تقبلي تبيعي ذهبك من اجل راجلك

[نسمة غريبة]

السلام عليكم خاوتي وشراكم والله توحشتكم عندي بزاف مادخلتش عابالي توحشتوني

ايا اليوم جبتلكم ميضوووووع

قالك السيد راه مفلس 0 00 قال لمرتو يا مرا بيعي ذهبك السنتورة راهي تزيرت على جدي :001_unsure:

المرا سور حتقبل ولا ترفض

اذا قبلت هاو زلاها بالاك

واذا رفضت رايحة تع9ب النهار عند مواليها بالاك

عندي طرح للبنات

تقدروا تبيعوا ذهبكم ادا تزيرت السنتورة :cursing::cursing:

نتمنى التفاااااااعل هاني دركا جيت برك :crying:

**امورة الزوينة**

انا عن نفسي نقبل وعينيا مغمضين
مدام قبلت نتزوج بيه ويكون بيناتنا عقد رابي شاهد عليه والعبد كيف كيف نقبل نكون معاه وقت الشدة والرخاء
ودهبي حاجة بسيطة نقدر نعاونو بيها
تحياتي
​

 

[aMiNa-K]

sa depend على حساب الظروف :confused1:
تتزير السنتورة بيانسور نبيع دهبي :angel_not: .. بصح ادا السي خونا راقد و يقولي بيعي دهبك راهي تزيرت السنتورة :cursing: .. هدي غير ينساها يبرى :glare:​

 

[Anissa_vanissa]

كون نطيح في موقف مثل هذا
راح نبيع ذهبي بدون تردد وانا راضية

 

[ابتسامة الورد]

ممكن في حالات واذا كان يستاهل اذا لا والله ما يشوفهم اصلا

 

[sleepingbeauty]

نبيع بالاك الذهب اللي دارهولي هو بصح تاع بابا و الله ما قستو
شكرا على الفكرة ​

 

[امورة المنتدى]

هانشكر كل اللي جازوا على الميضوووووووع

 

[im£ne]

طبعااااااااااا
ماكاين حتى مشكل
نقبل نبيع ذهبي على جالو
كي يعود مولا داري

 

[M!ss D!or]

ياأختي نعاونو بالشي ليكان مي باش نبيع ذهبي ماشكيتش يروح يخدم ولا يسلف خيــر
مشكورة أمورة​

 

[Peace Girl]

ايه نقدر يلا كان يخدم وتزير عليه الحال

 

[Happy Girl]

أكيد نقبل بالعكس مرت عليا ظروف فيها انا طلبت من زوجي انبيع ذهبي لكن هو دائما يرفض...

 

[sleepingbeauty]

أكيد نقبل بالعكس مرت عليا ظروف فيها انا طلبت من زوجي انبيع ذهبي لكن هو دائما يرفض...

ايه من المفروض هاكدا يديرو هادو هوما الرجالة تاع الصح ماشي يحط رجليه فوق الطابلة و يقولها نوضي بيعي الذهب تاعك باه نشري الدخان ههههههه
ربي يخليكم لبعض :001_wub:​

 

[Happy Girl]

ايه من المفروض هاكدا يديرو هادو هوما الرجالة تاع الصح ماشي يحط رجليه فوق الطابلة و يقولها نوضي بيعي الذهب تاعك باه نشري الدخان ههههههه


ربي يخليكم لبعض :001_wub:​

آمين شكرا لك... ربي يخليك

 

[بنـ MaPa ـت]

هههههههه والله مايشوفهم هو يحصل وانا نخلص توحشتك هادي غيبة
مرسي..​

 

[iméne09]

تاع الصح يستاهل ماشي غير دهبي ياك راجلي مراهش براني وديجا المتل يقول الحدايد للشدايد مالا نبيع كل شي على جال باش نعاونو وخليفتي على ربي
يعطيك الصحة حنونة ع الطرح الرائع​

 

[امل الجزائريين]

حسب الوضع اذا كان راجل تاع الصح ماراحش يقولي بيعي ذهبك
و اذا كان يحتاج و مالقاش مسامحاتو فيهم
و اذا كان شراني مانبيعش
الرجال و الزمان مافيهم لامان

 

[nawal 88]

اذا كان مليح معايا وكان دايرلي واش نحب نييع على جالو ونعاونو بصح يرجعهم لي واذا كان قبيح معايا ولاعبها قافز والله مايديها من عندي ههههههه

بصح هو علاه يخلط حتى تزير عليه خخخخخخخخ

 

[fahima m]

ايه نبيع وين راه المشكل اذا كان كيما يقولو مولا بيتي
كي يسحق وتتزير عليه نبيع ذهبي نورمال
​

 

[أمّ عبد الله]

السلام عليكم
اذا ضيع دراهمو فالدخان و الشرابات و جا يقولي بيعي ذهبك (غير ينحيها من بالو )
اما اذا كان راجل فحل ثما حاجة اخرى ...............
سلاااااااااااااااااااااااااااااااام

 

[mina009]

حاجة باينة لوكان تتزير الحالة على راجلي نبيع ذهبي على جالو ياك دراهمي دراهمو و دراهمو هوما دراهمي و زيدلوكان مانوقفش معاه فالشدة شكون اللي توقف معاه

 

[كوثر الوهرانية]

انا مين تزير راجلي و ستحق دراهم بعت كامل ذهبي و قلعت عليه الغبينة و دركا راه يخلفلي فيه غير بشوية نورمال وين راه المشكل هو يلقاني و انا نلقاه هذي هي الدنيا