و الله غير مني بالصح...مرانيش نتمسخر........ شوفو هاد الحالة

nermina

:: عضو مُشارك ::
إنضم
2 فيفري 2010
المشاركات
256
نقاط التفاعل
1
النقاط
7
أولاد الليسي راهم دايرين حالة و كي العادة حب و قراية و اشياء اخرى و الطوايش راهو صاري العجب...سورتو هادوك قوم غرامي و حبي....

واش نقوللكم كامل رجعو يحبو و يتعذبو و يسهرو يبكيو كاين مام اللي في عمرو 11 عاماً أرجع يقولك: عندي مشكل مع المرا يا سيدي........واش في عمرو 11 زوجوه و ما علابالناش؟؟؟؟*

وقتاش شافها؟ كيفاش شافها؟ و علاش شافها؟ مارانيش ضد المشاعر بصح اذا كان الليفي عمرو 11 سنة يحبو يعشق و يربي الكبدة أمالا اللي في عمرو 20 سنة واش يقول؟و ما نهدروش على اللي فات الثلاثين و دخل في الأربعين هذاك نورمالمون راه يزوج في اولاد أولادو........

واش معناتها الحب بالنسبة لواحد كيما قلنا غير كيما فتح عينيه طايح في وحدة من الليسي بين 17 و 18 عام؟ و ماشي واحد برك كاين عيطة بابيش صغار بين 11 و 12 و 13 سنة راهم مكبدين على بنات الليسي يراطيو و يحرقو دروسهم و يروحو يزرعو رواحهم كي الشجر قدام الليسي.....
و لا على حساب تعبير العشاق يزرعوا رواحهم كيما الورد في ارض الثانوية ....يا عمري اومبعد واش؟؟؟يحبها ؟؟زعما من نيتو و قلبو؟؟؟....اومبعد؟؟ما تقولوليش غير يجي يخطبها على خاطر اذا خمم وراح لوالديها أم الفتاة تغلط و تجيبلو البيبرو.....

أنا في رايي لازم ما نحرقوش Les Etapes تاع حياتنا لكل عمر حياتو .........و كل شي في وقت حلو .....و لا واش قلتو؟؟؟؟*
 
صح عندك الحق كل حاجة في وقتها ......شكرا على التحليل المبسط لهذ الظاهرة وانت نحي البوبية من يدك ولا مزالك صغيرة .:heh:.....ولا بلاك ملعبتيش في صغرك:u_pc:
 
السلام عليكم

الشباب بدا يضيع من الصغير
 
كل شيء ضاع قاع الي بنيناه راح
واش نديرو
لازم نصبرو

 
والله غير عندك الحق
رانا نشوفو لعجب
 
هههههههههههههههههههههه
مارسي ليك خويا عندك الحق ولكن راك قريب تقتلني على اللي في عمرو11عام ويحب وحدا من الليسي
 
السلام عليكم
نقص الوازع الديني
التربية
العائلة
ابتعاد الاولاد عن اولائهم ومور كثيرة

شكرا اختي
ربي يوفقك
 
مشكوووووووووووورةعاى الموضوع أختي
 
مرسي والله الواحد يعيش كل وقت في بلاصتو
 
ellah yehdi ma khlek
3andak el 7ak okhti kol hadja fi wakt'ha
 
iiiih ya khti cha baghi tgouli el nass li fi l primaire rahou yebghou w yesahrou ana noug3od makhlou3a wa7ad hadha win 7al 3aynih yebghi ??? kifah
 
ايييييييييييييييييييه ويينواا الشعب الجزاائري المحاااافظ؟؟؟؟؟؟؟؟؟؟؟؟؟؟؟؟؟؟؟؟

و الله ظااهرة واعرة بزاااف....


مشكووورة على الطرح...
 
لمزية مانيش كيما لعباد هادوا انا 15 سنة وراني حاكم روحي صح شفت عباد في متوسطتنا مدايرينها بسيف باماه امنت الحمد لله الذي عافانا مما ابتلا به كثير من الناس ربي يستر وخلاص
 
عندك هذي الضاهرة كثرت
شكرا على الطرح
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top