ياترى لماذا نجوت ؟ (يغريسي) نحذركم ما كاد ان يحدث لي ؟

حسان

:: عضو شرفي ::
إنضم
6 أوت 2006
المشاركات
2,681
الإعجابات
490
النقاط
83
#1
أسمحولي اخواتي راني نتكلم عن نفسي و عن قصص تخصني حدثت لي منذ فترة لتاخذوا منها عبرة و حذر و حتى لا تصيبكم كما كادت ان تصيبني هي الظاهرة ( يغريسي) الاعتداء سراق

كما نتمنى ان تفيدونا في بعض مما وقع لكم و نجوتم بحمد الله سبحانه و تعالى او بما سمعتموه حتى ناخذ حيطة و حذر



القصة الأولى = محاولة غريساج في قصر البخاري



أخطر ما وقع لي كان في قصر البخاري في العام الماضي


حيث كان لوالدي صديق قديم جدا كان يسكن في قصر البخاري و قد توفيى رحمه الله و كانت جنازته في جماهير غفيرة جدا و هو معروف جدا في قصر البخاري لهذا اخذت والدي للحضور الجنازة

و بعدما دفناه و روي التراب و هم الناس بالخروج

انا خرجت وحدي من المقبرة و كل يعرفونني بانني براني عن قصر البخاري

و مريت على سوق ترابندوا في القصر البخاري و كنت احمل هاتف بونتابل و 500 الف سنتيم في جيبي و كنت ناكل في كاو كاو *و انا امشي معبر سوق للوصل الى البيت العزاء لمحت مجموعة من أشخاص عندما راتني نهضت من اماكنها في السوق و هي تتبعني

لكنني لا اعرف كيف تجاهلتهم و استمريت في المشي حتى أسرعوا و غلقوا عني طريق و أستخرجوا سكاكين و السيف كيبر في عز النهار و تم محاصرتي من كل جهات
و انا توقفت من تنفس من شدة صدمة

فماذا حدث بعد ذالك ؟؟؟؟؟؟؟؟؟


صدقوني حاولت الهروب من جهة اليمنى التي كانت ثغرة في محاصرتهم و هممت بحمل زجاجة حمود بوعلام فارغة في جنب حانوت مواد الغذائية للدفاع عن نفسي

لكن حدث ما لم اكن اتوقعه أبد و لم افهمه حتى هذه اللحضة هو إنسحابهم فجاة و بدون سبب اعرفه

بعد الحظات وجدت نفسي وحيد امام بيت العزاء و لم يحدث لي مكروه و انسحب الجناة بدون أي عملية

و كنت اتامل تلك السكاكين و السيف موت و دماء


و حمد الله سبحانه و تعالى الذي انجاني من موت او الإنعاش أو تعوق او صدمة التي لا تنسى و أبعد عن البلاء

و نحمد الله كثير

الأسباب التي جعلتهم يختارونني للصيد هي

الألبسة جميلة التي كنت البسها
انا براني عن مدينة و كل يعرف ذالك
البورتابل لاصق في الحزم ظاهرة للعيان
بورتفاي ظاهر في البطن
مرور على سوق تبراندوا

الأسباب إنساحبهم

ربما كنت ناكل في كاوكاو هههههههههههه
ربما عرفوا إني اتيت لتشييع الجنازة متوفي معروف جدا
أبناء المتوفي لديهم قوة و سمعة و قباحة معروفة ربما خافوا منهم عندما عرفوا سبب وجودي


اما الشرطة و الدرك فهي موجودة في القمر او في المريخ لا أثر لهم


القصة الثانية = محاولة غريساج في الميناء العاصمة



في الميناء العاصمة منذ سنوات عديدة و كنت هابط في درج نتاع الميناء و كنت احمل في يدي 3 كرطونات صغيرة تحوي بعض الاغراض إلى السيارة مركونة امام الميناء

و هذه كرطونات خفيفة جدا لان اغراض عبارة عن فرشات خفيفة

عندما كنت هابط تبعني 3 أشخاص و احددهم حمل قضيب حديدي و جاء يضربني على رأس

فمذا حدث ؟؟؟؟؟؟؟؟؟؟؟

صدقوني عندما ألتفيت له رأيته هبط قضيب حديدي و لم يضربني به و كانه خائف ان لن يجد شيء في تلك كرطونات

جاءتني صدمة و لم اعرف حتى ما ذا افعل ؟؟

و هم لن يهرب أي شخص و لم يخافوا شيء بل تبعوني حتى السيارة و علامة إستفهام في وجههم و كانهم يريدون سالي عما تحمل تلك كطونات

