الفرق بين تاعنا وتاعهم ما نرورحوش بعيد سوريا برك

[معاك يا الخضراء]

السلام عليكم
وش راااكم حبيباتي احبائي اخواني اخواتي سيداتي ساداتي ...كش ما بقا ؟؟؟ ايه اطفالي اعزائي باعتبار المنتدى فيه اطفال :closedeyes:
البارح روحت في تاكسي و تخلعت :scared: اليوم روحت فال bus و شبعت choc
نقلكم علاه :music_whistling:
هامالا انا كنت قاعدة فالبيس جا طلع راجل مع طفلة صغيرة
تهببببببببببل ربي يبارك و لابسة rose et rouge :like_1:
قالها الراجل هاداك
**تعي بنتي اوقفي هون قدام اختك الكبيرة **الي هيا انا :closedeyes:السيد باين سوري:yahoo:
قتلو ارواح عمو اقعد انت وياها قالي لا والله ما بيصير بس خليها جنبك:surrender:
هزيت انا الطفلة قعدتها في حجري :angel: الله يرحم الكرش الي جابتها
هاديك الريحة الي فيها و شعرها كيفاه ممشوط تسخف تسخف ربي يبارك قعدت في حجري ما تحركت لاهك لا هك مبعد صونا تيليفوني vibra فيها :shay:
قاتلي خالة تيليفونك عم بيرن :luve_2: :blush:
هادا وش سمعت من صوت الطفلة هادي:tears: ربي يحفظها
هاارواحو تشوفو ضرك ........
ركبت طفلة اخرى:heh:الشعر تكشيردة تاع شهر
القندورة موسخة نص رجلها على برا من السباط ياااااااااااه تشوكي :glare:
باينة تاعنا
دزت مامها و طلعت :surrender:
قالها الروسوفار شفيت عليك انتي القبيحة الي ركبت معايا الخطرة الي فات :surrender: قاتلو هيه انا من بكري قبيحة وش دخلك :bored:
قالها ضرك نطيرلك خشمك :surrender:قاتلو تقيسيني نعميك :bored:
و مبعد دارت للسورية الي فحجري
قاتلها نعتي نشوف التكالل تاعك :scared: و جبدتها من ودنها :scared:
قاتلها اااااا تاعي خير :busted_red:
برقاقة من الصغر :glare:
:scared: :sly: :sadwalk:​

المخلوقة الي كانت في حجري تشوكات فيها :tears:
بقات غير تشوف الصنف هادا منين جا :music_whistling:
و مبعد كي جات تنزل عطيتها حلوى شافت مع باباها قبل ما تحكمها حتى خلاها بش حكمتها و قاتلي تسلمي خالتي :heh:
السؤاااااااال يا جماعة
وينها الطفولة فالجزائر ؟؟؟
انا راني نشوف يفوتو 6 سنين خلاص يوليو الكفريات كل يعرفهم
دعاوي الشر كيف :scared:
ما تبقى حتى طفولة :tears: و لا وش قلتو :u_pc:
ضرك تفكرت :no_1: زيد ما عندهم احساس كي الاطفال ما يخافو:glare:
حنا وحد النهار جاونا ملاك و امير ياو شيطانة و قاطع طريق :scared:
لقاو عندنا فكرون هزوه حفرولو حفرة و السلام عليكم:no_1:
دفنوه :scared: :scared: يا عباد الله زهرو غير في بابا لقاه يشهد :tears:​

 

[بسومة المنتدى]

ولله غير صح يعطيك الصحة..........

 

[الأستاذ مصطفى]

ههههههههههههههههههههههههه
ممكن راه أول موضوع يعجبني في واش راك تدهر
هو موضوع بشكل كوميدي لكن فيه عبرة كبيرة
ونجاوبو على سؤالك حسب المعرفة تاعي
السوريين كي يولدو الولاد يربوهم حتى يولو شباب
أما الجزائريين من نهار اللي يزيد يرموه للشارع يربيه (وكلنا نعرفو تربية الشارع)
ممكن تاوعنا يبانولهم بلي الأطفال السوريين ليفاملات وتاوعنا بحال رجال
لكن هذا خطأ أقسم بالله غير خطأ
موضوعك فالقمة
بارك الله فيك
​

 

[DARINE05]

هههههههههههههههه
ياريمة يا ريمة او اكي في الجزائر حنا كي يتربا الواحد ويحكم قدرو يقول عليه يلعب فيها

