على انفراد

صفحة بيضاء

:: عضو مُتميز ::
إنضم
10 جانفي 2010
المشاركات
723
نقاط التفاعل
84
النقاط
17
على انفراد
فهمتوا المقصود
في المسلسلات نسمعها بزاف هدي كلمة
اتركونا على انفراد من فضلكم
الشخص المقابل من دون ما يسمعها يقول عندي صوالح سمحولي غي باش يخلي الاشخاص براحتهم ....هدي عند الاجانب تلقاها بزاف
**كاين واحد الناس ....ماشي كاع ولكن بعض الناس عنا في بلادنا
كي تقله سمحلي بينقعد مع فلان على انفراد او خليني وحدي يزعف ويفهمها حاجة تانية
يقلك عندهم اسرار
ويقولوا كي مخلوع ...**او مثلا كي يشوفوا واحد يحكي في بورتابل
يتمناو يعرفوا شكون راه يهدر معاه
**الفضووووول راكم عرفتوها
**عند المصريين كي يهدروا ميشوفوش في بعضهم
بصح حنا كون متشوفش فيه يحسبك مراكش تسمع كأنك تسمع من عينيك
...يقلك راني نهدر معاك لا
**عند النسوان بزاف تصرا كي وحدة تنوظ من مكانها كاع يشوفوا فيها حتى المسكينة مشيتها تنساها
لم اقصد احد بكلامي مجرد موضوع
...سلام
 
**عند المصريين كي يهدروا ميشوفوش في بعضهم
واش الافلاام مازالو ماثرين فيكـ هههههه !!! خطــــــاكـ
يالعزيزه هاد لعقليه عند لغاشي قاع ماشي دزيرين بركـ
مي كي يقلهالك بطريقه لبقة مافيها والوو الضربه كي تعود
بــ........هاديك صح زكاره فيه والله مانروحها
ايا صحيتي عل الموضوووع
 
خخخخ فكرتيني بالحلقة تاع الحاج لخضر منين هو حاب يحكي مع وحد السيد ومعاهم واحد ماش حاب يفهم روحو لاصقلهم تم شرلو الحاج لخضر ومافهمش روحو حتى عطاه النشايع
حنا الشعب تاعنا معضمو مايفهمش ل على انفراد هادي
كامل يحبو يقعدو على قلب العبد
خخخخخخ شكرا على الموضوع تحياتي
 
عند النسوان بزاف تصرا كي وحدة تنوظ من مكانها كاع يشوفوا فيها حتى المسكينة مشيتها تنساها

hadi sah y3akdok theci rohak jaya melmerikh looooooooooool
 
صح كينا منها كي تقلو روح يفهمها نقص
 
حنا نبغو اللمة مانعرفوش على انفراد هادي

تحيا حنا
 
عبادنا اذا حس بيك تحوس تهدر و مديرونجي منو يزيد يلصق اما الجزء الثاني من موضوعك كاين الاستماع و كاين الاصغاء كي عود واحد كبير و نحترموه لازم نصغوا ليه و نشوفو فيه كي يعود يهدر سيرتو لكبار تاعنا ما يحبش واحد يعطيلوا بظهروا كي يعود يهدر معاه اما انتر نو لصحاب والفنا بعقلية تاع واحد يهدر معاك و راك تخدم في حاجة ثانية في نفس الوقت ما نتقلقوش منها
شكرا على الموضوع
 
عبادنا اذا حس بيك تحوس تهدر و مديرونجي منو يزيد يلصق اما الجزء الثاني من موضوعك كاين الاستماع و كاين الاصغاء كي عود واحد كبير و نحترموه لازم نصغوا ليه و نشوفو فيه كي يعود يهدر سيرتو لكبار تاعنا ما يحبش واحد يعطيلوا بظهروا كي يعود يهدر معاه اما انتر نو لصحاب والفنا بعقلية تاع واحد يهدر معاك و راك تخدم في حاجة ثانية في نفس الوقت ما نتقلقوش منها

شكرا على الموضوع​
كلامك صحيح وخصوصا عن الاصغاء
كاين بعض الحالات تطلب تشوف فلشخص وهو يحكي ومرات لأ
مثلا انت مشغول وراك تحكي في نفس الوقت لا يجب ان يلومك الشخص المقابل
ولكن اذا انت قاعد ومرتاح وعم تحكو وخصوصا اذا كان اكبر لازم تشوف فيه ماشي تبقا
تخبش في راسك ولا تتفرج وتقله راني نسمع هدي واحد ما يقبله سواء كان صغير او كبير ومشكور على المشاركة
 
السلام عليكم
هذا راجع لي كثرة
المنشاريات عندنا
 
والله صح في مجتمعنا بالخصوص كاين الفضول هدا وبزاااف....يحبو يعرفو كلش ويحبو يفهمو كلش....ولكان حبيت تدير لروحك خصوصية ....خلاص...يرجعوك مشي مليح....ويخرجو فيك لعجب......وشحاااال يفهمو النقص......مجتمع صعيب صح......مغسي على الموضوع
 
السلام عليكم
هذا راجع لي كثرة المنشاريات عندنا
مشكور على المشاركة
والله صح في مجتمعنا بالخصوص كاين الفضول هدا وبزاااف....يحبو يعرفو كلش ويحبو يفهمو كلش....ولكان حبيت تدير لروحك خصوصية ....خلاص...يرجعوك مشي مليح....ويخرجو فيك لعجب......وشحاااال يفهمو النقص......مجتمع صعيب صح......مغسي على الموضوع
هههههههه خصوصية يقلك متكبر وجيعان وبخيل ومخلوع كلشي يهدروه فيه صاحب الخصوصية
علاش ناس ولاو كي يزوجوا كاع ميخبروش حتى يجو يعرضوا
باسكو هداك الفضول ماشي غي فضول وخلاص ....يجيبلك المشاكل
هو كي يبغي يعرف صوالحك ماشي باطل باغي يفسد برك
مشكورة على المشاركة
 
آخر تعديل:
حنا شعبنا فضولي اما تهدر قدامي ولا ماتهدرش
 
واش تحبوا شعب فضولي
واحد ما يفهم روحو
 
هي ثاني كي تجبد واحد بين الجماعة و تقول عدنا هدرة ماهيش عفسة !!

أنا واحد تنارفيني يكون واحد مريح معانا و مبعد يجبدو لوخر و يقولنا دقيقة برك

يعني كلي حنا ماناش كاينين , قادر يتسنى أي يأجل الهدرة هاذيك غير يولي وحدو يقولهالو

سي نو راني معاك الشعب الجزائري قرعاج .
 
هي ثاني كي تجبد واحد بين الجماعة و تقول عدنا هدرة ماهيش عفسة !!

أنا واحد تنارفيني يكون واحد مريح معانا و مبعد يجبدو لوخر و يقولنا دقيقة برك

يعني كلي حنا ماناش كاينين , قادر يتسنى أي يأجل الهدرة هاذيك غير يولي وحدو يقولهالو

سي نو راني معاك الشعب الجزائري قرعاج .
انا نشوفها عادي ممكن عنده هدرا خاصة ولا يمكن تتأجل هدا حقو
كل واحد ورأييه مشكور على المشاركة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top