و الحمد الله كثير الذي انجاني من موت المحقق ( ضربة على رأس بقضيب حديدي = خيمة في المقبرة )


الأسباب التي جعلتهم يختارونني للصيد هي

3 علبات كرتون متوسطة كنت احملها فوق رأسي


الأسباب عندم قيام بالعملية

هي كرطون خفيف جد اعتقدوا إنها فارغة و لا تجد فيها شيء




قصة الثالثة

طريفة جدا


مرة كنت في الشاحنة متوجه إلى الحراش مع صاحب الشاحنة
و كانت الشاحنة تحمل شكارة نتاع الزبل نسينا ان نرميها في المزبلة محددة و لم نجدوا مكان نرميها فيه

بحثنا على أي مكان نرمي الزبل لكن للأسف لن نجد مكان مناسب

نسيناها و توجهنا إلى الحراش مرور على السمار

و عندما وصلنا إلى باب الزوار كانت المفاجاة كبيرة



ههههههههههههههههههههههههههههههههههههههههههههههههه


لن نجد الشكارة فوق الشاحنة



قد سرقوووووووووووها



سرقوووووووووو زبل

حتى زبل يسرقوووووووووووووووووووه


حتى زبل سرقوه



و الله ضحكت و ضحكت على غباءهم

و نحن حمد الله على تخلصنا من الزبل

و اكتشفنا طريقة رائعة للرمي الفضلات هي وضعا في الشكارة و غلق الشكارة و وضعها فوق الشاحنة و مرور على السمار او الحراش و تتخلص منها

هههههههههههههههههههههه





تحياتي في انتظار قصصكم شيقة لناخذ العبرة و نستعبر و ناخذ الحيطة و حذر





 
آخر تعديل:

iméne09

:: عضو بارز ::
إنضم
6 ديسمبر 2008
المشاركات
6,106
الإعجابات
1,375
النقاط
351
#2
ههههههههههههههههههههه تالية فووووووووووووور بزاف سير يعرفو يسرقو ماسابو مايسرقو غير زبل ياخي مرضا ياخي بصح حاجة تحير كي سراق نورمالمون مايطلقكش حتى يدي من عندك واش يحوس مي انت عندك الزهر وعلاش طلقوووووووك
عندك الحق عمو حسان سريقة كترت بزاف يعني الواحد قبل مايخرج يعس روحو وربي يبعدنا عليهم
 

Moha le sage

:: عضو شرفي ::
إنضم
15 مارس 2009
المشاركات
7,983
الإعجابات
3,174
النقاط
351
#3
الحمد لله على نجاتك سالما اخي حسان

شوارع الحراش والله صرت نمشي فيها ورافع راسي ..لسبب بسيط هو انهم يحقرو البراني ... اما الشجار فهذاك حاجة اخرى ..اكيد كل واحد هاز تحتو 3 etoiles يعني موس معروف

العبد البراني باين ديما و كي يكون هاذ العبد البراني لابس مليح من الاحسن انو مايروحش للاحياء الشعبية و الاحياء الضيقة والمظلمة .. اما اذا كان ولد المنطقة فاكيد راح يعرفوه و ما يغريسيوهش

الحمد لله عمري ماكنت ضحية agression ربما للبنية الفيزيائية تاعي 191 سم على 98 كلغ .. وربما لاني والدتي داعيتلي بالخير


ربي ينجينا كامل ان شاء الله


 

naim_biskra

:: عضو مُشارك ::
إنضم
30 نوفمبر 2009
المشاركات
183
الإعجابات
2
النقاط
7
#5
شكرا اخي على الموضوع الرائع وان شاء الله ربي يحفضنا من اصحاب الشر
 

hind*alg-

:: عضو فعّال ::
إنضم
18 أوت 2009
المشاركات
1,655
الإعجابات
9
النقاط
157
#7
سلامت راسك اخ حسان ولحمدلله ربي يستر دايمن عبادو لصالحين


ههههههه عجبتني داع شكارة زبل
ولله بلاك في كل دار تلقا واحد تعرد للgريساج
انا بابا اخطر وحدة كانت في دار لبيدا على 12 تاع ليل علاجال طونوبيل
هو gاراها لعشية وراح عند صاحبو مي بطا ليها كي ولا ولا في طاكسي لحق لطونو بيل لقا زوج موراه بداو يطيحو لهدرة ومبعدا بابا فهمهم شد مفاتح ورماه جا فلحشيش بعيد
يزgي حبسلو وحد بكنوبيل رفدو وراحو لابوليس جابوهم ولاو لطنوبيل
*ماتنساش لمفتاح رماهولهم* عيط لماما بعتنالو دوبل مع جارنا وطونوبيل لقاوها مازالها في بلاصتها *هههههههههه يعني ماداوهاش* مي لفتاح مالقاهش
ربي سترو ..............نشالله ربي يبعد علينا لبلا ولمهم سلامت راس لبنادم
.................تقبل مروري اخ حسان
هههههههه وعس روحك من 4 بعيدشر
 

nawal1980

:: عضو فعّال ::
إنضم
8 ماي 2009
المشاركات
2,526
الإعجابات
880
النقاط
91
#8
الحمد لله على نجاتك سالما اخي حسان

شوارع الحراش والله صرت نمشي فيها ورافع راسي ..لسبب بسيط هو انهم يحقرو البراني ... اما الشجار فهذاك حاجة اخرى ..اكيد كل واحد هاز تحتو 3 etoiles يعني موس معروف

العبد البراني باين ديما و كي يكون هاذ العبد البراني لابس مليح من الاحسن انو مايروحش للاحياء الشعبية و الاحياء الضيقة والمظلمة .. اما اذا كان ولد المنطقة فاكيد راح يعرفوه و ما يغريسيوهش

الحمد لله عمري ماكنت ضحية agression ربما للبنية الفيزيائية تاعي 191 سم على 98 كلغ .. وربما لاني والدتي داعيتلي بالخير


ربي ينجينا كامل ان شاء الله


انت من الحراش؟؟؟؟؟؟؟؟؟؟؟:confused1:
 

nawal1980

:: عضو فعّال ::
إنضم
8 ماي 2009
المشاركات
2,526
الإعجابات
880
النقاط
91
#9
حكايات هايلة تضحك وتوصي للجاية
ربي يسترنا كامل من لي زاقريسيو
 

سماح4

:: عضو متألق ::
إنضم
16 أوت 2009
المشاركات
3,185
الإعجابات
97
النقاط
157
الإقامة
الجلفة.
#10
كيفاش هذون يوصلو ليك ومن بعد يهربو خايفين أكيد يا اخي حسان هذا من حماية رب العالمين ليك ...واكيد ما تنساوش يا جماعة لي ينوض يصلي الفجر راه يكون في ذمة الله حتى يمسي يعني الواحد مش رايحة تكلفو صلاة الفجر حاجة كبيرة بالعكس ...انا مواقف كثيرة صراتلي لكن بعون الله دائما ربي يرجعلي حقي يعني مانخافش ابدا من هذوا الناس
 

ديالى

:: عضو فعّال ::
إنضم
12 أكتوبر 2007
المشاركات
1,845
الإعجابات
5
النقاط
37
#11
مواقف لااعرف ماذا اقول عنها المهم ربي نجاك منها اخي
وينجي منها كل من يتعرض لمثلها
ولا لزيارة المناطق الغريبة من الان وصاعدا
وكل واحد يبقى في منطقتوا احسن
 
إنضم
27 نوفمبر 2009
المشاركات
3,034
الإعجابات
25
النقاط
157
#12
هههههههه غير كي منعت روحك عمو :cool:
انا مرة مروحة من الجامعة عيطتلي صاحبتي قاتلي هيا دوري معايا شوية :angel_not:
قتلها يا طفلة راني عيانة :glare:
قاتلي هيا برك:angel_not:
روح ا سيدي حنا ندورو قاتلي هيا نقطعو منا باه نوصلو في ساع :cursing:
ايا قطعنا الطريق فارغة يجي واحد من ورانا يحطلها الموس و يحكمها و قالي هاتي الموبيل:eek:hmy:
شفت معاها هاه نندب هيا تخرجني و انا ياغريسيوني :cursing:
قتلها راجا اعطيلو التيليفون:sleep:
ماتت صاحبتي بالضحك جبدت عطاتو تيليفونها و جينا مروحين:scared:
ههههههه شبعت ضحك عليها
والله مالغري عندي سلاح ابيض مي ما قدرتش نستعملو جاني الضحك
الخطرة الجاية ان شالله
 
إنضم
27 نوفمبر 2009
المشاركات
2,340
الإعجابات
5
النقاط
77
#14
هههههههه غير كي منعت روحك عمو :cool:

