خلي بنتي تكسي روحها وتلبس واش تحب ...مدخلك او اخرج برا ...الله يستر

فؤاد الورقلي

:: عضو بارز ::
أحباب اللمة
إنضم
8 جويلية 2009
المشاركات
3,814
نقاط التفاعل
45
النقاط
317
العمر
35
السلام عليكم
مساءكم خير
كيف حال اللمة وناسها
ان شاء الله كامل بخير
وتحية للكنترو هشوم
وان شاء الله يمر الموضوع بدون ضرائب جمركية هههه

موضوع اليوم
طاهر شائعة بكثرة في المجتمعات الجزائرية
هذا الظاهرة الله يعافي الجميع هي العراء والملابس الغير المحترمة والتي طغت بشكل كثير واصبحت الرائد الاولى
المهم
البنت تلبس واش تحبي السروال ضيق التريكو ضيق والشعر كيفاش داير
يجي خوها مسكين حشم من اخته وحاب يدخل وينصحها
تروح تخبر عليه ليماه
ايا تجي الام الحانون كيما نقولو
وتصرخ عليه وتقول هذي بنت تلبس واش تحب ودير واش تحب
وانت راك حابها تبقى بايرة واذا معجبكش الحال جيبها برا
اوا الاخ يسكت وكاين ليدير ديgة ويجيبها في عشو
والوالد ساكت باسكوا محكوم يدخل هو ثاني طفرت علييييييييه
اما يجي فيه صحن او طاس تع ماء او كانش موس او مغرف هههه
والبنت يزيد يعجبها الحال ودير رايها
ويعني هذا ان هذا المرأة لا تؤمن بقدر الله وعطائه
لانها فضلت ان تتعرى بنتها باش يخطبوها وتتزوج

الله الله على الزمان

ومتنساوش الحديث الشريف الذي في معناه
قول الرسول عليه الصلاة والسلام
صنفان لم ارهما في النار
رجال يحملون اسياط
وكاسياات عارايات روؤسهن كاسنمة البخت
لا يدخلون الجنة ولا يشمون رائحتها وان رائحتها من مسرة كذا وكذا
وصدق رسول الله وكأنه يعيش معنا ويرى مايحدث

اللهم عافي واستر بنات المسلمين

وان شاء الله يعجبكم الموضوع



والموضوع برعاية
شركة الشوينغوم لبنات اللمة
وصاحب الشركة معاك يالخضراء وهيلدا هه
images

وشركة مينو للطرقات وراها غائب علينا
الشركة بدون شعار هههه
وربي يرجعوا بالسلامة



السلام عليكم


 
آخر تعديل بواسطة المشرف:
تم إعتماد الموضوع , اسف على التأخر في ذلك .
 
السلام عليكم
الحمدلله على اطلاق سراح الموضوع
شكرا اخي المشرف
وفقك الله
 
هذا كلو لغياب الدين ربي يهدينا جميعا و لكل انسان يريد تربية بناته تربية صالحة عليه اختيار زوجة صالحة سوف تقيم اعواجاجة و تصلحه و تربي ابناءه على طاعة الله ربي يهدينا جميعا
 
الحكاية هذي انتشرت بزاف حتى في المناطق البسيطة ولاو البنات كامل يتعاندو .......نضن السبب الرئيسي من الأب لازم يكون حازم أشد الحزم في هذي الامور مع بناتو ومرتو لانو هذا الشرف انتاعو والديوث ما نحكوش عليه.
الام كذلك عندها دور لانها الاقرب لبنتها وتقدر تحدثها وتنصحها اما عن الزواج فهو قدر ومكتوب ليس للأم ولا للبنت ولا للباس يد في جلب الخطاب فحكم الله أقوى من أي حكم....ويبقى التلفاز المسلسلات والاشهارات هي لي راهي دايرة حالة فالمراهقات.
 
السلام عليكم



لانها فضلت ان تتعرى بنتها باش يخطبوها وتتزوج








لانها فضلت ان تتعرى بنتها باش يخطبوها وتتزوج


و تتطلق بعد شهر العسل
 
ربي يهدي الخلق............
 
ربي يهدينا قولو ااااااااااامين
 
هذا كلو لغياب الدين ربي يهدينا جميعا و لكل انسان يريد تربية بناته تربية صالحة عليه اختيار زوجة صالحة سوف تقيم اعواجاجة و تصلحه و تربي ابناءه على طاعة الله ربي يهدينا جميعا
السلام عليكم
نعم غياب الوازع الديني
واي اسرة يغيب عنها ركن الدين والثقافة الدينية اكيد راح تعاني الكثير
خاصة اذا كان الاب والام فارغين الرأس وهمهم سوى الدنيا والمظاهر
اللهم عافينا
اللهم ارزقنا الذرية الصالحة
شكرا اختي صباح
جزاك الله خيرا
 
ارايت
عادت لا حشما لا حيا
ربي يهدي ماخلق
وانشاء الله يرجهو سالمين
هادو الاعضاء
مشكوووووور
 
الكاسيات العاريان في خدمة الدولة بعد رفقاء زياني ولا قبلو
وهوما تحت حماية الدولة قبل والديهم
 
ولينا تنبعو المسيح
سبحان الله
ربي يهدينا
 
ya3ni sa7 tofla hiya lazam tkoun ma9tan3a wech rahi tdir ,
ki ndir haja lazam nkoun ma3tan3a biha mechi wa7ad oblijani idha khoft nkhaf ghir man rabi , donc lazam nkhafou man rabna mechi man nass , mais kayan bnet nafsehom dha3ifa lzam wa7d yansa7om w yguidihom

w rabi yahdina kamal
merci
 
السلام عليكم
هادي قااع خدمـة الاب رب البيت رب الاسرة الحاكم الناهي الآمر
ادا مرتـو تقولو اسكت مكان مادخلك ويخلي بنتو عرضو تخرج للشارع تقول ماشي لابسة لعيون تنهش فيها
هدا خسـارة فيــه كلمة راجل
اما الام ام تاني عندهـا دور لكن ادا كانت معندهاش حتى ثقافة دينية واش تسنى منها
الام مدرسـة اذا اعددتها اعددت شعبا طيب الاعراق
الامومة راهي مسؤليـة كبيرة
ماشي ارواح وتزوج وربـي
الراجل كي يجي يتزوج لازم يديـر في حسابو لازم لمرا تكون مثقفة على الاقل دينيا
ماشي يدي يزيـن ويخليــه هو الي يعمرلو الدار
و تلقى بزاف امهات يفكرو التفكير تاع خلي البنت دير واش حبت باه تتزوج
تلقى امهات يروحو حتى عند الدجالين باه بناتهم يتزوجو
نعاود ونقول هدا كلو راجع لثقافة الدينية نتاع الام

و بارك الله فيــك على الطرح الهادف
 
يا خويا هادي راها من الرخفة تاع الوالد الي نورمالمو هو السيد و رب البيت

نورمالمو كلمتو تزلزل جبال
بصح مكانش
طاحت بيهم ولاو النسا يحكموا
ومعلاباليش كيفاش يخمموا بعض الامهات ربي يهديهم
ياك كنت انت تاني مراهقة و عارفة وش معناها المراهقة
و عارفة حال الشباب في وقت المراهقة
تخلي بنتها تلبس البسة الحجر كي يشوفها يتحرك
خافو ربي فينا
en + تروح هي تشريهالها
والاب ساكت
واللاخ زالي
***************************************************
حبيبي هاك شوف هادا المضووع راني درتو على هادي الظاهرة و قلي وش رايك


السلام عليكم
مي الاخ مهما يعمل يجد امه امامه
ولو يتدخل يجد نفسه في الشارع
الله يهدي
اما الاب حدث ولا حرج
الله الله على الرجال
الله يسترنا ويرزقنا المرأة الصالحة
شكرا اخي
ربي يجازيك ويعافيك
 
فعلا ولينا نشوفو العجب في اللبسة
ياو ولاو يضحكو علينا ويقولونا راكم في العصر الهجري وتقولك يختي قلشي روحك شويا الحياة تعيشيها مرة وحدة
مؤخرا شفت وحدة لابسة من الفوق خمار وظاربة نواظر ومن التحت لابسة جيب ميني مفهمت والو وكي تسقسي لبنات باو يضحكو عليك ويقولك متخلفة ياك هدي لمود
 
الحكاية هذي انتشرت بزاف حتى في المناطق البسيطة ولاو البنات كامل يتعاندو .......نضن السبب الرئيسي من الأب لازم يكون حازم أشد الحزم في هذي الامور مع بناتو ومرتو لانو هذا الشرف انتاعو والديوث ما نحكوش عليه.
الام كذلك عندها دور لانها الاقرب لبنتها وتقدر تحدثها وتنصحها اما عن الزواج فهو قدر ومكتوب ليس للأم ولا للبنت ولا للباس يد في جلب الخطاب فحكم الله أقوى من أي حكم....ويبقى التلفاز المسلسلات والاشهارات هي لي راهي دايرة حالة فالمراهقات.
السلام عليكم
ونعم الرأي
ولكن فات الاوان
مادام الاب يمشي على هذه الطريق فصعب ان نرجعه الى الطريق الصحيح
كذلك حال الزمان الذي نمشي فيه
فحتى الاب او بعض الاباء عفاكم اصبحوا مهوسين بالمعاصي والانشغال بها
من شرب خمر وزنا عفاكم الله
فكيف ان ينشغل بعائلته
يارب اهدي
شكرا اختي سماح
ربي يجازيك

السلام عليكم


[/center]




لانها فضلت ان تتعرى بنتها باش يخطبوها وتتزوج


و تتطلق بعد شهر العسل
السلام عليكم
نحن لا نتمنى لها ذلك
ونسأل الله لها الهداية بعد الزواج وتهتم بأسرتها
ولعلها تعتبر من ما كانت تقوم به وتبني اسرة محترمة ومتدينة
شكرا
اخي بارك الله فيك

ربي يهدي الخلق............
السلام عليكم
امين
يهدي ويعافي
شكرا


ربي يهدينا قولو ااااااااااامين
سلام
امين يارب
شكرا
بارك الله فيك
 
ارايت
عادت لا حشما لا حيا
ربي يهدي ماخلق
وانشاء الله يرجهو سالمين
هادو الاعضاء
مشكوووووور
السلام عليكم
نعم نحن في زمن لا حشمة ولا حياء
ونسال الله الهداية
شكرا على المرور
بارك الله فيك


الكاسيات العاريان في خدمة الدولة بعد رفقاء زياني ولا قبلو


وهوما تحت حماية الدولة قبل والديهم
السلام عليكم
كيف تحت حماية الدولة
بل العكس الدولة لا تهتم بهم اصلا
وليس حرية لهم
بل ان الدولة في شغل اخر
ربي يهدي
شكرا اختي
ربي يجازيك
 
القلب البرمة على فمه تخرج الطفلة لمها
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top