حكايات بنات الطبعة الثانية - العــدد الأول-

إنضم
6 مارس 2009
المشاركات
4,445
الإعجابات
7,902
النقاط
191
#1


أهلا لبنات الزينات لحلوات

معاكم تحلا قعدتنا

جيناكم اليوم مع عددنا الاول لهذا العام

علبالي كامل تستناو فينــ

سمحولنـــ ولا طولنا عليكم





خيّرنا في هذآ العدد نحكو
على طآعة الوالدينـْ
ربْنا يخلّيهملكم ولا يحرمكمـ منْهمـ
انـ شآء الله يآربــــــ

ضيفتينـ خيّرناهم يشاركونآ ليــوم
ويحكولنا على مواقفـ سمعــوها
و عـــاشوها ويعطونا رأيهم


نرحبـــو بيهـــم



قال mlina4algeria:
أهلا فرح سعداء كونك قبلتي الدعوة
وشرفتينا اليوم لموضوعنا
إن شاء الله تكوني بتمام الصحة و العافية
رح نديرو قعدة خاصة على الوالدين ركي واجدة تشاركينا برايك ؟




وعليكم السلام ورحمة الله وبركاته
وانا اسعد لاني ضيفة عندكم

صحتي بخير والحمد لله على كل حال بوركتي
يشرفني ويسعدني دعوتكم لي موضوع بالغ الاهمية وفي نفس الوقت رائع
رائع ومهم رائع ومهم رائع ومهم ......الى ما نهاية
رح نديرو قعدة خاصة على الوالدين ركي واجدة تشاركينا برايك ؟
اكيد وبكل سرور سعيدة جدا وزدادت سعادتي اكثر بالموضوع لانه
يتكلم عن الوالدين
شكرا فرح بوركتي غاليتي


أميرة كيفك يازينة أهلا بيك انت ثانيك
لموضوع ديالنا خيرناك ضيفة معانا
وفرحنا كي قبلتي دعوتنا
أهلا بيك


وفيك اهلا بارك الله فيك فلة ختي على الدعوة
وان شاء الله نكونو فالمستوى ونفيد اللماويات


شكرا أميرة بارك الله فيك يازينة







أعزائي اللمويـــات

نبدى نحكيلكم لحكاية الي صرات معايا و نرجعو نحكيو بعدها

هذي وحدة صحبتي تحكي على اختها الكبرى

هما في 3 بنات في الدار وحدة في الجامعة تجي غير في الويكاند

و لكبيرة كملت قرايتها في الجامعة و عاطلة عن العمل

راحت تدير فورماسيو تنفع بيها روحها

والي بقات رهي صغيرة تقرا في السويام

معروف ان امهم تخدم عليهم المسكينة نهار كامل برا و تكمل شغل الدار تالمو مكانش الي يساعدها تظل ديما تشكيلي على ختها الي متحكيش مع أمها

ديما تتقابض معاها و تسبها و تقوللها انت الام وان تالي تقومي بينا

يعني هي كي تدخل لدار تلقا كلش واجد

هي أمها الي تغسللهم حوايجهم تطيبلهم تخدم كلش برا و في الدار

قالتلك تظل مع الميكرو تكونيكتي و تلقا الاكل واجد ايماجينيو درك معايا

و كي توجدلها امها لعشا وجهها صحيح تروح تاكل

و مش هذا برك حتى تقوللها منغسلش لماعن غير نهار بالنهار

يعني تدير الدالة مع اختها الصغيرة حتى هذيك و طمعت فيها

قالتلك من كثر لعياط ولات امي تسكتلها و تديرلها رايها غير باه ميسمعوش الناس صوتها و هذي صحبتي كي تجي تحكيلي تبكي تقولي منقدرش ندير والو

و نخمم نخرج من الجامعة باه نكون مع أمي كل ما تروح لدار تبقى امها تبكي وتشكيلها و رجعت وين تقوللها ليماها هكي انت كذا و كذا ؟؟؟

الله يستر على بنات هذا الوقت

برك منقدرش نحكيلكم كلش نزيدلكم هذي برك رجعت حتى تقوللها ليماها

هاني نوكل عليك ربي ؟؟

يا الله ياكريم




نوجه هدرتي ليكم ياحباباتي اللمويات
الوالدينـ هوما كلّش في هاذي الدنيآ هوما اللّي ربّونا وعلمونا

وهذا يكفي بالنسبة لينا
بلاما نذكرو الي داروه كامل في حياتهم علينا
واآشـْ نجازيوْهم مايكفيشـ

وشفتو هذا جزء صغير ملي راه صاري للولدين في وقتنا هذا

فرح ليـــك الكلمة تفضلي واش رايك ؟؟

قال فرح بسكرية:
انا نشوف ظاهرة عصيان الوالدين او شتمهم ظاهرة متواجدة بكثرة

إيه يا فرح أختي رهي متواجدة و بزاف كما قلتي و رجعنا نخافو حتى نسمعوهم
و ما ادراك نشوفوهم
تفضلي كملي هدرتك ختيتي


أنا سمعت بزاف وشفت بزاف ابناء يشتموا يماهم ولا باباهم صراحة نستغرب ; سبحان الله يجود اناس يتمناو تكون عندهم ام او اب يتامة مساكن معندهم لي حن عليهم ولا لي يوقف معاهم ,وناس تلقاهم الحمد لله عندهم نعمة كبيرة لي هي الاب والام ومش مدايريلهم اهمية

ايه يافرح هاكي قلتيها و في هذي الدنيا نشوفو لعجب
المحروم يبقى محروم و الي عندو هذي النعمة قليل برك الي يعرف قيمتها
و كما يقولو غير كي تفقديها تحسي بقيمتها

نحكي على روحي انا عن نفسي عمري لا نتجرا ونرفع صوتي على والديا ولا نشتمهم استغفر الله ولا نعصيهم انا هما عندي بالدنية ومافيها
انا كنحكي معهم منرفعش حتى وجهي ونخزر فيهم كفاش نتجرا نعصيهم مستحيل


الله يكثر من مثالك
اسمعو يالبنات هذي لهدرة من فروحتنا ره قلال هذو لعباد درك
انا عن نفسي نزعف والديا صح امور بسيطة لاكن نرجع نندم عليهم و نقول علاه متحكمتش في روحي ربي يقدرنا نرجعولهم خيرهم علينا و لي درناه قليل


احنا لبنات او الاخوات عامة سعات نداوسوا مكانش وحدة متتلاسقش مع ختها هه هو مهوش ضرب لاسمح الله وانما ارتفاع الاصوات احيانا تكون على ستيلوا هه لبسة هه ..الخ


عادي يافرح أختي هذي الامور تصرا في كل دار ايه حنى كي يبدا لعياط
وحدة فينا تجري تسكر الطويقة :d سينو يسمعولنا لجيران
و تبدى أمي تسكت فينا و تقول بهدلتو بيا هذا نشوفو امر عادي حنى الجزائريين عندنا طبيعة وحدة :p
ايه كملي


كانت سعات ماما تزعف من هذا الشيء وانا ومنقدرش على زعاف ميمتي والله لعظيم منرتاح حتان ترضى عليا ;وانا نتمنى يارب يارب يخليهملي وان شاء الله تكون نهايتي قبل ماندير شيء يهينهم ولا يمسهم بشيء مستحيل يصرا هك باذن الله


أن شاء الله يارب و ربي يطول في عمرهم

ايا كدخلنا في هذ الموضوع راح نحكى على واحد وليد جارنا هو ولد مشاغب بزاف لامداير احترام لوالديه ولا للناس كان يضرب يماه مسكينة وساعات نسمعوا صراخها في دار تغيضني ربي يهديه تعبها
بزاف وهانها مخلى مايدير


هاي لحكايات الي لحمنا يتشوك عليهم و كما قلت من قبل يافرح الامور لصغيرة لي يفوتو علينا في الدار
تكون عادية و لوالدين حتى ولا تقلقو شوي نورمال مي هذي تسبب بمرض مش بقلقة برك
هذي أمو الي جابتو لدنيا يديرلها هك واش بقا يعني الله يهدينا وخلاص
قوليلنا على يماه المسكينة كيفاه كانت تدير ؟؟ كملي كملي

ايه يماه مسكينة هي ساعفاتوا وحاولت معاه هو كبر وعرف صلاحوا بلاه ربي بمرض ,شفتوا ربي
سبحانوا المهم هو كمرض شكون لي وقف معاه اكيد يماه وقفت معاه سهرت معاه كانت تعمل كل شيء تغسلوا تنظفوا ....الخ


هذو هما الوالدين و خاصة الأم مهما تسمع و مهما تعيش تبقى ديما صابرة و أي حاجة تجي في كبدتها تلقايها كي الطير هنا و هنا يا سبحان الله فرح واش كان مريض ؟


هو صح مرض بصح كان يحكي لاباس بيه وشيء لي ستغربوه ناس انوا كمرض مكانش يحكي مع انوا لاباس بيه كان سعات لجيران يزروه يبقى غير يبكي مع مرور الوقت شفاه ربي سبحانوا شوفوا قدرت الخالق مع انوا لي يشوفوا يقول معادش يعيش وكل يوم يقولوا هذا اخر يوم يعيش فيه.


كان ميهدرش ؟ الي يسمع حكايتك يوقول راه ربي عاقبو و خلاه عبرة للأخريين
الله يسترنا في هذا الزمــان و الله رنـــا طول مقصرن في جيهتهم
شفتي رجع يستنى مكتاه يموت :s


لقصة مؤثرة فيا

راهي اثرت فينا حنى ثانيــك رني نتخايل في يماه المسكينة أنا هذو لحوايج يقطعولي قلبي


المهم هو الحمد لله شفي تماما رجع ندم على واه كان يدير ليماه كان لاخدمة لاوالوا غير ضايع هكاك هو كرجعتلوا صحتوا دار عرضة يعني عزم ناس للعشاء وناس ستغربت مع انوا لكان يحكي معاهم ولا مقدرهم


ايه و نداما تجي ديما في لافـــ
مليح كي ستعرف بغلطتو قبل مايجي نهار وين يكون وحداني
معنتها عزم الناس وهو ميحكيش معاهم بلاك كان ناوي يصلح غلطتو ؟؟
كملي


كي عرضهم كامل راحوا حتى ابي كان هناك وشيء لي داروا في هذاك اليوم واحد مقدر ينساه لي هو حرق يديه لي ضرب والدتوا بيهم لي هانها بيهم هدا كل باه تسامحوا ميمتوا مع انها مسامحاتوا مسكينة وعمرها لاشكاة لواحد كانت دايما تطلب هداية لوليدها وكان ربي سبحانوا هو لي مقويها.


يا الله مستنيتش هذي النهاية
لحمي تشوك هذا عرف أنو غلط غلطة كبيرة عليها كانت ردة الفعل ديالو هك
فعلا هي عبرة للأخريين

انا نشوفها قصة مؤثرة ومقدرتش ننساها مع اني كنت صغيرة هذاك الوقت.


معلبالكش انو هذو القصص عمرها مايقدر واحد فينا ينساها عليها قلتلك هي عبرة للأخريين
لانو قلال الي يدير كما هو وقلال الي يستعرفو بغلطتهم


وانا شفت بزاف بنات ثاني يعصوا والديهم نقللهم راكم غالطين ويجي نهار وتتفكروا واش درتوا وخلي على غضب ربي وربي يهدينا جميع


عندك الحق ياختي فرح
غضب ربي راه صعيب
ولازم على كل واحد فينا يخمم قبل مايتجرأ يرفع صوتو على أمو ولا باباه
يعطيك الصحة يافرح على هذي لحكاية و كلامك الزين
خليتينا يوم نعرفو نوع من لولاد لي يستعرفو بغلطتهم ويعاقبو روحتيهم على جال والديهم
هذا عرف قيمة أمو صح و عرف أنو غلط غلطة كبيرة
فرح كلمة أخيرة توجهيها للي يقراو كلامك هذا

حبيت نوجه رسالة لناس لي غالطة في حق والديهم نقللهم اصحوا الوالدين واحد ما يجي في بلاصتهم نقللهم تفكروا برك الايه هذي
بسم الله الرحمـن الرحيـم
﴿وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا﴾


هذي توصل لي كنت حابة نوصلوا صدقوني هما يصبروا عليكم وبلاك حتى ينساوا ويسامحوك بصح يبقى جرح يبقى
ان شاء الله ربي يحفظلي ميمتي وبابا ويبارك فيهم وفي عمرهم وان شاء الله ندي دعوة لخير ليا وليكم جميع
ونقللكم تهلاو في والديكم وكل واحد يجتهد فينا في بر والديه ولواحد ميعرف شحال بقالنا ولا بقالهم من العمر
وفي الاخير البر ثم البر حنا منعرفوش وقتاه نفقدوهم

أللهم اعنا على طاعتهما والبر باحسانهما اللهم امين


أمين يارب العالمين
يعطيك الصحة يافرح
كلامك زين و معناه كبير
القعدة معاك كثر من حلوة
الله يخليك لوالديك و ربي يمدلك ماتتمناي




نكملو قعدنــــ
مع أميراتنا لحلوات
و نرجع ليك أميرة تفضلي ختيتي
راه ليــك الخط



قال ÀmìR@RøRø:

بارك الله فيك اختي فلة وفطوم على مجهوداتكم
لا ريب أن بر الوالدين من أهم الفرائض ، ومن أعظم الواجبات ، والله - سبحانه وتعالى- ذكر ذلك في مواضع كثيرة من كتابه العظيم ، مثل قوله سبحانه
الأية الي سبق وقالتها أختي فرح



وفيك بركة أميرة
صح ربي سبحانو هدر على الوالدين و بين لينا انو مكانتهم بزااف كبيرة

طاعة الوالدين واجبة على كل فرد صغيرا كان ام كبيرا ولكن مع الاسف نرى عكس ذلك تماما
الوالدان، اللذان هما سبب وجود الإنسان، ولهما عليه غاية الإحسان..
الوالد بالإنفاق.. والوالدة بالولادة والإشفاق..
وأنا أقف في حيرة ..
مالي أرى في مجتمعاتنا الغفلة عن هذا الموضوع والإستهتار به..


أيـــــــــــه يا أختي أميرة
رح تبقاي تستغربي
شفتي واش حكات فرح أنا حتى شوكاتني
وهذا قليل من حكايات الي رهم يصراو
في كل جيهة من بلادنا
كملي ياختي كملي


أن أعظم صحبة للإنسان هي صحبة الوالدين ، وهى صحبة يرضي بها الإنسان ربه ويرجو بها حسن الثواب في الآخرة
ربي يهدينا جميع لما يحبه ويرضاه

اللهم أمين
وي عندك حق هم صح أعظم صحبة للإنسان
قوليلنا أميرة أنت أكيد فاتو عليك قصص
خلينا نستفادو منها أنت ثانيك و حكيلنا واش عندك

كاين قصص كثيرة ومتعددة عن هاد الظاهرة لي راها متفشية في مجتمعنا
وهادي قصة على وحدة نعرفها كانت جارتنا.

كانت هدي جارتنا مسكينة كبيرة فالسن وعندها زوج بنات وزوجها ميت تعبت على هاد لبنات وكبرتهم بصح كامل الشي لي دارته ما نفعش فيهم ولاو كامل ما يستعرفوش بيها وخرجولها (مسوفجات)



رني بديت نتخايل لحكاية
خاصة كي تكوت الوالدة بلا والي
و ترجع هي المسؤولة الوحيدة على دارها هنا تكون مسؤوليتها ضعف

مداك مكانش الراجل لي يزير وهي مسكينة كانت تخدم عليهم بسكو هوما على اساس كانو يقراو كانت تخدم فالمؤسسات منظفة غير باش توفرلهم لقمة العيش وهوما يزيدو يتقلشو عليها ومسكينة على كبرها تخرج تسوق فالبرد وفالشتا وهوما قاعدين فالدار وكل وحدة شادة تيليفون وتحكي

مسكينة و أكيد هي همها الوحيد توصل لقمة العيش لدار
و تستر بناتها خاصة كي جاو بنات
يا حليلها هذو لبنات يقراو ؟؟؟

بزوج حبسو قرايتهم وكل يوم برا يدورو ربي يعلم وين كانو يمشو
مرة قاتلنا تقلقت عليهم وانا خايفة وسهرانة حتى 2 تاع ليل

أو 2 تاع اليل :-o
مي هذو قراااااف ؟؟؟
مسكينة أمهم هذا هو جزائها

gارات طونوبيل عند الباب حطتهم ومشات ومين سقسيتهم طارو فيا وحبو ياكلوني



إنت ستنيتي يحكيولك زعمـــا
هم أكيد واضحة وضوح الشمس وين كانو
تبقى أمهم هي الضحية الوحيدة في هذي لحكاية متستاهلش والله

هي مسكينة مداك كبيرة ماتقدرش تدخل معاهم في نقاش تسكت وتخليهم وتقولهم نوكل عليكم ربي
مسكينة كانت ملي تجي وهي تحكي تعاود تقولنا سمحولي مصبتش لمن نفرغ قلبي :(

ايه كان مش نتوما الي كانت تفرغ ليكم ممكن تهبل
ولا كاشما يصرالها

جا نهار لي ماتت مسكينة ربي يرحمها ومشاو ماما وخالاتي يعزيو قالونا تحسب ماهم كامل ماشي ميتة يتمسخرو ويضحكو نوووورمال :down:


الله أكبر
الله يرحمها
و لهذي الدرجة علاه يعني معندهم ولا ذرة أخلاق و لاأحاسيس
ياسبحان الله من بعد واش صرا معاهم
؟

هادوك لبنات داهم خالهم يسكنهم عنده ربي يعلم واش راه صاري فيهم دروك

ولا كان أمهم و محسوش بيها
و قتلوها وهي عايشة و كملو عليها حتى راحت الروح ديالها
كيفاه تحبي رح يكونو أكيد رهم يخلصو ربي يهدي ماخلق
يعطيك الصحة يا اميرة فعلا حكاية يقشعر لها الابدان
وصلنا نختمو عدد اليوم
نصيحتك لبناتنا ياأميرة

نصيحة لكل بنت
الدنيا فانيا ويلا بغيتي الدنيا تعطيك قيمة تهلاي بزاف فالميمة باش تنجحي في حياتك وخير الصحبة صحبة الوالدين وباش تنالي دعوة الخير
وربي يجازيك على على كلش درتيه معاهم


يعطيك الصحة ياأميرة
على النصيحة لكبيرة
الولدين هم الساس
و لو خلاونا نكونو كي الدار بلا حيوط




يعطيكم الصحة يالبنات
قعدتكم سكر و كلامكم عسل
قلال لي يخمو كيفاكم
وقلال لي يعرفو قيمة الولدين
ياريت نتعلمو من هذي الدنيا
يريت نتعلمو من اخطاء الاخير
باه نعوضو على ولدينا في دنيتنا قبل مايروحو علينا
ويرجع الندم يدور بينا و نقولو ياريت مزالهم معانا ولو يوم
نفرحوهم و نطلبو منهم السمح و الرضا علينا

هنا كملنا هدرتنا يا حباباتي
نعتذر من غياب اختي فاطمة
كنا نزيدو نستفادو منها هي ثانيك

كلمتي لحباباتي

والديك ثم والديك
مهما سمعتي و مهما قالو ومهما دارو
اعرفي انو ربي هو الي يجازي و هو الي يعاقب
انتي مهمتك هي الطاعة و تحوسي تربحي رضاهم الدنيا قبل من الاخرة


هنا نكون كملت قعدتي معاكم
ستناونا في العدد الثاني
ان شاء الله نكونو قدرنا نوصلولكم المغزى
نستناو مشاركتكم معانا
متبخلوش علينا بكلامكم الزين
و السلام عليكم و رحمة الله و بركاته


الموضوع من إعدآد وتقديم :
FATIMA 19 و mlina4algeria
تصميم : ¬Đỉaмơŋđ ✿
برعـــايــة :مجموعة عالم المرأة



 
آخر تعديل:

ام@الاء

:: عضو مَلكِي ::
إنضم
23 أوت 2013
المشاركات
12,857
الإعجابات
18,679
النقاط
351
#2
رد: حكايات بنات الطبعة الثانية - العــدد الأول-

يعطيك الصحة اختي بغيت نضيف شيء صغير
اللهم ياذا الجلال والإكرام ياحي يا قيوم أدعوك

باسمك الأعظم الذي دعيت به أجبت ،أن
تبسط على والديَّ من بركاتك ورحمتك ورزقك
اللهم ألبسهما ثوب العافية حتى يهنأ بالمعيشة
واختم لهما بالمغفرة حتى لاتضرهما الذنوب
اللهم اكفيهما كل هول دون الجنة حتى تبلغهما
إياها ... برحمتك يا أرحم الراحمين
اللهم لاتجعل لهما ذنبا إلا غفرته، ولا هما إلا
فرجته، ولا حاجة من حوائج الدنيا هي لك رضا
ولهما فيها صلاح إلا قضيتها ، اللهم ولا تجعل
لهما حاجة عند أحد غيرك، اللهم أقر
أعينهما بما يتمنيانه لي في الدنيا ، اللهم
اجعل أوقاتهما بذكرك معمورة
اللهم أسعدهما بتقواك
اللهم اجعلهما في ضمانك وأمانك وإحسانك
اللهم ارزقهما عيشا قارا، ورزقا دارا ،
وعملا بارا
اللهم ارزقهما الجنة ومايقربهما إليها من
قول أو عمل،وباعد بينهما وبين النار وبين
مايقربهما إليها من قول أو عمل
اللهم اجعلهما من الذاكرين لك ،
والشاكرين لك ، والطائعين لك ،
والمنيبين لك
اللهم اجعل أوسع رزقهما عند كبر
سنهما وانقطاع عمرهما
اللهم اغفرلهما جميع مامضى من
ذنوبهما، واعصمهما فيما بقي من
عمرهما، وارزقهما عملا زاكيا
ترضى به عنهما
اللهم تقبل توبتهما ، وأجب دعوتهما
اللهم إني أعوذ بك أن تردهما إلى أرذل العمر
اللهم اختم بالحسنات أعمالهما
اللهم أعني على برهما حتى يرضيا عني فترضى
اللهم اعني على الإحسان إليهما في كبرهما ، اللهم
لا تتوافهما إلاوهما راضيان عني تمام الرضا
اللهم أعني على خدمتهما كما يبغي لهما علينا
اللهم اجعلنا بارين طائعين لهما ، اللهم ارزقني
رضاهما ، اللهم إني أعوذ بك من عقوقهما لي ولكم
اللهم امين
 
إنضم
20 مارس 2010
المشاركات
8,880
الإعجابات
10,462
النقاط
351
#3
رد: حكايات بنات الطبعة الثانية - العــدد الأول-

باركـ الله فيكم حقا موضوع الحلقة كان ف المستوى والعقوق الآن اصبح موضة شـآئعة قليلا وقليلا فقط وين ترى ابنـآء اليوم بـآرين بأوليائهم
ربي يستر بركـ اسعدتني محاوراتكم واحسستـ بمدى وعي افكاركم ان شـآء الله الكل يكون يفكر كيفكم بنـآتـ
كـُنـآ قديما نسمع ع عقوق الابن والآن تطور الامر لعقوق البنـآتـ
اللهم ستركـ وعفوكـ
( موضوع رآآآآآآآآآق تستحقون الثنـآء عليه )
سلامي
 
إنضم
19 أكتوبر 2013
المشاركات
3,281
الإعجابات
7,702
النقاط
191
محل الإقامة
Jijel
#4
رد: حكايات بنات الطبعة الثانية - العــدد الأول-



وعَليْكمْ السَلآم ورَحمَة اللهِ وبرَكآتهْ

يعْطيكمْ الصحةْ علىَ الموْضوع التحفةْ
صَرآحةً حكآياتْ يقْشعرُ لهآ البَدنْ،ربِي يعآفينآ أنا نقُول :
[ تعآمُلك معَ والديْك كَ كتَآبةِ قصَة وتعآملْ أبنآئك معكَ كقرآئتهَآ علَيكْ ]
تأملُوهآ جيدًا !
الدُنيآ دوآرةْ واللِي تديروُا اليومْ تحصدوا غُدوةْ ..
رَبي يهْدي كل عاقْ وأسألُ الله عز وجلْ أنْ يجزيَ والدِينآ عنآ خيرَ الجزآء وجعلنآ اللهُ وإيآكمْ من البآرينَ بهمْ

~
 

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
44,775
الإعجابات
63,104
النقاط
821
محل الإقامة
الشرق-الوسط
الجنس
أنثى
#5
رد: حكايات بنات الطبعة الثانية - العــدد الأول-

وعليكم السلام ورحمة الله وبركاته
بسيف لابدات الحلقة اللولة :d
يعطيك الصحة فلة وفرح وأميرة
عجبتني النقاشات تاعكم
وكل وحدة حكات حكاية فيها عبرة لمن يُعتبر
ربي يحفظلنا والدينا ويرحم الأموات منهم ياربّ
لي غضب والديه وبكاو وتقاسو مايشوف خير في دنيتو قبل آخرتو مالا لازم العبد يريقل روحو قبل مايغلط غلطة يندم عليها طول عمرو
تفضلو تفكرو معايا هاد الانشودة
[YTBVIDEO]http://www.youtube.com/watch?v=-AvwMjHJV0I[/YTBVIDEO]​
لي يحب ولادو يبروه خطرة خلاف يعجل هو ببر والديه
يربح دنيا وآخرة
ان شاء الله يزيدو لبنات يتناقشو أكثر في الموضوع كيما راه مسمي حكايات بنات
وشكرا اختي دايمنت على التصاميم الحلوة
 
إنضم
6 مارس 2009
المشاركات
4,445
الإعجابات
7,902
النقاط
191
#6
رد: حكايات بنات الطبعة الثانية - العــدد الأول-

يعطيك الصحة اختي بغيت نضيف شيء صغير
اللهم ياذا الجلال والإكرام ياحي يا قيوم أدعوك

باسمك الأعظم الذي دعيت به أجبت ،أن
تبسط على والديَّ من بركاتك ورحمتك ورزقك
اللهم ألبسهما ثوب العافية حتى يهنأ بالمعيشة
واختم لهما بالمغفرة حتى لاتضرهما الذنوب
اللهم اكفيهما كل هول دون الجنة حتى تبلغهما
إياها ... برحمتك يا أرحم الراحمين
اللهم لاتجعل لهما ذنبا إلا غفرته، ولا هما إلا
فرجته، ولا حاجة من حوائج الدنيا هي لك رضا
ولهما فيها صلاح إلا قضيتها ، اللهم ولا تجعل
لهما حاجة عند أحد غيرك، اللهم أقر
أعينهما بما يتمنيانه لي في الدنيا ، اللهم
اجعل أوقاتهما بذكرك معمورة
اللهم أسعدهما بتقواك
اللهم اجعلهما في ضمانك وأمانك وإحسانك
اللهم ارزقهما عيشا قارا، ورزقا دارا ،
وعملا بارا
اللهم ارزقهما الجنة ومايقربهما إليها من
قول أو عمل،وباعد بينهما وبين النار وبين
مايقربهما إليها من قول أو عمل
اللهم اجعلهما من الذاكرين لك ،
والشاكرين لك ، والطائعين لك ،
والمنيبين لك
اللهم اجعل أوسع رزقهما عند كبر
سنهما وانقطاع عمرهما
اللهم اغفرلهما جميع مامضى من
ذنوبهما، واعصمهما فيما بقي من
عمرهما، وارزقهما عملا زاكيا
ترضى به عنهما
اللهم تقبل توبتهما ، وأجب دعوتهما
اللهم إني أعوذ بك أن تردهما إلى أرذل العمر
اللهم اختم بالحسنات أعمالهما
اللهم أعني على برهما حتى يرضيا عني فترضى
اللهم اعني على الإحسان إليهما في كبرهما ، اللهم
لا تتوافهما إلاوهما راضيان عني تمام الرضا
اللهم أعني على خدمتهما كما يبغي لهما علينا
اللهم اجعلنا بارين طائعين لهما ، اللهم ارزقني
رضاهما ، اللهم إني أعوذ بك من عقوقهما لي ولكم
اللهم امين

أمين يارب العالمين

بارك الله اختي فرح
و جزاكي الله خيرا
سعيدة كونك كنتي ضيفتنا فلقد استفدنا فعلا من اخلاقك الطيبة
دمتي بخير
 
إنضم
6 مارس 2009
المشاركات
4,445
الإعجابات
7,902
النقاط
191
#7
رد: حكايات بنات الطبعة الثانية - العــدد الأول-

باركـ الله فيكم حقا موضوع الحلقة كان ف المستوى والعقوق الآن اصبح موضة شـآئعة قليلا وقليلا فقط وين ترى ابنـآء اليوم بـآرين بأوليائهم
ربي يستر بركـ اسعدتني محاوراتكم واحسستـ بمدى وعي افكاركم ان شـآء الله الكل يكون يفكر كيفكم بنـآتـ
كـُنـآ قديما نسمع ع عقوق الابن والآن تطور الامر لعقوق البنـآتـ
اللهم ستركـ وعفوكـ
( موضوع رآآآآآآآآآق تستحقون الثنـآء عليه )
سلامي
اهلا نونا ديااز ;)

هذا الخطر الكبير عقوق الابنات
هما الي كانو ميقدروش يرفدو عينيهم على اهلهم ولاو يخرجو و يدخلو على 2 تاع اليل و يزيدو يقتلو امهم وهي عايشة
يا لله ربي يستر ملي راه جاي برك

 
إنضم
6 مارس 2009
المشاركات
4,445
الإعجابات
7,902
النقاط
191
#8
رد: حكايات بنات الطبعة الثانية - العــدد الأول-



وعَليْكمْ السَلآم ورَحمَة اللهِ وبرَكآتهْ

يعْطيكمْ الصحةْ علىَ الموْضوع التحفةْ
صَرآحةً حكآياتْ يقْشعرُ لهآ البَدنْ،ربِي يعآفينآ أنا نقُول :
[ تعآمُلك معَ والديْك كَ كتَآبةِ قصَة وتعآملْ أبنآئك معكَ كقرآئتهَآ علَيكْ ]
تأملُوهآ جيدًا !
الدُنيآ دوآرةْ واللِي تديروُا اليومْ تحصدوا غُدوةْ ..
رَبي يهْدي كل عاقْ وأسألُ الله عز وجلْ أنْ يجزيَ والدِينآ عنآ خيرَ الجزآء وجعلنآ اللهُ وإيآكمْ من البآرينَ بهمْ

~

اللهم أمين اجمعين
بارك الله فيك اختي
اعجبتني المقولة الي حطيتيهالنا
و صح اي حاجة وصفنا بيها اهلنا قليل
لاكن الى متى هذي العقلية الجزائرية
اين نحن من الاسلام ؟ علاه رجع بينا الحال لهذي الكوارث ؟
يا الله يا ستااار ربي يقدرنا على فعل الخير ليهم ولو القليل
سعيدة بتواجدك ختيتي

 
إنضم
6 مارس 2009
المشاركات
4,445
الإعجابات
7,902
النقاط
191
#9
رد: حكايات بنات الطبعة الثانية - العــدد الأول-

وعليكم السلام ورحمة الله وبركاته
بسيف لابدات الحلقة اللولة :d
ركي تشوفي واخيرا طحطت :p
يعطيك الصحة فلة وفرح وأميرة
عجبتني النقاشات تاعكم
وكل وحدة حكات حكاية فيها عبرة لمن يُعتبر
ربي يحفظلنا والدينا ويرحم الأموات منهم ياربّ
لي غضب والديه وبكاو وتقاسو مايشوف خير في دنيتو قبل آخرتو مالا لازم العبد يريقل روحو قبل مايغلط غلطة يندم عليها طول عمرو
تفضلو تفكرو معايا هاد الانشودة
[YTBVIDEO]http://www.youtube.com/watch?v=-AvwMjHJV0I[/YTBVIDEO]​
لي يحب ولادو يبروه خطرة خلاف يعجل هو ببر والديه
يربح دنيا وآخرة
ان شاء الله يزيدو لبنات يتناقشو أكثر في الموضوع كيما راه مسمي حكايات بنات
وشكرا اختي دايمنت على التصاميم الحلوة

علبالك ياساندي كنت رح نحط هذا الفيديو من بعد بطلت تقولي حسيتي بيا
اه يا لوالدين حبيتي الصح رنا اكل مقصرين في حقهم
صح مناش نديرو حوايج يطلعو السكر:d مي مناش نديرو ثانيك حوايج يبكيوهم من الرضا ديالهم لينا
هم يستاهلو قبل ميرقدو كل ليلة يقولو يا الله على النعمة الي مديتلي
مي حنى مناش نديرو حاجة يستاهلوها و الله يقدرنا يارب نصلحو حوالنا و نرجعولهم ولو حاجة بسيطة ملي مدولنا في حياتهم كاملة
شكرا للاضافة ديالك و نستناو بناتنا يجو هم ثانيك يشاركونا
 

يعقوب 1967

:: عضو مُشارك ::
إنضم
12 ماي 2013
المشاركات
461
الإعجابات
481
النقاط
13
#10
رد: حكايات بنات الطبعة الثانية - العــدد الأول-

صباح الخير موضوع فى القمة جوزيتم خيرا على انتقائه ويا ريت تحكى كل وحدة على مواقف صارتلهامع والديها وكيفاش كان رد فعل الوالدين وتصرفاتها هكدا باش كل وحدة تدى العبرة من اختها اى موقف سىء او جميل المهم الطريقة التى واجهت بها دلك الموقف وشكرا مرة اخرى
 

يعقوب 1967

:: عضو مُشارك ::
إنضم
12 ماي 2013
المشاركات
461
الإعجابات
481
النقاط
13
#11
رد: حكايات بنات الطبعة الثانية - العــدد الأول-

بما انى طرحت الفكرة نبدء انا ......فى السنة الماضية قررت انى انجوز الباك حر ايا كى كانو الامتحانات المقر اللى نمتحن فيه بالقرب من بيت اهلى انا نسكن بعيد من داك المكان رحت الدار والدي فى الليل سالنى والدى ..جبتى اقلام زيادة ولما قلت له جبت قلم واحد قال لى وادا حبس واش اديرى .فى داك الليل بعث اخى وراح اشرالى قلمين وفى الصباح ناض قبلى وهو اللى نوضنى باه مايفوتنىش الحال انا عمرى 46 سنة ووالدى عمره76 سنة تخيلو يعامل فيا وكانى فى الثامنة عشر او اقل لن انسى هدا الموقف ماحييت ويجعلنى نرد ولو جزء بسيط من خيرهم انى اكتب لكم وعيناى تبكى لا استطيع ان اتخيل انو اجى يوم وافتقدهم ابدا يااااااااااارب احفظهم لى
 

يعقوب 1967

:: عضو مُشارك ::
إنضم
12 ماي 2013
المشاركات
461
الإعجابات
481
النقاط
13
#12
رد: حكايات بنات الطبعة الثانية - العــدد الأول-

على فكرة انا لتس صغيرة انا اكبركن ولكن عندى مواقف مع والدى وكانى مازلت صغيرةة هما اللى وجهونى وهما اللى اعونونى بنصائحم دائما معى فى كل كبيرة وصغيرة لهدا استهوانى الموضوع وحبيت انشارك فيه والله اللى تكون قريبة من والديها فى التعامل لا تحس بالسن الدى تعيشه وكانها مازالت تتعلم صدقونى انا احس وكانى بنت العشرين مع انى جدة ولى احفاد
 

ايمان الهدى

:: عضو مُشارك ::
إنضم
5 جوان 2013
المشاركات
215
الإعجابات
190
النقاط
9
العمر
39
#13
رد: حكايات بنات الطبعة الثانية - العــدد الأول-

الدنيا تدور ودوام الحال من المحال كالظالم ظالم سواءا كانت بنت او اخت لكن دوام الحال من المحال فكما تظلم تظلم في يوم ما وتتفكر وتقول ياليتني لم اظلم الشخص الفلاني وكما تدين تدان وربنا دائما مع المظلوم خصوصا لو كانت صلة رحم قوية مثل الوالدين التي الجنة تحت اقدام الامهات والوالدين او اخوات او اخوة فهذه ابتلاءات والدنيا قصيرة ونحن عابري سبيل فيها ولايبقى الا فعل الخير وعمل الانسان اللذي فيع الخير والطيبة خصوصا لوالديه فسوف يندم ندما كبيرا حين فراقهم وحين لم يعد يجدهم جنبه فانا ذاك لاينفع الندم
 
إنضم
6 مارس 2009
المشاركات
4,445
الإعجابات
7,902
النقاط
191
#14
رد: حكايات بنات الطبعة الثانية - العــدد الأول-

صباح الخير موضوع فى القمة جوزيتم خيرا على انتقائه ويا ريت تحكى كل وحدة على مواقف صارتلهامع والديها وكيفاش كان رد فعل الوالدين وتصرفاتها هكدا باش كل وحدة تدى العبرة من اختها اى موقف سىء او جميل المهم الطريقة التى واجهت بها دلك الموقف وشكرا مرة اخرى


صباح النور يعطيك الصحة ياطاطا
ايه هك حبينا نشوفو كل واحد و طريقتو مع والديه
نتعلمو منكم و يتعلمو منا اكيد كاين امور غافلين عليها


بما انى طرحت الفكرة نبدء انا ......فى السنة الماضية قررت انى انجوز الباك حر ايا كى كانو الامتحانات المقر اللى نمتحن فيه بالقرب من بيت اهلى انا نسكن بعيد من داك المكان رحت الدار والدي فى الليل سالنى والدى ..جبتى اقلام زيادة ولما قلت له جبت قلم واحد قال لى وادا حبس واش اديرى .فى داك الليل بعث اخى وراح اشرالى قلمين وفى الصباح ناض قبلى وهو اللى نوضنى باه مايفوتنىش الحال انا عمرى 46 سنة ووالدى عمره76 سنة تخيلو يعامل فيا وكانى فى الثامنة عشر او اقل لن انسى هدا الموقف ماحييت ويجعلنى نرد ولو جزء بسيط من خيرهم انى اكتب لكم وعيناى تبكى لا استطيع ان اتخيل انو اجى يوم وافتقدهم ابدا يااااااااااارب احفظهم لى

الله يبارك في عمرك و يطول في عمر باباك و اهلك
هذو امور بسيطة تخلينا مننساوهاش
وكي فتحنا هذا الباب و مدامك لكبيرة فينا خلينا نستفادو منك
ولا فتحنا با اخر وهو كي يكونو الوالدين قاسيين على ولادهم في هذي الحالة كيفاه لازم بناتنا يتعاملو معاهم ؟؟
واش نصيحتك الي تقدري توجهيها ليا ولجميع حباباتنا اللمويات



على فكرة انا لتس صغيرة انا اكبركن ولكن عندى مواقف مع والدى وكانى مازلت صغيرةة هما اللى وجهونى وهما اللى اعونونى بنصائحم دائما معى فى كل كبيرة وصغيرة لهدا استهوانى الموضوع وحبيت انشارك فيه والله اللى تكون قريبة من والديها فى التعامل لا تحس بالسن الدى تعيشه وكانها مازالت تتعلم صدقونى انا احس وكانى بنت العشرين مع انى جدة ولى احفاد

قولتي عندك مواقف
تقدري تزيدي تحكيلنا شويا
مدام وجهوك و عاونوك في حياتك
احكيلنا حنا رنا هنا باه نستفادو منكم


 
إنضم
6 مارس 2009
المشاركات
4,445
الإعجابات
7,902
النقاط
191
#15
رد: حكايات بنات الطبعة الثانية - العــدد الأول-

الدنيا تدور ودوام الحال من المحال كالظالم ظالم سواءا كانت بنت او اخت لكن دوام الحال من المحال فكما تظلم تظلم في يوم ما وتتفكر وتقول ياليتني لم اظلم الشخص الفلاني وكما تدين تدان وربنا دائما مع المظلوم خصوصا لو كانت صلة رحم قوية مثل الوالدين التي الجنة تحت اقدام الامهات والوالدين او اخوات او اخوة فهذه ابتلاءات والدنيا قصيرة ونحن عابري سبيل فيها ولايبقى الا فعل الخير وعمل الانسان اللذي فيع الخير والطيبة خصوصا لوالديه فسوف يندم ندما كبيرا حين فراقهم وحين لم يعد يجدهم جنبه فانا ذاك لاينفع الندم

فعلا صدقتي اختي حينها لا ينفع الندم
فلنغتم الفرصة إذا و لنكل من الباريين بلوالدين
يعطيك الصحة على الاضافة
بارك الله فيك

 
إنضم
30 ماي 2009
المشاركات
5,834
الإعجابات
4,228
النقاط
351
محل الإقامة
جيجلية بسطيف
#16
رد: حكايات بنات الطبعة الثانية - العــدد الأول-

وعليكم السلآآآم
وأخيرآآ خرج العدد الأول
يعطيكم الصحة البنآآآت
موضوعكـ جآ في وقته ، عن نفسي شفت بزآآآآف موآقف
على بنآت وشحآآل نتغزل منهم
مش بزآآف كآنت عندي صحبتي وتزوجت لولآية بعيدة شويآ
كي جآت قالتلنآ راني هنآ الي تجوو ، رجنآ انا وصحبتي لوخرآآ
بصح ندمت الي رحت حرت فيهآ بوغثوون مكآنتش هكدآآ
منين قعدنآ شويآ بدآت تسخر في أمهآ وتهدر معهآ بوحد لآفآصون كي شغل الخدآمة تاعهآ
غير بالأوآمر : اسمعي جيبي القهوة ، اعطيني البورطآبل ، اخرجي خلينآ نقعدو انآ وصحبآتي ألآز
انآ وصحبتي بقينآ مجمدين في بلآصتنآ ومآقدرنآ نزيدو هدرة ، حتى دآرت الكورىج قالتلهآ وش بيكـ
انتي هكدآ تعيطي على مآمآكـ قالتلهآ اوووه رآجلي والفلي التقلاش كلش يجي قدآمي
أتشششششيعة د حنآ مكنآش بنآآت ، شويآ ونضت ضربتهآ تزوجت وحسبت روحهآ كبرت دركـ
سي بون مآدآمهآ شدت دآرهآ حتى امهآ ومتحترمهآش ، والله كآرثة وامهآ هديكـ تشوفيهآ
تشف حتى رجعت كي شغل تخآفهآ كي نضنآ رآيحين جآبتلهآ البآبوشة قدآم رجلهآ باش تلبسهآ
قسمآ الله غير دمعوو عينيآ من الجآست هدآكـ ، كي خرجنآ قلتلهآ لصحبتي هآآهو وجهي الآ زآدت شآفتني عندهآ
هدي حكآية من ألف الي شفتهم بعيني وخلي منهدرش على البنآت الي همآ قاعدين فالدآر وماماوآتهم خدآمآت عليهم
نحير فيهم وش من قلب عندهم ، انآ مآمآ دركـ قسمآ بالله بربجهآ بالغدآآ تاع الجمعة بركـ آي هي تديره
والأيآمآت لوخرين مآنخليوهآ تمس في حآجة ، ولآآ نهدرو كلمة فوق كلمتهآ
نحشم كي نشوفهآ تشمر في يديهآ رآيحة تدير حآجة وفيسآع نبقى نحلفلهآ باش تطلق من يدهآ
تبآنلي حشوومة هزتني في بطنهآ 9 شهوور ، ربآتني وكبرتني وفينآلمون تقآبل منآ المعآملة هديكـ
الحمد لله الوحده تحب تدي رضآية وآلديهآ طول مآهم عآيشين مش كمآ وحآيد يديروو فيهم المنكر
ونهآر يكونو فايآمآتهم الأخيرة يبقآو يطلبوو فالسمآح يخآفوو مآيربحوش فالدنيآ
ونسآو الحسآب الكبير فالآخرة ، يآآو الي ميرضآوش عليه وآلديه مآشم ريحة الجنة
ورنآ نشوفو فيهم كي مآتو وآلديهم ندموو ، الوحده تسعى تدي رضآية وآلديهآ في كلشي
ومآتنويهمش حتى في حآجة ، مهمآ يقولو ومهمآ يديروو يبقآو وآلديكـ ومش رآيحين يتمنآولك غير الخير
موضوع على قد مآنحكيو فيه غير شويآآ
بوركتن حبيبآتي
، واسمحيلي فلفولة رحيت بزآآف هيهي
 
إنضم
20 مارس 2010
المشاركات
8,880
الإعجابات
10,462
النقاط
351
#17
رد: حكايات بنات الطبعة الثانية - العــدد الأول-

صباح الخير موضوع فى القمة جوزيتم خيرا على انتقائه ويا ريت تحكى كل وحدة على مواقف صارتلهامع والديها وكيفاش كان رد فعل الوالدين وتصرفاتها هكدا باش كل وحدة تدى العبرة من اختها اى موقف سىء او جميل المهم الطريقة التى واجهت بها دلك الموقف وشكرا مرة اخرى
سلامي للجميع:$
اهلين طاطآ كيفكـ ان شـآء الله تمام اشتقتـ اليكـ انـآ:$ (سلامي لك ولكل العائلة )
جميل ان يحكي كل منا ع موقف عايشه ويعيشه ليكون عبرة للبعض
ربما لاتكون بشرط ذكريات عقوق بل لنجعلها ذكريات تسعدنا ولانستطيع نسيانها مثل التي تطرقت اليها انت فهي حقا جميلة ( ربي يحفظلك الوالد يارب - جبتي الباك ههه -)
ساخصص بعض الوقت ان شاء الله واخبركم ع بعض القصص التي كنت وعائلتي ابطالها
لما دوما تكون البنت هي الاقرب لابيها مع انو يجب ان تكون الام هي صديقتها الا اننا نجد اننا نميل للاب اكثر - سؤال لك طاطا ههه
بارك الله فيكـ ع مشاركتكـ لنا قصصكـ وخبرتكـ ف الحياة فنحن نبحث دوما ع اساتذة متمرسين فيها لناخذ منهم العبر من منطلق - اسال مجرب ولاتسال طبيبا - ولن نجد افضل من بنت ثم ام ثم جدة لتكون خير استاذة لنا
ربي يخليك ( فيفي علابالي طولت لهنا صايي راني كملت:p )
سلامي
 

رونق الزهور

:: عضو مُتميز ::
إنضم
17 جانفي 2014
المشاركات
654
الإعجابات
2,563
النقاط
51
#18
رد: حكايات بنات الطبعة الثانية - العــدد الأول-

شكرا اختي على الكلام الزين ربي يشدلنا في والدين ويقدرنا على الطاعة وربي يخلينا ولادنا ويهديهم لبر الوالدين بالنسب ليا كنت طايعة والديا والحمد لله ودعوتهم مزالت تخدم عليا مي في لاج تع المراهقة وليت مرات نتمرد مشي على الخدمة مي كي يحرموني من حاجو هي نورمالمو حقي كنت نزعف ونقول عمرهم مافهموني مي عمري لا صرخت ولا عصيت مرات تنفحلي مانسمعش الكلمة مي كي ولدت فهمت بلي خوفهم عليا هو لي يخليهم مرات يحرموني من حقوقي وراني ام ونفهم شحال صعيبة المسؤولية
لبنات ماشاء الله راكم جايبينها ونشكركم على المجهودات الجبارة لمساعدة الفتيات وتوعيتهن لاننا في وقت نحتاج فعلا الي هذا
 

FATIMA 19

:: عضو متألق ::
إنضم
30 نوفمبر 2009
المشاركات
4,288
الإعجابات
2,224
النقاط
191
العمر
25
محل الإقامة
سطيف
الجنس
أنثى
#19
رد: حكايات بنات الطبعة الثانية - العــدد الأول-

السّلامـ عليكم صبايآ
انْ شآء الله تكونو بصحّة وعافية
عذراً على التأخر فلفولة
والله صح كاينـ قصص يتشوّكـ اللحم كي نسمعوهآ
كيما حكيتينا يافلّة و أميرة و فرح
مزالو كاينين بنآتـ مايحترموش والديهم
سرتو الأم نتاعهم ويعصيوها
ومآ يشفقوشـ عليها
اليوم بركـ كنت نحكيـ أنا و اختيـ و بنتـ عمّيـ
على مْرا عندها سْمانتين ملّي ماتتـ
بعد ما طلعلها الضّغط
عرفنا بلّي سبب موتها هو بنآتها يالطيف
بناتها هوما اللي مرضوها
مايطيعوهاش ضالين برّا يدورو + خارجينـ الطريق بزاف
واش دارتـ معاهم ونصحتهم ماياخدوش رايها
حتان جا النهار قلقوها بزآفـ
ارتفع ضغط الدّم و ماتت
الله يرحمها
والله يخلّيلكمـ والديكمـ
 

FATIMA 19

:: عضو متألق ::
إنضم
30 نوفمبر 2009
المشاركات
4,288
الإعجابات
2,224
النقاط
191
العمر
25
محل الإقامة
سطيف
الجنس
أنثى
#20
رد: حكايات بنات الطبعة الثانية - العــدد الأول-

بما انى طرحت الفكرة نبدء انا ......فى السنة الماضية قررت انى انجوز الباك حر ايا كى كانو الامتحانات المقر اللى نمتحن فيه بالقرب من بيت اهلى انا نسكن بعيد من داك المكان رحت الدار والدي فى الليل سالنى والدى ..جبتى اقلام زيادة ولما قلت له جبت قلم واحد قال لى وادا حبس واش اديرى .فى داك الليل بعث اخى وراح اشرالى قلمين وفى الصباح ناض قبلى وهو اللى نوضنى باه مايفوتنىش الحال انا عمرى 46 سنة ووالدى عمره76 سنة تخيلو يعامل فيا وكانى فى الثامنة عشر او اقل لن انسى هدا الموقف ماحييت ويجعلنى نرد ولو جزء بسيط من خيرهم انى اكتب لكم وعيناى تبكى لا استطيع ان اتخيل انو اجى يوم وافتقدهم ابدا يااااااااااارب احفظهم لى
صحيح مهما كبرت الفتاة تضلـ في عينين والديها صغار
الله يخليلكـ بابا وتجازيه ولو بجزء صغير
 
Top