لعام لي فات كنت نقرى في الليسي و عندنا استاذ الفلسفة عينو تزغد ياسر على البنات المهم دارتهالو طفلة و ادت النيمرو تاعو و بيباتلو عاودلها ليه ليه المهم قاتلوا راني وحدة حابة تتعرف قالها ماكان حتى مشكل مدتلو اسم قاتلو راني من عنابة و نقرى في الجامعة و كل ما تبيبيلو يعاودلها ساعات نكون نقراو وهي راهي تبيبيلو و هو يخرج من لكلاس و يعيتلها بصح هي متهزش تخاف يمرقلها و كي نخرجوا تقولو راني كنت نقرى و بدا يفليكسيلها حتى مرة بيباتلو و عاودتلها مرتو قاتلها خلي عليك الراجل راهو مزوج و عندو ذراري حبت الطفلة تعرف ردة فعلو قالها انا و المرة تاعي تزوجنا زواج تقليدي بصح كاين حوايج متفهموش فيها بلاغير ما نقوللكم على الحوايج و بعد قاله نتلاقو و اذا حبيتي نجيك للجامعة و هي باه تكمل اللعبة في اخر العام كتبتلو الرقم على البيرو و كتبت من تحت الجامعية بنت عنابة و كتبتلو تهلا في مرتك من تم ما عودلهاش واش رايكم رانا في مجتمع ما يرحمش نورمالمون يكون هو القدوة تاعنا و لا راني غالطة يا خوتي :busted_red: