايحة نسرقلك هديك اللخرة..Lol

دمت بود

---شاوية وفحلة---

 

[zagane]

السلام عليكم
راهم يحكو درك في منتدى أهنا فرغ واش كاين فى قلبك

 

[اشتك اشتك]

تسكت باسكو المجتمع تاعما ميرحمش و الا حكات يا ويلها و الا محكاتش ياطول ليلها

و الله ربي يحسن عون لبنات و هادا مكان

اخواتي ربي يبعد عليكم الظلام و اولاد الحرام
​

 

[mo-om]

السلام عليكم
نحكيلك قصتي و اعطيني رايك
واحد النهار رحت لدار ماني و مبعد خرجنا ركبنا فالكار ماني قدام الطاقة انا فالوسط و واحد الراجل قدامي بدا يدير حاجات لا داعي لذكرها الخطرة الاولى انا قلت قاسني مي مباعد وليت فقت بلي كان يديرها بلعاني ..........................كون جيت في بلاصتي واش تدير ................

صرات لوحدة قدامي وانا كنت حاضر
كي واسالها هكذاك ناضت تعيط يالي مشي مربي يا الفايح يا الخامج يا العيداري والله غير هاجو عليه الناس وقريب رماوه من التاقة
ونفس الموقف صرالي مرة اخرى وكنت شاهد كي المرة الي فاتت
الطفلة سكتت وباين فيها الخوف والراجل حلاتلو ومن بعد.....خلالها مارة وراكي فاهمة البقية
يعني
تسكتي على حقك تولي طحانة وفرحانة ما تسكتيش والله كاين الي يوقف معاك وانتي حرة هذي حياتك

 

[عاشقة الخضرة]

موضوع رائع يعطيك الصحة و اغلب البنات ما يحكوش خوفا من والديهم ولا من المجتمع بصح هذا تفكير خاطئ .كل ما تسرا مشكلة لازم يعرفو بيها على الاقل الوالدين باش تتحل و السكوت ما راح يفيد بوالو غير يزيد الطين بلة.تقبل مروري

 

[mo-om]

موضوع رائع يعطيك الصحة و اغلب البنات ما يحكوش خوفا من والديهم ولا من المجتمع بصح هذا تفكير خاطئ .كل ما تسرا مشكلة لازم يعرفو بيها على الاقل الوالدين باش تتحل و السكوت ما راح يفيد بوالو غير يزيد الطين بلة.تقبل مروري

مزية كاين الي تعرف العقلية

 

[mo-om]

السلام عليكم
راهم يحكو درك في منتدى أهنا فرغ واش كاين فى قلبك

واش راهم يحكو؟؟
وانت الالن وين راك بالذات؟؟

 

[بلبلة شمس]

على الاقل ما تسكتش على الحق ديالها مهما كان ولا تولي طحانة وفرحانة

كون فهت قصدي
كون كانت اجابتك غيرهذا الكلام سيدي
عليك اقتناء كلماتك قبل لفظها​