ميت حيا قدام القهوة وسط الغاشي......ادخلو...

بنـ MaPa ـت

بنـ MaPa ـت

:: عضو بارز ::
أوفياء اللمة
ميت حيا قدام القهوة وسط الغاشي......ادخلو...

ـ،ـ السلام عليكم ورحمة الله وبركاته ـ،ـ

واش راكم حبابي نشالله بخير.....الحمد لله.......

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ملاحظة: لي يخاف فالليل مايقراش الموضوع داكور....:u_pc:
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


ـ نشالله مايكونش موضوع تقيل عليكم ـ


المفيد.....حكاولي وحد الجماعة على بزاف ناس يصراومعاهم كيما هاد لحكايات لي يخوفو......
وحد النهار توفى راجل...كانو دايينو باش يدفنوه....جازو على قهوة وعلى غفلة احيا الراجل وناد قدام القهوة...هادوك الرجال لي كانو رافدينو رماوه او هربو ولي كانو فالقهوة كامل تخلعو...........سبحان الذي يحيي ويميت......واشنو هو موقفك لهنا؟؟.....

ـ وحد العجوزة كبيرة شويا تسكن في برج البحري......قالك ماتت ربي يرحمها...دفنوها...وبعد يومين وهي فالقبر عاودت حيات في نص الليل.....ولات تعيط.....سمعها العساس تاع لقبور جاب لاپوليس وحفرو لقبر وخرجوها.....ولحد الآن ولادها ولافامي نتاحا مازالو يخافو منها.....

واش تقولو فيهم؟؟؟...

سبحان الله..
سبحان الله..
سبحان الله..

شكون فيكم سمع ولا شاف كيما هاد لحكايات؟؟....

سلام..:wink:​
 
هههههههههه صح كاين منهم و لازم نامنوا هذي قدرة الله سبحانه
 
نأمن ببن بوزيد مات وعاود حيا :music_whistling:...انسان أخر لالا
الصح مانأمنش خلاص بهذه الحكايات :no_no:​
 
تصرى هدى الغلطات والمشكل الغلطا تع الطبيب
لي قولهم راه مات هو مازال حي يتوقفو ضربات القلب ومن بعد يرجع يضرب
​
 
على بالك كاين منها فالمنطقة أنتاعنا كاين وحد العجوزة ماتت وكي خلاص ولاو رايحين يدفنوها حيات وقالتلهم شفت الآخرة وعذاب القبر وقالتلهم شفت كل حاجة درتها وصدقة تصدقتها ...هذي والله غير صح حكاتلي عليها امي ...قبل سنوات مين كانت النية والصلاح فالناس ...وهذي العجوزة إنسانة صالحة وطيبة بزاف يعرفوها كامل ...
وكاين واحد هذاك شاب صغير كان شوية مش طبيعي يعني عايش وحدو ويصيد فالعصافير يعني غريب شوية ...مات وبعدما كانو فالطريق رايحين يدفنوه ناض وولا يعيط ومن بعد هبطوه يعني كانو رافعينو فالجنازة ولقى روحو رايحين يدفنوه يا خي تخلع بزاف مسكين ...بصح نضن هذا ماماتش برك حبس قلبو ومافهمولوش برك ...نضن كاينة هذي لي قلتي عليها ....كثرت الهدرة ...يعطيك الصحة.
 
:scared:
انا غير قريت خفت بالصح
:surrender:
ربي يهدينا و يلطف بينا
​
 
مكانش منهم

انا منامنتش بالغولا كي كنت صغيرة باغيتني نامن بهادي الهدرة على كبري

بلاك جاو يخوفو بها الصغار خافو منها الكبار​
 
خلعتني خويا
اني خفت ولاكن الله على كل شئ قدير
 




نسمع بيهم بصح ما نامنش خلاصصصصصصص

حتى نشوف بعيني
 
لا لا اختي انا نمن بيها باسكو عندنا جارنا سيبون مات وامبعد كي جاو يدفنوه حيا


و اختو صاحبتي ودركا راهو متزوج و بلولاد


شكرا على الموضوع
 
انا مانامنش ناس راهي تهف برك
مدام ماشافتهاش عيني مانامنش​
 
ههههههه
كي يحياو هوما نموت انا
​
 

ربي يقدر على كل شيئ
افضل مثال القرآن الكريم المنزه عن الخطأ وواحد ما يشك في صدقوا
وكلنا نعرفوا قصة اهل الكهف لي موتهم ربي 300 عام ومباعد حياهم
حوايج كيما هادي يديرها ربي باش يعطي عبر للناس ويامنوا اكثر ويرجعوا ويتمسكوا بالدين اكثر ​
 
انا جدو بكري قالك حفرولو قبرو مع الاخر لقاوه ماشي ميت هههههههههههه والله العظيم
ومزالو عايش لدوك نورمال بصح ماشئ كيفكيف

ميرسي سندرين
 
مكانش منها ........................... ههههههههههههههههههههههههههههههههههههه

سمة انا ميتة ​
 
ما سمعت بيها ما شفتها
 
ان الله قادر على كل شيء
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom