وعلاش هكذا ...وين رايحين نروحوا بهذي العقلية؟؟

[DARINE05]

اولا نحيك موضوع هايل
ثاني شئ او من ليعاد الاستاذ يجي للتلميذ ويديرلو ليكور في الدار مبقاش
عاد دخص عليه واش تحبي

 

[مروة MARWA]

ههههههه اولpروف هو لي عاد يسايس التلميذ
التلاميد خرجو خرجة ماركيان انا سمعت بوحدة استاذة على جال نقطة طفل لاحلها موس في كرشها وطفرت فيها مسكينة
الله غالب يا ختي هادي الظاهرة صح انتشرت بزاف ربي يعين الاساتذة برك
---
مرسي على الموضوع المميز
​

 

[tarek ess]

كون جاو الاساتذة كامل كيما قوجيل واحد كان يقريني عربية في الليسي
واحد ما يقدر يغلط معاه
راسو بحجم التلفاز يهبط عليك بدماغ ما يلقاوكش

 

[سماح4]

والله يا ختي راه صاري العجب ما بقات حشمة الله يحفظ ويستر

احنا عندنا كل انواع الاعتداءات راهي موجودة ​

[/QUOTE
الله يحفظ ويستر يا ختي . وقت الكشف..شكرا.

 

[سماح4]

في وقت كيما هدا عاد كلشي نورمااااااااااااااااااااااااااال التلميد يضرب الاستاذ الابن يضرب الاب كل يوم نشوفو حوايج جدد يحبسولك راسك ربي يهدي ما خلق

فعلا كل انواع العنف ولات موجودة ...والسبب قلة التربية ...ربي يهدي ما خلق...شكرا.

 

[سماح4]

السلام عليكم
أنا في رأي المشكلة راهي في الأساتذة تاع درك ماشي في التلاميذ
لاني تحطيت في مواقف قريب وضربة أستاذ مع الأسف لاكني صبرت
فالأساتذة تاع وقتنا هذا حاسبين روحهم يعملونا التلاميذ كالعبيد

هههه ياسي مليح كي صبرت ...أنت في رايك الاستاذ هو الغالط ...نقللك لالا يا خويا أي إنسان يغلط لكن مانردش على أستاذي بالضرب مهما كان وعلى الاغلب الاستاذ راه يخمم في مصلحتك وإذا كان ظالم ما تقدرش تضربو لأنو لانو يبقى استاذك على بالي كاين أساتذة دمهم ثقيل ويغلطو بزاف لكن يبقى أستاذ في مكان الاب.....ربي يهدينا شكرا ليك

 

[fufa22]

ان خط مراسلكم مغلق او خارج مجال التغطية نرجو منكم المحاولة بعد حين
.........
no تعليق
​

 

[سماح4]

ياختي رانا نشوفو في لعجب مابقات حشمة مابقا قدر للاساتدة يهدرو معاهم بلا احترام ويرفعو صوتهم عليهم هدا واسمها جياحة يحب يبين روحو يديرو فيهم حالة يلعياط وهدا راجع للتربية بورتون رانا نقرا باش نترباو قبل مانتعلمو مي الله لا يشوفك اساتدة تخلاص عليهم بالضرب على خاطر غلط مع كاش طفل ولا زقى عليه وزيد ماشي الاستاد لي خاسر راهو ضامن بلاستو وشهريتو طالعة الحصلة في لولاد لي مايعرفوش صلاحهم مي لي يخلط في الاساتدة ويجيبها معاهم رجلة هوما تان مراحش يطلقوه غيرا صفروه ويجيبوه برا نورمالمون الاستاد عندو قدرو ومانوصلهاش معاه كل واحد في حالو نخطي بلاه سي ميو وكفاش رايحة تستناي بهدا الجيل انو يطور لبلاد هدي ننساوها ماتصراش كامل راهو غير تاع تمصخير


يعطيك الصحة سموحة ع الطرح الرائع ​

بارك الله فيك خلاصة الموضوع قلة التربية ...والأستاذ ماهو خاسر والو الي يخسر هو التلميذ بالدرجة الاولى.شكرا ليك على الرد المميز.

 

[afkaar]

في البيت يجد الطفل العنف و في المدرسة عنف و في الشارع عنف و من أمامه ومن خلفه عنف و على جانبيه أيضا, و فوق كل هذا ينتظر المجتمع منه أن يكبر كإ نسان سوي ذو شخصية متوازنة.
أنا برأيي أن ما نسمعه من أخبار كهذه-- ضرب التلاميذ لمعلميهم -- ما هو إلا ردة فعل على العنف الذي يمارسه المعلمون ضذ التلاميذ,,,,,, و في الحقيقة أتمنى أن توضع قوانين صارمة ضد العنف بكل أنواعه حتى يتحضر الأشخاص في أسلوب التعامل فيما بينهم و يسود المجتمع شيء من الرقي.​

 

