الظاهرة الأخيرة في بنات دزايرواش رايكم بها ......

S

souhila_95

:: عضو فعّال ::
أوفياء اللمة
2.gif

​
اول حاجة نقولها تحية الاسلام السلام عليكم ورحمة الله وبركاته انشاء الله تكونو بخير اللي صاير فيكم التير وتخلطولكم ليزافير. وضرك نبدا في صلب الموضوع في الايامات الاخيرة ولينا شوفو في ظواهر عجيبة :heh:عند البنات خبثتلي قلبي ودارتلي العلة فيه :busted_red: اصبحنا نشوفو البنات (مش كامل حاشى البعض) لابسين تريكاوات نتاع لاعبين انا مانيش معارضة اذا كانت نتاع ليكيب ناسيونال نتاعنا حاجة نوورمال :mellow:بالعكس انا نشجعهم على بلادنا :sheer:بصح العجب والعجاب:o_o: انك تلقى طفلة لابسة تريكو ميسي ورونالدو انا نولي نقلي في قلبي :crying_1:فمابالك الاولاد والله غير بزاف عليهم لحقوهم البنات حتى في لبستهم حنا عدنا في ايكولنا بنات يلبسو سراويل اولاد وتريكاوات اولاد :scared: بلا ما ننساو السرفيتمو اللي ولات كحلة نتاع ذراري:santa_1: نوووووووووووورمال :sadwalk:واشي هذا حتى وحدة العجوزة في السوق تسال قدام لا تشري لوليدها هذه لبسة نتاع بنات ولا اولاد:u_pc: ....ربي لعن في القرآن الرجال المتشبهين بالنساء والنساء المتشبهات بالرجال * ولا راني غالطة ................أعطونا رايكم في هذا الموضوع الحساس بردودكم ودمتم بالف صحة وعافية صديقة اللمة :SOUHILA_95

الأغواط 03
879-waiting-AbeerMahmoud.gif

وشكرا
1245097737.gif

​
 
يا اختي توني حاجة نورمال كي تكون لكيب ناسيونال ولا ميسي ولا رونالدينيوكل واحد واش يسبورتي مي هادي ضاهرة نورمال ماشي كيما الضواهر لي رنا نشوفو فيهم هادوا ليمات تليفون ومكياج ......... وشكرا اختي سهيلة على الموضوع المميز
 
موضوع رايع ... بصح انا ما نظنش اذا فيها حاجا ااذا كانت الطفله معجبه باللاعب مثلا ,,, بصح نظن كيما قلتي انه تشبه بالرجال ,, والا الطفله الي دير هكا تتسمى تتفيق "حاشا البعض"
الله غالب كثرة الظواهر في البلاد وربي يجيب الخير
​
 
بارك الله فيك على الموضوع صح الدنيا تخلطت وتجلطت ولات متفرق مابين المعزة والعطروس
 
ماتزيدي ماتنقصي هادي عقلية 2010 عام البنات
​
 
ربي يهدينا كاملين
هاذي الظاهرة عندنا في ليسي
ولعجب كي تقولك راني نبغيه و متعلقا فيه
ونسات بلي هو واحد ماشي مسلم
وماشي منا
 
لا ارى اي مانع في ارتداء البنت لقميص لاعب
لكن عند قولها انها تبغيه ....هه واش هذا التمسخير
ربي يهدينا
​
 
:busted_red:Je suis de plus en plus étonnée cela fait quelques années que j'ai quittée l'Algérie à chaque fois que je descend pou r des vacances je ne comprend absolument rien .
 
راكي تشوفي يا ختي الوقت اللي لحقنا ليه انا راني موافقاتك في الراي المراة لازم تلبس الحوايج الي يليقو بالجنس نتاعها و التريكوات تاع اللاعبين نخلوهم للرجال ماش للنسا
 
انا عندي نورمال ونلبس تاع البولة مام لي ماشي تاوعنا في السبور



مشكوورة عالطرح
 
ليش لا انا عندي تيني بيدرو انتاع البارصا نروح بيه للاعراس هههههههههههههه
41160_1232886523.gif
 
الجيل هدا ربي يسطر منو حنا الظاهرة هده ماعندناش كانت في الايام لي كانو يلعب فيها الفريق مي درك ماشفتهاش صراحة وربي يحفظنا
 
انا عندي نورمال حنونة ياك الصراح انا عندي تريكو ميسي ونتاع عنتر يحي ونلعب بيه في سبور حاجة عادي هذي
شكرا على الموضوع
 
Les jeunes adolescentes haaaaaaaaaaaaaaabeltou vos parents
 
نورمال كي تلبس التريكو تاع اللاعبين
 
السلام عليكم
هي ماراهاش تقوليكم ماتلبسوش تريكويات لي جوار مي هي عطات غير مثال على هاد الجيل ماتعرفيش الطفل من الطفلة حت فالتمشية راهم يمشو كي لولاد
وانا راني موافقتها الراي
 
واش نقولك يا اختي والله كلامك صح انا ننخلع منين نشوف شوفات هك بصح مبعد نقول كل واحدد ويدبر راسو بصح طرحك للموضوع كان جيد هاد الدنيا راهي غير ماشيا وتزيد تتاgراvا
 
بارك الله فيك أختي على الموضوع فعلا النسا لازم يلبسو الحاجة اللي تليق بيهم
 
ارى منع لانوه تحط من قيمته وانه غير سا تر
 
بالاك انتي ما تحمليش

مي هادي راها رايجة وشايعة ونورمال
كيفاش انتي تحبي تاع زياني وما تحبيش ميسي

نورمالمو كيما ما تحبيش ميسي تاني ما تحبيش التيشورت تاع ميسي


وكا واحد وتخمامو

اما انا عندي نورمال كي نكون فالصالة ندير فالرياضة نلبس واش جا


ومشكورةةةةةةة خيتي على هاد الطرح
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom