قلبي راه مريض ساعدوني

[nanadoublecanon]

السلام عليكم خاوتي اليوم حبيت نحكيلكم على اول حب في حياتي

هو بعيد عليا في السكن هو في ولاية وانا في اخرى
بصح حبينا بعضانا للهبال كانت العائلة تاعي كامل تعرفو والعائلة تاعو تعرفني تاني

بصح في واحد الايام ما ولاش كامل يعيطلي في التيليفون ولا حتى في النت ماكاش
وكي نعيطلو يقولي راني مشغول وفي احد الايام عيطتلو ماحبش يرفد عليا اصلا عييت نعيطلو المئات من المكالمات بصح بدون رد وكي كنت نلقاه في النت مايحبش يهدر معايا اصلا
تعذبت بزاف وتاثرت في الدراسة وفي البنات صحاباتي كامل على جال فراقو لاني مانيش فاهمة واش صرا

فهموني واش ندير ننساه ولا نهدر معاه ونحاول نفهم الحقيقة ساعدوني بلييييز

 

[مروة MARWA]

اولا اختي راجعي روحك بالاك تكوني غلطت معاه ولا حاجة ومافقتيش
اصلا انتي درتي لي عليك راكي تقولي تعيطيلو وهو لي مايرفدش
ادا كان عندك نيمرو تاع واحد من لافامي المقربين ليه يعني اختو ولا واحدة حاولي تفهمي منها اكتر
وربي يقدم لي فيه الخير
​

 

[BARCA232]

السلام عليكم اختي الفاضلة
والله شيء مؤسف أن نرى الحب وصل الى هذه الحالة
والله أظن
اعملي بقاعدة كانك لم تعرفيه واحسن طريقة الاستغفار والرجوع الى الله
والالتحام مع العائلة
فهي أحسن ونيس
وضف الى ذلك لاحظي مساوىء هذا الحب عليك في جملتك:
تعذبت بزاف وتاثرت في الدراسة وفي البنات صحاباتي كامل على جال فراقو لاني مانيش فاهمة واش صرا
والله هذه هي نهايته للأسف
انصحك الدراسة ثم الدراسة لاحب لاهم يحزنون
من غير حب الله ورسوله والوالدين لاوجود للحب
بالتوفيق
​

 

[narmine]

انا نقلك حاولي تفهمي الوضع وتفهمي واش كاين وعلاه ميردش وبعد ذلك قريري انت​

 

[مروة MARWA]

انصحك الدراسة ثم الدراسة لاحب لاهم يحزنون
من غير حب الله ورسوله والوالدين لاوجود للحب
بالتوفيق
​

:thumbup1::thumbup1::thumbup1::thumbup1:
​

 

[nanadoublecanon]

افهموني يا جماعة والله ما راني قادرة انا مادرتلو والو وهادي هي الحاجة الي ضرتني

اختي barca مرسي بوكو على النصيحة بصح ماتخميش هاديك في الاول لكن دراستي الحمد لله هي الحاجة الوحيدة الي مانفطرش فيها حتى الموت
ومرسي ليك اختي ناريمان تاني هادا واش راني نحاول ندير

 

[BARCA232]

انا نقلك حاولي تفهمي الوضع وتفهمي واش كاين وعلاه ميردش وبعد ذلك قريري انت​

لالا اختي ان كان ناوي الخير فل يتقدم الى الخطبة
​

 

[**** بنت أبوها ***]

في الحقيقة في وقتنا الحالي لايوجد حب
أن أنصحك أن لا تعبريه و أدرس جيدا

 

[**** بنت أبوها ***]

أرج أن تتبعي الاسلام فهو الطريق الوحيد الذي يأخذك لطريق السليم
الا تعتقدين أن هذا خارج عن ديننا
و أنه معصية لله

 

[nanadoublecanon]

لالا اختي ان كان ناوي الخير فل يتقدم الى الخطبة​

لالالالا هو ليس مؤهل للخطبة وانا ايضا كلانا له اشياء مهمة اكثر في حياته للعمل فيها الزواج هو مشروع بعيد شوية على مشاريع حياتنا

 

[BARCA232]

لالالالا هو ليس مؤهل للخطبة وانا ايضا كلانا له اشياء مهمة اكثر في حياته للعمل فيها الزواج هو مشروع بعيد شوية على مشاريع حياتنا

نعم معك حق
لكن لايهم ان تكلمت العائلتين
والله لايوجد احسن حل من الدراسة
​

 

[shahrazad]

اسمحيلي ختي لعزيزة على هاد لكلام
راه كره
و تلقايه دوك صاب وحدوخرا يعقب بيها الوقت وهيا رايحة
مي قوليلي كيفاه لافامي تاعك علابالهم بهاد الشي
يعني نورمال ؟؟
نصيحتي ليكي
بالاكي تزيدي تعيطيلو ولا تحوسي عليه
انساي هاد التجربة ولازم تتعلمي منها
اخطيك من العلاقات هادو
الي يحبك يجي يخطبك و الحب تاع الصح يجي بعد الزواج
ربي ما حرمش العلاقات هادو في الباطل راكي تشوفي بلي أثرتي على نفسيتك وعذبتي روحك فالباطل على واحد ميستاهلش
قاع نغلطو المهم الي يستفيد من الغلطة و يستعرف بيها
ربي يوفقك
سلااام

​

 

[مي الهدى]

:angel_not:حاولي تفهمي منو
وادا محبش يعترف فمن الاحسن انك تنسيه لانو من واجبو هو الي يجي ويفهمك

بالتوفيق

 

[jolie عاشقة كوريا]

اختي لابورتابل لا نت
حنا نحبو سيريو
الحاجة الوحيدة الي لازم ديرها
اتقابليه فاس افاس
وتفهمي منو اسكو انتى لي غلطتي
معاه ولالا
اختي قبل ماتنسايه لازم تفهمي منو
بالك تنساي قابليه وهدري معاه
اسكو هو راهو باغي يحبس ولا انت لي غلطتي
حنونتي ديري واش قتلك ورجعلي لخبر
جوجو*جولي​