[أفراح الجزائر]

ههه فكرتيني بقصة صرات ليما تقري العلوم في ليسي
درو رينيو تاع أساتذة ..وياسيدي المدير هدر حتى رسو درو (ملازمش تضربو التلاميذ ....يدخل روطار ماتسالوش كيفاش وعلاش ...ماحلش الواجب الله يسهل عليه .... )هدشي كامل باسكو التلميذ راهوا يتعقد من الاستاذ !!!!!!!!
قالت يما للمدير أنا عقدتني ياسي المدير
ياحنونتي هد القوانين كامل وماحبيتيش الطالب يضرب الاستاذ ...الله يهدينا​

 

[Sârsoùra L'mkàlChà]

ياحصرااااااه راكي تهدريلي على مدارسنا
ياا هنا تتوقعي كلش يصير ماشي غير هك
​

 

[سماح4]

السلام عليكم
موضوع يستحق النقاش
نعم اختاه هذه الظاهرة طغت بشكل كبير
وهناك عدة اسباب
في رأيي
اولا
قلـــــــــــــــــــــــــة التربية وتدني مستوى الاخلاق عند الكثير من التلاميذ
وهنا نرجع للاهل الذي يدافع عن ابنه تجد الاب يحمل الاستاذ مسؤولية ماحدث
لان الاستاذ ضرب ابنه
ونقولو لمش حاب وليدو يتضرب خليه عندو ويدرسه
كذلك
تقليد التلاميذ لبعضهم
وانتشار مصلطح الرجلة هههههه عند كثير من التلاميد والطلاب
نقطة اخرى وتتمثل في
البرامج التعليمية الخاطئة التي يتلقاه التلاميد منذ المرحلة الابتدائية
لانه حسب البرنامج الجديد
لا نرى الا الاختراعات والفيزياء والكيمياء
لاننا نريد ان نبني جيل يحترف ويخترع ويضرب الاستاذ في الاخير
وكذلك
تدني قيمة الاستاذ عند الحكومة وعدم اعطائها قيمة للاستاذة وتحمليه المسؤولية​

نسال الله الصلاح لهدا البلاد ​

شكرا
ربي يوفقك ويجازيك​

السلام عليكم​

كفيت ووفيت يا فؤاد جزاك الله خيرا بارك الله فيك ...ربي يهدي شبابنا.

 

[سماح4]

اولا نحيك موضوع هايل
ثاني شئ او من ليعاد الاستاذ يجي للتلميذ ويديرلو ليكور في الدار مبقاش
عاد دخص عليه واش تحبي

حياك الله أختي ...ممكن لي قلتيه هو أحد الاسباب ...شكرااا

 

[سماح4]

ههههههه اولpروف هو لي عاد يسايس التلميذ

التلاميد خرجو خرجة ماركيان انا سمعت بوحدة استاذة على جال نقطة طفل لاحلها موس في كرشها وطفرت فيها مسكينة
الله غالب يا ختي هادي الظاهرة صح انتشرت بزاف ربي يعين الاساتذة برك
---
مرسي على الموضوع المميز​

ربي يهدينا وخلاص ...لازم حل جذري من أصحاب القرار...شكرا ليك.

 

[سماح4]

شكرا للجميع على مشاركاتكم وأرائكم الطيبة ...ربي يجيب الخير.

 

[MAN1850]

اسمحولي بزاف بصح ولله غير قريب 100% من السلك التعليمي كامل يستاهلو
حاشاكم ولله غير رخاس و لو كان تشوفي مليح تلقاي بلي هوما الي يضيعو التلاميذ
الله يهديهم​

 

[Bob Marley]

كونت نقرا وكونت تع مشاكل وكل يوم مسحت البراة وديما الفوضى ومعارك مع المعلمينمي جامي ضربت معلم او سبيت جامي مادرتهاش والحمد لي الله الان نتلاق بيهم بقدري معاهم

 

[aMiNa-K]

السلام عليكم

هدا قاع باسكو خرجو قانون " ممنوع الضرب" :glare:.. التلاميد لقاوها خابزة
تربية اخر الزمان

الله يكون في عونكم اختي​

 

[DARINE05]

حتى الاساتذة راهم يطلعو لي نار لازم غير نقولوله هيه على كلش ولا ماناش متربيين

كي يحترم الاسناذ روحو يحتارمو التلميذ

 

[soumma]

الله يهدي التلاميذ اجمعين
ناساو بلي الرسول "صلى الله عليه وسلم " قال "كاد المعلم ان يكون رسولا"
حتى وين ولا صاري العجب في بلادنا
انا في رايي جابلي ربي بلي الاولياء هما الي زادو شجعو ولادهم
على التمرد على الاساتذة كي ولاو يدخلو في الخدمة تاع الاستاذ
ويعطو الحق لولادهم و ظنو بلي الاستاذ دايمن هو الغالط
مشكورة على الموضوع​