 

[lolitta]

3ajbatni l'histoire

oui la différence hiya tarbiya ta3 les parents , w environnement

 

[iméne09]

ههههههههههههههه ايه شفتي واش جاب الشوك لحب الملوك
بصح ماشي كامل دايرين هكدا كاين مربيين ومتحوفين ع الصح وتهدر معاك بدرافة وهدو لي يرميو ولادهم لزنقة هي لي تربي بارسكو يكون عندو لولاد بزاف وماعندوش باش يعيشهم وواحد مايسال في وليدو وزنقة تعلمهم يخرجو ديمافيا تغلط معاها تخلص يكوديوك
يعطيك الصحة حنونة موضوع 4 كما مولاتو
​

 

[ღحنين الروحღ]

تسلمي خالتي :heh:

شكرااااااااا لك هذا هو الفرق بيننا وبينهم
كلامهم دائما يحمل نبرة رقة واحترام
اما نحن ههههههههههه خليها لربي برك
شكرااااااااااااا لك على الموضوع الجميل

 

[مروة MARWA]

ههههههههههههههههههههه يا يا ريمة راكي وحدك
موضوع فووور صح هادا
راكي تشوفي الطفولة نتاعنا ههههههه النار تشعل والله هادي الطفلة لي حكيتي عليها سخفتيني بلا مانشوفها توحشنا شوي طفولة كيما هك بصح راهي انقرضت درك قريب يوليو هوما لي يربيو والديهم ويعلموهم
---
مرسي عليك
​

 

[روعة الأخلاق]

السلام عليك
اختي انا لا اتفق معك
فلتذهبي لاي مجتمع ستجدين فيه جميع الاصناف ابتذاءا من الاطفال الى الشيوخ
حتى الدول المتطورة جدا تجدين فيها هذه الاشكال
لا ننكر ان مجتمعنا في حالة مزرية
لكن عزيزتي لا يجب عليك القاء اللوم على الطفل فهو بريء
كل اللوم على من دنس صفحات ناصعة البياض و لوثها
كل الشكر​

 

[nina bonoise]

​

السؤاااااااال يا جماعة
وينها الطفولة فالجزائر ؟؟؟
انا راني نشوف يفوتو 6 سنين خلاص يوليو الكفريات كل يعرفهم :surrender:
دعاوي الشر كيف :scared:

ما تبقى حتى طفولة :tears: و لا وش قلتو :u_pc:​

و الله لي حكيتي عليها الله يبارك " قصدي السورية هههههه " :yahoo:
و لخرة باينة والديها تاع جيب و طيش :surrender:
تاع 3 / 4 سنين تلقايهم لا تربية لا والوا الكلمة ب 10 الكلام الخامج وش نقول عليه :sneaky2: منعرف منين تعلموه
مي بصح مش الكل كاين لي متربيين يلبسوا قش نظيف زينات :yahoo: .......​

 

[angel]

رانا في تطور واااش بيك



الوضع راهو من سيء لاسوء



ربي يبعد علينا لبلا يارب


والله كاين ولاد

ياحفيظ يا ستار




ربي يستر



بصح كلش من الوالدين


ربي يهدي ماخلق هدا ماكان

​

 

[touti_dz]

هههه هاديك الطفلة الجزائرية راهي شلعلع واش راح دري الهدرة اللي تهدر فيها سور تعلمتها من اللافامي تاعها
يعني كي تكون العائلة تاعها متربية بالطبع الطفلة تعود متربية

 

[هــــيلدا]

هههههههههه راكي هنا

ياواحد الموصيبة روحتي وخليتيني نقتل روحي بالعياط:cursing:

نزيد نلقا موبيلك طافي نبعثلك ميساج :glare::glare: راكي عارفة :closedeyes:


هههههههههه
قبل منجاوبك قوليلي نتي كيفاش كنتي صغيرة:sly::like_1:

خي قاتلي ماماك ريمة كانت شيطانة كبيرة :yahoo:

ههه وقيلة كيما هديك الطفلة فالطيارةi-o: والقباحة :yaw:والتبرقيق:lol::tongue_1: خيرمنها غير في اللبسة والنظافة الله يبارك طاطا قايمة بالواجب:ax_flw:

ايه واش تديري حنا ولاد ال Dz مع يزيدو يطيشوهم للرود يربي :closedeyes: واش راح يخرج:blink::blink:

بصح تلقاي ولاد صغار الله يبارك
والديهم مربيينهم ومخرجين منهم روعة:yahoo:

كيما ندوشة الله يبارك:luve_1::luve_1:
شفتي كي لحقت ماماها تجيبلها الحليبومن بعد رجعت تغني يا دادا يا دادا تهبل ربي يحفظها:luve_1::luve_1::sheer:
​

 

[WiNssE]

هههههههههههههههه

made in dz


الله غالب​

 

[H@teM]

السلام عليكم
كيف الحال اختاه؟؟؟
اما بخصوص الموضوع فان السبب
الرئيسي يعود للاسرة على ماه تربي ولادها
كاين اسر تربي رباية صحيحة وكاين لا العكس
هات يبدى يمشي برك تلقاه طول في الزنق من جيهة لجيهة
يعطيك الصحة على الموضوع اختاه
​

 

[كلي امال]

السلام عليكم
واش راكي ريمة صا فا ؟
فكرتيني في وحد القصة تقتل بالضحك
المهم انا نخاف منهم هاد الذراري المتشردين

 

[nada242008]

موضوعك هايل ريمة ويحكي على الواقع المر اللي نعيشو فيه
تعرفي المشكل وين هما الوالدين كي ولدهم ولا بنتهم يرجعو الهدرة ولا يعلقو على الناس يضحكولهم وتبنلهم ولدهم ذكي وفايق وهو مايحترم عبد كبير وما يقادر
بصح هذاك هو العكس وكل ما يكبر يزيد االتشيطين ويتعلمو الهدرة الزايدة
ونظن بلي كل طفل صغير ولا طفلة تربيتو تعكس تربية واخلاق والديه
انا بنتي مازالت صغيرة يعني عام ونص وما تفهمش نص الهدرة غير كلمات وكي ماتسمعليش الهدرة والله البكية تجيني ونتخيلها تخرج مش متربية
وكيما قلتي ماكنش حاجة تسخفك قد الاولاد المهذبين والنظاف والمتربيين
شكراا حبوبة على الموضوع القيم

 

[AnGeL*dZ]

تآتآ ريما انا طفولة lol
شفتي الفرق الشاسع تآعنا العمف يآ محآينك
ياعمري سخفتيني في هاذي الطفيلة وخصوصا بللي راهي سورية
اما الجزايرية عيطلها نتعارك معاها لول
الطفولة في الجزاير انعدمت يسمعوا غير لهداير الفايحين
مجتمع فيه العنف على بيها مدايرين هكا

​

 

[nada242008]

بصح تلقاي ولاد صغار الله يبارك
والديهم مربيينهم ومخرجين منهم روعة:yahoo:

كيما ندوشة الله يبارك:luve_1::luve_1:
شفتي كي لحقت ماماها تجيبلها الحليبومن بعد رجعت تغني يا دادا يا دادا تهبل ربي يحفظها:luve_1::luve_1::sheer:
​

مازال ندوشة مابانتش على حقيقتها مازلت صغيرة
نظل نخمم :um_sh:كيفاه نعلمها تسمع الهدرة وماتتعوجش وماتتكرزش:crying_1:
والله التربية مش ساهلة مش غير كول واشرب وارقد يعني مسؤولية كبيرة
ربي يعيشك حبوبة ونقلك تشرفت بمعرفتك عن قرب لانك انسانة طيبة بمعنى الكلمة:luve_1:

 

[معاك يا الخضراء]

ولله غير صح يعطيك الصحة..........

ربي يحفظك ختي شكرا على المرور​

ههههههههههههههههههههههههه

ممكن راه أول موضوع يعجبني في واش راك تدهر
هو موضوع بشكل كوميدي لكن فيه عبرة كبيرة
ونجاوبو على سؤالك حسب المعرفة تاعي
السوريين كي يولدو الولاد يربوهم حتى يولو شباب
أما الجزائريين من نهار اللي يزيد يرموه للشارع يربيه (وكلنا نعرفو تربية الشارع)
ممكن تاوعنا يبانولهم بلي الأطفال السوريين ليفاملات وتاوعنا بحال رجال
لكن هذا خطأ أقسم بالله غير خطأ
موضوعك فالقمة
بارك الله فيك​