انا مرة مروحة من الجامعة عيطتلي صاحبتي قاتلي هيا دوري معايا شوية :angel_not:
قتلها يا طفلة راني عيانة :glare:
قاتلي هيا برك:angel_not:
روح ا سيدي حنا ندورو قاتلي هيا نقطعو منا باه نوصلو في ساع :cursing:
ايا قطعنا الطريق فارغة يجي واحد من ورانا يحطلها الموس و يحكمها و قالي هاتي الموبيل:eek:hmy:
شفت معاها هاه نندب هيا تخرجني و انا ياغريسيوني :cursing:
قتلها راجا اعطيلو التيليفون:sleep:
ماتت صاحبتي بالضحك جبدت عطاتو تيليفونها و جينا مروحين:scared:
ههههههه شبعت ضحك عليها
والله مالغري عندي سلاح ابيض مي ما قدرتش نستعملو جاني الضحك

الخطرة الجاية ان شالله
هههههه وراكي sure فيها خطرة جاية :music_whistling:​
 

Moha le sage

:: عضو شرفي ::
إنضم
15 مارس 2009
المشاركات
7,983
الإعجابات
3,174
النقاط
351
#16

والله مالغري عندي سلاح ابيض مي ما قدرتش نستعملو جاني الضحك
الخطرة الجاية ان شالله

ذيك نهار يا ريمة كان عندك سلاح ابيض كي تلاقينا :tongue_smilie: :001_huh: :scared:

اصبري يجي عبدو ونحكيلو .. نقلو شعرة وما اgريساتنا :bored: و حنا لي كنا دايرين فيك كونفيونص :wink: :thumbdown:

حقا راني انيليت العفسة الجاية :music_whistling: ياختي كل واحد ياخذ بالو من لغاليغو ذرك :lol:



 

BeSt GlAdiAtOr

:: عضو مُتميز ::
إنضم
7 أكتوبر 2009
المشاركات
1,236
الإعجابات
23
النقاط
37
#18
إيه يا عمو حسان

الدنيا صعيبة والسراق راه يقصد ديما البراني وديما يكون معروف من وجهو
نقولك واله كل ما نقرا مواضيعك ديما تعجبني وسيرتو قصصك في باتنة و....بزاف
وساعات نعيط لما تجي تقراهم
ههههه
مني بالصح
أنا صراتلي 3 فوا
مرة عندما كنت في مبارات وفاق سطيف و المنستير التونسي3/1
بعد المبارات وفي المدرج الكبير علابالك كاين في وسطو مكان داخل كيف الديبارة
تلقا جماعة *تاغريسي * ديما وخطرة
وأنا جبدت بورطابلي كاميرا ونشوف في لي فيديو لي صورتهم
ومبعد نلقا واحد دفعني بالقوة للداخل وجماعة تتلاح للبورطابل حبة تسرقو
لكن أنا حكمت في البورطابل كي اللصقة والجماعة معيا ديفوندات معيا وربي ستر
2


والمرة التانية في سو الجملة للملابس في تاجنانت
واحد حب يتلاح للدارهم في جيبي ودار روحو يشوف معا الفاست
ومبعد لاح يدو للجيب عيناني ولكن الدراهم ما كانوش في هداك الجيب وربي ستر
وكي ما لقا والو راح هرب
مي نقولك


آآآو كون حكمت عليه راني قتلته بالخبط والضر



 

POLIYANA

:: عضو فعّال ::
إنضم
13 أوت 2008
المشاركات
1,802
الإعجابات
6
النقاط
37
العمر
30
#19
بالاك مناه مداير الخير في حياتك يا خويا حسان
والخير رانا قريناه في موضوع بنتك اسماء ربي يخليهالك ويحفضهالك ان شاء الله
ربي مايضيع عمل واحد وعملك المليح يخرجلك في وقت الشدة كيما نتا هكدا
 

aMiNa-K

:: عضو فعّال ::
إنضم
19 جانفي 2009
المشاركات
1,500
الإعجابات
58
النقاط
37
#20
السلام عليكم
يا عمو حسان راك كي القط بسبع ارواح :w00t: .. غير احسب شحال بقاولك :closedeyes:
انا نعرف السراق خواف .. يعني ادا الواحد زبط وجهو قدامو السراق يجبد روحو .. و راهي صراتلك في قصر البخاري كي حكمت قرعة فارغة و جيت تدافع على روحك .. سورمون السراقين قالو هدا واعر و يعرف يدافع على روحو .. حتى في الميناء كان رايح يضربك السراق بصح كي درت ليه بالاك خلعتو :bored:
و بالاك دعاوي الخير سلكوك :thumbup1:

راني نتلسلف :music_whistling: ههه

انا الحمد لله جامي صرالي موقف و سرقوني .. بصح خاوتي مساكن ههههه غير اللي يجي وجهو مزرق نقولو واش كاين يا ولد يقولنا حبو ياقريسيوني بصح ماقدروش :lol: