.:::: هل لبس المرأة في مجتمعنا يحدد أخلاقها ؟؟::::.

موضوع شيق اختى العزيزة وانا برايي الشخصي اقول ان الناس مظاهر وشكليات والحكم يكون انطلاقا من المظهر اولا ثم الجوهر ثانيا والدليل على ذلك ان حين اسلم احد الاسري كان كافرا( ايام حروب نبينا الكريم) فقتله سيدنا عمر بن الخطاب فزجره النبي فرد عليه عمر قائلا انه لم يسلم الا بعد ان قيدت حريته فرد عليه الرسول قائلا فيما معناه اننا لنا الظاهر هو اسلم اى نعم لكن نحن غير مسؤلين عن جوهره
ماشي تقوليلى وحدة تلبس ضيق وتكشف عن مناطق من جسدها وتقوليلي يمكن تكون متادبة.....المتادب والمتخلقة بالخلق الفاضل يكون عندها حيااااااااااااااااء من الله اولا ثم من الناس ثم من النفس
ايضا يا اختى الحجاب فرض لاجدال فيه
واذا قلتى ماشي كل شئ المظهر........بعرف لكن الحكم الاولى ينطلق من المظهر
كلؤلؤة عليها غبار شديد هل ممكن تعرفيها لؤلؤة لولا الغبار؟؟؟؟؟؟؟؟؟
لازم توضع بمكان راقي داخل علبة مغلفة وبالتلى جوهرة من الداخل رائعة من الخارج
لازم نحكمو مظهرا وداخلا معا
 
الواحد ميحكمش على المظهر لكن التصرفات تبين ذلك
 
اولا نحيك على الموضوع
شوفي ختي انا نقولك اذا فتت وكبرت ما فيهاش هدرة تتحجب علاه عليها التزيار تع السروال والصيف الكوارث الطبعية لي تلبسها هذا اكل ويقولك علاه الذراري يلوحنا الهدرة اكي جبتي روحك لبالى مي والله النوع هذا وحد مايحب يحطو في دارو
 
السلام عليكم رحمة الله

اختي الطيبة ان في الجسد مضغة اذا صلحت هذه المضغة صلح الجسد وصلح المظهر وصلحت الاخلاق واذا فسدت هذه المضغة فسد الجسد وفسد المظهر وفسدت الاخلاق

وهذه المضغة هي القلب

يا اختي من لها قلب سليم مليئ بالايمان وحب الله حق حبه وحب الرسول حق حبه ليس ادعاءا وحب امهات المؤمنين فحتما سيكون مظهرها سليم كما امرت وحتما ستكون اخلاقها سليمة كما امرت

غير ذلك لا اعتقد

لا اعتقد بتاتا فتات متبرجة سافرة ذاك اخلاق حميدة وطيبة ولا ادري لانها ان كانت كذلك فانا اعتبره نفاقا لان لو كان قلبها سليم وحقا ذات خلق عظيم لاهتمت بمظهرها اكثر

وفي الاخير

ان المحب لمن يحب مطيييييييع


من تحب الله ورسوله فحتما ستكون مطيعة لهم في كل كبيرة وصغيرة

ومن كانت تحب لا ادري فنانة ماجنة كافرة فحتما ستكون مطيعة في مظهرها


ويا غالية الصورة الرمزية تعكس شخصية صاحبها فانا شخصيا اعتقد هذا والكثيرين يعتقدون هذا فالمرجو تغييرها بما تعكس شخصيتكي الحقيقية

 
شفي نقلك ختي مادام طفلة متادبة وتخلقة هي بروحها تحشم باه تلبس حاجة ضيقة وقصير
ومترضاش لروحها باه تلبس لباس مشبوه
 
احيانا
لانو الايمان ما وقر في القلب وصدّقه العمل

والله اعلم
واما احيان اخرى ما يكونش اللبس هو كلشي

شكرا لك
تحيات اختك :زهرة القدس
 
كاين ناس ماتحكمش على مظهرهم بصح على العموم الدين يقول المرا تلبس الحجاب وهذا مفروض
 
هو الاكيد ماهوش معناه الوحدة كي تلبس العريض راهي متربية و لي تلبس القصير راهي خارجة الطريق لالا المظاهر في اغلب الاحيان خداعة, بصح يبقى ما تقدريش تقولي هاي هاذيك لابسة البرقع و ممكن مدايرة رايها على خاطر الناس لها الظاهر و الله يعلم بالسرائر و غير هو لي يقدر يحاسبها
مالا انا نستر روحي و لي يحب يقرا فيّ الشر ربي وكيلو
و زيد ديري تجربة صغيرة جيبي وحدة متربية لبسيها متبرجة و وحدة طايرة لبسيها لباس شرعي تلقاي انو الاولى تتعرض للمعاكسات اكثر من الثانية على خاطر معاملتنا مع بعض مبنية على الظاهر

ربي يهدينا و يسترنا
 
راني رجغت ليك وهذي المرّة مع الدليل

ااكّد لك انّ اللباس يلعب دور فعاّل في اعطاء وتكوين صورة عن الشخص الذي يرتديه
فمثلا : انا كي نكون لابسا تنورة نورمال *الحمد لله مستورة* يمكنان اتعرّض للكلمات تاع الشباب ...راكي عارفة بدون شرح