اوووووووووووووو :yahoo: :yahoo:
ميرسي مسيرسي
ربي يحفظك على ها الكلام الحلو على قولة السورية ههههههه
هاك تشوف والله انا تبهدلت في بلاصة امها و هيا و لا علابالها بالدنيا
شكرا خويا مصطفى على المرور القيم​

هههههههههههههههه
ياريمة يا ريمة او اكي في الجزائر حنا كي يتربا الواحد ويحكم قدرو يقول عليه يلعب فيها

هههههههههه دارين حبوبة راكي تشوفي الذري تاعنا
ربي يستر برك ميرسي حبيبتي​

3ajbatni l'histoire

oui la différence hiya tarbiya ta3 les parents , w environnement

الدار هيا الي طيش للبرا

شكرا اختي لوليتا ربي يحفظك​

ههههههههههههههه ايه شفتي واش جاب الشوك لحب الملوك

بصح ماشي كامل دايرين هكدا كاين مربيين ومتحوفين ع الصح وتهدر معاك بدرافة وهدو لي يرميو ولادهم لزنقة هي لي تربي بارسكو يكون عندو لولاد بزاف وماعندوش باش يعيشهم وواحد مايسال في وليدو وزنقة تعلمهم يخرجو ديمافيا تغلط معاها تخلص يكوديوك
يعطيك الصحة حنونة موضوع 4 كما مولاتو ​

ههههه ربي يحفظك
لالا يا حنونة والله امها بيان ستيكي و ماكياج ياي وش نقلك
و بنتها دربالة متحركة هههههههه
ربي يستر برك
ميرسي على المرور يا عسل​

تسلمي خالتي :heh:

شكرااااااااا لك هذا هو الفرق بيننا وبينهم
كلامهم دائما يحمل نبرة رقة واحترام
اما نحن ههههههههههه خليها لربي برك
شكرااااااااااااا لك على الموضوع الجميل

شفتي شفتي:heh:
كون ما حشمتش من باباها اني عضيتها هههههه
الله يسلمك على المرور الراقي​

ههههههههههههههههههههه يا يا ريمة راكي وحدك

موضوع فووور صح هادا
راكي تشوفي الطفولة نتاعنا ههههههه النار تشعل والله هادي الطفلة لي حكيتي عليها سخفتيني بلا مانشوفها توحشنا شوي طفولة كيما هك بصح راهي انقرضت درك قريب يوليو هوما لي يربيو والديهم ويعلموهم
---
مرسي عليك ​

يا عمري ربي يحفظك
والله توحشت نشوف طفولة
وفرررررحت البارح كي شفت ندى يا خوتي كون تشوفوها هاديك ثاني
انا كون تجيني بنتي هاكا تعود 7 سنين نبعتها ستاج لسوريا خير ما نغمها هههههههه​

السلام عليك

اختي انا لا اتفق معك
فلتذهبي لاي مجتمع ستجدين فيه جميع الاصناف ابتذاءا من الاطفال الى الشيوخ
حتى الدول المتطورة جدا تجدين فيها هذه الاشكال
لا ننكر ان مجتمعنا في حالة مزرية
لكن عزيزتي لا يجب عليك القاء اللوم على الطفل فهو بريء
كل اللوم على من دنس صفحات ناصعة البياض و لوثها​

كل الشكر

واحاااااااااي نندب :surrender:
شوفي كلش كلش غير السوريين :sneaky2:
يكدب عليك ربي يبارك عليهم الضرافة و التربية واحد ما يطيرهالهم
ادا عندهم 1 ولا زوج مش ملاح
حنا عندنا 1 ولا 2 الي ملاح :scared:
ههههه راين نضحك معاك لا تروحي ما توليش ههههه
لالا والله الجزاير كارثة فالنقطة هادي :tears:

شكرا على المرور ا روعة الاخلاق ختي​

و الله لي حكيتي عليها الله يبارك " قصدي السورية هههههه " :yahoo:

و لخرة باينة والديها تاع جيب و طيش :surrender:
تاع 3 / 4 سنين تلقايهم لا تربية لا والوا الكلمة ب 10 الكلام الخامج وش نقول عليه :sneaky2: منعرف منين تعلموه

مي بصح مش الكل كاين لي متربيين يلبسوا قش نظيف زينات :yahoo: .......
​

ههههه جيب و طيش هادي فووووور :yahoo:
ربي يحفظهم في زوج و القانية نزيدلها ربي يهديها ههههههههههه
شكرا حبيبتي على المرور

​