ساعدوني يرحم والديكم

خديجة محمد

:: عضو منتسِب ::
إنضم
12 أكتوبر 2009
المشاركات
18
نقاط التفاعل
13
النقاط
3
العمر
43
السلام عليكم ورحمة الله وبركاته
هذه اول مشاركة ليا حبيت نفرغ قلبي ونصيب حل وانشالله تعاونوني انا وحدة في عمري تسعة وعشرين سنة عرفت شاب مدة ست سنوات وحب يخطبني المشكل اني نسكن في البيوت القصديرية حشمت نجيبو في دارنا على خاطر الوضعية كارثية حشومة عرضت عليه باش يجي عند فاميلتي هو قبل بصح يما راهي رافضة قالتلي اسناي يعطونا السكن كيفاش ندير باش نقنع يما ولا نزيد نسنا عاونوني مادابيكم
 
الله يفرج عليكم​
 
أول حاجة نشكرك على صراحتك أختي ...صعيبة أنو الانسان يحكي على أوضاعو المهم نحنا البشر مانقدرو نديرو والو انتي توكلي على ربي و ادعي انو يفرج عليك و ان شالله ربي مايخيبكش ......دعوات عائلة اللمة لك بالفرج
 
ربي يفرج حنونة

متتقلقيش بزاف او خليها على ربي لي فيها الخير ربي يجيبها

الصبر مفتاح الفرج
 
الفقر مش عيب وكان يحبك صح عمرو مايتخلى عليك علجال ظروفك المادية
وهذي هيا الفرصة اللي تخليك تتاكدي من تمسكه بك
انا من رايي متزيديش تعطلي كثر من 6 سنين
وربي يهنيك ان شاء الله
 
قليل ناس صادقين كيما انتي ولازم عليك تفهمي امك على وضعك نتاع الصح وايلا صح السكن الجديد راه قريب معليش استناي شوية يعني ايام زيادة ما راح تدير والو
 
سلام اختي
اولا الله يفرج عنك ان شاء الله
ثانيا اختي انتي على حسب ما فهمت هذا الانسان يحبك
ادعيه لمنزلك حتى تتاكدي من حبه فهو يريد الزواج منك انتي وليس منزلك
اي لا تهمه ضروفك بقدر ماتهمينه انتي
احترامي
 
شوفي أختي
هو عمبالو بانك تسكني في بيت قصديري؟
ماشي عيب
إذا ما عمبالوش قوليلو ومن بعد يفرا المشكل ان شاء الله
 
الاخت الفاضلة لا يكلف الله نفسا إلا وسعها

سكن في بيت قصديري ليس عيب أبدا

و الإنسان من طبعه البحث عن زوجة و ليس عن بيتها

و انا عام الماضي اعرف احد جيران توجهنا مع موكب العروس لجلب العروسة من بيت قصديري إلى فيلاته لائقة

أين هو مشكل ؟


 
وين راه العيب يا ختي عمر الفقر ما كان عيب العيب لي يعيش فالرخاء وكان بالحرام قولي الحمدلله ويلا جاك مكتوبك متقارعيش كثر عولي ربي يسهلك ويكون معاك ان شاء الله
 
يا اختي ندعيلك من قلبي ان شاء الله ربي يفرج عليك و يفرحك و يعاونك باش هذا المشكل ينحلك
 
الفقر مهوش عيب بالعكس الانسان ليخطبك اذا كان يحوس عليك ميهموش وين تسكني بالعكس يزيد يحبك ويساعدك
 
أختي الغالية
علاه تحشمي راكي ديري حاجة عيب ولا حرام؟ماتحشمي بداركم ماوالو شحال تبقاي وانتي هاكا ولوكان ماتصحلكمش سكنى واش تزيدي تستناي عمرك ماحشمي بالدار اللي ساكنة فيها اذا يحبك يقدر ظروفك ويشد فيك
ربي يهنيك حنونة جيبيلنا الفال برك ربي يفرحك
 
salam alaikom

7bibti elghalya

1. el7ob sara7a wa sid9

idha kan y7ebek mo7al

yfaret fik 3la jal drahem

elfa9r machi 3ib kol wa7ed

wech 3talo rabi en plus

3echrat 6 ans nn 7anouna

metkhafich sara7a 3morha

matdor molaha 9olilo la vérité

w khali elba9i 3la rabi

alah yferej 3lik w yejme3kom fi le7lal

rodi balek mata3erdinich rani no9otlek hhh

inchalah tet7el mochkoltek ya rab
 

السلام عليكم
الحاجة الاولى مليحة انك اخترتي منتدى اللمة
والشي الثاني صراحتك
اما الشي الاخر
هو انك تصارحيه وين تسكني
وليحبك يديك لو كان تسكني في شوف واش

ربي يجمع بيناتكم ان شاء الله
ويفرج عليكم

شكرا
 
عادي اختي ما تحشمي ما والو ناس تسرق و تنهب و ما حشمتش و انتي حشمتي علاجال بيت قصديري نورمال ما دام يحبك رايح يجي يخطبك تكوني وين تكوني و لا داعي للتاجيل اكثر
 
أقول لك أنك بين إخوانك وأي موضوع يقلقك رانا هنا

أما عن هاذا الشاب بما أنه يحبك فلا تخافي سيتفهم
مافيها والو ماكانش لي عندو كلش في هاد الدنيا
 
نحيي فيك صراحتك الي فعلا استغربتلها راني فاهماتك ياختي وحاسة بيك وبالموقف الي راكي فيه علابالي بلي اي طفلة يكونو جايين يخطبوها تحب تبان هي ودارهم وعايلتهم في احسن صورة والا عدتي يعني رافضة باش يجي لداركم في رايي سيي كيفاش تقنعي مك بش يجي عند فاميلتك حتان يفرج ربي ونشالله ربي يكتب بيناتكم في اقرب الاجال و عرسك يكون في داركم الجديدة لكن ادا قريب يمدولكم سكن اصبري شويا خير وربي يكون معاك ياختي
 
يا ختي اذا قريب يمدولكم السكن اصبري
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top