ويوم البس حجاب طول واحد مايقدر ينظر ليك ولا يكلّمك

اذن لللباس دور هاااااااام في تحديد الشخصية
 
السلام اختي ما نخلطوش بين الشوك و حب الملوك

اللبسة هي نصف مضهر الانسان وهي تخلي الانسان ايعبر عن شخصيته
كاين بنات يلبسو القصير تلبس المحبوك ....الخ ليست بنت غير شريف لا منسبقوش الاحداث

لان كل واحداة وعدتها وتقليدها و قتها تحب تلبس تحب تزه تحب تفرد نفسه مع صحباته تلقاه نيته صافيه تحب تلبس برك منها من الناس

وكاين ااااااااااااااااااي من الخزرة تع عيناه تفهمها واش تقصد بدون ان تشوف واش لابساة حتى تكون بجلباب

لان البنت ما تحكمش على لبسته احكم على عيناه
وربي ايطيحنا في بنات الفميلية
شكراااااااااااااااااااااااااااااااا
 
اولا نشكرك على الموضوع وطرحه
تانيا انا من جهتي ,,, نهز نظرة على الطفله من لبسها بصح ما نقدرش نحكم عليها ابدا وعلى عقليتها ...
وابسط مثال شوفي المجتمع ,,, تلقي اللبسة حجاب .وووو والاخلاق ربي يجيب ,,, والا تلقي وحده تلبس نورمال وعادي واخلاقها ربي يبارك ,,,وكل واحد كيفاه يخمم
 
نضن دك الناس ولات واعية وفاقت ما ضنيتش ولات تحكم غير على المظهر
 
في رايي ساعات المظهر تلقايه زي والافعال حاجة اخرى
يعني ساعات المظهر و اللباس ما يعبرش عن الاخلاق ولا الافعال
 
في رايي ساعات المظهر تلقايه زي والافعال حاجة اخرى
يعني ساعات المظهر و اللباس ما يعبرش عن الاخلاق ولا الافعال
ناس بكري قالو
"
لا يعجبك نوار دفلة في واد عامل ظلايل ولا يعجبك زين طفلة حتى اتشوف الفعايل "
فما بالك كي تشوف اللبس مش محترم واش تقرا في بالك ؟؟؟؟؟

 
ماشي شرط انا نعرف بنات لابسين جلباب لكن الأخلاق منعدمة
وبنات غير متحجبات مواكبات للموضة وماشاء الله ادب واخلاق وتربية
لهذا المظهر عمرو ما يكون مقياس للحكم على الاخرين
مشكورة اختي
 
مشكورين جميعكم على أرائكم وتفاعلكم
ومع أحترام رأي كل واحد
منورين الصفحة
مع تحياتي الحارة لكم
 
بدآية قبل أن اُبدي وجهة نظري بما طرحتي أختي نور البيضية

أنا استغرب من الناس اللي يقولون المرآة عند النساء تلبس ما تشاء من اللباس

اعطوني ادله على هدا الكلام هذا ؟!!


هَلْ أَصْبَحَ اللِّبْسْ وَسِيلَةْ لـِ تَحْدِيدِ شَخْصِيَّةِ الإِنْسَانْ وأَخْلاَقِهِ ؟!
امممممممم
إذا تبغين الصرآحة اقدر اقول
لانها هيا بلبسها تحدد شخصيتها واخلاقها
لأن الإسلام طلب منا الستر
فإذا لبست غير ذلك ليمادا يعني
؟!!
الشخص الذي يتصف بالأخلاق النبيلة والفاضلة من اين اكتسبها وتعلمها
الجوآب وأضح من كتآب
الله وسنة رسوله صلى الله عليه وسلم
فأعتقد هُنا أن اللباس يحدد الشخصية والأخلاق
آجل تلبس لي لباس عاري يقآل عنها كاسية عآرية واقول أن شخصيتها قمة بالتميز إستحآله هذي
التميز بالإخلاق من تمسك بتعآليم دينه الصحيح وابتعد عن ما نهانى عنه رسولنا الكريم صلى
الله عليه وسلم .

هَلْ هَكَذَا أَصْبَحَتْ الأَحْكَامـْ الآنْ ؟!
اتمنى أن تكون هكذا الأحكآم
لكي تلتزم المرآة العاقلة والمحترمة باللباس المحتشم والفاضل
الذي يميزها ويجعل منها إمرآة رآقية للغاية .
مشكوووووووووووووووورة اختي نور البيضية

666703.gif

 
لا اللبس معندو مادخلو مادخلو فالشخصيه ولا الاخلاق انا نعرف بنات مشي متحجبات ومتربيات وشريفات ونعرف تانيك خرين متحجبات ودايرين المنكر وكاين مام بنات يتخباو ورا الجلباب باه يديرو واش يحبو ربي يهديهم ويهدينا وشكرا على الموضوع.. تقبلي مروري
 
c'est sur que cela détermine c'est la fille est pudique ou non je ne parle pas ma sœur nassim rabi3 du hidjab avec 1kilo de maquillage sur le visage ou avec un pantalon moulant je parle du hidjab correcte et c'est vrai il ya des filles qui n 'ont pas le voile mais qui sont bien éduquées mais c'est vraiment rarissime.
 
اللبسة تلعب دور كبير يا اختي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top